Connect with us

පුවත්

“කැමති කට්ටිය ඉන්නවා නම් මාව වඩාගෙන යන්න”

Published

on

මැතිවරණ කල් දැමීමට තමන් විරුද්ධ බවත් රනිල් වික්‍රමසිංහ ජනාධිපතිවරයා එසේ උත්සහ නොකරනු ඇති බවත් පාර්ලිමේන්තු මන්ත්‍රී නාමල් රාජපක්ෂ පවසයි.

ඔහු මේ බව පැවසුවේ අද (23) පොදු ජන පෙරමුණේ පැවැති සාකච්ඡාවකට එක්වෙමින් අනතුරුව මාධ්‍ය වෙත අදහස් පල කරමිනි.

එමෙන්ම, රනිල් වික්‍රමසිංහගේ අපේක්ෂකත්වය තවමත් තීන්දු වී නොමැති බවත්, සිය පක්ෂයේ ජනාධිපති අපේක්ෂකත්වය හිමිවනු ඇත්තේ පක්ෂයේ ප්‍රතිපත්ති සුරකින අයෙකුට බවත් ඔහු පෙන්වා දෙයි.

” ඔය මතේ ඉන්නවා නම් මම එපැයි ඉස්සල්ලම ඉන්න. මොකද මාවනේ වඩාගෙන පාලමෙන් එහා පැත්තට යන්න හදන්නේ. එහෙනම් මම එපැයි වඩා ගත්තු මනුස්සයට මාව තවදුරටත් වඩාගෙන යන්නෙයි කියලා කියන්න නේ ද?. මට පීනන්නත් පුළුවන්, දුවන්නත් පුළුවන්, කැමති කට්ටිය ඉන්නවා නම් මාව වඩාගෙන යන්න, වඩාගෙන යන්නත් පුලුවන්. අපි පුද්ගලයෝ පදනම් කරගෙන දේශපාලන තීන්දු ගන්නේ නෑ. අපි ප්‍රතිපත්ති පදනම් කරගෙනයි තීන්දු ගන්නේ. මම පක්ෂෙ ජාතික සංවිධායකනේ. මගේ ඩියුටි එක සූට් එක මහන එක. ඊටපස්සෙ ඕන කෙනෙක්ට ඒක ඇඳගන්න පුළුවන්. ගොඩක් පක්ෂ විනාශ උනේ සූට් එක මහන්න දුන්න අය ඒක ඇඳගන්න ගිහිල්ලා.”

සිය පක්ෂය තුල මත කිහිපයක් තිබුනත් පාක්ෂිකයා සහ රටේ අනාගතය වෙනුවෙන් සුදුසු තීරණයක් ගනු ඇති බවයි ඔහු අවධාරණය කරයි.

මේ අතර, මාධ්‍යය සමඟ අදහස් දක්වමින් පාර්ලිමේන්තු මන්ත්‍රී මහින්ද රාජපක්ෂ මහතා පෙන්වා දෙන්නේ ශ්‍රී ලංකා පොදුජන පෙරමුණේ ජනාධිපති අපේක්ෂකයා කවුරුන්දැයි මේ වන තෙක් තීරණය කර නොමැති බවය.

සිය පක්ෂය විසින් ඉදිරිපත් කරන්නේ ජයගත හැකි අපේක්ෂකයෙකු බවත් පොහොට්ටුවේ ජයග්‍රහණය ඉහළම මට්ටමක ඇති බවත් ඔහු පෙන්වා දෙනවා.

ධම්මික පෙරේරාගේ සහ රනිල් වික්‍රමසිංහගේ අපේක්ෂකත්වය පිළිබඳව මාධ්‍යවේදීන් විසින් විමසූ විට “එක එක්කෙනාගෙ නම් තියෙනවා. ධම්මික පෙරේරා, අර පෙරේරා, මේ පෙරේරා, ඔක්කොම ඉන්නවා.” යැයි පැවසූ පාර්ලිමේන්තු මන්ත්‍රීවරයා තමන්ගේ සිතේ සිටින අපේක්ෂකයා සම්බන්ධයෙන් මේ අවස්ථාවේ හෙළි කළ නොහැකි බව ද පැවසීය.

එමෙන්ම, සිය පුත්‍රයා වන නාමල් රාජපක්ෂ මන්ත්‍රීවරයාගේ අපේක්ෂකත්වය සම්බන්ධයෙන් විමසූ විට ඔහු පවසා සිටියේ ඒ සම්බන්ධයෙන් විමසිය යුත්තේ නාමල් රාජපක්ෂගෙන්ම වන බවයි. එමෙන්ම නාමල් රාජපක්ෂට ජනාධිපතිවරණයකට ඉදිරිපත් වීමට තවත් කල් ඇති බවත් ඔහු පවසා සිටියේය.

ඡායාරූප සටහන

ජනපති මෙරට වතිකානු තානාපති කාර්යාලයට

Published

on

By

ජනාධිපති අනුර කුමාර දිසානායක මහතා අද (24) දහවල් වතිකානු තානාපති කාර්යාලය වෙත ගොස් අති උතුම් ශුද්ධෝත්තම ෆ්‍රැන්සිස් පාප්වහන්සේගේ ස්වර්ගස්ථ වීම පිළිබඳ සිය ශෝකය පළ කළේය.

තානාපති කාර්යාලය වෙත පැමිණි ජනාධිපතිවරයාව ශ්‍රී ලංකාවේ වතිකානු අපෝස්තලික තානාපති අගරදගුරු බ්‍රයන් උඩෙයිග්වේ (Archbishop Brian N. Udaigwe) හිමිපාණන් විසින් පිළිගනු ලැබිණි.

අනතුරුව, උන්වහන්සේ සමඟ කෙටි කතාබහක නිරත වූ ජනාධිපතිවරයා එහි තැන්පත් කර තිබූ ශෝක සටහන් පොතේ සටහනක්ද තබමින් අති උතුම් ශුද්ධෝත්තම ෆ්‍රැන්සිස් පාප්වහන්සේගේ ස්වර්ගස්ථ වීම පිළිබඳ  සියලු ලෝකවාසී කිතුනු ජනතාව වෙත ශ්‍රී ලංකා රජයේ සහ ජනතාවගේ ශෝකය පළ කර සිටියේය.

Continue Reading

පුවත්

ඡන්ද කාඩ් 85ක් එක්ක අත්අඩංගුවට ගත් අපේක්ෂිකාවට ඇප

Published

on

By

නිල ඡන්ද දැන්වීම් පත්‍රිකා සිය සන්තකයේ තබාගැනීමක් සම්බන්ධයෙන් අත්අඩංගුවට ගැනුණු පුත්තලම ප්‍රාදේශීය සභාවේ සර්වජන බලයේ ලැයිස්තු අපේක්ෂිකාවක ශරීර ඇප දෙකක් මත මුදාහැරීමට පුත්තලම මහේස්ත්‍රාත් අධිකරණය අද (24) නියෝග කළේය.

නිල ඡන්ද දැන්වීම් පත්‍රිකා 85ක් සන්තකයේ තබාගැනීමක් සම්බන්ධයෙන් අදාළ අපේක්ෂිකාව පුත්තලම පොලීසිය මගින් අත්අඩංගුවට ගෙන අධිකරණයට ඉදිරිපත් කර තිබුණි.

රත්මල්යාය ප්‍රදේශයේ ලිපි බෙදාහරින තැපැල්කරු විසින් අදාළ නිල ඡන්ද දැන්වීම් පත්‍රිකා බෙදාහරින ලෙස තමා සන්තකයේ තබාගිය බව ඇය පවසා තිබේ.

ගම්වාසීන් පිරිසක් අවමංගල්‍ය උත්සවයකට සහභාගිවීම හේතුවෙන් තැපැල්කරුට එම නිල ඡන්ද දැන්වීම් පත්‍රිකා බෙදාහැරීමට නොහැකි වීම හේතුවෙන් එලෙස ඒවා තමා  සන්තකයේ තබා ගිය බව ඇය අධිකරණය හමුවේ වැඩිදුරටත් පවසා ඇත.

කෙසේ වෙතත් තමා මීට පෙරද තැපැල්කරු විසින් ලබාදෙන තැපැල්පත් ද ගම්වාසීන් වෙත බෙදාදෙන බව ඇය පවසා තිබේ.

ඒ අනුව ඉදිරිපත් වූ කරුණු සලකා බැලූ අධිකරණය සැකකාර අපේක්ෂිකාව ඇප මත මුදාහැරීමට නියෝග කර තිබේ.

මැතිවරණ නීති උල්ලංඝනය කිරීම සම්බන්ධයෙන් පසුගිය මාර්තු 3 වන දින සිට අද (24) දිනය තුළ අත්අඩංගුවට ගෙන ඇති සමස්ත අපේක්ෂකයින් ගණන 25කි.

ඊයේ දිනය තුළ ආධාරකරුවන් 6 දෙනෙකු අත්අඩංගුවට ගෙන ඇති අතර, මේ වනවිට අත්අඩංගුවට ගෙන ඇති සමස්ත ආධාරකරුවන් ගණන 98කි.

පොලිස් මාධ්‍ය කොට්ඨාසය නිවේදනය කළේ, ඊයේ (23) දිනය තුළ පමණක් මැතිවරණයට අදාළ අපරාධමය පැමිණිලි 3ක් ලැබී ඇති බවය.

ඒ අනුව ලැබී ඇති සමස්ත අපරාධමය පැමිණිලි ගණන 61කි.ඊයේ දිනය තුළ පමණක් මැතිවරණ නීති උල්ලංඝනය කිරීම් පැමිණිලි 20ක් ලැබී අතර සමස්ත පැමිණිලි ගණන 222කි.

පසුගිය මාර්තු 3 වන දින සිට අද දක්වා වාහන 23ක් පොලිස් භාරයට ගෙන තිබේ.

Continue Reading

පුවත්

පුංචි ඡන්දෙට මැයි 5 සහ 6 පාසල් නිවාඩු

Published

on

By

මැයි මස 6වනදා පැවැත්වෙන පළාත් පාලන ආයතන ඡන්ද විමසීම හේතුවෙන් දිවයිනේ සියලුම පාසල්වලට මැයි 5 සහ 6 දෙදින නිවාඩු ලබාදෙන බව නිවේදනයක් නිකුත්කරමින් අධ්‍යාපන අමාත්‍යාංශය පවසයි.

ඒ අනුව මැයි මස 7වනදා පාසල් නැවත ආරම්භ කිරීමට කටයුතු යොදා ඇත.

ඡන්ද මධ්‍යස්ථාන වශයෙන් යොදා ගන්නා පාසල් 2025.05.04 දින අදාළ ග්‍රාම නිලධාරීන් වෙත භාරදීමට කටයුතු කළ යුතුය. 

ඡන්ද මධ්‍යස්ථාන කටයුතු සඳහා අවශ්‍ය මේස, පුටු සහ ශාලා පහසුකම් ලබාදීමට සියලුම කලාප අධ්‍යාපන අධ්‍යක්ෂවරුන් සහ විදුහල්පතිවරුන් දැනුම්වත් කළ යුතු බවත් අදාළ නිවේදනයේ දැක්වෙයි.

ඇමුණුම් 01 හි සඳහන් පාසල් එම ලේඛනයේ සඳහන් පරිදි ඒ ඒ පාසලට අදාළ කාල වකවානුව තුළ පමණක් නිවාඩු ලබාදීමට කටයුතු කරන මෙන් ද පාසල් වේලාවෙන් පසුව ඉල්ලා ඇති පාසල් ඊට අදාළ දිනයේදී පාසල පැවැත්වීමෙන් පසුව මැතිවරණ කටයුතු සඳහා භාර දිය යුතු බව ද වැඩි දුරටත් සඳහන් ය.

Continue Reading
Advertisement

Trending

Copyright © 2023 Sri Lanka Mirror. All Rights Reserved