Connect with us

පුවත්

ජගත් යෝගා දිනයට ලංකාවේ සැමරුම්

Published

on

කොළඹ, ඉන්දියානු මහ කොමසාරිස් කාර්යාලය, එහි සංස්කෘතික අංශය වන කොළඹ, ස්වාමි විවේකානන්ද සංස්කෘතික මධ්‍යස්ථානය, යාපනය ඉන්දියානු කොන්සියුලර් ජෙනරාල් කාර්යාලය, හම්බන්තොට ඉන්දියානු කොන්සියුලර් ජෙනරාල් කාර්යාලය සහ මහනුවර සහකාර ඉන්දියානු මහ කොමසාරිස් කාර්යාලය 9 වන ජාත්‍යන්තර යෝගා දිනය නිමිත්තෙන් 2023 ජූනි 17 – 21 අතර දිවයින පුරා විවිධ වැඩසටහන් සංවිධානය කර ඇත.

“වාසුධායිව කුටුම්බකම් සඳහා යෝගා” යන තේමාව යටතේ සුවිසල් මහජන වැඩසටහනක් 2023 ජූනි 17 වන දින පෙ.ව. 6.45 සිට කොළඹ, නිදහස් චතුරස්‍රයේ දී පැවැත්වෙනු ඇත.

ශ්‍රී ලංකාවේ සෞඛ්‍ය අමාත්‍යාංශය ඇතුළු විවිධ සහකරුවන් සමඟ සහයෝගීව පැවැත්වෙන මෙම වැඩසටහන සඳහා මහජනතාවට නොමිලේ සහභාගී විය හැක. මහ කොමසාරිස් කාර්යාලය ජූනි 21 වන දින තවත් යෝගා වැඩසටහනක් කොළඹ වරායේ දී පැවැත්වීමට කටයුතු යොදා ඇත.

මේ සම්බන්ධයෙන් නිකුත් කළ මාධ්‍ය නිවේදනයකින් මෙරට පිහිටි ඉන්දීය මහකොමසාරිස් කාර්යාලය මෙසේද පවසා සිටියි :

9 වන ජාත්‍යන්තර යෝගා දිනයේ විශේෂ පියවරක් ලොව පුරා සිටින යෝගා ලෝලීන් ලෙස එකට එක් කරනු ඇත. මෙම වසරේ දී “ගෝලීය සාගර වළල්ලක්” නිර්මාණය කරමින් ලොව පුරා තෝරා ගන්නා ලද වරායන් හිදි යෝගා වැඩසටහන් පැවැත්වෙනු ඇත. සුවතාවය යන පොදු අරමුණ මත ලොව පුරා ජනතාව එකට එක් කරන 2023 ජාත්‍යන්තර යෝගා දිනය ඉන්දියාවේ වර්තමාන G20 සභාපතිත්වයේ තේමාව වන වාසුධායිව කුටුම්බකම් එනම් “එක් පෘථිවියක්, එක් පවුලක්, එක් අනාගතයක්”යන තේමාව  හා සමපාත වේ.

කායික සහ මානසික සුවතා අංගයක් ලෙස ශ්‍රී ලාංකිකයන් වෙත යෝගා ව්‍යායාම ප්‍රවර්ධනය කිරීම සඳහා ස්වාමි විවේකානන්ද සංස්කෘතික මධ්‍යස්ථානය විසින් 2023 ජාත්‍යන්තර යෝගා දිනය දක්වා වන දින 50 තුළ විශේෂ වැඩසටහන් සංවිධානය කරන ලදී. 2023 මැයි 1 වන දින සිට ස්වාමි විවේකානන්ද සංස්කෘතික මධ්‍යස්ථානය විසින් රාජ්‍ය ආයතන, යෝගා මධ්‍යස්ථාන සහ දේශීය සහකරුවන් සමඟ එක්ව යෝගා වැඩසටහන්, වැඩමුළු, දේශන සහ විවිධ වයස් කාණ්ඩ සහ වෘත්තිකයන් සඳහා ඉදිරිපත් කිරීම් පවත්වන ලදී. දේශීය වෛද්‍යවරුන් සඳහා පැවති යෝගා වැඩමුළුව, කොළඹ, නගර සභා පිටියේ පැවති යෝගා සැසිය සහ මේ වන විට දිවයින පුරා පැවැත්වෙන ආරක්ෂක අංශ සඳහා තෙදින වැඩමුළුව යනාදිය මේ අතරින් සුවිශේෂ වේ.

2014 වසරේදී ඉන්දියාවේ මූලිකත්වයෙන් ගෙන එන ලද යෝජනාවක් සම්මත කරමින් එක්සත් ජාතීන්ගේ මහා මණ්ඩලය සෑම වසරකම ජූනි 21 වන දින “ජාත්‍යන්තර යෝගා දිනය” ලෙස නම් කරන ලදී. මෙම යෝජනාව සඳහා රටවල් 170ක් සහය ලබා දුන් අතර ශ්‍රී ලංකාව එහි සම අනුග්‍රාහකයකු විය.

