Connect with us

පුවත්

ජනපති – එ.ජා. නේවාසික සම්බන්ධීකාරකවරයා අතර හමුවක්

Published

on

ලංකාවට එක්සත් ජාතීන්ගේ නව නේවාසික සම්බන්ධීකාරක ලෙස පසුගියදා පත් වූ මාර්ක්-ආන්ද්‍රේ ෆ්‍රැන්චෙ (Marc-André Franche) මහතා ඊයේ (24) පස්වරුවේදී ජනාධිපති රනිල් වික්‍රමසිංහ මහතා වෙත සිය අක්තපත්‍ර ලිපිය ප්‍රදානය කර තිබේ.

එක්සත් ජාතීන්ගේ සංවිධානය සහ ශ්‍රී ලංකාව අතර පවතින දීර්ඝකාලීන හවුල්කාරිත්වය සම්බන්ධයෙන් එම මහතා සිය ප්‍රශංසාව පළ කර ඇති අතර, තිරසාර සංවර්ධනය සඳහා වූ 2030 න්‍යාය පත්‍රය සාක්ෂාත් කර ගැනීමේ අරමුණෙන් ශ්‍රී ලංකා රජය සහ ජනතාව සමඟ අඛණ්ඩව කටයුතු කිරීම සඳහා මෙරට සිටින එක්සත් ජාතීන්ගේ සංවිධාන කණ්ඩායමේ කැපවීම ද යළිත් සහතික කළේය.

වත්මන් තත්ත්වය හමුවේ ශ්‍රී ලාංකේය ජනතාව මුහුණ දෙන පීඩනයන් හා අභියෝග තේරුම්ගත් මාර්ක්-ආන්ද්‍රේ මහතා, මෙරට ආර්ථිකය ස්ථාවර කිරීම සඳහා ගෙන ඇති පියවර සම්බන්ධයෙන් ලබා ඇති ප්‍රගතිය සම්බන්ධයෙන් ප්‍රශංසාව පළ කර තිබේ. වඩාත් අවදානමට ලක්විය හැකි අය කෙරෙහි විශේෂ අවධානයක් යොමු කරමින්, තිරසාර ආර්ථික ප්‍රකෘතියක් සඳහා රජය සමඟ එක්ව කටයුතු කිරීමට එක්සත් ජාතීන් ගේ සංවිධානය කැපවී සිටින බවට ඔහු සහතික විය.

දේශගුණික වෙනස්වීම සම්බන්ධ න්‍යාය පත්‍රය පිළිබඳව ශ්‍රී ලංකාවේ ජාතික කැපවීම් මෙන්ම උතුරු – නැගෙනහිර පළාත් ඇතුළු ප්‍රජාවන්ගේ ජීවනෝපාය සහ යහපැවැත්ම වැඩිදියුණු කිරීමට උපකාරී වන සංහිඳියාව, මානව හිමිකම් සහ සංවර්ධන මුලපිරීම් ඉලක්ක කරගත් අඛණ්ඩ පියවරයන් පිළිබඳව මාර්ක්-අන්ද්‍රේ මහතා සහ ජනාධිපති වික්‍රමසිංහ මහතා වැඩිදුරටත් සාකච්ඡා කර තිබේ.

ශ්‍රී ලංකාවේ ප්‍රතිව්‍යුහගත කිරීමේ ක්‍රියාවලියේදී ණය ප්‍රතිකර්ම කටයුතු සාධාරණ ලෙස සිදුකිරීම සහතික කිරීම සඳහා එක්සත් ජාතීන් ලබාදෙන සහය පිළිබඳවද මෙහිදී සාකච්ඡා කළ බවද පවසන ජනාධිපති මාධ්‍ය අංශය, ජනාධිපතිවරයා විසින් උතුරු සහ නැගෙනහිර ප්‍රදේශවල සංවර්ධනය සහ ප්‍රතිසන්ධානය සඳහා වූ සැලසුම් මෙහිදී ඉදිරිපත් කළ බවද කියා සිටියි.

පුවත්

ග්‍රාම නිලධාරීන් දේශපාලන රැස්වීම් වර්ජනයක

Published

on

By

දේශපාලනඥයන් සහභාගී වන කිසිදු උත්සවයකට සහභාගී නොවීමට ශ්‍රී ලංකා එක්සත් ග්‍රාම නිලධාරීන්ගේ සංගමය තීරණය කර තිබේ.

සිය වැටුප් ගැටලුවට විසඳුම් ලබා දෙන තෙක් මෙම තීරණයෙහි සිටින බව පවසන සංගමය ඊට අමතරව ඉඩම් ඔප්පු සැකසීම සහ ජාතික හැඳුනුම්පත් සඳහා කටයුතු කිරීම ආදී සියලුම රාජකාරිවලින් ඉවත්ව සිටින බවද පවසයි.

එම සංගමයේ උප සභාපති දයාන් අබේරත්න මහතා මේ බව පැවසිය  

Continue Reading

පුවත්

ධීවර යාත්‍රාවක් නැවක ගැටී අනතුරක්

Published

on

By

බහුදින ධීවර යාත්‍රාවක් අනතුරට පත්වීමෙන් එහි සිටි එක් ධීවරයෙකු මියගොස් තවත් ධීවරයෙකු අතුරුදන්ව තිබේ.

පසුගිය 12 වනදා වාලච්චේන ධීවර වරායෙන් ධීවරයින් පස්දෙනෙකු ධීවර කටයුතු සඳහා බහුදින ධීවර යාත්‍රාවකින් මුහුදු ගොස් සිටිය දී වරායේ සිට කිලෝ මීටර් 47ක් පමණ දුරින් මෙම අනතුර සිදුව ඇත.

මෙම බහුදින ධීවර යාත්‍රාව ධීවර කටයුතු සිදුකරමින් සිටි ප්‍රදේශයේ පැවති අධික වර්ෂාව හේතුවෙන් ඒ ආසන්යෙන් ගමන් කරමින් තිබූ නැවක ගැටී මෙම අනතුර සිදුව ඇති බවට දැනට සිදු කරන ලද විමර්ශන වලදී අනාවරණය වී ඇති බව පොලීසිය පවසයි.

අනතුරින් 47 හැවිරිදි නින්දවූර් ප්‍රදේශයේ පදිංචිකරුවෙකු දියේ ගිලී මියගොස් ඇති අතර 60 හැවිරිදි මුහුදු වෙරළ පාර, ඔලුවිල් හි පදිංචි ව සිටි තවත් පුද්ගලයෙකු අතුරුදන්ව ඇත.

එක් පුද්ගලයෙකු තුවාල ලබා ත්‍රිකුණාමලය රෝහලේ ප්‍රතිකාර ලබමින් සිටියි.

අනෙක් පුද්ගලයින් දෙදෙනා අනතුරින් තුවාල ලබා නොමැති බව සඳහන් වේ.

නාවික හමුදාව විසින් වෙනත් ධීවර බෝට්ටුවක සහාය ඇති ව මෙම පුද්ගලයින් බේරා ගැනීමට කටයුතු කර ඇත.

වාලච්චේන පොලීසිය වැඩිදුර විමර්ශන සිදුකරයි.

Continue Reading

පුවත්

මත් කුඩු කිලෝ 450ක් අද පුත්තලමේදී විනාශ කෙරේ

Published

on

By

පොලිසිය ඇතුළු ආරක්ෂක අංශ අත්අඩංගුවට ගත් මත්ද්‍රව්‍ය කිලෝ 450 කට අධික තොගයක් විනාශ කිරීම අද  පස්වරු 5.00 ට මහජන ආරක්ෂක අමාත්‍ය ටිරාන් අලස්, පොලිස්පති දේශබන්දු තෙන්නකොන් යන මහත්වරුන්ගේ ප්‍රධානත්වයෙන් පුත්තලම වනාතවිල්ලුව ප්‍රදේශයේදී සිදු කෙරේ.

පොලිස් විශේෂ කාර්ය බළකාය විසින් වනාතවිල්ලුව ලැක්ටෝස් වත්ත ප්‍රදේශයේ අලුතින් ඉදිකළ අධිබලැති නව දහන උදුනක් මගින් මෙම මත්ද්‍රව්‍ය තොගය විනාශ කරනු ලබයි.

පොලිසිය, පොලිස් මත්ද්‍රව්‍ය කාර්යාංශය, පොලිස් විශේෂ කාර්ය බළකාය, නාවික හමුදාව, යුද හමුදාව ඇතුළු ආරක්ෂ අංශ විසින් පසුගිය කාලවකවානුවේ විශාල මත්ද්‍රව්‍ය තොගයක් අත්අඩංගුවට ගනු ලැබීය.

ඒ අනුව දැනට නඩු කටයුතු අවසන් කර ඇති මත්ද්‍රව්‍ය තොගයක් මෙසේ විනාශ කෙරන බව පොලිස් මාධ්‍ය ප්‍රකාශක කාර්යාලය පැවසීය.

Continue Reading
Advertisement

Trending

Copyright © 2023 Sri Lanka Mirror. All Rights Reserved