Connect with us

පුවත්

කිරුළ ගලවා ලෝකය ඉදිරියේ නිරුවත් කළා – පුෂ්පිකා අධිකරණයේදී කියයි

Published

on

තම හිස මත පැලඳූ කිරුළ ද්වේෂ සහගතව ඉවත් කිරීමෙන් ලෝකය ඉදිරියේ නිරුවත් කළා හා සමානව තමන් ලැජ්ජාවට පත් වූයේ යැයි හිටපු ශ්‍රී ලංකා විවාහක රූ රැජින පුෂ්පිකා ද සිල්වා මහත්මිය කොළඹ ප්‍රධාන මහේස්ත්‍රාත් ප්‍රසන්න අල්විස් මහතා හමුවේ ඊයේ (11) සාක්කි ලබාදෙමින් පැවැසුවාය.

නෙළුම් පොකුණ රඟහලේ දී 2021 අප්‍රේල් 4 වන දින පැවැත්වූ ශ්‍රී ලංකා විවාහක රූ රැජින කිරුළ තරගයේ දී ජයග්‍රහණය කර කිරුළ පැලඳි පුෂ්පිකා ද සිල්වාගේ හිසින්, හිටපු ලෝක විවාහක රූ රැජින කැරොලයින් ජූරි විසින් එම කිරුළ ගලවා අනු ශූරත්වය ලබාගත් තරගකාරියට පැලඳවීම නිසා ඇතිවූ ආරවුලක් සම්බන්ධයෙන් පැවැති නඩු විභාගයේදී සාක්ෂිකාරිය මේ බව සඳහන් කළාය.

කොළඹ ප්‍රධාන මහේස්ත්‍රාත් ප්‍රසන්න අල්විස් මහතා හමුවේ මෙම නඩු විභාගය පැවැත්වුණු අතර කුරුඳුවත්ත පොලිසියේ පොලිස් පරීක්ෂක බණ්ඩාර මහතා පැමිණිල්ල මෙහෙය විය.

සිද්ධිය සමථ මණ්ඩලය හමුවේ සමථ නොවූයෙන් නඩුව විභාගයට ගැනීමට අධිකරණය පියවර ගත් අතර ලෝක විවාහක රූ රැජින වූ කැරොලයින් ජූරි ඇතුළු විත්තිකරුවන් දෙදෙනා ද අධිකරණය හමුවේ පෙනී සිටියහ.

පුෂ්පිකා ද සිල්වා මහත්මිය වැඩිදුරටත් සාක්ෂි දෙමින් 2021ලෝක රූ රැජින තරගයට ඉදිරිපත් වීම සඳහා සම්මුඛ පරීක්ෂණයට සහභාගි වී සත්‍යය තොරතුරු ඉදිරිපත් කර සම්මුඛ පරීක්ෂණයෙන් සමත් වූ බවත් අවසන් තරගය පැවති අප්‍රේල් 4 වන දින එම තරගයට සහභාගි වුණ බවත් කීය.

තරගයෙන් සුදුසුකම් ලබා කිරුළ හිමි වූ අවස්ථාවේ සියලු දෙනාට ආචාර කිරීමෙන් පසු අසභ්‍ය වචන භාවිත කරමින් තරගකාරියන්ගේ ස්වාමි පුරුෂයන් නොමනා ලෙස හැසුරුණු බවත් කැරොලයින් ඔටුන්න ගලවා අනුශූරියට පැලැඳීමට ක්‍රියා කළ බවත් සාක්ෂිකාරිය පැවසුවාය.

පසුව තමා මේ සම්බන්ධයෙන් පොලිසියට ගොස් පැමිණිල්ලක් කළ බවත් පසුව ස්නානය කරන අවස්ථාවේදී හිසෙහි දැවිල්ලක් හටගත් බැවින් නවලෝක රෝහල වෙත ගොස් ප්‍රතිකාර ලබා ගත් බවත් ඇය පැවැසුවාය.

මෙහිදී විත්තිය වෙනුවෙන් නීතිඥ නලින් ද සිල්වා මහතා සාක්ෂිකාරිය හරස් ප්‍රශ්නවලට භාජනය කළේය.

සාක්ෂිකාරිය විසින් ලබාදුන් සාක්ෂිවල පරස්පරතා අධිකරණය හමුවේ ලකුණු කළ නීතිඥවරයා දේශපාලන බලය යොදා ගනිමින් අසාමාන්‍ය ලෙස ප්‍රසිද්ධියක් ලබා ගැනීමට ඇය මෙම ක්‍රියාව කළ බවට චෝදනා කළේය.

ඊට පිළිතුරු ලබාදුන් සාක්ෂිකාරිය තමාට සිදුවූ අසාධාරණය ලෝකය ඉදිරියේ විඳ දරා ගත් බවත් විත්තිකරුවන් සමාව ගෙන සමථ කර ගැනීමට එකඟ නොවුණ නිසා නඩු මඟට පිවිසීමට ක්‍රියාමාර්ග ගත් බවත් පැවසුවාය.

අදාළ කරුණ සලකා බැලූ මහේස්ත්‍රාත්වරයා නඩු විභාගය ලබන 24 වැනි දිනට කල් දමමින් සාක්ෂිකරුවන් වෙත සිතාසි නිකුත් කළේය.

පුවත්

ග්‍රාමීය සංවර්ධනයට රජයෙන් බිලියන 20 ක්

Published

on

By

ග්‍රාමීය ජනතාවට අවශ්‍ය පහසුකම් සැලසීමට මෙන්ම අඩු ආදායම්ලාභී පවුල්වල ජීවන තත්ත්වයන් නංවාලීමේ ව්‍යාපෘති රැසක් ඉදිරි මාස කිහිපය තුළ ක්‍රියාත්මක කිරීමට රජය සැලසුම් කර ඇත.

කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසන්නේ, එම වැඩ කටයුතු සඳහා රජය විසින් රුපියල් බිලියන 20.6ක මුදලක් වැය කිරීමට පියවර ගන්නා බවට ජනාධිපති රනිල් වික්‍රමසිංහ මහතා අමාත්‍ය මණ්ඩලය දැනුම්වත් කළ බවය.

මේ හේතුවෙන්, හැකි තරම් නව කෘෂිකාර්මික ව්‍යාපෘති සකසන්නැයි අමාත්‍යවරයා විසින්  නිලධාරීන්ට උපදෙස් ලබා දී තිබේ.

එම කෘෂිකාර්මික ව්‍යාපෘති ගම්මානවල ගොවි ජනතාවගේ ආදායම් තත්ත්වයන් ඉහළ නැංවීම, ඔවුන්ගේ යටිතලපහසුකම් සංවර්ධනය සහ නව කෘෂි තාක්ෂණය ඉලක්ක කර ගනිමින් සකසන ලෙසද මෙහිදී මහින්ද අමරවීර අමාත්‍යවරයා උපදෙස් දී ඇති බව සඳහන්ය.

කෘෂිකර්ම හා වැවිලි කර්මාන්ත අමාත්‍යාංශයේදී පැවති සාකච්ඡාවක් අමතමින් අමාත්‍යවරයා මෙම උපදෙස් ලබා දී ඇත.

Continue Reading

පුවත්

“ආර්ථික පරිවර්තන පනත ඉතා භයානකයි”

Published

on

By

ආණ්ඩුව පාර්ලිමේන්තුවට ඉදිරිපත් කර ඇති ආර්ථික පරිවර්තන පනත ඉතා භයානක ප්‍රතිඵල ගෙන දෙන පනතක් යයි පාර්ලිමේන්තු මන්ත්‍රී මහාචාර්ය ජී.එල් පීරිස් මහතා කොළඹ අද (27) පැවති මාධ්‍ය හමුවකදී පැවසීය.

මේ වන විට පවතින්නේ ජනවරමක් රහිත පාර්ලිමේන්තුවක් බැවින් එමගින් මෙවැනි පනතක් සම්මත කර ගැනීම ඉතා භයානක බවද මහාචාර්යවරයා කීය. 

මන්ත්‍රීවරයා වැඩිදුරටත් කියා සිටියේ රජය ලාභ ලබන ආයතන ලහි ලහියේ විකුණා දැමීමට අවශ්‍යය පිඹුරුපත් කඩිනමින් සකස් කරන බව දැනගන්නට ලැබී ඇති බවය

ජනතා ගැටලු විසඳීම සඳහා අභිනව පාර්ලිමේන්තුවක අවශ්‍යතාවය  වර්තමාන සමාජය තුළින් පිළිබිඹු වන බව කී ඒ මහතා තරුණ පරපුර ඇමතීම සියලු පක්ෂ නායකයින්ගේ යුතුකම බවත් අනාගතයේ ජීවනාලිය  ඔවුන් බවඅමතක නොකළ යුතු යයිද සඳහන් කළේය

වත්මන් ආණ්ඩුව  මැතිවරණවලට දක්වන බිය සුළු බව හේතුවෙන් මුදල් නොමැති යැයි පවසා මැතිවරණ කල් දැමීමට අර  අඳිමින් සිටින බව පැවසූ මහාචාර්යවරයා ඒ සඳහා නොයෙකුත් උපක්‍රම යොදමින් සිටින බවද පැවසීය

පළමුව පැවැත්වෙන්නේ පාර්ලිමේන්තු මැතිවරණයද ජනාධිපතිවරණයද යන්න ගැන ජනතාව කිසියම් කුතුහලයකින් පෙළෙන බව පැවසූ මන්ත්‍රීවරයා ආණ්ඩුක්‍රම ව්‍යවස්ථාවට අනුව ජනාධිපතිවරණය අනිවාර්යයෙන්ම පැවැත්විය යුතු බව සඳහන් කළේය

Continue Reading

පුවත්

මුදවාගැනීමේ මෙහෙයුමකට මන්ත්‍රීවරු 3ක් තායිලන්තයට

Published

on

By

විපක්ෂයේ මන්ත්‍රීවරුන් තිදෙනෙක් අද (27) අලුයම තායිලන්තය බලා පිටත්ව ගියහ.

ඒ, මියන්මාරයේ සයිබර් අපරාධ කලාපයේ ත්‍රස්ත ග්‍රහණයේ සිටින ශ්‍රී ලාංකිකයින් සහ රුසියානු – යුක්‍රේන යුද්ධයට මැදිවී රුසියාවේ සිටින ශ්‍රී ලාංකික රණවිරුවන් බේරාගෙන යළි ශ්‍රී ලංකාව වෙත රැගෙන ඒමේ රාජ්‍යතාන්ත්‍රික මෙහෙයුම සඳහා එම රටවල රාජ්‍යතාන්ත්‍රික නිලධාරීන් සහ තෙවන පාර්ශ්වයන් සමග සාකච්ඡා කර වැඩපිළිවෙළක් සකස් කිරීම සඳහාය.

මෙම විපක්ෂ මන්ත්‍රී කණ්ඩායමට නීතීඥ වසන්ත යාපා බණ්ඩාර, ජේ.සී. අලවතුවල සහ සුජිත් සංජය පෙරේරා යන මන්ත්‍රීවරුන් ඇතුළත් වේ.

ඔවුන් මියන්මාරයේ සහ රුසියාවේ දින 05 බැගින් ගත කරමින් මෙම මෙහෙයුම දියත් කිරීමට නියමිතය.

මන්ත්‍රීවරුන් පිරිස ත්‍රෛනිකායික මහනාහිමිවරුන්ගේ සහ විපක්ෂ නායකවරයාගේ ඉල්ලීම් රැගත් ලිපි, මියන්මාරය සහ රුසියාව බලා පිටත්ව ගොස් තායිලන්තයේ සහ මියන්මාරයේ සංඝනායක හිමිවරුන් සහ රුසියාවේ රාජ්‍යතාන්ත්‍රික නිලධාරීන් හමුවී භාරදීමට ද නියමිත බවට වාර්තා වේ.

පිරිස අද අලුයම 01.10ට පමණ ශ්‍රී ලන්කන් ගුවන් සේවයේ UL – 402 දරන ගුවන්යානයෙන් තායිලන්තයේ බැංකොක් නුවර බලා පිටත්ව ගොස් ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved