Connect with us

පුවත්

ජපන් –  ලංකා රාජ්‍ය තාන්ත්‍රික සබඳතා වල 70 වැනි සංවත්සරය සැමරේ

Published

on

ජපානය සහ ශ්‍රී ලංකාව අතර රාජ්‍ය තාන්ත්‍රික සබඳතා පිහිටුවීමේ 70 වැනි සංවත්සරය සැමරීම සඳහා සංවිධානය කළ උත්සවයක් පසුගිය 16දා, ශ්‍රී ලංකාවේ ජපාන තානාපති අතිගරු මිසුකොෂි හිදෙඅකි මහතාගේ නිල නිවසේදී පැවැත්වීමට යෙදුණි.

අග්‍රාමාත්‍ය දිනේෂ් ගුණවර්ධන මහතා ප්‍රධාන අරාධිත අමුත්තා ලෙස සහභාගී වූ මෙම උත්සවයට කථානායක – මහින්ද යාපා අබේවර්ධන, විදේශ කටයුතු අමාත්‍ය – ජනාධිපති නීතිඥ එම්. යූ. එම්. අලි සබ්රි, සහ ක්‍රීඩා හා යෞවන කටයුතු අමාත්‍ය – රොෂාන් රණසිංහ යන මහත්වරුන් ඇතුළු සම්භාවනීය අමුත්තන් රැසක් සහභාගී වූහ.    

උත්සව සභාව අමතමින් කතා කළ තානාපති මිසුකොෂි මහතා, දෙරට අතර සිදුකරන ලද ඉහළ පෙළේ රාජ්‍ය තාන්ත්‍රික සංචාර, ශ්‍රී ලංකාවේ පෞද්ගලික අංශය තුළ සිදුකර ඇති ජපන් ආයෝජන, ශ්‍රී ලංකාව තුළ ජපන් භාෂා අධ්‍යාපනයේ මෑත කාලීන ප්‍රගතිය සහ ජපාන අධිරාජ්‍යයා හා විදේශ අමාත්‍යවරයා විසින් ශ්‍රී ලාංකිකයින් වෙත පිරිනමා ඇති ගෞරව සම්මාන ආදිය පිළිබඳව සිහිපත් කළේය.

මෙහිදී වැඩිදුරටත් අදහස් දැක්වූ එතුමා, පසුගිය ජූලි මාසයේදී පවත්වන ලද ‘තනබතා’ උත්සවය, සැප්තැම්බර් සම පැවැත්වූ මිත්‍රත්ව පාගමන හා සැන් ෆ්‍රැන්සිස්කෝ සාම ගිවිසුම් සැමරුම සහ දෙසැම්බර් මස පැවති ‘බොන් ඔදොරි’ උත්සවය, වැනි ජපානය සහ ශ්‍රී ලංකාව අතර සබඳතාව ශක්තිමත් කළ අවස්ථාවන් පිළිබඳව මතකාවර්ජනයක යෙදුණු අතර, 70 වැනි සංවත්සර සැමරුම සාර්ථක කරගැනීමට දායකත්වය ලබා දීම වෙනුවෙන් ශ්‍රී ලංකා රජය හා නිල පාර්ශවකරුවන් වන ශ්‍රී ලංකා රූපවාහිනී සංස්ථාව, ශ්‍රී ජයවර්ධනපුර මහ රෝහල සහ ජාතික තරුණ සේවා සභාව ඇතුළු ශ්‍රී ලංකාවේ ක්‍රියාත්මක වන ජපානය හා සම්බන්ධිත සමාගම්, සංවිධාන සහ ආයත ඇතුළු සියළුදෙනා වෙත සිය කෘතඥතාවය පළ කර සිටියේය.    

ප්‍රධාන අරාධිත අමුත්තා ලෙස උත්සව සභාව අමතමින් අග්‍රාමාත්‍ය – දිනේෂ් ගුණවර්ධන මහතා විසින් ජපානය සහ ශ්‍රී ලංකාව අතර ගැඹුරු මිත්‍රත්වයේ සහ බැඳීමේ මෙම සන්ධිස්ථානයේ වැදගත්කම පිළිබඳව අවධාරණය කරන ලදී.

මෙහිදී වැඩිදුරටත් අදහස් දැක්වූ එතුමා ශ්‍රී ලංකාව කෙරෙහි ජපන් රජය විසින් දක්වා ඇති දායකත්වය, ශ්‍රී ලංකාවේ පෞද්ගලික අංශය තුළ සිදුකර ඇති ජපන් ආයෝජන, රාජ්‍ය නිළධාරි මට්ටමින්, අධ්‍යාපන, විද්‍යා තාක්ෂණ, පර්යේෂණ සහයෝගීතා, ආරක්ෂක, සංස්කෘතික සහ ආගමික යනාදී අංශ ඔස්සේ දෙරට අතර ඇති සහයෝගීතාවය පිළිබඳව සිහිපත් කළේය.

මෙම සුවිශේෂී අවස්ථාවේදී දෙරට අතර රාජ්‍ය තාන්ත්‍රික සබඳතාවයේ 70 වෙනි සංවත්සරය සනිටුහන් කරමින් ජනමාධ්‍ය අමාත්‍යාංශයේ ශ්‍රී ලංකා තැපැල් දෙපාර්තමේන්තුවේ මුද්දර කාර්යාංශය මගින් සමරු මුද්දරයක් හා මුල්දින කවරයක් නිකුත් කරන ලදී.

මෙම සමරු මුද්දරය හා මුල්දින කවරය නිර්මාණය පිණිස යොදාගත් සිතුවම් ජාතික තරුණ සේවා සභාව විසින් පවත්වනු ලැබූ තරගයකින් තෝරාගනු ලැබූ අතර, හසිනි දිනේෂිකා මෙනවිය සහ රශ්මි දෙව්මිණි මෙනවිය විසින් ඒවා නිර්මාණය කර ඇත.                

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved