Connect with us

පුවත්

කැරපොතු බනිස් වික්ක මඩකලපු කෝච්චියේ කැන්ටිමට සීල් තියයි!

Published

on

මඩකළපුව සිට කොළඹ බලා ධාවනය වීමට නියමිතව තිබූ නගරාන්තර සීඝ්‍රගාමී දුම්රියේ භෝජනාගාරය මඩකළපුව සෞඛ්‍ය වෛද්‍ය නිලධාරී කාර්යාලය විසින් පෙරේදා (01) මුද්‍රා තබා තිබේ.

ඒ ලද තොරතුරකට අනුව මහජන සෞඛ්‍ය පරික්ෂකවරුන් විසින් පෙරේදා (01) සවස එම දුම්රිය භෝජනාගාරය පරීක්ෂා කිරීමෙන් පසුව, මිනිස් පරිභෝජනයට නුසුදුසු ආහාර සොයාගැනීමත් සමඟය.

ඇතැම් ආහාරවල කැරපොත්තන් සහ කුහුඹුවන් පවා සිට ඇති අතර මිනිස් පරිභෝජනයට සුදුසු ආහාර ද්‍රව්‍ය විශාල ප්‍රමාණයක් සෞඛ්‍ය දෙපාර්තමේන්තුව භාරයටද ගෙන ඇති බව පැවසේ.

මඩකළපුව සෞඛ්‍ය වෛද්‍ය නිලධාරී වෛද්‍ය එන්.මාධවන්ගේ උපදෙස් මත මහජන සෞඛ්‍ය පරීක්ෂකවරුන් වන ආර්.මිතුන්රාජ්, එම්.අමිර්තාප්, එස්.කිසන්දරාජා යන නිලධාරීහු මෙම වැටලීම සිදුකර තිබුණි.

පුවත්

රටින් පලා යාමට තැත්කල ජාතික ඔලිම්පික් කමිටු නිලධාරියා අත්අඩංගුවට

Published

on

By

ජාතික ඔලිම්පික් කමිටු නිලධාරියෙකු රටින් පලා යාමට උත්සාහ කිරීමේදී ගුවන් තොටුපලේදී අත්අඩංගුවට ගෙන තිබේ.

ශ්‍රී ලංකා ජාතික ඔලිම්පික් කමිටුවේ මාධ්‍ය කළමණාකාර ගෝබිනාත් සිවරාජා නම් අයෙකි.

ඔහුට පවතින විදෙස් ගමන් තහනම නොතකා රටින් පලා යාමට උත්සාහ කරමින් සිටියදී අද (27) අලුයම ගුවන් තොටුපළ ආගමන හා විගමන නිලධාරීන් විසින් අත්අඩංගුවට ගෙන රඳවා තබා ගෙන තිබේ.

අත්අඩංගුවට ගත් පුද්ගලයා අද (27) මහේස්ත්‍රාත්වරයා හමුවට ඉදිරිපත් කිරීමට නියමිතය.

දැනට විමර්ශනය කරමින් පවතින වංචා නඩුවක ප්‍රධාන සැකකරු වන ගෝබිනාත් සිවරාජාට විදෙස් ගමන් තහනමක් පනවා තිබුණි.

වංචා සහ දූෂණ සම්බන්ධ නඩු සම්බන්ධයෙන් අදාළ නඩු විභාගය සිදුවෙමින් පවතින අතරතුර පනවා තිබූ විදෙස් ගමන් තහනම නොතකා තම සගයෙක් සමග යුරෝපයට යෑමට උත්සාහ කල අවස්ථාවේ ගුවන්තොටුපලේදී ඔහුව අත් අඩංගුවට පත්ව ඇත.

Continue Reading

පුවත්

දින 06 ඇතුළත විදුලිය බිඳවැටීම් ගැන මණ්ඩලය කියයි

Published

on

By

අයහපත් කාලගුණ තත්ත්වය හේතුවෙන් ඉකුත් දින 06 ඇතුළත විදුලිය බිඳවැටීමේ සිද්ධීන් 61,000ක් වාර්තා වූ බව ලංකා විදුලිබල මණ්ඩලය පවසයි.

එමෙන්ම පාරිභෝගිකයින් හාරලක්ෂ 67,500කට අධික පිරිසකට ඉකුත් දින 06 තුළ විදුලිය විසන්ධි වීමේ සිද්ධීන් වාර්තා වී ඇත.

ලංකා විදුලිබල මණ්ඩලය නිකුත් කළ නිවේනදයේ වැඩිදුරටත් දැක්වෙන්නේ විදුලිය බිඳවැටීම් 61,000 අතරින් 26,700ක් මේ වන විට යථා තත්ත්වයට පත් කර ඇති බවත් විදුලිය විසන්ධි වුණ පිරිස අතරින් හාරලක්ෂ 25,500කට පමණ නැවත විදුලි සබඳතා ලබා දී ඇති බවය.

Continue Reading

පුවත්

පීඩාවට පත් පිරිසට සහන සළසන්න ත්‍රිවිධ හමුදාව එක්වෙයි

Published

on

By

අයහපත් කාලගුණික තත්ත්වය හේතුවෙන් තවදුරටත් පුද්ගලයින් 44,000කට වැඩි පිරිසක් පීඩාවට පත්ව සිටින බව ආපදා කළමනාකරණ මධ්‍යස්ථානය පවසනවා.

ආපදා කළමනාකරණ මධ්‍යස්ථානයේ නියෝජ්‍ය අධ්‍යක්ෂ ප්‍රදීප් කොඩිප්පිලි මහතා පැවසුවේ කොළඹ ඇතුළු ප්‍රදේශ කිහිපයක පුද්ගලයින් 1,000කට ආසන්න ප්‍රමාණයක් රක්ෂිත ස්ථානවල රඳවා සිටින බවයි.

ඔහු වැඩිදුරටත් සඳහන් කලේ හදිසි අවස්ථාවකදී ක්‍රියාකිරීම සඳහා ත්‍රිවිධ හමුදාව සහ පොලීසිය සූදානම් කර ඇති බවය.

Continue Reading
Advertisement

Trending

Copyright © 2023 Sri Lanka Mirror. All Rights Reserved