කොළඹ සිට මඩකලපුව බලා අද (18) අලුයම ධාවනය වුණු දුම්රියේ වනඅලියෙකු ගැටී තිබේ.

අනතුරෙන් වනඅලියා මියගොස් ඇති අතර අලුයම 5:30ට පමණ ගල්ලෑල්ල ප්‍රදේශයේදී අනතුර සිදුවී ඇත.

ප්‍රදේශවාසියෙකු සඳහන් කළේ, මෙම වනඅලියා ප්‍රදේශයේ වී ගබඩාවලට පහරදී වී ආහාරයට ගන්නා බවත් අද අලුයම තුනේ සිට මෙම ගම්මානයේ වනඅලියා සැරිසරමින් සිටි බවය.

වනඅලියා ගමට පැමිණි මොහොතේ වනජීවී දෙපාර්තමේන්තුවට දැනුම්දීමට ගම්වාසීන් පියවර ගෙන තිබුණත් නිලධාරීන් දුරකථන විසන්ධි කර තිබූ බවටද ගම්වාසීන් චෝදනා කරයි.

මෙම වනඅලියා නිරන්තරයෙන් ගම්වදින බවත් ඒ සම්බන්ධයෙන් වනජීවී දෙපාර්තමේන්තුව නිසි ක්‍රියාමාර්ගයක් ගත්තේ නම් මෙවැනි විපතක් සිදු නොවනු ඇති බවද ගම්වාසීහු පෙන්වා දෙති.

වනජීවී නිලධාරීන් සඳහන් කරන්නේ මියගොස් ඇති වනඅලියා වයස අවුරුදු 15ක් පමණ වන උස අඩි 8ක පමණ සත්වයෙකු බවය.

මෙරටට පැමිණෙන විදේශිකයින් සඳහා තාවකාලික රියැදුරු බලපත් නිකුත් කිරීම ගුවන් තොටුපොළේදීම සිදුකිරීමට ප්‍රවාහන හා මහාමාර්ග අමාත්‍යාංශය තීරණය කර තිබේ.

ඒ සඳහා විශේෂ කවුළුවක් කටුනායක ගුවන් තොටුපොළේදී ස්ථාපිත කිරීමට නියමිතය.

දැනට මෙරටට පැමිණෙන විදේශිකයන්ට තාවකාලික රියදුරු බලපත්‍ර ලබා ගැනීම සඳහා වේරහැර පිහිටි මෝටර් රථ ප්‍රවාහන දෙපාර්තමේන්තු කාර්යාලයට යා යුතුය .

අමාත්‍යාංශය ප්‍රකාශ කළේ මෙය කාලය හා මුදල් නාස්තියක් බවට පෙන්වා දීමෙන් අනතුරුව, මෙම තීරණය ගත් බවය.

මෙම නව වැඩපිළිවෙල ලබන මස තුන් වැනිදා (අගෝස්තු 03) සිට ක්‍රියාත්මක වීමට නියමිතය. 

මෙරට ග්‍රාමීය ජනතාව අතර පමණක් නොව නාගරික අඩු අදායම්ලාභීන් අතර පවා පොල්තෙල් යනාදි ඇතැම් භාණ්ඩ සහ අමුද්‍රව්‍ය සිල්ලර ප්‍රමාණවලින් මිස ඉහළ ප්‍රමාණයක් මිලදී ගැනීමට තරම් ශක්තියක් නැති බව  ‘සාධාරණ සමාජයක් සඳහා වූ ව්‍යාපාරය’ සඳහන් පෙන්වා දෙයි.

පොල්තෙල් සිල්ලරට විකිණීම තහනම් කිරීම සඳහා රජය ගෙන එන්නට බලාපාරොත්තුව නීතිය පිළිබඳව නැවත සලකා බලන ලෙස ඉල්ලීමක් කරමින් එම ව්‍යාපාරය විසින් මේ බව සඳහන් කරන ලදී.

සාධාරණ සමාජයක් සඳහා වූ ව්‍යාපාරයේ මහ ලේකම් සුනිල් ජයසේකර මහතාගේ අත්සනින් යුත් මෙම නිවේදනයට අනුව පොල්තෙල් සිල්ලරට විකිණීමට නොහැකි වන අන්දමට නීතියක් ගෙන ඒමට රජය සුදානම් වන්නේ නම් එය නැවත සලකා බලන ලෙස ඉල්ලා තිබේ.

ඔවුන් වැඩිදුරටත් අවධාරණය කරන්නේ, ජන ජීවිතයේ සරල සංස්කෘතික ජීවන රටාවට හානිදායක වන තීරණ ගැනීමෙන් වැළකී සිටින ලෙසය.

සාධාරණ සමාජයක් සඳහා වූ ව්‍යාපාරය විසින් නිකුත් කරන ලද සම්පූර්ණ මාධ්‍ය නිවේදනය පහතින්, 

සබැඳි පුවත්