Connect with us

පුවත්

ගතවූ හත් වසර තුළ ප්‍රමිතියෙන් තොර ඖෂධ 587ක් ඉවතට

Published

on

ගතවූ වසර හත තුළ ප්‍රමිතියෙන් තොර ඖෂධ වර්ග 587 ක් භාවිතයෙන් ඉවත් කර ඇති බව සෞඛ්‍ය අමාත්‍යංශය පවසයි.

2017 වසරේදී ඖෂධ වර්ග 93 ක්, 2018 වසරේදී ඖෂධ වර්ග 85 ක්, 2019 වසරේදී ඖෂධ වර්ග 96 ක්, 2020 වසරේදී ඖෂධ වර්ග 77 ක්, 2021 වසරේදී ඖෂධ වර්ග 85 ක්, 2022 වසරේදී ඖෂධ වර්ග 86 ක් හා 2023 වසරේදී මේ දක්වා ඖෂධ වර්ග 65 ක් භාවිතයෙන් ඉවත් කර තිබේ.

‘‘ප්‍රමිතියෙන් තොර ඖෂධ ලැබීම මේ වසරේ පමණක් සිදුවූ දෙයක් නෙවෙයි. මීට පෙර වසරවලද සිදු වෙලා තියෙනවා. නියමිත ක්‍රමවේද අනුගමනය කරන්නේ රෝගී ආරක්ෂාව වෙනුවෙන්. දේශීය වශයෙන් නිපදවන ඖෂධ මෙන්ම ලියාපදිංචි කළ ආනයනික ඖෂධද ප්‍රමිතියෙන් තොර බව පරීක්ෂණවලදී අනාවරණය වුවහොත් ඉවත් කරනවා’’ සෞඛ්‍ය අමාත්‍යංශයේ අතිරේක ලේකම් විශේෂඥ වෛද්‍ය සමන් රත්නායක පැවැසුවේය.

ඉන්දීය ණය ආධාර යටතේ ආනයනය කළ ඖෂධ වර්ග 278 න් එක් ඖෂධයක් පමණක් ප්‍රමිතියෙන් තොර බව හෙළිවී තිබේ. හදිසි මිලදී ගැනීම් යටතේ ලබාගත් ඖෂධ වර්ග 308 න් එක් ඖෂධයක් පමණක් ප්‍රමිතියෙන් තොර බව හෙළිවී තිබේ. එවැනි ඖෂධ භාවිතයෙන් ඉවත් කිරීමට හැකිවන්නේ පරීක්ෂාවට ලක්කරන නිසා බවද අතිරේක ලේකම්වරයා කීවේය.

කිසියම් ඖෂධයක් නිෂ්පාදනය කිරීම සඳහා අමුද්‍රව්‍ය සකස් කිරීමේදී, නිෂ්පාදනයේදී, ඇසුරුම් කිරීමේදී, ලේබල් කිරීමේදී, නැව් ගත කිරීමේදී, ගබඩා කිරීමේදී, රෝහල්වලට ප්‍රවාහනය කිරීමේදී ,නිවැරදි උෂ්ණත්වය නොමැති අවස්ථාවකදී, ඖෂධ ප්‍රමිතියෙන් තොර විය හැකි බවත් ඔහු කියා සිටියේය.

(අරුණ)

ක්‍රීඩා

යුපුන් ජර්මනියේදීත් එක වෙයි

Published

on

By

ජර්මනියේ පැවති Internationales Leichtathletik Meeting මලල ක්‍රීඩා ශුරතා තරගාවලියේදී පිරිමි මීටර 100 ධාවන ඉසව්වේ ප්‍රථම ස්ථානය දිනා ගැනීමට යුපුන් අබේකෝන් ඊයේ (24) සමත් විය.

ඔහු මෙම ඉසව්ව අවසන් කළේ තත්පර 10.16කිනි. 

යුපුන් මූලික වටයේදී තත්පර 10.15 දක්ෂතාවක් වාර්තා කරමින් ප්‍රථම ස්ථානය දිනා අවසන් තරගයට සුදුසුකම් ලැබූ අතර එම කාලය වාර්තා වුණේ යුපුන් මෙම කාලසීමාවේදී දැක් වූ හොඳම දක්ෂතාවය ලෙසය.

Continue Reading

පුවත්

තරුණයින් 2කගේ සිරුරු මල්වානේ කුඹුරක

Published

on

By

දොම්පේ  මල්වාන මායිවල ප්‍රදේශයේ කුඹුරක පාවෙමින් තිබූ මලසිරුරු දෙකක් හමුවූ බව දොම්පේ පොලිසිය පවසයි.

පොලිසි හදිසි ඇමතුම් අංකයට ලද තොරතුරක් මත පොලිස්  නිලධාරින් කණ්ඩායම් ගොස් සිදු කළ නිරීක්ෂණයේදී මෙම මල සිරුරු දෙක සොයා ගැනීමට හැකි වී ඇතග

මෙලෙස මියගොස් ඇත්තේ රම්බොඩ නාවලතැන්න ප්‍රදේශයේ පදිංචිකරුවන් වන අවුරුදු 19 සහ 29 වයස්වල තරුණයන් දෙදෙනෙකි.

සිද්ධි සම්බන්ධයෙන් දොම්පේ පොලිසිය වැඩිදුරටත් පරීක්ෂණ පවත්වයි.

Continue Reading

පුවත්

තරුණයෙක් ගුවන් පාලමකින් අධිවේගී මාර්ගයට පැනලා

Published

on

By

දක්ෂිණ අධිවේගී මාර්ගයේ අතුරුගිරිය සහ කොට්ටාව අතුරු මාර්ගයක පාලමේ සිට දක්ෂිණ අධිවේගී මාර්ගයට පැනීම නිසා ධාවනය වෙමින් තිබූ වාහනයක ගැටුණු තරුණයකු බරපතල තුවාල ලබා හෝමාගම මූලික රෝහලට ඇතුලත් කර ඇතැයි අතුරුගිරිය පොලිසිය පවසයි.

මෙම තරුණයා සිය දිවි නසා ගැනීමට මෙලෙස අධිවේගී මාර්ගයට පැන්නාද නැතහොත් වෙනත් පාර්ශවයක් විසින් පාලම මත සිට එම තරුණයා අධිවේගී මාර්ගයට තල්ලු කාළා ද යන්න පිළිබඳව පරීක්ෂණයක් ආරම්භ කළ බවද පොලිසිය පවසයි.

මෙලෙස අනතුරට ලක්ව ඇත්තේ අතුරුගිරිය වල්ගම සුව මාවත සිසිලස උද්‍යානයේ පදිංචිකරුවකු වන 24 හැවිරිදි තරුණයෙකි.

සිද්ධිය සම්බන්ධයෙන් අතුරුගිරිය පොලිසිය වැඩි දුරටත් පරීක්ෂණ පවත්වයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved