Connect with us

පුවත්

ජපන් රජය – යුනිසෙෆ් වෙතින් ඩොලර් මිලියන 3.5 ක එන්නත් බහාලුම් ශීත පෙට්ටි හා පෝෂණ සැපයුම්

Published

on

ශ්‍රී ලංකාවේ ළමුන් සඳහා ප්‍රතිශක්තිකරණ පද්ධතිය මෙන්ම පෝෂණ සේවාවන් ශක්තිමත් කිරීමේ අරමුණින් ජපාන රජය විසින් යුනිසෙෆ් සංවිධානය හා එක්ව ලබා දුන් එන්නත් බහාලුම් ශීත කාමර හා පෝෂණ සැපයුම් සෞඛ්‍ය අමාත්‍යාංශයට ඊයේ (24) දින ලබාදී ඇත.

අධික උෂ්ණත්වයට සංවේදී එන්නත් විශාල ප්‍රමාණයක් එකවර ගබඩා කිරීමේ පහසුකම් සහිත ශීත කාමර 13ක් ඒ අනුව අද දින පිරිනමන ලදී. මෙම උපකරණ කොළඹ, ගම්පහ, කළුතර, ගාල්ල, මහනුවර, කෑගල්ල, අනුරාධපුර, රත්නපුර සහ බදුල්ල දිස්ත්‍රික්කවල ප්‍රාදේශීය වෛද්‍ය සැපයුම් කොට්ඨාශ වල ස්ථාපනය කර ඇත.

මෙම උපකරණ ලබා දීම 2021 වර්ෂයේදි සෞඛ්‍ය අමාත්‍යාංශයට ලබා දුන් අතේ ගෙන යා හැකි එන්නත් බහාලුම් ශීත පෙට්ටි සහ උෂ්ණත්ව මාපකයන් බෙදාදීමේ වැඩපිළිවෙළ හා ඒකාබද්ධව , ඩොලර් මිලියන 03 ක සම්පූර්ණ දායකත්වයක් හිමි වූ වැඩසටහනේ තවත් එක් කොටසකි. මෙම උපකරණ මගින් මෙරට ප්‍රජාවගේ ප්‍රතිශක්තිකරණය ඉහළ නැංවීමට අවශ්‍ය ප්‍රවේශය ලබා දීමත්, එන්නත් නිසි ආකාරයෙන් ආරක්ෂිතව ගබඩා කිරීමත් බලාපොරොත්තු වේ.

තවද පෝෂණ සැපයුම් ප්‍රදානය කිරීම ද මෙහිදී සිදු විය. මෙම සැපයුම්, දරුවන් රැකබලා ගැනීම, පරීක්ෂා කිරීම, අධීක්ෂණය සහ මන්දපෝෂණය සඳහා උපදේශනය ද ඇතුළුව අවශ්‍ය පසු විපරම් සැපයීම සඳහා ලබාදුන් ඇමරිකානු ඩොලර් 500,000 ක දායකත්වයේ කොටසකි.

මෙහිදී අදහස් දැක්වූ ශ්‍රී ලංකාවේ ජපාන තානාපති මිසුකොෂි හිදෙඅකි මහතා පවසා ඇත්තේ “Last One Mile Support” සංකල්පය යටතේ මෙම ශීතදාම ආරක්ෂක ශීතකරණ උපකරණ ශ්‍රී ලාකිය ප්‍රජාවගේ ප්‍රතිශක්තිකරණය ඉහල දැමීමේ අරමුණින් ලබා දීම සිදු කර ඇති බවත්, ඒ සඳහා දායක වීමට ලැබීම ඉමහත් භාග්‍යක් කොට සලකන් බවත්ය.

“මෙම උපකරණය මඟින් ලංකාවේ දැනට පවතින ආර්ථික කඩා වැටීම හමුවේ, කෝවිඩ් ඇතුළු මාතෘ සහ ළමා සෞඛ්‍ය වර්ධනයේ සඳහා අත්‍යවශ්‍ය වන එන්නත් නිසිපරිදි ගබඩා කිරීමට සහ ක්‍රමවත්ව ප්‍රවාහනය කිරීමට හැකියාව ලැබේ. තවද මේ මඟින් ජපානය, මෙරට ප්‍රජාවගේ ප්‍රතිශක්තිකරණය සඳහා අවශ්‍ය ප්‍රවේශය ලබා දීමට හැකි වනු ඇතැයි අපි බලාපොරොත්තු වෙමු,” යැයිද ඔහු පැවසීය.

මේ සම්බන්ධයෙන් අදහස් දක්වමින් එක්සත් ජාතීන්ගේ ළමා අරමුදලේ ශ්‍රී ලංකා නියෝජිත ක්‍රිස්ටියන් කූග් මහතා ප්‍රකාශ කර සිටියේ මෙම උපකරණ ශ්‍රී ලංකාවේ ප්‍රතිශක්තිකරණ වැඩපිළිවෙල නඟා සිටුවීම සඳහා උපකාරි වන බවයි.

“මන්දපෝෂණය සම්බන්ධයෙන්, එය ප්‍රතිකාර කළ හැකි සහ වළක්වා ගත හැකි බවත්, දරුවන්ගේ අවශ්‍යතා සපුරාලීම සඳහා අපගේ ඒකාබද්ධ ප්‍රයත්නයට උපකාර කිරීම සඳහා අද දින සැපයුම් ලබා දෙන බවත්,” ඔහු වැඩිදුරටත් පැවසීය.

ශ්‍රී ලාංකීය දරුදැරියන්ගෙ කෙටි කාලීන සහ දිගු කාලීන සෞඛ්‍ය අවශ්‍යතා සපුරාලීම සඳහා ජපන් රජය යුනිසෙෆ් සංවිධානය සහ සෞඛ්‍ය අමාත්‍යාංශය ඒකාබද්ධව උපරිම දායකත්වයක් ලබා දෙන බවටද මෙහීදී ප්‍රකාශ කර සිටියේය.

පුවත්

කෑගල්ල උණුසුම් වූ බස් අනතුර

Published

on

By

කෑගල්ල අවිස්සාවේල්ල මාර්ගයේ කොට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී තිබේ.

අද (18) පස්වරු 4.00ට පමණ මෙම අනතුර සිදුව ඇති අතර එම අනතුරින් පුද්ගලයින් 26 දෙදෙනකු තුවාල ලබා ඇති බවත් ඉන් දෙදෙනෙකුගේ තත්ත්වය බරපතළ බවත් වාර්තා වේ.

නුවර සිට අවිස්සාවේල්ල බලා ධාවන වූ පෞද්ගලික බස් රථයක් අධික වේගය සහ අපරික්ෂාකාරී ලෙස වෙනත් වාහනයකට ඉස්සර කිරීමට යාමත් සමග මෙම අනතුර සිදුව ඇතැයි පොලීසිය පවසයි.

තුවාලකරුවන් කෑගල්ල මහරෝහලයට සහ තොරනගහපිටිය ග්‍රාමීය රෝහලට ඇතුළත් කළ බවයි පිංදෙණිය පොලීසිය ප්‍රකාශ කර සිටී.

අනතුරට පත් එක් බස් රථයක රියදුරෙකු බරපතළ තත්ත්වයේ ප්‍රතිකාර ලබන අතර අනෙක් රෝගියා කාන්තාවක් බවයි වාර්තා වේ.

Continue Reading

පුවත්

“මුලින්ම තියන්නේ ජනාධිපතිවරණය නෙමෙයි”

Published

on

By

ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්‍රී ලංකා තානාපති උදයංග වීරතුංග මහතා පවසයි.

පෞද්ගලික රූපවාහිනී නාලිකාවක් සමඟ පැවති සාකච්ඡාවකට එක් වෙමින් උදයංග වීරතුංග මහතා මේ බව සඳහන් කලේය.

මේ සම්බන්ධයෙන් ජනාධිපතිවරයා සමග එකඟත්වයට පැමිණ අවසන් බවද ජනාධිපතිවරණයට පෙර මහ මැතිවරණය පැවැත්වීමට ඇති කරගෙන ඇති එකඟතාව පිළිබඳව දන්නේ  ශ්‍රී ලංකා පොදු ජන පෙරමුණේ එක් අයකු පමණක් බවද ඔහු මෙහිදී පවසා ඇත.

“ අගමැති අපේක්ෂකයෙක් නම් කරන්න බලාපොරොත්තුවක් නැහැ. ධම්මික පෙරේරා ඉතා ප්‍රබල අපේක්ෂකයෙක් විදියට ඉදිරිපත් වෙනවා. ඒ තීරණය තියෙන්නේ පොහොට්ටුවේ එක ඔලුවක විතරයි. පාර්ලිමේන්තු මැතිවරණයක් එනවා. පාර්ලිමේන්තුවේ බහුතරය ඒකට විරුද්ධයි. අනුර කුමාරත් විරුද්ධයි. ජාතික ජන බලවේගයට රැල්ලක් ඇවිල්ලා තියෙන්නේ සමාජ මාධ්‍යයෙන් පමණයි. ශ්‍රී ලංකා පොදු ජන පෙරමුණේ අපේක්ශකයා රනිල් වික්‍රමසිංහ නෙමෙයි. ඒක දැන් තීරණය කරල ඉවරයි.”

Continue Reading

පුවත්

ඇල්ල – වැල්ලවාය මාර්ගය යළිත් වැසෙයි

Published

on

By

ඇල්ල – වැල්ලවාය ප්‍රධාන මාර්ගය අද (18) රාත්‍රී 8 සිට හෙට (19) උදෑසන 6 දක්වා ගමනාගමනය සඳහා වසා තැබීමට යළිත් තීරණය කර තිබේ.

අයහපත් කාලගුණික තත්ත්වය හේතුවෙන් එම තීරණය ගත් බව දිස්ත්‍රික් ලේකම්වරයා පවසයි.

Continue Reading

Trending

Copyright © 2023 Sri Lanka Mirror. All Rights Reserved