Connect with us

පුවත්

චීනය හෝ ඉන්දියාව උසාවි ගියොත් තෙල් සංස්ථාව ගස් !

Published

on

පසුගිය වසරේ ඔක්තෝබර් මාසයේදී සම්මත වූ ඛනිජ තෙල් නිෂ්පාදන විධි විධාන සංශෝධන පනත් කෙටුම්පත නිසා ආසියානු සංවර්ධන බැංකුවේ යෝජනාවකට අනුව 2001 වර්ෂයේ සිදුකළ තෙල් සංස්ථාව ප්‍රතිව්‍යුහගත කිරීමේ මූලික එකඟතා කඩවී ඇතැයි වාර්තා වේ.

අදාළ ඛනිජ තෙල් නිෂ්පාදන විධි විධාන සංශෝධන පනත් කෙටුම්පත මගින් ජාත්‍යන්තර ඛනිජ තෙල් නිෂ්පාදන සිල්ලර සැපයුම්කරුවන්ට  දේශීය වෙළඳපොළට ඇතුළුවීමට අවසර හිමිව තිබේ.

ඒ අනුව චීනය හෝ ඉන්දියාව අධිකරණයට ගියහොත් ලංකා ඛනිජ තෙල් සංස්ථාව බරපතල අර්බුදයකට ලක්වනු ඇතැයි පැවසේ.

මේ සම්බන්ධයෙන් ඛනිජ තෙල් කේෂත්‍රය පිළිබද ප්‍රවීණයෙකු වන සිරිල් සුදුවැල්ල මහතා ද අප කළ විමසුමකදී ඒබව තහවුරු කළේය.

2001 වසරේ ආසියානු සංවර්ධන බැංකුවේ ප්‍රධාන මුලික එකගතාවයන් වු ස්වාධින නියාමන එකකයක් යටතට පත් කිරිම හා ඛනිජ තෙල් ක්ෂේත්‍රයේ සාධාරණ හා යුක්ති, සමානාත්මතාවයකින් කටයුතු කිරිමේ එකගතාවය නව පනත මගින් බිඳීගොස් ඇති බව ඔහු පෙන්වාදෙයි.

එම යෝජනා අනුව කොලොන්නාව තෙල් තොග නිමාව පිහිටුවා ඇති අතර එහිදී පාර්ශව තුනකට මෙරට ඉන්ධන බෙදාහැරීම හා අලෙවියට අවස්ථාව ලබා දී තිබේ.

ඛණිජ තෙල් සංෂ්ථාව, ඉන්දියන් තෙල් සමාගම සහ චීන සමාගමක් වන චයිනා සිනෝපැක් (China Sinopec) ආයතනයට මේ අවස්ථාව ලබා දිමට එමගින් හකඟව ඇත.

කෙසේවුවද, චයිනා සිනෝපැක් (China Sinopec) සමාගමට එසේ අවසර හිමිවුවද ඔවුන් සිය මෙහෙයුම් කටයුතු ලංකාව තුළ ආරම්භ කර නොමැත.

ඒ අනුව එම සමාගමට ලබාදී තිබූ තෙල් පිරවුම්හල් සියයකට වැඩි ප්‍රමාණයක් මහභාණ්ඩාගාරය යටතට පත්ව තිබේ.

පසුගිය වසරේ ඔක්තෝබර් මාසයේදී මෙරට ඉන්ධන ආනයන කිරීම සහ සිල්ලර වෙළෙඳපොළ තෙල් නිෂ්පාදනය කරන රටවල සමාගම්වලට විවෘත කිරීම සඳහා හිමිවූ කැබිනට් අනුවමැතියට යටත්ව විශභාර අමාත්‍ය කංචන විජේසේකර මහතා විසින් ඔක්තෝබර් 26 වැනිදා ඛණිජ තෙල් නිෂ්පාදන විධි විධාන සංශෝධන පනත් කෙටුම්පත පාර්ලිමේන්තුවේදී සම්මත කරගනු ලැබිණි.

මේ අතර, වසර විසිඑකකට පෙර ආසියානු සංවර්ධන බැංකුව කළ යෝජනාව අනුව ස්වාධීන නියාමන ආයතනයක් මගින් ඛනිජ තෙල් නියාමනය කිරිම ආරම්භ නොකොට එහි බලය පත්වන විෂය භාර ඇමතිවරයා යටතේම තබා ගැනීමට කටයුතු කිරීම මගින්ද ආසියානු සංවර්ධන බැංකුවේ යෝජනා උල්ලංඝනය කර ඇති බව පැවසේ.

පුවත්

වෙසක් නිමිත්තෙන් රැඳවියන් 278 කට සමාව

Published

on

By

වෙසක් උත්සවය නිමිත්තෙන් විශේෂ රාජ්‍ය සමාව යටතේ බන්ධනාගාරගත රැඳවියන් 278 කට සමාව පිරිනමන බව බන්ධනාගාර මාධ්‍ය ප්‍රකාශක, බන්ධනාගාර කොමසාරිස් ගාමිණි බී. දිසානායක මහතා පැවසීය.

රාජ්‍ය සමාව ලබන සිරකරුවන් අතර වැලිකඩ බන්ධනාගාරයෙන් සිරකරුවන් 15 ක් සහ මහර බන්ධනාගාරයෙන් 37 ක් සමඟ සියළුම බන්ධනාගාර ආයතනවලින් සිරකරුවන් 278 ක් සිටින බවත් ඒ අතර කාන්තා රැදවියන් 10 ක් ඇතුළත් බවත් දිසානායක මහතා කීය.

Continue Reading

පුවත්

‘සමස්ත සිංහල අය වෙනුවෙන් මගෙන් සමාව ඉල්ලපු කිහිපදෙනෙක් ඉන්නවා’ (වීඩියෝ)

Published

on

By

කුරුණෑගල අවට ජනතාව අදටත් සිසේරියන් සැත්කම් සිදු කර ගැනීමට තමන් ළඟට පැමිණෙන බවත් වඳ සැත්කම් කළ බවට නැගු චෝදනාවන්ට සමාව ඉල්ලා සිටින බවත් කුරුණෑගල ශික්ෂණ රෝහලේ වෛද්‍ය ෂිහාබ්දීන් මොහොමඩ් ෂාෆි පවසයි.

ශ්‍රී ලංකාව තුළ අනාගත පරපුරට සතුටින් ජීවත් වීමට අවස්ථාව සැලසිය යුතු බවට විශ්වාස කරන තමන් රට හැර යෑමේ සුදානමක් නොමැති බවත් කවදා හෝ මේ බෞද්ධ රට වෙනත් රටවලට ආදර්ශයක් වෙන රටක් බවට පත කළ යුතු බවත් ඔහු පෙන්වා දෙයි.

‘අවස්ථාවාදී අරමුණු උදෙසා නීතිය, විද්‍යාව සහ ජනමධ්‍ය අවභාවිත කිරීම’ යන තේමාව යටතේ මැයි 21වෙනිදා කොළඹ දී ‘අයිතිය උදෙසා මාධ්‍යවේදීන්’ විසින් සංවිධානය කළ සංවාදයකට එක්වෙමින් වෛද්‍ය ෂාෆි මේ අදහස් පළ කළේය.

කුරුණෑගල ශික්ෂණ රෝහලේ දී සිංහල මව්වරුන්ට වඳ සැත්කම් කළ බවට චෝදනා ලබා, අනිවාර්ය නිවාඩු ගන්වා අත්අඩංගුවේ සිටි වෛද්‍ය ෂාෆි පසුව එම චෝදනාවලින් නිදහස් වී නැවත කුරුණෑගල රෝහලේම සේවය කරයි.

(බීබීසී සිංහල)

Continue Reading

පුවත්

දළදා මාලිගාවේ බැතිමතුන් වෙනුවෙන් දන්සැල් කලාපයක්

Published

on

By

වෙසක් පුර පසළොස්වක පොහොය යෙදී ඇති හෙට (23) සහ අනිද්දා (24) යන දෙදින මහනුවර ශ්‍රී දළදා මාලිගාවට පැමිණෙන දෙස් විදෙස් බැතිමතුන් වෙනුවෙන් විශේෂ දන්සැල් කලාපයක් ක්‍රියාත්මක කිරීමට කටයුතු කර තිබේ.

දියවඩන නිලමේ ප්‍රදීප් නිලංග දෑල මහතාගේ උපදෙස් අනුව ශ්‍රී දළදා මාලිගාවේ කාර්ය මණ්ඩලය විසින් මෙම දන්සැල් කලාපය ක්‍රියාත්මක කරනු ඇත.

එහිදී ප්‍රණීත හා සෞඛ්‍ය‍ාරක්ෂිතව පිලියෙල කළ ආහාර පාන දින දෙකක් පුරාවට පැමිණෙන බැතිමතුන් වෙත ලබා දෙන බව ශ්‍රී දළදා මාලිගාව වැඩිදුරටත් සඳහන් කළේය. 

Continue Reading
Advertisement

Trending

Copyright © 2023 Sri Lanka Mirror. All Rights Reserved