Connect with us

පුවත්

කුඩු අංජුගේ කැරැට්ටුව CIDයට !

Published

on

ප්‍රංශයේ දී පොලිස් අත්අඩංගුවට පත්ව සිරගතව සිටින ජාත්‍යන්තර මත්ද්‍රව්‍ය ජාවාරම්කරුවෙකු මෙන්ම සංවිධානාත්මක අපරාධකරුවකු වන සින්හාරගේ ගේ සමින්ද සිල්වා නොහොත් රත්මලානේ කුඩු අංජු ගේ අපරාධ සම්බන්ධයෙන් වූ අපරාධ වාර්තා අද (03) අපරාධ පරීක්ෂණ දෙපාර්තමේන්තුව වෙත කැඳවා ඇතැයි වාර්තා ‌වේ. 

 එම වාර්තා කැඳවා ඇත්තේ කුඩු අංජු මෙරට  සිටි කාලය තුළ සිදු කළ අපරාධ සම්බන්ධයෙන් වූ තොරතුරු වාර්තා එරටට ඉදිරිපත් කර ඔහුව මෙරටට රැගෙන ඒමට  අවශ්‍ය කටයුතු සිදු කිරීම සඳහාය.

අංජු 2007 වසරේ  සිට 2016 දක්වා මෙරට රැඳී සිටියදී සිදුකළ බව කියන මිනිස් ඝාතනයක් ,කොල්ලකෑමක් සහ බෝම්බයක් ළඟ තබාගැනීම සම්බන්ධයෙන් මේවන විට තොතුරු ඉදිරිපත්ව ඇති බව පැවසේ.

එසේම, ඔහු විදේශගත වූ පසු  ඔහුගේ උපදෙස් මත ඔහුගේ ගෝලයන් විසින් සිදු කළ බව කියන ක්‍රිකට් ක්‍රීඩක ධනංජය සිල්වා මහතාගේ පියා වන නාගරික මන්ත්‍රී රන්ජන් සිල්වා මහතාගේ ඝාතනය ඇතුළු ඝාතන අටක වාර්තා ඇතුලත් තොරතුරු  අපරාධ පරීක්ෂණ දෙපාර්තමේන්තුව වෙත යොමුව ඇති බවද මාධ්‍ය වාර්තා කර තිබේ.

ගල්කිස්ස පොලිස් කොට්ඨාසයට අයත් අගුලාන, පිලියන්දල, දෙහිවල සහ ගල්කිස්ස පොලිස් වසම් වල දී එම අපරාධ සිදුකර ඇති අතර ඔහු සම්බන්ධ බවට අනාවරණය කරගත නොහැකි අපරාධ ගණනාවක් ද වන බව වාර්තා වේ.

ඊට අමතරව  මීට වසර කීපයකට ඉහත දී පොලිස් වෙඩි පහරින් මිය ගිය  රොහා  නමැති අපරාධකරු ට බන්ධනාගාරයේ තුළදී  වස දී ඝාතනය කිරීමේ උත්සාහයක් සම්බන්ධයෙන්ද  කුඩු අන්ජුට එරෙහිව බොරැල්ල පොලිසියේ පැමිණිල්ලක් ඇතැයිද වාර්තා වේ.

දේශපාලන රැකවරණය මත ප්‍රංශයට පළා ගොස් රැඳී සිටින කුඩු අංජු නැමැත්තාට එරෙහිව මෙරට පොලිසිය මගින් ගල්කිස්ස අධිකරනයෙන් කරන ලද ඉල්ලීමක් අනුව ත්‍රස්තවාදී පනත යටතේ සැකකරුවකු ලෙසත් , ඊට අමතරව ජාත්‍යන්තර පොලිසිය හරහා රතු නිවේදන  මෙන් ම පොලිස් ගැසට් තුනෙහි පලාගිය සැකකරුවෙකු ලෙස ලේඛනගතව ඇතැයි පොලිස්  ආරංචි මාර්ග සඳහන් කරයි.

පුවත්

“විදුලි බිල අඩු කල හැකියි”

Published

on

By

විදුලි බිල 10% ත් 20% ත් අතර ප්‍රතිශතයකින් අඩු කිරීමේ හැකියාව ඇති බවත් විදුලිබල මණ්ඩලය ප්‍රතිව්‍යුහගතකරණය කළහොත් ඉන් පසුව විදුලි බිල ඉහළ යෑම වැඩි හැකියාවක් ඇති බවත් ලංකා විදුලිබල මණ්ඩල ඉංජිනේරු සංගමයේ සභාපති ධනුෂ්ක පරාක්‍රමසිංහ මහතා අද (29) පැවසීය.

ධනුෂ්ක පරාක්‍රමසිංහ මහතා කොළඹදී විශේෂ මාධ්‍ය හමුවක් පවත්වමින් මේ බව ප්‍රකාශ කරන ලදී.

මෙම වසරේ දෙවැනි විදුලි ගාස්තු සංශෝධනය ලබන ජූලි මස 1 වැනිදා ක්‍රියාත්මක කිරීම සඳහා වන යෝජනාව මෙම සතියේ විදුලිබල මණ්ඩලය, මහජන උපයෝගිතා කොමිසමට ඉදිරිපත් කිරීමට නියමිත බවත් එහිදී ජනතාවට සැළකිය යුතු විදුලි ගාස්තු අඩු වීමට ලැබිය යුතු බවත් ඔහු සඳහන් කලේය.

පාර්ලිමේන්තුවේ සාකච්ඡා කිරීමට නියමිත විදුලිබල මණ්ඩලය ප්‍රතිව්‍යුහගතකරණය කිරීමේ පනතින් විදුලි බිල ඉහළ දැමීමට අවශ්‍ය ප්‍රතිපාදන ලැබී ඇති බව පැවසු පරාක්‍රමසිංහ මහතා විදුලිබල මණ්ඩලයේ වර්තමාන පරිපාලනය විදේශ සමාගම්වලට අවශ්‍ය ආකාරයට දැන්ම සිටම කටයුතු කරමින් සිටින බව ද පැවසීය.

Continue Reading

පුවත්

කථිකාචාර්ය පුන්සර අමරසිංහ  අත්අඩංගුවට

Published

on

By

කොතලාවල ආරක්ෂක විශ්වවිද්‍යාලයේ කථිකාචාර්යවරයෙකු වන ආචාර්ය පුන්සර අමරසිංහ මහතා අපරාධ පරීක්ෂණ දෙපාර්තුමේන්තුව විසින් අත්අඩංගුවට ගෙන තිබේ.

ISIS සංවිධානය සමඟ සබඳතා පැවැත්වූ බවට ඉන්දියාවේදී අත්අඩංගුවට ගත් ශ්‍රී ලාංකික සැකකරුවන් 4 දෙනා සම්බන්ධයෙන් අසත්‍ය ප්‍රකාශයක් සිදු කිරීම හේතුවෙන් ඔහු මෙලෙස අත් අඩංගුවට ගෙන ඇත.

පෞද්ගලික රූපවාහිනී නාලිකාවක සාකච්ඡාවකට එක් වෙමින් ඔහු සිදු කළ ප්‍රකාශයක් මෙම අත්අඩංගුවට ගැනීමට හේතු වී ඇති බවද සඳහන්ය.

Continue Reading

පුවත්

විහිළු කතා සපයන්නන්ට රවී උත්තර දෙයි

Published

on

By

වැදගත් වන්නේ විහිළු සැපයීම නොව ප්‍රජාතන්ත්‍රවාදිව ජනතා විශ්වාසය රැකගෙන කටයුතු කිරීම බව එක්සත් ජාතික පක්ෂයේ කොළඹ දිස්ත්‍රික් නායක හිටපු මුදල් අමාත්‍ය රවී කරුණානායක මහතා පවසයි.

ඒ අනුව අනිවාර්යයෙන්ම ජනාධිපතිවරණය පැවැත්වෙන අතර නිර්දේශපාලනික අපේක්ෂකයා ලෙස රනිල් වික්‍රමසිංහ මහතා ඉදිරිපත් වන බවයි රවී කරුණානායක මහතා සඳහන් කරන්නේ.

අනතුරුව මැතිවරණය ජයග්‍රහණය කර රට හරි මාර්ගයේ ගෙනයාම විය යුතු වන බවද ඔහු ප්‍රකාශ කරයි.

ජනතා විශ්වාසය රැකගෙන කටයුතු කිරීම මිස වෙනත් ක්‍රමවලට වැඩකර පලක් නැති බවයි කරුණානායක මහතා වැඩිදුරටත් අවධාරණය කරන්නේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved