ජනාධිපතිවරණය සහ මහ මැතිවරණය වසර දෙකකකින් කල් තැබීම සඳහා එක්සත් ජාතික පක්ෂ මහ ලේකම් පාලිත රංගේ බණ්ඩාර මහතා කළ යෝජනාව සම්බන්ධයෙන් ජනාධිපති නීතීඥ සාලිය පීරිස් මහතා සමාජ මාධ්‍ය ඔස්සේ සටහනක් පළ කර තිබේ.

එම සටහන මඟින් සාලිය පීරිස් මහතා පෙන්වා දෙන්නේ, ජනාධිපතිවරයාගේ ධුර කාලය දීර්ඝ කළ හැක්කේ ව්‍යවස්ථා සංශෝධනයකින් පමණක්වන අතර ඒ සඳහා ආණ්ඩුක්‍රම ව්‍යවස්ථාවේ 83(ආ) ව්‍යවස්ථාවට අනුව පාර්ලිමේන්තුවේ තුනෙන් දෙකක බහුතරයක් අවශ්‍ය බවය.

ජනවරමක් නොමැතිකම  ජනාධිපතිවරයාට සමීප බලගතු දේශපාලකයකුට එවැනි අදහසක් ඇතිවී තමාගේ අදහස් එලෙස ප්‍රකාශ කළ හැකි යැයි සිතීම විකාර සහගත බව සාලිය පීරිස් මහතා අවධාරණය කරනවා.

1982 ශ්‍රී ලංකාවේ එකම ජනමත විචාරණයෙන් පාර්ලිමේන්තුවේ කාලය දීර්ඝ කිරීම අපේ රටේ ඉතිහාසයේ විනාශකාරී කාල පරිච්ඡේදයකට මඟ පෑදූ බව අමතක නොකළ යුතු බවද සලිය පීරිස් මහතා තවදුරටත් පවසා ඇත.