Connect with us

පුවත්

ජනාධිපති ක්‍රීඩා සම්මාන උළෙල වසර 4කින් පවත්වා නෑ

Published

on

වසරක් පාසා පවත්වාගෙන යනු ලබන ජනාධිපති ක්‍රීඩා සම්මාන උළෙල 2018 වසර සඳහා පැවැත්වීමෙන් පසු මේ දක්වා පවත්වා නොමැත.

අවසන් වරට 2019 සම්මාන ලාභීන් තෝරා එය පැවැත්වීමට සියල්ල සූදානම් කර තිබුණද පැවැත්වීමට නොහැකි විය.

මෙයට හේතුව වී ඇත්තේ එවකට ක්‍රීඩා ඇමති ධූරය ඉසිලූ නාමල් රාජපක්ෂ මහතා 2020 ද ඇතුළත් කොට වසර දෙක සඳහාම එය පවත්වන ලෙස නියෝග කිරීමත් එවකට අදාල සම්මාන ජූරියේ සභාපති ධූරය දැරූ සමන් අමරසිංහ මහතා කොවිඩ් වැළඳීමෙන් අභාවප්‍රාප්ත වීමත් සමග එහි සංවිධාන කටයුතු අඩාල වීමයි.

2020 වසරේ කොවිඩ් හේතුවෙන් ජාතික හා අන්තර්ජාතික මට්ටමෙන් ක්‍රීඩා ඉසව් නොපැවැත්වුණු අතර 2019 වසරේ පැවති සාෆ් ක්‍රීඩා උළෙලේ දක්ෂයන් රැසක් සම්මාන සඳහා නිර්දේශ වී තෝරාගෙන ප්‍රසිද්ධියටද පත් කර තිබිණ.

මේ හේතුව නිසා නාමල් රාජපක්ෂ මහතා ක්‍රීඩා ඇමති ධූරය ඉසිලූ කාල සීමාව තුළ හා ගෝඨාභය රාජපක්ෂ මහතා ජනාධිපති ධූරය ඉසිලූ කාල සීමාව තුළ ජනාධිපති ක්‍රීඩා සම්මාන උළෙලක් පැවැත්වීමට නොහැකි විය.

සමන් අමරසිංහ මහතාගේ අභාවයෙන් පසු නලින් ආටිගල මහතා ජූරියේ සභාපති ලෙස පත්ව මෙය පැවැත්වීමට සූදානම් වුවත් එය නොපැවැත්විණි.

මේ අනුව බාලගිරි දෝෂයට ලක්වූ ජනාධිපති ක්‍රීඩා සම්මාන උළෙල නොපවත්වා දැනට වසර හතරක් ගත වී තිබේ.

මේ සම්මාන උළෙල පැවැත්වීමට මුදල් බාධාවක් වී ඇත්නම් ඒ සඳහා ශ්‍රී ලංකා ටෙලිකොම් හො ඩයලොග් ආසියාටා සමාගම්වල අනුග්‍රාහකත්වයක් හෝ ලබා ගනිමින් එය පැවැත්වීමට හැකියාව ඇති බව ක්‍රීඩා ක්ෂේත්‍රයේ කතාබහට ලක්ව තිබේ.

එසේම ශ්‍රී ලංකා ටෙලිකොම් පසුගිය කාලයේදී කිසිදු විශේෂත්වයක් නැති ක්‍රීඩා සම්මාන උළෙලවල් සඳහා ද විශාල වශයෙන් අනුග්‍රහය ලබාදී ඇතැයි ද මේ අතර වාර්තා වේ.

පුවත්

ග්‍රාම නිලධාරීන් දේශපාලන රැස්වීම් වර්ජනයක

Published

on

By

දේශපාලනඥයන් සහභාගී වන කිසිදු උත්සවයකට සහභාගී නොවීමට ශ්‍රී ලංකා එක්සත් ග්‍රාම නිලධාරීන්ගේ සංගමය තීරණය කර තිබේ.

සිය වැටුප් ගැටලුවට විසඳුම් ලබා දෙන තෙක් මෙම තීරණයෙහි සිටින බව පවසන සංගමය ඊට අමතරව ඉඩම් ඔප්පු සැකසීම සහ ජාතික හැඳුනුම්පත් සඳහා කටයුතු කිරීම ආදී සියලුම රාජකාරිවලින් ඉවත්ව සිටින බවද පවසයි.

එම සංගමයේ උප සභාපති දයාන් අබේරත්න මහතා මේ බව පැවසිය  

Continue Reading

පුවත්

ධීවර යාත්‍රාවක් නැවක ගැටී අනතුරක්

Published

on

By

බහුදින ධීවර යාත්‍රාවක් අනතුරට පත්වීමෙන් එහි සිටි එක් ධීවරයෙකු මියගොස් තවත් ධීවරයෙකු අතුරුදන්ව තිබේ.

පසුගිය 12 වනදා වාලච්චේන ධීවර වරායෙන් ධීවරයින් පස්දෙනෙකු ධීවර කටයුතු සඳහා බහුදින ධීවර යාත්‍රාවකින් මුහුදු ගොස් සිටිය දී වරායේ සිට කිලෝ මීටර් 47ක් පමණ දුරින් මෙම අනතුර සිදුව ඇත.

මෙම බහුදින ධීවර යාත්‍රාව ධීවර කටයුතු සිදුකරමින් සිටි ප්‍රදේශයේ පැවති අධික වර්ෂාව හේතුවෙන් ඒ ආසන්යෙන් ගමන් කරමින් තිබූ නැවක ගැටී මෙම අනතුර සිදුව ඇති බවට දැනට සිදු කරන ලද විමර්ශන වලදී අනාවරණය වී ඇති බව පොලීසිය පවසයි.

අනතුරින් 47 හැවිරිදි නින්දවූර් ප්‍රදේශයේ පදිංචිකරුවෙකු දියේ ගිලී මියගොස් ඇති අතර 60 හැවිරිදි මුහුදු වෙරළ පාර, ඔලුවිල් හි පදිංචි ව සිටි තවත් පුද්ගලයෙකු අතුරුදන්ව ඇත.

එක් පුද්ගලයෙකු තුවාල ලබා ත්‍රිකුණාමලය රෝහලේ ප්‍රතිකාර ලබමින් සිටියි.

අනෙක් පුද්ගලයින් දෙදෙනා අනතුරින් තුවාල ලබා නොමැති බව සඳහන් වේ.

නාවික හමුදාව විසින් වෙනත් ධීවර බෝට්ටුවක සහාය ඇති ව මෙම පුද්ගලයින් බේරා ගැනීමට කටයුතු කර ඇත.

වාලච්චේන පොලීසිය වැඩිදුර විමර්ශන සිදුකරයි.

Continue Reading

පුවත්

මත් කුඩු කිලෝ 450ක් අද පුත්තලමේදී විනාශ කෙරේ

Published

on

By

පොලිසිය ඇතුළු ආරක්ෂක අංශ අත්අඩංගුවට ගත් මත්ද්‍රව්‍ය කිලෝ 450 කට අධික තොගයක් විනාශ කිරීම අද  පස්වරු 5.00 ට මහජන ආරක්ෂක අමාත්‍ය ටිරාන් අලස්, පොලිස්පති දේශබන්දු තෙන්නකොන් යන මහත්වරුන්ගේ ප්‍රධානත්වයෙන් පුත්තලම වනාතවිල්ලුව ප්‍රදේශයේදී සිදු කෙරේ.

පොලිස් විශේෂ කාර්ය බළකාය විසින් වනාතවිල්ලුව ලැක්ටෝස් වත්ත ප්‍රදේශයේ අලුතින් ඉදිකළ අධිබලැති නව දහන උදුනක් මගින් මෙම මත්ද්‍රව්‍ය තොගය විනාශ කරනු ලබයි.

පොලිසිය, පොලිස් මත්ද්‍රව්‍ය කාර්යාංශය, පොලිස් විශේෂ කාර්ය බළකාය, නාවික හමුදාව, යුද හමුදාව ඇතුළු ආරක්ෂ අංශ විසින් පසුගිය කාලවකවානුවේ විශාල මත්ද්‍රව්‍ය තොගයක් අත්අඩංගුවට ගනු ලැබීය.

ඒ අනුව දැනට නඩු කටයුතු අවසන් කර ඇති මත්ද්‍රව්‍ය තොගයක් මෙසේ විනාශ කෙරන බව පොලිස් මාධ්‍ය ප්‍රකාශක කාර්යාලය පැවසීය.

Continue Reading
Advertisement

Trending

Copyright © 2023 Sri Lanka Mirror. All Rights Reserved