Connect with us

පුවත්

ච‌ොක්ලට් එකකින් මහපට ඇගිල්ලක කෑල්ලක්; සිද්ධිය අධිකරණයට

Published

on

මහියංගනය මූලික රෝහලේ කාර්යමණ්ඩල සාමාජිකාවක් විසින් ම රෝහලේ ආපන ශාලාවෙන් මිලදී ගන්නා ලද Kandos K Super Nut Milk Choco එකක් තුළ තිබී මිනිස් සිරරකින් වෙන් වූ මහපට ඇගිල්ලක කොටසක් පසුගිය 05 වැනිදා දහවල් සොයාගෙන ඇත.

ඒ සම්බන්ධයෙන් මහියංගන සෞඛ්‍ය නිලධාරී කාර්යාලය දැනුවත් කිරීමෙන් පසුව මහියංගය සෞඛ්‍ය පරීක්ෂකවරුන්ගේ විශ‌ේෂ පරීක්ෂාවකට ලක් කර තිබේ.

මහජන සෞඛ්‍ය පරීක්ෂකවරු අදාළ ආපන ශාලාව පරීක්ෂා කිරීමෙන් පසුව එම නිෂ්පාදනයට අදාළ කාණ්ඩයේ අනෙකුත් චොක්ලට් නිෂ්පාදන ද සිය භාරයට ගෙන තිබේ.

එසේම මහියංගන නගරයේ සුපිරි වෙළෙඳ සැල්ද පරීක්ෂා කර අදාළ කාණ්ඩයේ චොක්ලට් සිය බාරයට ගෙන ඇති බව වාර්තා වේ.

මව්බිම පුවත්පත වාර්තා  කර ඇත්තේ රෝහල් කාර්යමණ්ඩල සාමාජිකාව විසින් පසුගිය 03 වැනිදා  අදාළ චොක්ලට් එක මිලදී ගෙන ඇති බවත්, එහි කොටසක් ආහාරයට ගෙන අනෙක් කොටස ශීතකරණයේ තබා  පසුගිය 05 වැනිදා  එය ආහාරයට ගත් අවස්ථාවේදී මේ ඇඟිලි කොටස හමුවූ බවයි.

සිද්ධියට අදාළ චොක්ලට් නිෂ්පාදන ආයතනය වන Ceylon Chocolates Limited ආයතනයට විරුද්ධව අද (07) මහියංගනය අධිකරණයට කරුණු වාර්තා කිරීමෙන් අනතුරුව නීතිමය පියවර ගැනීමට මහියංගනය සෞඛ්‍ය පරීක්ෂකවරු කටයුතු යොදා ඇතැයි වාර්තා වේ.

මේ සිද්ධිය සම්බන්ධයෙන් මහියංගන සෞඛ්‍ය වෛද්‍ය නිලධාරී වෛද්‍ය සහන් සමරවීර සහ මහියංගන සෞඛ්‍ය පරීක්ෂක චමින්ද රත්නායක ඇතුළු අමිල අබේසේකර හා  සල්මන් ෆාරීස් යන මහජන සෞඛ්‍ය පරීක්ෂකවරු විසින් පරීක්ෂණ පවත්වා තිබිණි.

ඡායාරූප – සමාජ මාධ්‍යයෙන් උපුටා ගන්නා ලදී.

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved