Connect with us

පුවත්

කාදිනල් උන්වහන්සෙට ඕන මාව හිරේ යවන්නයි – මෛත්‍රී

Published

on

සහරාන්ගේ ගෝලයෝ සුවසේ හිරගෙදර සැප විඳිද්දී තමා මරාගන කන්න උත්සාහ කරන බවත්, කාදිනල් උන්නාන්සේට අවශ්‍යව ඇත්තේ තමා හිරේ දැමීමට හෝ එල්ලුම් ගස් යැවීමට බවත්, සති තුනකින් තමා සහරාන්ගේ කල්ලිය විනාශ කළ බවත් හිටපු ජනාධිපති මෛත්‍රිපාල සිරිසේන පැවසීය.

පාස්කු ප්‍රහාරයේ වාර්තාව සම්බන්ධයෙන් ශ්‍රී ලංකා නිදහස් පක්ෂ මූලස්ථානයේ පැවැති මාධ්‍ය හමුවකදී හිටපු ජනාධිපතිවරයා මේ බව පැවසීය.

වැඩිදුරටත් අදහස් දැක්වූ හිටපු ජනාධිපතිවරයා,

මම ජනාධිපති ලෙස හිටපු කාලේ පාස්කු ප්‍රහාරය ඇතිවෙච්ච වෙලාවේ සති තුනක් ඇතුළත සහරාන්ගේ ත්‍රස්තවාදී සංවිධානය සම්පූර්ණයෙන්ම විනාශ කරලා දාන්න පුළුවන්කම ලැබුණා. ඒක කරන්න පුළුවන් වුණේ ඒ වෙලාවේ පැවැති ත්‍රස්තවාදය වැළැක්වීමේ පනත නිසයි. රටකට ත්‍රස්තවාදය වැළැක්වීමේ පනතක් අවශ්‍යයි. මේ පනත බරපතළ වැඩියි, දරුණු වැඩියි කියලා මගේ කාලයේදීත් ජාත්‍යන්තරයෙන් බලපෑම් ආවා. ඒ පනත අහෝසි කරලා තමයි මේ අලුත් පනතක් එන්නේ.

ලෝකයේ ත්‍රස්තවාදී ප්‍රහාර සිදුවූ පසුව ඒවායේ වාර්තා එන්න අවුරුදු දහය පහළොව ගිහින් තියෙනවා. අපේ රටේ පනතක් මගින් සිදුවිය යුත්තේ එවැනි ආකාරයේ ප්‍රමාදයන් සිදු නොවී පවතින නීතිමය බලය ත්‍රස්තවාදය සඳහා පමණක් භාවිත කිරීමයි.

පාස්කු ප්‍රහාරය ගැන අද අවුල් සහගත තත්ත්වයක් තියෙන්නේ. ඒ නිසා අද වනතුරු අවසන් පරීක්ෂණ වාර්තාවක් නෑ. ත්‍රස්තවාදය වැළැක්වීමේ පනත අවශ්‍ය වන්නේ ත්‍රස්තවාදය සඳහා පමණයි වෙනත් කාරණා සඳහා නොවෙයි.

පාස්කු ප්‍රහාරය සම්බන්ධයෙන් මම පත්කරපු කොමිෂන් සභාවේ වාර්තාව කොමසාරිස්වරු ගිහින් හිටපු ජනාධිපතිවරයාට භාර දෙද්දී, වෙනම ෆයිල් එකක් ගිහින් භාර දුන්නා ජනාධිපතිට විතරක්. ඒවත් දෙන්න එළියට. කාදිනල් උන්නාන්සේට ලොකු වුවමනාවක් තියෙනවා මේක ඉක්මනට ඉවර කරලා මාව හිරේ දාන්න හරි එල්ලුම් ගස් යවන්න හරි. නමුත් ඒ පාපකර්මය ඔහු ඉවර කරන්න හදන්නේ මේ පරීක්ෂණ ඉවර නොවී. මේ පරීක්ෂණ තවමත් යවනවා. ලෝකයේ රටවල් ගණනක බුද්ධි අංශවල විශේෂඥයෝ ලංකාවට ආවා. සහරාන්ගේ ජංගම දුරකථනයේ දත්ත එක්තරා රටක බුද්ධි අංශවලට ගෙනියන්න දුන්නේ කවුද. ඒවායේත් ඇති කරුණු. මේක නූල් බෝලයක් වගේ පැටලුණු එකක්.

පාස්කු ප්‍රහාරයේ වාර්තාව කතෝලික සභාවට දෙන්න පෙර පාර්ලිමේන්තුවට දෙන්න.මාව මරාගෙන විතරනේ කන්න හදන්නේ. මගේ මස් මාළු ඇට මිදුලු විතරයි කන්න හදන්නේ. සහරාන්ගේ ගෝලයෝ ඉන්නවා. මම සති තුනකින් සහරාන්ගේ කල්ලිය විනාශ කළා. පෙර කරුමයක් මගේ පස්සේ එළවනවා. බෝම්බ ගහපු එවුන්ට විරුද්ධව නඩු පවරපල්ලකෝ. ඒ පස්සේ පලයල්ලකෝ. ත්‍රස්තයෝ හොඳට නාලා,සබන් ගාගෙන,කාලා බීලා හිර ගෙදර ඉන්නවා. අපිට තමයි වැඩේ දෙන්න හදන්නේ. මේක වෙන ලයින් එකක්.

පුවත්

පාසැල් සිසුන් වෙනුවෙන් ගත් කැබිනට් තීරණ

Published

on

By

පාසල් සිසුන්, පිරිවෙන්වල ගිහිපැවිදි සිසුන් හා සීලමාතාවන් සඳහා පාවහන් මිලදී ගැනීමට රුපියල් 3,000ක් බැගින් තිළිණ පතක් ලබාදීමට අමාත්‍ය මණ්ඩල අනුමැතිය හිමිවී තිබේ.

ඒ, අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍ය ලෙස අග්‍රාමාත්‍ය ආචාර්ය හරිනි අමරසූරිය මෙනෙවිය ඉදිරිපත් කළ කැබිනට් පත්‍රිකාව සඳහාය.

එමෙන්ම පාසල් ළමුන් සඳහා ආහාර ලබා දීමේ රජයේ පෝෂණ වැඩසටහන 2025 වර්ෂයේදී ක්‍රියාත්මක කිරීම සඳහා ද කැබිනට් අනුමැතිය ලැබී තිබේ.

මේ වනවිට සියලුම රජයේ පාසල් වල 1-5 ශ්‍රේණිවල සිසුන්, ශිෂ්‍ය සංඛ්‍යාව 100 ට අඩු පාසල් වල සියලුම සිසුන්, විශේෂ අධ්‍යාපන ඒකක හෝ පාසල්වල සිසුන් සහ තෝරාගත් පිරිවෙන්වල ගිහි සිසුන් ඇතුළු සමස්ත සිසුන් මිලියන 1.4ක් ආවරණය වන පරිදි දිවයිනේ අධ්‍යාපන කලාප 100ට අයත් පාසල් 8,956ක “පාසල් ආහාර වැඩසටහන” ක්‍රියාත්මක කරනු ලබයි.

එම වැඩසටහන වඩාත් සැලසුම් සහගතව 2025 වර්ෂයේ සිට ඉදිරියට ක්‍රියාත්මක කිරීමටත්, වාර්ෂිකව මුළු ශිෂ්‍ය සංඛ්‍යාව මිලියන 1.5 ක උපරිමයට යටත්ව ප්‍රතිලාභ සලසා දීමට හැකි වන පරිදි අයවැය ප්‍රතිපාදන සලසා ගැනීමටත් අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යවරිය වශයෙන් අග්‍රාමාත්‍යවරිය ඉදිරිපත් කළ යෝජනාව අමාත්‍ය මණ්ඩලය විසින් අනුමත කරන ලදී.

Continue Reading

පුවත්

කියනකන් ඉන්න දෙයක් නෑ යන්නයි තියෙන්නේ

Published

on

By

රජය මඟින් ලිඛිතව දැනුම්දීමක් සිදුකරන තෙක් නොසිට අවශ්‍ය නම් නිල නිවසින් පිටත්ව යාමට හිටපු ජනාධිපති මහින්ද රාජපක්ෂට හැකි බව කැබිනට් මාධ්‍ය ප්‍රකාශක අමාත්‍ය නලින්ද ජයතිස්ස පවසයි.

අද (21) පස්වරුවේ පැවති අමාත්‍ය මණ්ඩල තීරණය දැනුම්දීම ප්‍රවෘත්ති සාකච්ඡාවේ දී මාධ්‍යවේදියෙකු නැඟූ ප්‍රශ්නයකට පිළිතුරු දෙමින් අමාත්‍යවරයා මේ බව සඳහන් කලේය.

“මේ තියෙන්නේ 1886 අංක 04 දරණ ජනාධිපතිවරයන්ගේ හිමිකම් පනත, මේ පනත සම්මත කරපු පාර්ලිමේන්තුවේ මහින්ද රාජපක්ෂ මන්ත්‍රීවරයා හිටියේ නැති වුණාට පාර්ලිමේන්තු ගණනාවක් නියෝජනය කළා මේ පනත් ක්‍රියාත්මක කරපු, ලංකාවේ ජනාධිපතිවරයා විදියට හිටියා හිටපු ජනාධිපතිවරයාගේ හෝ හිටපු ජනාධිපතිවරයාගේ වැන්දඹුගේ හෝ වාසය සඳහා උචිත නිවාසයක් නොසපයන අවස්ථාවක අවස්ථාවට උචිත පරිදි හිටපු ජනාධිපතිවරයාට හෝ හිටපු ජනාධිපතිවරයාගේ වැන්දඹුවට හෝ හිමි විය යුතු මාසික විශ්‍රාම වැටුපෙන් තුනෙන් එකකට සමාන මාසික දීමනාවක් හිටපු ජනාධිපතිවරයාට හෝ හිටපු ජනාධිපතිවරයාගේ වැන්දඹුව ගෙවිය යුතුයි පනතේ තියෙනවා. 

මං හිතනවා මහින්ද රාජපක්ෂ හිටපු ජනාධිපතිවරයාට මේක තේරුම් ගන්න පුළුවන් ඇති කියලා. කියනකන් ඉන්න දෙයක් නෑ යන්නයි තියෙන්නේ.”

Continue Reading

පුවත්

මන්ත්‍රී අර්ච්චුනා අත්අඩංගුවට ගන්නැයි අධිකරණ නියෝග (Update)

Published

on

By

පාර්ලිමේන්තු මන්ත්‍රී රාමනාදන් අර්ච්චුනා අත්අඩංගුවට ගෙන නීතිය ක්‍රියාත්මක කරන ලෙස අනුරාධපුර මහෙස්ත්‍රාත් අධිකරණය නියෝග කර තිබේ.

එමෙන්ම පෙබරවාරි මස 3 වනදා මේ සම්බන්ධයෙන් අධිකරණයට කරුණු වාර්තා කරන ලෙසද අධිකරණය අනුරාධපුර පොලීසියට නියෝඅග කර ඇත.

අනුරාධපුර ප්‍රදේශයේදී රථ වාහන පොලීස් නිලධාරීන්ගේ රාජකාරියට බාධා වන ආකාරයට කටයුතු කිරීම හේතුවෙන් පාර්ලිමේන්තු මන්ත්‍රී රාමනාදන් අර්ච්චුනා මහතාට එරෙහිව පොලීසිය විසින් විමර්ශනයක් ආරම්භ කළ අතර ඒ සම්බන්ධයෙන් අනුරාධපුර පොලීසිය අධිකරණය හමුවේ කරුණු ඉදිරිපත් කර තිබුණි.

ඒ අනුව, අනුරාධපුර මහෙස්ත්‍රාත් අධිකරණය මෙම නියෝගය නිකුත් කර ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි බුද්ධික මනතුංග මහතා සඳහන් කළේය.


(පෙර පුවත: 2025 ජනවාරි 21, ප.ව.2:03)

මන්ත්‍රී අර්ච්චුනාට එරෙහිව පොලීසියෙන් විමර්ශනයක්

රථ වාහන පොලීසියට අවනත නොවී කටයුතු කිරීම හේතුවෙන් පාර්ලිමේන්තු මන්ත්‍රී රාමනාදන් අර්ච්චුනා මහතාට එරෙහිව පොලීසිය විසින් විමර්ශනයක් ආරම්භ කර තිබේ.

පාර්ලිමේන්තු සභාවාරයට සහභාගී වීමට කොළඹ බලා පැමිණෙන අතරතුර අනුරාධපුර ප්‍රදේශයේ දී රථවාහන රාජකාරියේ යෙදී සිටි රථවාහන අංශයේ පොලිස් නිලධාරීන්ගේ රාජකාරියට බාධා කළේ යැයි ඔහුට එරෙහිව චෝදනා එල්ල වී ඇත.

අද (21) උදෑසන , පාර්ලිමේන්තු මන්ත්‍රී රාමනාදන් අර්ච්චුනා මහතා අනුරාධපුර රඹෑව ප්‍රදේශයේ රථවාහන රාජකාරියේ යෙදී සිටි පොලිස් නිලධාරීන් පිරිසක් සමඟ ආරවුලක් ඇති කරගෙන තිබිණි.

අද පැවැත්වෙන පාර්ලිමේන්තු සැසිවාරයට සහභාගීවීමට පැමිණෙන අතරතුරදී රථයෙහි VIP විදුලිපහන් දල්වමින් අනෙකුත් වාහනවලට බාධාවන ආකාරයට ධාවනය කිරීම හේතුවෙන් පොලීසිය විසින් රථය නවත්වා ඇති බව සඳහන් වේ.

එහිදී පොලිස් නිලධාරීන් මන්ත්‍රීවරයාගෙන් හැඳුනුම්පත සහ රියදුරු බලපත්‍රය ඉල්ලා ඇත . එම අවස්තාවේදී ලියකියවිලි ලබාදීම ප්‍රතික්ෂේප කරමින් මන්ත්‍රීවරයා කලහාකාරීව හැසිරී ඇති බව සඳහන්ය.

අදාළ සිදුවීම සම්බන්ධයෙන් අධිකරණයට කරුණු ඉදිරිපත් කිරීමට නියමිත බව ද පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී බුද්ධික මනතුංග මහතා පැවසීය.

එපමණක් නොව එම මන්ත්‍රීවරයා විසින් සිදුකළ ප්‍රකාශයෙන් ජාතීන් අතර අසමගියක් ඇති වී තිබේද යන්න පිළිබඳව ද විමර්ශනයක් ක්‍රියාත්මක බව පොලිස් මාධ්‍ය ප්‍රකාශකවරයා කියා සිටියේය.

මෝටර් රථ ප්‍රවාහන පනත මෙන්න දණ්ඩ නීති සංග්‍රහය යටතේ පාර්ලිමේන්තු මන්ත්‍රී රාමනාදන් අර්ච්චුනා මහතාට එරෙහිව අධිකරණයට කරුණු ගොනුකරන බව පොලිස් මාධ්‍ය ප්‍රකාශකවරයා වැඩිදුරටත් පැවසීය.

Continue Reading

Trending

Copyright © 2023 Sri Lanka Mirror. All Rights Reserved