පුවත්
කොළඹ කෘෂි ව්යවසායකයින්ට රතු කුරුසයෙන් මිලියන 45 ක ආධාර
ආර්ථික වශයෙන් පීඩාවට පත් කොළඹ දිස්ත්රික්කයේ කෘෂිකාර්මික සුළු පරිමාණ ව්යවසායකයින්ට සහන සැලසීමට ශ්රී ලංකා රතුකුරුස සමාජය කටයුතු යොදා තිබේ.
ඒ අනුව මෙම ක්ෂේත්රයෙහි ජීවනෝපායන්හි නිරත පවුල් පන්සියකට (500) රුපියල් 75,000 බැගින් මූල්ය ආධාර ලබාදීමේ වැඩසටහනක් පසුගිය 21 වැනිදා ජනාධිපති කාර්ය මණ්ඩල ප්රධානී, ජනාධිපති ආරක්ෂක උපදේශක සාගල රත්නායක මහතාගේ ප්රධානත්වයෙන් කොට්ටාව ධර්මපාල විද්යාලයීය ශ්රවනාගාරයේදී පැවැත්විණි.
එහිදී ජනාධිපති කාර්ය මණ්ඩල ප්රධානී සාගල රත්නායක මහතා කියා සිටියේ, රතු කුරුස සමාජය ලබා දෙන මෙම මුදල් ප්රදානය යොදා ගනිමින් තමන්ගේ ජීවනෝපායන් තවදුරටත් සංවර්ධනය කර ගනිමින්, රටේ ආර්ථික ද ශක්තිමත් කිරීමට දායක වන ලෙසයි.
ඒ තුළින් උද්ධමනය අඩු කර ගැනීමට හැකිවී 2024 වසර ආර්ථිකමය වශයෙන් ශක්තිමත් වසරක් කර ගැනීමට හැකි වන බවද ඔහු කියා සිටියේය.
අන්තර් ජාතික රතු කූරුස සමාජය සහ රතු අඩ සඳ සම්මේලනය මේ සඳහා මූල්ය අනුග්රහය ලබා දී ඇත.
මෙම වැඩසටහන තුළින් හෝමාගම හා පාදුක්ක ප්රාදේශීය ලේකම් කොට්ඨාශවල කෘෂිකාර්මික, සත්ව පාලන හා බිම් මල්, වගාව ඇතුළු කෘෂිකාර්මික ජීවනෝපාය සංවර්ධන වැඩසටහන් රැසක් ක්රියාත්මක කරන බව ශ්රී ලංකා රතු කුරුස සමාජයේ ශාඛා සංවර්ධන අධ්යක්ෂිකා කුමාරි කොතලාවල මහත්මිය පවසන්නීය.
මෙහිදී අදහස් දැක්වූ ශ්රී ලංකා රතු කුරුස සමාජයේ ජ්යෙෂ්ඨ උප සභාපති ජගත් අබේසිංහ මහතා කියා සිටියේ, “මේ වන විටත් මෙවැනි කෘෂිකාර්මික පවුල් හයසියයක් (600)සඳහා මෙම ආධාර මුදල් දැනටමත් ලබා දී ඇති බවයි. මෙවුන්ගේ ව්යාපාර කටයුතු දියුණු කරගැනීම සදහා අවශ්ය තාක්ෂණික දැනුම හා මූල්ය පරිහරණය පිලිබදව දැනුමද ශ්රී ලංකා රතු කුරුස සමාජය මගින් මේ වන විට නොමිලේ ලබා දී ඇතැයි අබේසිංහ මහතා පැවසීය.
මෙම අවස්ථාවට කොළඹ දිස්ත්රික් ලේකම් කේ.ජී. විජේසිරි මහතා, හෝමාගම හා පාදුක්ක ප්රාදේශීය ලේකම්වරුන්, කොළඹ දිස්ත්රික් රතු කුරුස ශාඛා කමිටු සාමාජිකයන් ද රාජ්ය නිලධාරීන් සහ ක්ෂේත්ර නිලධාරීහු ද සහභාගි වූහ.
මහජන චීන සමූහාණ්ඩුවේ අලුත් අවුරුද්ද සැමරීමට සමගාමීව ශ්රී ලංකාවේ චීන තානාපති කාර්යාලය හා චීන සංස්කෘතික හා සංචාරක අමාත්යංශයේ සත්කාරකත්වයෙන් චීන අලුත් අවුරුදු උත්සවය වෙනුවෙන් සංස්කෘතික සැමරුමක් කොළඹ සිනමන් ලයිෆ් හෝටලයේදී ඊයේ (19) පැවැත්විණි.
එම උත්සවය අග්රාමාත්ය ආචාර්ය හරිනි අමරසූරිය මෙනෙවියගේ ප්රධානත්වයෙන් පැවැති අතර, ජනාධිපති අනුර කුමාර දිසානායක මහතා චීන අලුත් අවුරුදු උත්සවය වෙනුවෙන් නිකුත් කළ සුබ පැතුම් පණිවිඩය එහිදී අග්රාමාත්යවරිය විසින් සභාවට ඉදිරිපත් කළාය.
චීන සංස්කෘතිකාංග සමගින් වර්ණවත් වූ මෙම සැමරුම් උත්සවයට හිටපු ජනාධිපති මෛත්රීපාල සිරිසේන මහතා, හිටපු අග්රාමාත්ය දිනේෂ් ගුණවර්ධන මහතා, කර්මාන්ත අමාත්ය සුනිල් හඳුන්නෙත්ති මහතා, මුදල් හා ක්රමසම්පාදන නියෝජ්ය අමාත්ය ආචාර්ය හර්ෂණ සූරියප්පෙරුම මහතා, ශ්රි ලංකාවේ චීන තානාපති චී ජන්හොන්ග් මහතා, අග්රාමාත්ය ලේකම් ප්රදීප් සපුතන්ත්රි යන මහත්වරු ඇතුළු ශ්රී ලාංකිකයන් සහ චීන ජාතිකයින් පිරිසක් එක්ව සිටියහ.
මේ වැඩසටහන හර්නෑන් පළාතේ ජ’ංජෝ (Zhengzhou) නගරයේ සංස්කෘතිය පිළිබඳ නගර කාර්යාංශය, සිචුවාන් සංචාරක සරසවිය, මෙරට චීන සංස්කෘතික මධ්යස්ථානය, පොර්ට් සිටි කලම්බෝ පුද්ගලක සමාගම හා සිනමන් හොටේල් ඇන්ඩ් රිසෝට් පුද්ගලික සමාගම විසින් සංවිධානය කර තිබිණි.
අලුත් අවුරුදු සැමරුමට සමගාමීව Henan Art Troupe සහ Sichuan Chef Team හි 34 දෙනෙකුගෙන් සමන්විත දූත පිරිසක්ද ලංකාවට පැමිණ සිටී.
ජනවාරි 20 සිට 23 දින දක්වා “චීන ආහාර සැණකෙළිය” හා “වරාය නගර චීන සංස්කෘතික රාත්රිය” පැවැත්වීමට ද කටයුතු සංවිධානය කර ඇත.
(ඡායා – ශානිකා ජයසේකර / වීඩියෝ – කැළුම් ශිවන්ත)
චීන අලුත් අවුරුද්දට සංස්කෘතික සැමරුමක් (ඡායා / වීඩියෝ)
මහනුවර – මහියංගනය මාර්ගය තාවකාලිකව වැසේ
