ඇමෙරිකානු ජනපති – ජෝ බයිඩ්න් හා චීන ජනපති – ෂී ජින්පිං අතර සාකච්ඡාවක් ඊයේ (14) ඉන්දුනීසියාවේ බාලි දූපතේදී පැවත්වුණි.
ඒ, එහි පැවැත්වෙන G20 සමුළුවට සමගාමීවය.
බයිඩ්න් මහතා ඇමෙරිකානු ජනපති ලෙස දිවුරුම් දීමෙන් පසුව ඔහු චීන ජනපතිවරයාව මුහුණට මුහුණ හමුවූ පළමු අවස්ථාව මෙය වන අතර, මෙම සාකච්ඡාව පැය 03ක කාලයක් පුරාවට පැවති බව විදෙස් වාර්තා සඳහන් කරයි.
ඇමෙරිකානු ජනපති ජෝ බයිඩ්න් මහතා පවසා ඇත්තේ චීනය සමඟ “නව සීතල යුද්ධයක්” ඇති වීමට හේතුවක් නැතැයි විශ්වාස කරන බවයි.
චීනය විසින් තායිවානය ආක්රමණය කිරීමට කටයුතු කරනු ඇතැයි තමන් විශ්වාස නොකරන බවද ඔහු පවසා ඇත.
මෙහිදී අදහස් දක්වමින් චීන ජනපති – ෂී ජින්පිං මහතා පවසා ඇත්තේ මේ වන විට දෙරට අතර රාජතාන්ත්රික සබඳතා ආරම්භ කර වසර 50කට වැඩි කාලයක් වන බවත්, එම කාලය තුළදී වාසි, පාඩු මෙන්ම අත්දැකීම් සහ පාඩම් ද ලැබී ඇති බවයි.
දැනට පවතින චීන – ඇමෙරිකානු සබඳතා දෙරටේ හා එහි ජනතාවගේ මූලික අවශ්යතා සම්බන්ධයෙන් යෝග්ය නොවන බවත්, එය ජාත්යන්තර ප්රජාවද දෙරටින් බලාපොරොත්තු වන දේ ද නොවන බවත් චීන ජනාධිපතිවරයා මෙහිදී පෙන්වා දී ඇත.
ලොව ප්රධාන රටවල් දෙකක නායකයින් ලෙස, නායකත්ව කාර්යභාරය ඉටු කළ යුතු අතර,චීන – ඇමෙරිකානු සබඳතා සඳහා නිවැරදි මාවතක් කරා යොමු විය යුතු බවත්, චීන ජනාධිපතිවරයා වැඩිදුරටත් පවසා ඇත.
චීන – ඇමෙරිකානු උපායමාර්ගික වැදගත්කම පිළිබඳව මෙන්ම කලාපීය හා ගෝලීය පිළිබඳව බයිඩ්න් මහතා සමග අවංක හා ගැඹුරු අදහස් හුවමාරුවකට සැමවිට සූදානම් බවද චීන ජනපතිවරයා පවසා ඇත.
දෙරටේ හා සමස්ථ ලෝකයේ සුභසිද්ධිය උදෙසා චීන – ඇමෙරිකානු සබඳතා යළි යහපත් මාවතකට යොමුකරමින් ස්ථාවර වර්ධනයක් කරා යාමට එක්ව කටයුතු කිරීමට සූදානම් බවද ෂී මහතා සඳහන් කර ඇත.
