Connect with us

පුවත්

ක්ලබ් වසන්ත ඝාත­නයේ සැකකරුවන් 22 දක්වා රිමාන්ඩ්

Published

on

අතු­රු­ගි­රිය නග­රයේ ටැටූ මධ්‍ය­ස්ථා­න­යක් තුළ දී සිදුවූ වෙඩි තබා දෙදෙ­නකු ඝාත­නය කිරීමේ සිද්ධිය සම්බ­න්ධ­යෙන් අතු­රු­ගි­රිය පොලි­සිය මගින් අත්අ­ඩං­ගු­වට ගත් එම ටැටූ මධ්‍ය­ස්ථා­නයේ හිමි­කරු ඇතුළු සැක­ක­රු­වන් හත් දෙනකු  අධි­ක­ර­ණය වෙත ඉදි­රි­පත් කිරී­මෙන් අන­තු­රුව ලබන 22 දින දක්වා රක්ෂිත බන්ධ­නා­ගා­ර­ගත කරන ලෙස කඩු­වෙල මහේ­ස්ත්‍රාත් චානිමා විජ­ය­බ­ණ්ඩාර මහ­ත්මිය ඊයේ (10) දින නියෝග කළාය.

මෙහිදී පොලි­සිය මඟින් අදාළ සැක­ක­රු­වන් හත් දෙනා සඳහා පැය 48ක කාල­යක් රැඳ­වුම් නියෝග ලබා­දෙන ලෙස අධි­ක­ර­ණ­යෙන් ඉල්ලා සිටි  අව­ස්ථා­වේදී මෙම සැක­ක­රු­වන් බන්ධ­නා­ගා­ර­ගත කිරී­මෙන් එම පරී­ක්‍ෂණ කට­යු­තු­ව­ලට බාධා­වක් වන්නේ­දැයි මහේ­ස්ත්‍රා­ත්ව­රිය පොලි­සි­යෙන් විමසා සිටි­යාය.

එහිදී පොලි­සිය සෑහී­ම­කට පත්විය හැකි පිළි­තු­රක් ලබා නොදුන් බැවින් එම ඉල්ලීම ප්‍රති­ක්ෂේප කර සැක­ක­රු­වන් රක්ෂිත බන්ධ­නා­ගා­ර­ගත කිරී­ම­ටත් අවශ්‍ය ප්‍රශ්න කිරීම් බන්ධ­නා­ගා­රය තුළ දී සිදු­කි­රී­ම­ටත් නියෝග කළාය.

මෙහි දී ප්‍රධාන සැක­කරු වන අදාළ ටැටූ මධ්‍ය­ස්ථා­නය හිමි­කරු වන දුලාන් සංජුල ද සිල්වා වෙනු­වෙන් පෙනී සිටි නීතිඥ නුවන් ජය­ව­ර්ධන මහතා විසින් තම සේවා­දා­ය­ක­යාට රහස් ප්‍රකා­ශ­යක් ලබා­දී­මට අවශ්‍ය බව අධි­ක­ර­ණය හමුවේ කරුණු දැක්වූ අතර ඒ පිළි­බඳ සලකා බලා ඉදි­රියේ දී නියෝ­ග­යක් ලබා දෙන බව ද එහි මහේ­ස්ත්‍රා­ත්ව­රිය  ප්‍රකාශ කළාය.

එසේම නියෝජ්‍ය පොලි­ස්ප­ති­ව­ර­යකු මෙම සැක­ක­රු­වන් මාධ්‍ය ඉදි­රියේ තබා­ගෙන ප්‍රශ්න කර­කර එය පටි­ගත කර විද්‍යුත් මාධ්‍ය සහ සමාජ මාධ්‍ය ජාලා­වල ප්‍රචා­ර­ණ­යට සැලැ­ස්වීම සම්බ­න්ධ­යෙන් විත්ති­ක­රු­වන් වෙනු­වෙන් පෙනී සිටි නීති­ඥ­යන් අධි­ක­ර­ණය හමුවේ කරුණු මතු කළ අව­ස්ථා­වේදී  ඒ සම්බ­න්ධ­යෙන් මහේ­ස්ත්‍රාත් චානිමා විජ­ය­බ­ණ්ඩාර මහ­ත්මිය ප්‍රකා­ශ­යක් කර­මින් මෙම සැක­ක­රු­වන් අධි­ක­ර­ණ­යට ඉදි­රි­පත් කිරී­ම­ටත් පෙර විද්‍යුත් නාළි­කා­වල සහ සමාජ මාධ්‍ය මඟින් රැඳ­වුම් නියෝග ලබා­ගෙන ඇති බවට ප්‍රචා­රය වී තිබීම පිළි­බඳ පොලි­සිය දැඩි ලෙස දෝෂ­ද­ර්ශ­න­යට ලක් කළාය.