ආයුර්වේදය මෙන්ම යෝගා ව්‍යායාම ද ඉන්දියාව සහ ශ්‍රී ලංකාව විසින් බෙදාහදා ගන්නා උරුමයේ කොටසකි. ශ්‍රී ලංකාවේ පිහිටා තිබෙන ඉන්දීය රාජ්‍ය තාන්ත්‍රික කාර්යාල 2015 වසරේ සිට ශ්‍රී ලංකා නායකත්වය සහ ජනතාවගේ සහභාගීත්වයෙන් ජාත්‍යන්තර යෝගා දිනය මහත් උනන්දුවකින් සමරයි. පසුගිය වසරවලදී පැවැත්වූ වැඩසටහන් සඳහා සහභාගී වූ පිරිස දහස් ගණනකි. කොවිඩ්-19 වසංගතය හේතුවෙන් 2020 සහ 2021 වසරවලදී අතථ්‍ය අයුරින් ද 2022 වසරේදී නිදහස් චතුරස්‍රයේ දී හයිබ්‍රිඩ් අයුරින් පැවති වැඩසටහන් සඳහා ද ජනතාව මහත් උනන්දුවකින් සහභාගී වූහ.

පුවත්

පොසොන් උත්සවයට විශේෂ ප්‍රවාහන පහසුකම්

Published

on

By

පොසොන්  සමයේ අනුරාධපුරයට හා මිහින්තලයට පැමිණෙන සැදැහැවතුන් වෙනුවෙන් විශේෂ ලංගම බස්රථ සේවාවක් ක්‍රියාත්මක කරන බව අමාත්‍ය ආචාර්ය බන්දුල ගුණවර්ධන මහතා පවසයි.

අමාත්‍යවරයා වැඩිදුරටත් පවසා සිටියේ, උතුරු දුම්රිය මාර්ගයේ ප්‍රතිසංස්කරණ පොසොන් පොහොයට පෙර නිම කිරීමට නොහැකි බැවින් මෙම පියවර ගන්නා බවයි.

හෝමාගම,   පිටිපන පාසල් හන්දියේ සිට සිංහ අරන දක්වා මාර්ගය කාපට් අතුරා සංවර්ධනය කිරීම ආරම්භ කෙරුණේ අමාත්‍ය බන්දුල ගුණවර්ධන මහතාගේ ප්‍රධානත්වයෙනි.

මීටර් 800ක දුරක් මාර්ගය සංවර්ධනය කෙරෙන අතර ඒ සදහා වෙන් කෙරෙන මුදල රුපියල් මිලියන 13කි.

Continue Reading

පුවත්

උතුරු දුම්රිය මාර්ගයේ සංවර්ධන කටයුතු නිමවීමට තව කල් යයි

Published

on

By

උතුරු දුම්රිය මාර්ගයේ සංවර්ධන කටයුතු එළඹෙන පොසොන් පොහොයට පෙර නිම කිරීමට හැකියාවක් නොමැති බව කැබිනට් මාධ්‍ය ප්‍රකාශක ප්‍රවාහන අමාත්‍ය බන්දුල ගුණවර්ධන මහතා පවසයි.

අද (28) පැවැති කැබිනට් තීරණ දැනුම්දීමේ මාධ්‍ය හමුවේදී මාධ්‍යවේදියෙකු විසින් යොමුකළ ප්‍රශ්නයකට පිළිතුරු දෙමින් අමාත්‍යවරයා ඒ බව සඳහන් කළේය.

අමාත්‍යවරයා මෙහිදී පවසා සිටියේ, උතුරු දුම්රිය මාර්ගයේ සංවර්ධන කටයුතු අගෝස්තු මාසය වනවිට නිමකළ හැකි බවය.

Continue Reading

පුවත්

වතු ගැන ජනපති ගෙනා විශේෂ යෝජනාවට අනුමැතිය

Published

on

By

ශ්‍රී ලංකා රාජ්‍ය වැවිලි සංස්ථාව, ජනතා වතු සංවර්ධන මණ්ඩලය සහ සීමාසහිත ඇල්කඩුව වැවිලි සමාගම යන ආයතනවලට අදාළ හිඟ ව්‍යවස්ථාපිත දීමනා ගෙවීම සඳහා අවශ්‍ය අරමුදල් මහා භාණ්ඩාගාරය වෙතින් සලසා දීමට අමාත්‍ය මණ්ඩල අනුමැතිය හිමිව තිබේ.

ජනාධිපතිවරයා විසින් අදාළ යෝජනාව අමාත්‍ය මණ්ඩලයට ඉදිරිපත් කරන ලදී.

ඒ අනුව අදාළ හිඟ ව්‍යවස්ථාපිත දීමනා නිරවුල් කිරීමෙන් පසුව 1958 අංක 15 දරන සේවක අර්ථසාධක අරමුදලට අනුව ආයතනයන් විසින් ගෙවිය යුතු අධිභාර මුදල්වලින් අඩුකළ හැකි උපරිම ප්‍රමාණය අඩුකිරීමට කම්කරු කොමසාරිස් ජනරාල්වරයාට උපදෙස්දීමට ජනාධිපතිවරයා සිය යෝජනාව මගින් කරුණු ඉදිරිපත් කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved