මෙරටදී පිරිපහදු කරන පොල්තෙල් සඳහා අය කරන වැට් බද්ද අඩු කිරීම හෝ ඔවුන්ට වෙනත් සහනයක් ලබාදීම සඳහා කැබිනට් පත්රිකාවක් ඉදිරිපත් කරන ලෙස ජනාධිපතිවරයා වෙළෙඳ අමාත්ය නලින් ප්රනාන්දු මහතාට ඉකුත් සතියේ දැනුම්දී ඇතත්, එය මෙතෙක් සකස් කිරීමට වෙළෙඳ අමාත්යාංශය කටයුතු කර නැතැයි වාර්තා වේ.
අදාළ කැබිනට් පත්රිකාව සම්බන්ධයෙන් වෙළෙඳ ඇමැති නලීන් ප්රනාන්දු මහතාගෙන් මාධ්ය කළ විමසීමේදී ඔහු පවසා ඇත්තේ අදාළ පත්රිකාව සකස් කර නොමැති බවය.
වෙළෙඳපොළේ පොල්තෙල් බෝතලයක මිල රුපියල් 550ක් දක්වා මේ වනවිට ඉහළ ගොස් තිබේ.
පිරිපහදු නොකරන ලද පොල්තෙල් ආනයනය කිරීමේදී වරායේදී ගෙවන බද්දට අමතරව, ඒවා රට තුළදී පිරිපහදු කිරීමෙන් පසුද වැට් බද්දක් ගෙවීමට සිදුවීම නිසා පොල්තෙල් කර්මාන්තය පවත්වාගෙන යාමට නොහැකි තත්ත්වයක් උද්ගතව ඇතැයිද, මේ නිසා පොල්තෙල් පිරිපහදු කර්මාන්තශාලා රැසක් වැසී ගොස් ඇතැයිද කෘෂිකර්ම හා වැවිලි කර්මාන්ත ඇමැති මහින්ද අමරවීර පසුගිය සතියේ කැබිනට් මණ්ඩලයේදී කියා සිටියේය.
පිරිපහදු කරන ලද පොල්තෙල් ආනයනකරුවන්ගෙන් වරායේදී අය කරන බද්දට අමතරව කිසිදු බද්දක් අය නොකරන බැවින් ඔවුන් පොල්තෙල්වලින් අධික ලාභයක් උපයන බවත්, මේ වනවිට එම පොල්තෙල් ආනයනකරුවන් වෙළෙඳපොළේ පොල් තෙල් මාෆියාවක් ක්රියාත්මක කරමින් සිටින බවට ද චෝදනා එල්ලවී තිබේ.