එලෙස රක්ෂිත බන්ධ­නා­ගා­ර­ගත කරන ලද්දේ අදාළ ටැටූ මධ්‍ය­ස්ථා­නයේ හිමි­කරු වන බළ­පි­ටිය මොහො­ට්ටි­යා­වත්ත ශ්‍රී ගුණා­නන්ද මාවත පදිංචි බළ­පි­ටි­යගේ දුලාන් සංජුල ද සිල්වා (28) නමැති ධීව­ර­යකු සහ ටැටූ ශිල්පි­යකු,  අහු­න්ගල්ල පාගො­ඩ­මුල්ල ධම්ම­කු­සල පෙදෙස පදිං­චි­ක­රු­වකු වන යගම මහේෂ් ධනුෂ්ක ද සිල්වා (27) නමැති හිටපු යුද හමුදා සෙබ­ළකු, බොල්ල­ත්තාව දෙණිය පාර තුප්පහි මුද­ලිගේ යෝහාන් කාවින්ද ද සිල්වා (24),   අම්බ­ල­න්ගොඩ රතු කුරුස නිවාස ගාර්දි පුංචි හේවගේ රසික ලක්මාල් (37) නමැති පෞද්ග­ලික බස් රථ කොන්දො­ස්ත­ර­ව­ර­යකු,  බෙලි­අත්ත දම්මුල්ල ගම්මඩු ගෙදර විජය නායක කම්කා­න­න්ලාගේ චතු­රංග ලක්මාල් (37) නමැති ත්‍රිරෝද රථ රියැ­දු­රකු,  බෙලි­අත්ත පාළු­වත්ත විල්සන් පාර සෙල්ල හැන්දි චලංක කේෂාන් (28) හැවි­රිදි එළ­වළු වෙළෙ­න්දකු, බෙලි­අත්ත අත්බෝ­ධිය ගණිෂ්ක ජය­රු­වන් විජේ­සිරි (31) නමැති වාහන සීස­ර්ව­ර­යෙකි. අදාළ අප­රා­ධය සිදු වූ අතු­රු­ගි­රිය – කඩු­වෙල පාර ටැටූ  ආය­ත­නයේ හිමි­කරු ලෙස පෙනී සිටි­මින් ඩුබායි රටේ සිටින සංවි­ධා­නා­ත්මක අප­රා­ධ­ක­රු­වකු වන ලත්තුවා හන්දි සංජීව පුෂ්ප කුමාර හෙවත් “ලොකු පැටී” යන අය­ගෙන් රුපි­යල් ලක්ෂ දහ­ස­ය­කට ආසන්න මුද­ලක් ලබා­ගෙන ඝාත­න­යට ලක් වූ සුරේන්ද්‍ර වසන්ත පෙරේරා නොහොත් ක්ලබ් වසන්ත යන අය අදාළ ස්ථාන­යට ගෙන්වී­මට කට­යුතු කිරීම යටතේ එහි හිමි­කරු වන බළ­පි­ටි­යගේ දුලාන් සංජුල ද සිල්වා යන අය අධි­ක­ර­ණය වෙත ඉදි­රි­පත් කර තිබුණි.

එසේම ඩුබායි රටේ සිටින ලොකු පැටී  නමැ­ත්තාගේ දැනුම් දීම මත අදාළ වෙඩි­ක්ක­රු­වන් පැමිණි ව්‍යාජ අංක යෙදූ මෝටර් රථය අම්බ­ල­න්ගොඩ ප්‍රදේ­ශයේ සිට සිද්ධි­යට පෙර දින­යේදී අතු­රු­ගි­රිය – ගල්පො­ත්තාව පාර ප්‍රදේ­ශ­යට රැගෙන විත් තවත් පුද්ග­ල­ය­කුට එම මෝටර් රථය භාර­දී­මට සහාය වීම සම්බ­න්ධ­යෙන් යගම ගමගේ මහේෂ් ධනුෂ්ක ද සිල්වා යන අයට චෝදනා ඉදි­රි­පත් කර තිබුණි.

එසේම අනෙක් සැක­ක­රු­වන් අප­රා­ධ­යට අනු­බ­ල­දීමේ චෝදනා යටතේ අධි­ක­ර­ණය වෙත ඉදි­රි­පත් කර තිබුණි.

පැමි­ණිල්ල වෙනු­වෙන් අතු­රු­ගි­රිය පොලි­සිය කට­යුතු කළ අතර විත්ති­ක­රු­වන් වෙනු­වෙන් නුවන් ජය­ව­ර්ධන මහතා ප්‍රමුඛ නීතිඥ කණ්ඩා­ය­මක් පෙනී සිටි­යහ.

(දිනමිණ)

පුවත්

ආහාර කිහිපයක මිල පහළට

Published

on

By

ආපනශාලා ආහාර මිල පහළ දැමීමට තීරණය කළ බව සමස්ත ලංකා ආපනශාලා හිමියන්ගේ සංගමය පවසයි.

විදුලි ගාස්තු පහළ දැමීම හේතුවෙන් ඔවුන් මේ තීරණය ගෙන තිබේ.

ඒ අනුව ෆ්‍රයිඩ් රයිස්, කොත්තු සහ බත් මිල රුපියල් 25කින් අඩු කර තිබෙන බවයි වාර්තා වේ.

පරාටා, බිත්තර රොටි ඇතුළු කෙටි ආහාර රුපියල් 10කින් අඩු කර තිබේ.

Continue Reading

පුවත්

කොටුව දුම්රියපොළ ඉදිරිපිට මළ සිරුරක්

Published

on

By

කොටුව දුම්රිය ස්ථානය ඉදිරිපිට මාර්ගය අසල රැඳී සිටි පුද්ගලයෙකු මියගොස් තිබේ.

ඒ, සම්බන්ධයෙන් ඊයේ (15) රාත්‍රී කාලයේ කොටුව පොලීසියට ලද තොරතුරක් මත විමර්ශන ආරම්භ කර ඇති බව සඳහන්ය.

මරණකරුගේ අනන්‍යතාවය මෙතෙක් තහවුරු වී නැති අතර මරණකරු අත්කොට කමිසයක් සහ රතු පැහැති සරමක් හැඳ සිටින අතර ඔහුට වයස අවුරුදු 60ත් 65ක් පමණ විය හැකි බවයි පොලීසිය පවසයි.

එම පුද්ගලයා උස අඩි 05යි අඟල් 04ක් වන තළෙළු, කෙට්ටු සිරුරකින් යුත් පිරිමි පුද්ගලයෙකි.

සිද්ධිය සම්බන්ධයෙන් කොටුව පොලීසිය විසින් වැඩිදුර විමර්ශන ක්‍රියාත්මකය.

Continue Reading

පුවත්

හිරුණිකාට මාරුවක්

Published

on

By

තරුණයකු පැහැරගෙන ගොස් අයුතු ලෙස සිරකර තබා පහරදීමේ චෝදනාවකට බරපතළ වැඩසහිත වසර තුනක සිර දඬුවම් සහ දඩ මුදල් නියම වී මේ වනවිට බන්ධනාගාරගතව සිටින හිරුණිකා ප්‍රේමචන්ද්‍ර මහත්මිය කාන්තා සිරමැදිරියේ වැඩ අංශයට යොමුකර තිබේ.

කෙසේ වෙතත් වැඩ අංශයේ ඇයට පැවරී ඇති රාජකාරිය කුමක්දැයි අනාවරණය වී නොමැත.

හිටපු පාර්ලිමේන්තු මන්ත්‍රී හිරුණිකා ප්‍රේමචන්ද්‍ර 2015 වසරේදී දෙමටගොඩ ප්‍රදේශයේ වෙළඳසැලක සේවය කළ තරුණයකු ඩිෆෙන්ඩර් රථයකින් පැහැරගෙන ගොස් අයුතු ලෙස සිරකර තබා පහරදීමක් සම්බන්ධයෙන් මේ වනවිට බරපතළ වැඩ සහිත වසර තුනක සිර දඬුවම් නියම වී සිටී.

Continue Reading

Trending

Copyright © 2023 Sri Lanka Mirror. All Rights Reserved