Connect with us

පුවත්

කන්දකාඩු හමුදා ගොවිපොළට පැන්න අලියා මරා; සිරුර වළලලා

Published

on

පොළොන්නරුව කන්දකාඩු යුද හමුදා ගොවිපොළ භූමියට අයත් ප්‍රදේශයේ මීට දින දෙකකට පමණ ඉහතදී වෙඩි තබා හෝ විදුලි සැරවද්දවා මියගිය පසු එම අලියා වළදමා කොළ අතුවලින් වසා දමා ඇති බව සෝමාවතිය වනජීවී නිලධාරින් සඳහන් කරයි.

එම අලියාගේ සිරුරේ කොටසක් වළදමා, ඉතිරි කොටස පස්වලින් වසා ඊට උඩින් මයිල කොළ අතුවලින් වසා ඇතැයි සෝමාවතිය අඩවි සහකාර සී.ඒ. වනසිංහ මහතා මාධ්‍යට හෙළිකර ඇත.

පුද්ගලයකුගෙන් ලද තොරතුරක් අනුව එම වන අලියා මරා වළදමා ඇති ස්ථානය පස් වැනිදා උදෑසන සොයා ගැනීමට හැකි වූ බවද වනසිංහ මහතා හෙළිකර තිබේ.

වන අලියා වෙඩි තබා හෝ විදුලි සැරවද්දවා මරන්නට ඇති බවට සැකකරන අතර පසුව පරීක්ෂණ කටයුතු වසන් කිරීමට මෙම අලියා විශාල වළක් හාරා වළදමා ඊට උඩින් මයිල කොළ, ඉති හා වෙනත් ශාක අතු සහ විවිධ කොළවලින් වසා දමා ඇති බවද පරීක්ෂණ පවත්වන සෝමාවතිය වනජීවී නිලධාරින් සඳහන් කරයි.

මේ පිළිබඳ 05 වැනිදා පොළොන්නරුව මහෙස්ත්‍රාත් අධිකරණයට කරුණු වාර්තා කිරීමෙන් අනතුරුව වන අලියාගේ සිරුර ගොඩගෙන ගිරිතලේ වනජීවී පශු වෛද්‍යවරුන් විසින් පශ්චාත් මරණ පරීක්ෂණ කටයුතු සිදුකිරීමට නියමිත බවද වනසිංහ මහතා අප කළ විමසීමකදී සඳහන් කළේය.

මූලාශ්‍රය – අරුණ

ක්‍රීඩා

යුපුන් ජර්මනියේදීත් එක වෙයි

Published

on

By

ජර්මනියේ පැවති Internationales Leichtathletik Meeting මලල ක්‍රීඩා ශුරතා තරගාවලියේදී පිරිමි මීටර 100 ධාවන ඉසව්වේ ප්‍රථම ස්ථානය දිනා ගැනීමට යුපුන් අබේකෝන් ඊයේ (24) සමත් විය.

ඔහු මෙම ඉසව්ව අවසන් කළේ තත්පර 10.16කිනි. 

යුපුන් මූලික වටයේදී තත්පර 10.15 දක්ෂතාවක් වාර්තා කරමින් ප්‍රථම ස්ථානය දිනා අවසන් තරගයට සුදුසුකම් ලැබූ අතර එම කාලය වාර්තා වුණේ යුපුන් මෙම කාලසීමාවේදී දැක් වූ හොඳම දක්ෂතාවය ලෙසය.

Continue Reading

පුවත්

තරුණයින් 2කගේ සිරුරු මල්වානේ කුඹුරක

Published

on

By

දොම්පේ  මල්වාන මායිවල ප්‍රදේශයේ කුඹුරක පාවෙමින් තිබූ මලසිරුරු දෙකක් හමුවූ බව දොම්පේ පොලිසිය පවසයි.

පොලිසි හදිසි ඇමතුම් අංකයට ලද තොරතුරක් මත පොලිස්  නිලධාරින් කණ්ඩායම් ගොස් සිදු කළ නිරීක්ෂණයේදී මෙම මල සිරුරු දෙක සොයා ගැනීමට හැකි වී ඇතග

මෙලෙස මියගොස් ඇත්තේ රම්බොඩ නාවලතැන්න ප්‍රදේශයේ පදිංචිකරුවන් වන අවුරුදු 19 සහ 29 වයස්වල තරුණයන් දෙදෙනෙකි.

සිද්ධි සම්බන්ධයෙන් දොම්පේ පොලිසිය වැඩිදුරටත් පරීක්ෂණ පවත්වයි.

Continue Reading

පුවත්

තරුණයෙක් ගුවන් පාලමකින් අධිවේගී මාර්ගයට පැනලා

Published

on

By

දක්ෂිණ අධිවේගී මාර්ගයේ අතුරුගිරිය සහ කොට්ටාව අතුරු මාර්ගයක පාලමේ සිට දක්ෂිණ අධිවේගී මාර්ගයට පැනීම නිසා ධාවනය වෙමින් තිබූ වාහනයක ගැටුණු තරුණයකු බරපතල තුවාල ලබා හෝමාගම මූලික රෝහලට ඇතුලත් කර ඇතැයි අතුරුගිරිය පොලිසිය පවසයි.

මෙම තරුණයා සිය දිවි නසා ගැනීමට මෙලෙස අධිවේගී මාර්ගයට පැන්නාද නැතහොත් වෙනත් පාර්ශවයක් විසින් පාලම මත සිට එම තරුණයා අධිවේගී මාර්ගයට තල්ලු කාළා ද යන්න පිළිබඳව පරීක්ෂණයක් ආරම්භ කළ බවද පොලිසිය පවසයි.

මෙලෙස අනතුරට ලක්ව ඇත්තේ අතුරුගිරිය වල්ගම සුව මාවත සිසිලස උද්‍යානයේ පදිංචිකරුවකු වන 24 හැවිරිදි තරුණයෙකි.

සිද්ධිය සම්බන්ධයෙන් අතුරුගිරිය පොලිසිය වැඩි දුරටත් පරීක්ෂණ පවත්වයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved