පුවත්
‘ඡායා ළමා ප්‍රාදේශීය සභා‘ මැතිවරණය අද
ශ්‍රී ලංකාවේ ප්‍රථම වරට, දිස්ත්‍රික්ක 10 ක ළමුන්, සමාජ මූර්තිකරුවෝ (TSA) විසින් පිහිටුවනු ලැබූ ඡායා ප්‍රාදේශීය සභා සඳහා සිය නියෝජිතයන් තෝරා පත් කර ගැනීම අද (පෙබරවාරි 16) සිදු කෙරේ.
ඉන් අනතුරුව ශ්‍රී ලංකාවේ ප්‍රථම ඡායා ළමා ප්‍රාදේශීය සභා (CSPS) ක්‍රමය පිහිටුවීම සිදු කෙරෙනු ඇත.
මෙම ඡායා ළමා ප්‍රාදේශීය සභාවන්, සමාජ මූර්තිකරුවන් විසින් පිහිටුවනු ලැබ තිබෙන්නේ ශ්‍රී ලංකාවේ ප්‍රාදේශීය සභා පනත අනුගමනය කරමිනි.
සමාජ මූර්තිකරුවෝ (TSA) ලියාපදිංචි පුණ්‍ය භාර ආයතනයක් වන අතර ශ්‍රී ලංකාවේ වත්මන් පළාත් පාලන ව්‍යූහය ජනතාව අතරට රැගෙන යාමේ අභිලාෂයෙන් කටයුතු කරමින් සිටියි. එය ශ්‍රී ලංකාව තුළ සහභාගිත්ව ප්‍රජාතන්ත්‍රවාදය ප්‍රවර්ධනය කිරීම සඳහා කටයුතු කරයි. අම්පාර, අනුරාධපුරය, මඩකලපුව, රත්නපුර, යාපනය, කිලිනොච්චි, මාතර, මුලතිව්, නුවරඑළිය සහ පොළොන්නරුව යන දිස්ත්‍රික්කවල ළමුන් වෙනුවෙන් මෙම වැඩසටහන පැවැත්වේ.
ළමා අවධියේදී ම ප්‍රජාතන්ත්‍රවාදයට සහභාගි වීම, ප්‍රජාතන්ත්‍රවාදයේ නියැළීම සහ ප්‍රජාතන්ත්‍රවාදය භුක්ති විඳීම සඳහා වයස අවුරුදු 11-15 ත් අතර දරුවන්, ඔවුන්ගේ දෙමාපියන්ගේ/ භාරකරුවන්ගේ අනුමැතිය මත 2023 පෙබරවාරි 16 වැනිදා සිය ඡන්දය ප්‍රකාශ කරනු ඇත. ඉහත සඳහන් කළ දිස්ත්‍රික්ක 10 තුළ ඡායා ළමා ප්‍රාදේශීය සභා 19 ක් ඒ අනුව පිහිටුවනු ලැබේ. මෙහිදී මිශ්‍ර සමානුපාතික ක්‍රමය අනුව පළාත් පාලන මැතිවරණයට සමාන්තර ක්‍රියාවලියක් අනුගමනය කෙරේ.
ළමුන් මේ සඳහා එක් එක් පක්ෂයකින් (මිහිකත පක්ෂය වෙනුවෙන් දරුවෝ, තිරසාර සංවර්ධනය වෙනුවෙන් දරුවෝ සහ සාධාරණ සම්පත් බෙදී යාමේ පක්ෂය වෙනුවෙන් දරුවෝ) නාම යෝජනා 8 බැගින් එක් ළමා ප්‍රාදේශීය සභාවක් සඳහා ඉදිරිපත් කර ඇති අතර, ඒ අනුව එක් එක් ඡායා ළමා ප්‍රාදේශීය සභාවක් සඳහා නාම යෝජනා 24 බැගින් අපේක්ෂකයන් 456 දෙනෙකුගෙන් නාම යෝජනා කැඳවනු ලැබිණි.
මෙහිදී කාන්තා නියෝජනය ද සහතික කර තිබේ.
වැඩි විස්තර සඳහා:
රදිකා (0772444278), මයුරන් (0767011060) (කොළඹ)
දිස්ත්‍රික් නිලධාරීන් අම්පාර – නිශාන්ති 0775 159 713
අනුරාධපුර – වාසල 0768 211892
මඩකලපුව – ත්‍යාගලිංගම් 0773 521 983
රත්නපුර – මධුවන්ති 0778 694981
යාපනය – ගජේන්දිරම් 0772 658 002
කිලිනොච්චි – තුර්කා 0778 522 312
මාතර – මනෝජා 0773 058679
මුලතිව් – අබෝජිදන් 0773 617 292
නුවරඑළිය – ජෙයරාජ් 0775 282 589
පොළාන්නරුව – මිල්මිණී 0741 694387
වෙබ් අඩවිය – https://thesocialarchitects.net/
ඉන්දීය ගුවන් අනතුරෙන් දිවි බේරුනු එක් මගියෙක් හමුවේ
බෝරා සමුළුවට උපරිම සහය දෙන්නැයි නිලධාරීන්ට උපදෙස්
