Connect with us

පුවත්

ඔක්තෝබරයේ එන චීන නැවක් ගැන ඉන්දියාව සීරුවෙන්!

Published

on

චීනයේ තවත් සමුද්‍ර පර්යේෂණ නෞකාවක් ඔක්තෝබර් මස අගදී කොළඹ සහ හම්බන්තොට වරාය වෙතට පැමිණෙනු ඇති බව බව ඉන්දීය මාධ්‍ය වාර්තාකර තිබේ.

Shi Yan 6 නම් මෙම නෞකාවට ශ්‍රී ලංකාවේ අවසර තවමත් හිමිවී නැති බව පැවසේ.

මෙම සම්බන්ධයෙන් කනස්සල්ල පළ කරන ඉන්දියාව, මෙම කාරණය සම්බන්ධයෙන් ඉහළම මට්ටමක් දක්වා ගෙන ගොස් ඇති බවද එම මාධ්‍ය වාර්තා වැඩිදුරටත් පවසයි.

එම වාර්තා පෙන්වා දෙන්නේ මෙම නෞකාව පැමිණෙන්නේ පසුගියදා ඉන්දියාවේ සංචාරයක නිරතවූ ජනාධිපති රනිල් වික්‍රමසිංහ මහතා ඉන්දියාවේ සංවේදී ආරක්ෂක සහ ක්‍රමෝපාය අභිලාෂයන් සම්බන්ධයෙන් අවධානය යොමුකරන බවට අග්‍රාමාත්‍ය නරේන්ද්‍ර මෝදි වෙත සහතික වී ඇති පසුබිමකය.

පසුගිය වසරේ අගොස්තු මාසයේදී යුවාන් වාන්ග් 5 නැමැති චීන පර්යේෂණ නෞකාව හම්බන්තොට වරාය වෙත පැමිණිමේදී ද ඉන්දියාව විසින් දැඩි ලෙස කනස්සල්ල පළ කර තිබුණි.

නැව එන්න තිබ්බෙ කොවිඩ් වසංගතයටත් පෙර?

කෙසේවෙතත්, නිවුස් ෆස්ට් වාර්තා කරන අන්දමට ශ්‍රී ලංකා නාවික හමුදාව පවසා ඇත්තේ මෙම නෞකාවේ පැමිණීම සම්බන්ධයෙන් දැනුවත් නොවන බවයි. එවැනි නෞකාවක් ශ්‍රී ලංකා මුහුදු තීරයට ඇතුළුත් වීමට පෙර ඒ පිළිබඳව ආරක්ෂක අමාත්‍යාංශය හරහා නාවික හමුදාව දැනුවත් කළ යුතු බවයි.

කෙසේවෙතත්, මේ සම්බන්ධයෙන් අදහස් දක්වමින් නාරා ආයතනය නිවුස් ෆස්ට් වෙත පවසා ඇත්තේ මෙම නෞකාවේ පැමිණීම මෙරට රුහුණු විශ්වවිද්‍යාලය සමඟ ඇතිකරගත් එකඟතාවක කොටසක් බවයි.

තමන්ගේම පර්යේෂණ සඳහා ජල සාම්පල ලබා ගැනීමට මෙම යාත්‍රාව හා සම්බන්ධ වන බව පවසා ඇති නාරා ආයතනයේ නිලධාරීන්, වැඩිදුරටත් පවසා ඇත්තේ මෙම පර්යේෂණ කටයුතු දකුණු වෙරළ තීරයේ පමණක් සිදුකරන බවයි. මෙම නෞකාව මෙරටට ඒමට නියමිතව තිබුණේ කොවිඩ් වසංගතයටත් පෙර බවත්, එය කිහිප වතාවක්ම ප්‍රමාද වූ බවත් ඔවුන් පවසා ඇත. තවද, මෙය ඉන්දියාවට ගැටළුවක් නොවනු ඇති බව විශ්වාස කරන බවද නාරා ආයතනය වැඩිදුරටත් පවසා ඇත.

නොබැඳි ප්‍රතිපත්තියක් ; රටවලට සම අවස්ථා

මේ සම්බන්ධයෙන් ඊයේ (15) පැවති කැබිනට් මාධ්‍ය හමුවේදීද මාධ්‍යවේදීන් ප්‍රශ්ණ නගා තිබුණි. ඊට ප්‍රතිචාර දක්වමින් කැබිනට් ප්‍රකාශක – අමාත්‍ය බන්දුල ගුණවර්ධන මහතා පවසා සිටියේ ඉන්දියාව කනස්සල්ල පළ කිරීම පිළිබඳ වාර්තාවක් ගැන තමා දැනුවත් නැති බවත්, රජය ඒ පිළිබඳව සලකා බලනු ඇති බවත්ය.

“අපේ නොබැඳි ප්‍රතිපත්තිය යටතේ රටවල් වලට විශේෂතාවයකින් තොරව සම අවස්ථා තමයි රටක් වශයෙන් ලබා දෙන්නෙ,” යැයි ඔහු වැඩිදුරටත් පැවසීය.

පුවත්

කෑගල්ල උණුසුම් වූ බස් අනතුර

Published

on

By

කෑගල්ල අවිස්සාවේල්ල මාර්ගයේ කොට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී තිබේ.

අද (18) පස්වරු 4.00ට පමණ මෙම අනතුර සිදුව ඇති අතර එම අනතුරින් පුද්ගලයින් 26 දෙදෙනකු තුවාල ලබා ඇති බවත් ඉන් දෙදෙනෙකුගේ තත්ත්වය බරපතළ බවත් වාර්තා වේ.

නුවර සිට අවිස්සාවේල්ල බලා ධාවන වූ පෞද්ගලික බස් රථයක් අධික වේගය සහ අපරික්ෂාකාරී ලෙස වෙනත් වාහනයකට ඉස්සර කිරීමට යාමත් සමග මෙම අනතුර සිදුව ඇතැයි පොලීසිය පවසයි.

තුවාලකරුවන් කෑගල්ල මහරෝහලයට සහ තොරනගහපිටිය ග්‍රාමීය රෝහලට ඇතුළත් කළ බවයි පිංදෙණිය පොලීසිය ප්‍රකාශ කර සිටී.

අනතුරට පත් එක් බස් රථයක රියදුරෙකු බරපතළ තත්ත්වයේ ප්‍රතිකාර ලබන අතර අනෙක් රෝගියා කාන්තාවක් බවයි වාර්තා වේ.

Continue Reading

පුවත්

“මුලින්ම තියන්නේ ජනාධිපතිවරණය නෙමෙයි”

Published

on

By

ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්‍රී ලංකා තානාපති උදයංග වීරතුංග මහතා පවසයි.

පෞද්ගලික රූපවාහිනී නාලිකාවක් සමඟ පැවති සාකච්ඡාවකට එක් වෙමින් උදයංග වීරතුංග මහතා මේ බව සඳහන් කලේය.

මේ සම්බන්ධයෙන් ජනාධිපතිවරයා සමග එකඟත්වයට පැමිණ අවසන් බවද ජනාධිපතිවරණයට පෙර මහ මැතිවරණය පැවැත්වීමට ඇති කරගෙන ඇති එකඟතාව පිළිබඳව දන්නේ  ශ්‍රී ලංකා පොදු ජන පෙරමුණේ එක් අයකු පමණක් බවද ඔහු මෙහිදී පවසා ඇත.

“ අගමැති අපේක්ෂකයෙක් නම් කරන්න බලාපොරොත්තුවක් නැහැ. ධම්මික පෙරේරා ඉතා ප්‍රබල අපේක්ෂකයෙක් විදියට ඉදිරිපත් වෙනවා. ඒ තීරණය තියෙන්නේ පොහොට්ටුවේ එක ඔලුවක විතරයි. පාර්ලිමේන්තු මැතිවරණයක් එනවා. පාර්ලිමේන්තුවේ බහුතරය ඒකට විරුද්ධයි. අනුර කුමාරත් විරුද්ධයි. ජාතික ජන බලවේගයට රැල්ලක් ඇවිල්ලා තියෙන්නේ සමාජ මාධ්‍යයෙන් පමණයි. ශ්‍රී ලංකා පොදු ජන පෙරමුණේ අපේක්ශකයා රනිල් වික්‍රමසිංහ නෙමෙයි. ඒක දැන් තීරණය කරල ඉවරයි.”

Continue Reading

පුවත්

ඇල්ල – වැල්ලවාය මාර්ගය යළිත් වැසෙයි

Published

on

By

ඇල්ල – වැල්ලවාය ප්‍රධාන මාර්ගය අද (18) රාත්‍රී 8 සිට හෙට (19) උදෑසන 6 දක්වා ගමනාගමනය සඳහා වසා තැබීමට යළිත් තීරණය කර තිබේ.

අයහපත් කාලගුණික තත්ත්වය හේතුවෙන් එම තීරණය ගත් බව දිස්ත්‍රික් ලේකම්වරයා පවසයි.

Continue Reading

Trending

Copyright © 2023 Sri Lanka Mirror. All Rights Reserved