Connect with us

පුවත්

‘ගම්පහ පද්මේ’ ගේ ගෝලයා ‘ගිහාන්’ වෙඩි කයි!

Published

on

ඩුබායි රටේ සිටින ‘ගම්පහ පද්මේ‘ නමැති පාතාල සාමාජිකයාගේ සමීපතමයකුයැයි කියන ගිහාන් නමැති පස් ව්‍යාපාරිකයා ඊයේ (23) උදේ 7ට පමණ සීදුව කොටුගොඩ මාර්ගයේ ගලිගන්එළිය හන්දියේදී වෙඩි තබා ඝාතනය කර ඇතැයි සීදුව පොලිසිය පවසයි.

ඝාතනයට ලක් වූ ගිහාන් නමැත්තා කැඳ අලෙවිසලක් වෙත පැමිණ සිටියදී යතුරුපැදියකින් පැමිණ ඇති නාඳුනන තුවක්කුකරුවකු විසින් එල්ල කරන ලද වෙඩි පහරින් බරපතළ තුවාල ලබා රාගම රෝහලට රැගෙන යන අතරතුරදී මියගොස් තිබේ.

එම කැඳ කඩය පවත්වාගෙන යන 62 හැවිරිදි කාන්තාවටද වෙඩි වැදී තුවාල සිදු වීම හේතුවෙන් ඇයද රාගම රෝහලට ඇතුළත් කළ බව සීදූව පොලිසිය පවසයි.

වෙඩි තැබූ ස්ථානයේ තිබී 9 එම්.එම්. වර්ගයේ පිස්තෝලවලට යොදන හිස් පතුරම් කොපු 11ක් සොයාගත් බවද පොලිසිය කීය.

රද්දොළුගම, ලාහුවල පාරේ පදිංචි කොටගෙදර ලියනගේ ගිහාන් කාංචන පෙරේරා නමැති 39 හැවිරිදි මරණකරු 2018 වර්ෂයේ ජනවාරි මස ගම්පහ, බටපොත ප්‍රදේශයේදී පුද්ගලයකු වෙඩි තබා ඝාතනය කිරීමට සම්බන්ධව තොරතුරු දීමේ චෝදනා මත බන්ධනාගාරගතව සිට පැමිණි අයකු බව පොලිසිය වැඩිදුරටත් සඳහන් කළේය.

ඔහු බැකෝ යන්ත්‍ර සහ ටිපර් රථ යොදාගෙන පස් ව්‍යාපාරය සිදු කරන අයකු වන අතර, නාඳුනන තුවක්කුකරුවකුගේ වෙඩි පපහරින් මියගිය පස් පොඩ්ඩා නමැත්තාගේ සමීපතමයකු බවද පොලිසිය කියයි.

පස් ව්‍යාපාරය සම්බන්ධයෙන් ගම්පහ, කෙහෙල්බද්දර, කොටුගොඩ ඇතුළු අවට ප්‍රදේශ රැසක කණ්ඩායම් දෙකක් අතර කලක පටන් පවතින විරසකය මෙම ඝාතනයට හේතු වී ඇති බව පැවසේ.

Continue Reading

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved