Connect with us

පුවත්

ගාල්ල බන්ධනාගාරයේ සෞඛ්‍යමය හදිසි තත්ත්වයක්! (Update)

Published

on

ගාල්ල බන්ධනාගාරයේ පැතිරයන මෙනින්කොකොකල් රෝගය හේතුවෙන් බන්ධනාගාරය තුළ සෞඛ්‍යමය හදිසි තත්වයක් ප්‍රකාශයට පත්කර ඇතැයි වාර්තා වේ.

මේ හේතුවෙන් රැඳවියන් නඩු කටයුතු සඳහා අධිකරණ වෙත රැගෙන යාම සති දෙකක කාලයක් සඳහා තාවකාලිකව නැවැත්වීමට තීරණය කර ඇති අතර අත්‍යාවශ්‍යම අවස්ථාවක දී සූම් ක්‍රමයට නඩු කටයුතු සඳහා සම්න්බන්ධ කිරීමට ද තීරණය ගෙන ඇත. 

බන්ධනාගාරයේ මෙම රෝගය පැතිරයාම හේතුවෙන් රැඳවියන්ට සහ කාර්ය මණ්ඩලයට ප්‍රතිකාර කිරීම සඳහා කරාපිටිය ශික්ෂණ රෝහලේ විශේෂ වෛද්‍ය කණ්ඩායමක් බන්ධනාගාරයට පැමිණ ඇති බව ද බන්ධනාගාර දෙපාර්තමේන්තුවේ මාධ්‍ය ප්‍රකාශක – චන්දන ඒකනායක මහතා පවසයි.

මේ වන විට ගාල්ල බන්ධනාගාරයේ රැඳවියන් 16 දෙනකු රෝගී වී ඇති බවත්, ඉන් 09 දෙනකු කරාපිටිය ශික්ෂණ රෝහලට ඇතුළත් කර ඇති අතර, බන්ධනාගාර රෝහලේ සත්දෙනකු ප්‍රතිකාර ලබන බවත් ඔහු වැඩිදුරටත් පවසා ඇත.


(පෙර පුවත 2023 අගෝස්තු 23, ප.ව.05:11)

ගාල්ල රැඳවියන් ලෙඩ වෙන්න හේතුව මෙනින්ගොකොකල් තමයි!

ගාල්ල බන්ධනාගාරයේ රැඳවියන් මරණයට පත්වීම හා අසනීප වීමට හේතුව මෙනින්ගොකොකල් (Meningococcal) බැක්ටීරියාව බව මූලික පරීක්ෂණවලදී යම්තාක් දුරකට අනාවරණය වී ඇතැයි සෞඛ්‍ය අංශ පවසයි.

මේ වන විට ගාල්ල බන්ධනාගාරය තුළ පැතිර යන කුෂ්ඨ රෝගයක් සමග උණ රෝග තත්ත්වයක් හේතුවෙන් රැඳවියන් දෙදෙනෙකු ජීවිතක්ෂයට පත්ව ඇති අතර තවත් 9 දෙනෙකු කරාපිටිය ශික්ෂණ රෝහලේ ප්‍රතිකාර ලබමින් සිටින බව වාර්තා වේ.

මියගිය රැඳවියන් දෙදෙනාගේ පශ්චාත් මරණ පරීක්ෂණ කටයුතු ඊයේ (21) දිනයේ සිදුකෙරුණු අතර එහිදී වෛද්‍යවරුන් විසින් විවෘත තීන්දුවක් ලබා දී තිබේ.

ඒ අනුව ශරීර කොටස් වැඩිදුර පරීක්ෂණ සඳහා රජයේ රස පරීක්ෂකවරයා වෙත යොමුකර ඇති බව සඳහන්ය.

මෙම බැක්ටීරියාව දරුවන්ට වඩාත් හානිකර වන අතර, මත්ද්‍රව්‍ය භාවිත‍ය හේතුවෙන් සෞඛය තත්වය දුර්වල වූ පුද්ගලයන්ට ද මෙය මාරාන්තික බව වෛද්‍යවරුන්ගේ මතයයි.

පවතින තත්ත්වය සම්බන්ධයෙන් වැඩබලන නියෝජ්‍ය සෞඛ්‍ය සේවා අධ්‍යක්ෂ වෛද්‍ය ජී.විජේසූරිය මහතා මාධ්‍ය වෙත මෙසේ අදහස් දක්වා ඇත.

“මේ වනවිට මෙය රෝගී තත්ත්වය මෙනින්ගොකොකල් නැමති බැක්ටීරියාව නිසා ඇති වූ ආසාදනයක් බවට යම්තාක් දුරකට සොයාගෙන තිබෙනවා. තවදුරටත් එයට අදාළව මේ වනවිට පරීක්ෂණ සිදුකරමින් පවතිනවා. ඊට අමතරව අපි මේ ගැන සොයා බලනවා මෙම බැක්ටීරියාව බන්ධනාගාරය තුළට ගියේ කොහොමද කියන කාරණය. ඒ පිළිබඳ සොයා බැලීමේ දී අපිට සැකයක් මතුවෙලා තියෙනවා බන්ධනාගාරයේ රැඳවියෙකු වශයෙන් ඉඳලා එයින් නිදහස් වෙලා ගියපු පුද්ගලයෙක් ඊට සතියකට විතර පසුව කරාපිටිය රෝහලට ඇතුළත් කරලා මියගිහින් තියෙනවා. අවුරුදු 24ක විතර තරුණ අයෙක්. සැකයක් පවතිනවා මේ පුද්ගලයා ද ප්‍රාථමික මුලාශ්‍රය කියලා, මේ විෂබීජය ඇතුළට ගියේ කියන කාරණය ගැන පොඩි සැකයක් තියෙනවා. ඒ වගේම එම පුද්ගලයාගේ නිවසේ අයත් පරීක්ෂා කරලා බලනවා. ඒ සඳහා ගාල්ල දිස්ත්‍රික් සෞඛ්‍ය සේවා අධ්‍යක්ෂවරයාට දැනුම්දීලා තියෙනවා. ක්ෂුද්‍රජීවක වෛද්‍යතුමිය හා විශේෂඥ කණ්ඩායම විසින් උපදෙස් ලබාදීලා තියෙනවා බන්ධනාගාර තුළ සිටින සියලු රැඳවියන්ට හා කාර්ය මණ්ඩලයට ප්‍රතිජීවක එන්නත් ලබාදෙන්න කියලා.”

බැක්ටීරියාව ව්‍යාප්ත වීම පාලනය කිරීම පිළිබදව ද වෛද්‍යවරයා වැඩිදුරටත් මෙසේද පැවසීය :

“අපි පුළුවන් තරම් උත්සාහ ගන්නවා මේ බැක්ටීරියාව සමාජය තුළට යෑම වළක්වා ගැනීම සඳහා. මෙම බැක්ටීරියාව වරින් වර විදේශ ගතවු පුද්ගලයින් හරහා ඒමට හැකියාවක් තියෙනවා. සමහර රටවල්වලින් ඉතා විශාල වශයෙන් ජනතාව ගැවසෙන ස්ථානවලින් මේක ඇති වීමේ හැකියාවක් තියෙනවා. ඒ වගේම සෞඛ්‍ය පහසුකම් අඩු බන්ධනාගාර වගේ තැන්වලත් ඇති වීමේ හැකියාවක් තියෙනවා. විශ්වවිද්‍යාලවල පවා සිසුන් එකට ඒකරාශි වෙලා ගැවසීම නිසා මේ වගේ තත්ත්වයන් ඇතිවිය හැකියි. නමුත් මේක අපේ රටේ බහුල තත්ත්වයක් නෙමෙයි. කෙසේවෙතත් සෞඛ්‍ය අමාත්‍යාංශය විසින් මෙය ව්‍යාප්ත වීම වැළැක්වීමට කටයුතු අරන් තියෙනවා කියලා කියන්න ඕනේ.”

(මූලාශ්‍රය :  අද දෙරණ)

සබැදි පුවත්  :

ගාල්ල බන්ධනාගාර රැඳවියන් දෙදෙනෙකු මරුට ; හේතුව මාරාන්තික බැක්ටීරියාවක්?

පුවත්

වෛද්‍ය කපිල වික්‍රමනායකගේ පෙත්සම ගැන අධිකරණයෙන් තීරණයක්

Published

on

By

සෞඛ්‍ය අමාත්‍යාංශයේ වෛද්‍ය සැපයීම් අංශයේ අධ්‍යක්ෂ වෛද්‍ය කපිල වික්‍රමනායක මහතා විසින් ඉදිරිපත් කළ පෙත්සම සලකාබැලීම සඳහා ජුනි මස 04 වනදා කැඳවන ලෙස අභියාචනාධිකරණය නියම කලේය.

තමන්ව රක්ෂිත බන්ධනාගාර ගත කිරීමට දුන් නියෝගය නීතියට පටහැනි බවට තීන්දුවක් ලබාදෙන ලෙස ඉල්ලා ඔහු මෙම පෙත්සම ගොනු කර තිබුණි.

ප්‍රමිතියෙන් තොර ප්‍රතිදේහ එන්නත් මිලදීගැනීමේ සිද්ධිය සම්බන්ධයෙන් මාළිගාකන්ද මහෙස්ත්‍රාත් අධිකරණය විසින් ඔහුව රක්ෂිත බන්ධනාගාර ගත කරන ලදී.

අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ ශෂී මහේන්ද්‍රන් යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ලක් ඉදිරියේ එම පෙත්සම අද (30) කැඳවනු ලැබීය.

එහිදී නීතිපතිවරයා වෙනුවෙන් පෙනී සිටි  නියෝජ්‍ය සොලිසිටර් ජනරාල් නිර්මලන් විග්නේෂ්වරන් මහතා සඳහන් කළේ මෙම පෙත්සමට අදාළ සීමිත විරෝධතා ගොනුකර අවසන් බවය.

ඉන්  අනතුරුව පෙත්සම සලකාබැලීම සඳහා ජුනි මස 04 වනදා කැඳවන ලෙස නියෝග කලේය.

ප්‍රමිතියෙන් තොර ප්‍රතිදේහ එන්නත් මිලදීගැනීමේ සිද්ධිය සම්බන්ධයෙන් තමන්ව පොදු දේපොළ පනත යටතේ නඩුව අවසන් වනතුරු රක්ෂිත බන්ධනාගාර ගත කිරීමට මාළිගාකන්ද මහෙස්ත්‍රාත් අධිකරණය විසින් දී ඇති නියෝගය බලරහිත කරන ලෙස ඉල්ලා ඔහු විසින් මෙම පෙත්සම ඉදිරිපත් කර තිබුණි.

Continue Reading

පුවත්

කබ්රාල්ගේ විදෙස් ගමන් තහනම තාවකාලිකව ඉවතට

Published

on

By

හිටපු මහ බැංකු අධිපති අජිත් නිවාඩ් කබ්රාල් මහතාට වෛද්‍ය ප්‍රතිකාර ලබාගැනීම සඳහා ඔහුට පනවා තිබූ විදේශ ගමන් තහනම තාවකාලිකව ඉවත් කිරීමට ඊයේ (29)  කොටුව මහෙස්ත්‍රාත් කෝසල සේනාධීර මහතා නියෝග කලේය.

ශ්‍රී ලංකා රජයට අයත් මහබැංකු බැඳුම්කර නිකුත් කිරීමේදී අමෙරිකානු ඩොලර් මිලියන 6.5ක මුදලක් අහිමි කිරීම සම්බන්ධ නඩුවට අදාළව හිටපු මහ බැංකු අධිපති අජිත් නිවාඩ් කබ්රාල් මහතාට විදෙස් ගමන් තහනමක් පනවා තිබුණි.

ඒ අනුව, ඔහුට එරෙහිව පනවා තිබූ  විදේශ ගමන් තහනම ලබන ජුනි මස 07 වනදා සිට ජූලි මස 07වනදා දක්වා තාවකාලිකව ඉවත් කිරීමට ඒ ඔහු වෙනුවෙන් පෙනී සිටි නීතිඥ මඩුල්ල මෝසමක් ගොනු කරමින් සිදු කළ ඉල්ලීමට කොටුව මහේස්ත්‍රාත් කෝසල සේනාධීර අවසර ලබා දීම සිදුවිය.

එංගලන්තයේ සිදු කිරීමට නියමිත හෘද රෝග පරීක්ෂාවක් සඳහා මෙලෙස අවසර ලබා දුනි.

අජිත් නිවාඩ් කබ්රාල් මෙම සිද්ධිය සම්බන්ධයෙන් සැකකරුවෙකු ලෙස නම් කර නැති බව කියමින් විදේශ ගමන් තහනම සම්පූර්ණයෙන්ම ඉවත් කරන ලෙස අජිත් නිවාඩ් කබ්රාල් මහතා වෙනුවෙන් ඔහුගේ නීතිඥවරුන් මෙහිදී ඉල්ලීමක් කලේය.

කෙසේවෙතත්, සැකකරුවෙක් ලෙස නම් කර නැතත් සිදු කරන විමර්ශනවලට බාධා විය හැකි බව පවසමින්  මහේස්ත්‍රාත්වරයා එම ඉල්ලීම ප්‍රතික්ෂේප කර තිබේ.

විමර්ශන අනුව ඕනෑම අවස්ථාවක සැකකරුවෙක් ලෙස නම් කළ හැකි බවත් විදේශ ගත වුවහොත් විමර්ශනවලට බාධා විය හැකි බවත් කියමින් මහේස්ත්‍රාත් වරයා මෙම නියෝගය නිකුත් කලේය.

ශ්‍රී ලංකාවේ ප්‍රතිරූපය ඉහළ නැංවීම සඳහා ඇමරිකාවේ පදිංචි පුද්ගලයකුට ඇමරිකානු ඩොලර් මිලියන 6.5ක ප්‍රමාණයක් ලබාදීම සම්බන්ධයෙන් සිදු කරන විමර්ශන අවසන් නොකිරීම නිසා ඉතා අත්‍යවශ්‍ය කටයුත්තකට හෝ විදේශගත වීමට ඔහුට නොහැකි වී ඇති බවත් විශිෂ්ට රාජ්‍ය සේවකයකුට එලෙස බාධා කිරීම ඉතා අසාධාරණ බවත් කියමින් නීතිඥ මල්දිනි හේරත් හා නීතිඥ ෂෙනාල් විජේසිංහ සමග පෙනීසිටි ජ්‍යෙෂ්ඨ නීතිඥ චමින්ද අතුකෝරළ මහතා මෙහිදී අධිකරණය හමුවේ කරුණු දක්වන ලදී.

කරුණු සලකා බැලූ මහෙස්ත්‍රාත්වරයා, ලබන මස 5 වැනිදා සිට ජූලි මස 5 වැනිදා දක්වා කාලය සඳහා විදේශ ගමන් තහනම ඉවත් කිරීමට ද නියෝග කලේය.

සබැඳි පුවත්

Continue Reading

පුවත්

අධිකරණයට අපහාස කළැයි මෛත්‍රීට පෙත්සමක්

Published

on

By

අධිකරණයට අපහාස කළේ යැයි චෝදනා කරමින් හිටපු ජනාධිපති මෛත්‍රීපාල සිරිසේන මහතාට එරෙහිව අභියාචනාධිකරණය හමුවේ පෙත්සමක් ගොනු කර තිබේ.

ශ්‍රී ලංකා නිදහස් පක්ෂයේ විධායක සභිකයකු වන මොන්ටේගු සරත්චන්ද්‍ර මහතා විසින් පෙත්සම ඉදිරිපත් කරන ලදී.

පෙත්සම අද (30) අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ ෂශී මහේන්ද්‍රන් යන විනිසුරු මඩුල්ල ඉදිරියේ කැඳවනු ලැබීය.

එහිදී අධිකරණය විසින් පෙත්සම්කාර පාර්ශ්වයේ නීතිඥවරයාට නියෝග කළේ, මෙම පෙත්සමට අදාළව කරුණු තහවුරු කිරීම සඳහා වගඋත්තරකාර මෛත්‍රීපාල සිරිසේන මහතා වෙත නොතීසි යැවීමට පියවර ගන්නා ලෙසයි.

ශ්‍රී ලංකා නිදහස් පක්ෂයේ සභාපතිවරයා වශයෙන් කටයුතු කිරීම වළක්වාලමින් කොළඹ දිසා අධිකරණය විසින් අතුරු තහනම් නියෝගයක් නිකුත් කර තිබියදී එය උල්ලංඝනය වන ආකාරයෙන් කටයුතු කිරීම තුළින් අධිකරණයට අපහාස කළේ යැයි චෝදනා කොට හිටපු ජනාධිපති මෛත්‍රීපාල සිරිසේන මහතාට එරෙහිව මෙම පෙත්සම ඉදිරිපත් කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved