Connect with us

පුවත්

කෙහෙළියගේ මීළඟ ඩීල්එක නන්දන ලොකුවිතාන එක්ක!

Published

on

හම්බන්තොට වරාය ඉදිකිරීමේදී කඩා ඉවත් කරන ලද කළුගල් මෙට්‍රික් ටොන් මිලියනයක් මාලදිවයිනට යැවීම සඳහා කැබිනට් පත්‍රිකාවක් සකස් කර ඇතැයි “අරුණ” පුවත්පත වාර්තා කර තිබේ.

කළු ගල් තොගය ඉවත් කිරීම සහ අපනයනය කිරීම සඳහා එක් පුද්ගලයකුට පමණක් ලබාදී අදාළ කැබිනට් පත්‍රිකාව සකස් කර ඇතැය් ද මේ අතර වාර්තා වේ.

හම්බන්තොට වරායේ තිබෙන එම කළු ගල්වලින් නිසි ප්‍රයෝජනයක් නොගන්නේ නම් ඒවා මුහුදට දමන බවට වරාය පාලනාධිකාරිය විසින් දැනුම් දීම නිසා ඒවා මෙලෙස කඩිනමින් මාලදිවයිනට අපනයනය කිරීමට කටයුතු යොදා ඇති බවද වාර්තා වේ.

ඒ අනුව, අදාළ කළු ගල් තොගය ටෙන්ඩර් මගින් එක් පුද්ගලයකු ලබාගෙන ඇතැයි පරිසර අමාත්‍යාංශයේ ජ්‍යෙෂ්ඨ නිලධාරියකු පැවසූ බවද එහි දැක්වේ.

එම පුද්ගලයා විසින් මෙම කළු ගල් වරාය ආශ්‍රිත පුද්ගලික ඉඩම් කීපයක ගොඩ ගසා තිබෙන බවද අනාවරණය වේ. 

ශ්‍රී ලංකා මිරර් මේ සම්බන්ධයෙන් සිදු කළ විමර්ශනයකදී අනාවරණය වූයේ අදාල කැබිනට් පත්‍රිකාව සකසා ඇත්තේ මෙරට ප්‍රකට ව්‍යාපාරිකයකු වන නන්දන ලොකුවිතාන මහතාට අයත් ආයතනයකට වාසිදායක වන අයුරින් බවයි.

මේ අතර, මේ සම්බන්ධයෙන් භූ විද්‍යා සමීක්ෂණ හා පතල් කාර්යාංශයේ සභාපති ආචාර්ය සංජේ පෙරේරා මහතා අරුණ පුවත්පත වෙත පවසා ඇත්තේ හම්බන්තොට වරායේ තිබෙන එම කළු ගල් තොගය පිටරට යැවීමට අදාළව මෙතෙක් කැබිනට් අනුමැතියක් ලැබී නොමැති බවය.

අපනයනය සඳහා කැබිනට් අනුමැතිය ලැබීමෙන් පසුව අදාළ කළු ගල් කොපමණ ප්‍රමාණයක් තිබේද, ඒවා අපනයනයට සුදුසුද, නැතිද යන්න භූ විද්‍යා සමීක්ෂණ හා පතල් කාර්යාංශය විසින් පරීක්ෂා කරන බව සභාපතිවරයා පැවසීය.

පරිසර අමාත්‍යවරයා ලෙස මේවන විට කටයුතු කරනු ලබන්නේ ප්‍රශ්නගත හියුමන් ඉමියුනෝග්ලොබියුලීන් වංචාව සම්බන්ධයෙන් ආන්දෝලනාත්මක චරිතයක් බවට පත්ව සිටින කෙහෙළිය රඹුක්වැල්ල මහතාය.

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved