Connect with us

පුවත්

ජපානය සිය තීරණය, ශ්‍රී ලංකාවට නිළ වශයෙන් දැනුම් දෙයි

Published

on

ජුලි 23 වැනි දින, නිල ණය හිමියන්ගේ කමිටුව (OCC) සහ ශ්‍රී ලංකාව අතර අවබෝධතා ගිවිසුම (MOU) අත්සන් කිරීම අවසන් වීමෙන් පසුව සහ ණය ප්‍රතිව්‍යුහගත කිරීම පිළිබඳ ද්විපාර්ශ්වික ගිවිසුම කඩිනමින් අවසන් කිරීමට ශ්‍රී ලංකා රජය කැමැත්ත ප්‍රකාශ කිරීමත් සමඟ, 2022 දී ශ්‍රී ලංකාව ණය ගෙවීම නවතා හැරීමෙන් පසුව අත්හිටුවා තිබූ යෙන් ණය ව්‍යාපෘති සඳහා නැවතත් ගෙවීම් ආරම්භ කිරීමට ජපන් රජය නිල වශයෙන් තීරණය කර ඇත.

ජුලි මස 24 වන දින, ශ්‍රී ලංකා රජය, ජපන් තානාපති කාර්යාලය සහ ජපන් ජාත්‍යන්තර සහයෝගිතා නියෝජිතායතනයේ (JICA) ශ්‍රී ලංකා කාර්යාලය එක්ව මෙම සුවිශේෂී තීරණය නිළ වශයෙන් ප්‍රකාශයට පත් කිරීම සඳහා ඒකාබද්ධ මාධ්‍ය හමුවක් මුදල් අමාත්‍යාංශයේදී පැවැත්වීය.

ශ්‍රී ලංකාව සහ නිළ ණය හිමියන්ගේ කමිටුව අතර, ණය ප්‍රතිව්‍යුහගත කිරීම පිළිබඳ අවබෝධතා ගිවිසුම සම්පූර්ණ කිරීම පිළිබඳව තම සුභාශිංසනය පළ කළ තානාපති මිසුකොෂි හිදයකි මැතිතුමා, රාජ්‍ය ණය ප්‍රතිව්‍යුහගත කිරීම මෙහෙයවීම සහ අවසන් කිරීම සඳහා නිළ ණය හිමියන්ගේ කමිටුවෙහි සම සභාපතිවරයෙකු ලෙස ජපන් රජය ඉටු කළ, පෙර නොවූ විරූ මුලපිරීම සහ කැපී පෙනෙන දායකත්වය මෙහිදී ඉස්මතු කළේය.

රට නැවතත් තිරසාර මාවතකට යොමු කිරීම සඳහා අත්‍යවශ්‍ය වන විස්තීරණ ආර්ථික හා සමාජ ප්‍රතිසංස්කරණ, ක්‍රියාවට නැංවීම සඳහා ශ්‍රී ලංකා බලධාරීන් දරණ අඛණ්ඩ උත්සාහයන් පිළිබඳව ද තානාපති මිසුකෝෂි මහතා ශ්‍රී ලංකා බලධාරීන්ට සිය ප්‍රශංසාව පළ කළේය. අත්හිටුවා ඇති සියලුම යෙන් ණය ව්‍යාපෘතින්, ශ්‍රී ලංකාවේ ආර්ථික වර්ධනය, ප්‍රවර්ධනය කරන තීරණාත්මක යටිතල පහසුකම් බව ඒතුමා ප්‍රකාශ කළ අතර, ශ්‍රී ලංකාවට සහාය දැක්වීම සඳහා ජපානයේ ඇති අඛණ්ඩ සහ නොසැලෙන කැපවීම තවදුරටත් තහවුරු කළේය.

ජයිකා ශ්‍රී ලංකා කාර්යාලයේ ප්‍රධාන නියෝජිත යමඩා ටෙට්සුයා මහතා වෙනුවෙන් එහි ජ්‍යෙෂ්ඨ නියෝජිත ඉඩේ යූරි මහත්මිය විසින් ජපන් ජාත්‍යන්තර සහයෝගිතා නියෝජිතායතනයේ (JICA) සභාපති ආචාර්ය ටනාකා අකිහිතෝ මහතා විසින් ගරු. ජනාධිපති වික්‍රමසිංහ මැතිතුමා වෙත එවන ලද, මෙම තීරණය නිළ වශයෙන් දැනුම් දීම සඳහා වන සංදේශය, මහා භාණ්ඩාගාර ලේකම් මහින්ද සිරිවර්ධන මහතා වෙත මේ අවස්ථාවේ දී භාර දෙන ලදී

යෙන් ණය ව්‍යාපෘතීන් නැවත ආරම්භ කිරීම, ශ්‍රී ලංකාවේ ආර්ථිකය සහ සමාජය ස්ථාවර කිරීමට දායක වන අතර, දිගු කාලීන තිරසාර වර්ධනයක් කරා වේගයෙන් ගමන් කිරීමට ඉවහල් වනු ඇති බවත් ඒ තුළින් දේශීය මෙන්ම විදේශීය යන දෙඅංශයේම ජනතාවගේ සහ පෞද්ගලික ව්‍යාපාරයන්හී ශ්‍රී ලංකාව කෙරෙහි ඇති විශ්වාසය නැවතත් ලබා ගැනීමට මෙමගින් මග පෑදෙනු ඇතැයි ඉඩේ යූරි මහත්මිය සිය බලාපොරොත්තු පළ කළාය.

මුදල් අමාත්‍යංශ ලේකම්, සිරිවර්ධන මහතා මෙම තීරණයට සිය බලවත් කෘතඥතාව සහ අවංක ස්තූතිය පළ කළ අතර ණය ප්‍රතිව්‍යුහගත කිරීමේ ජපානයේ විශිෂ්ට මුලපිරීම සහ දිගුකාලීන  කැපවීම බෙහෙවින් අගය කලේය.

යෙන් ණය ව්‍යාපෘති සඳහා නැවත ගෙවීම් ආරම්භ කිරීම, ජපානය සහ ශ්‍රී ලංකාව අතර බැඳීම තවදූරටත් ශක්තිමත් කිරීමට ඉවහල් වනවා මෙන්ම මෙම දූපත් රාජ්‍යට, නැවතත් අපේක්ෂිත ආර්ථික සංවර්ධනය කරා ගමන් කිරීම තුළින්, ඉන්දියන් සාගරයේ කේන්ද්‍රස්ථානයක් ලෙස කටයුතු කිරීමට හැකිවනු ඇතැයි බලාපොරොත්තු වේ.

පුවත්

දෙවැනි මනාපය අපිට වැදගත් නෑ – NPP

Published

on

By

සිය සලකුණ ඉදිරියෙන් කතිරයක් සලකුණු කිරීම පමණක් ප්‍රමාණවත් බවත් පළමු දෙවැනි මනාප සලකුණු කිරීම වැදගත් නොවන බවත් ජාතික ජන බලවේගය (NPP) සිය පාක්ෂිකයන්ට දැනුම් දෙන බව ජාතික ජන බලවේගයේ ජාතික සංවිධායක හිටපු පාර්ලිමේන්තු මන්ත්‍රී නලින්ද ජයතිස්ස මහතා කියයි.

සෙසු ප්‍රධාන අපේක්ෂකයන් වෙන් වෙන්ව තරග කළත් එකම කුලකයකට එකම පවුලකට අයත් පිරිසක් බැවින් අවසන් මොහොතේ දී ඔවුන් අනෙකාට දෙවැනි තෙවැනි මනාප පළ කරන ලෙස ඉල්ලා සිටිය හැකි බවත් නලින්ද ජයතිස්ස මහතා පැවසීය. 

රනිල් වික්‍රමසිංහගේ පාර්ශ්වය සජිත්ට දෙවැනි මනාපය යෝජනා කරන්නේ නම් හෝ සජිත් ප්‍රේමදාසගේ පාර්ශ්වය රනිල්ට දෙවැනි මනාපය යෝජනා කරන්නේ නම්, එයින් පෙනී යන්නේ රට විනාශ කළ මේ සියලු දෙනාම එකම කණ්ඩායමක් බව යැයි ද ඔහු වැඩිදුරටත් කීය.

බංකොලොත් දේශපාලනඥයන් ආගම ඉදිරියට රැගෙන ජාතික ජන බලවේගයට පහරදීමට උත්සාහ කරමින් සිටින බවද නලින්ද ජයතිස්ස මහතා කියා සිටී. 

ව්‍යවස්ථානුකූලව බුදු දහමට සිය ආණ්ඩුවක් යටතේ ප්‍රමුඛස්ථානය ලැබෙන බවත් මහනාහිමිවරුන් සහ මහා සංඝරත්නය ඒ පිළිබඳව දැනුම්වත් කර ඇති බවත් ඔහු පැහැදිලි කර සිටියේය. 

එසේම විකෘති කොට අදහස් දක්වමින් ජාතික ජන බලවේගය බුදු දහමට විරෝධී යැයි පැවසූ ආනන්ද සාගර හිමියන් වෙත එන්තරවාසියක් ද යවා ඇතැයි ඔහු අනාවරණය කළේය.

මූලාශ්‍රය – දේශය

Continue Reading

පුවත්

රනිල්ගේ පරිවාරක හෙලිකොප්ටරය හදිසියේ ගොඩබෑවේ ඇයි?

Published

on

By

ජනාධිපති රනිල් වික්‍රමසිංහ මහතාගේ හෙලිකොප්ටරය සමඟ ගමන් ගත් පරිවාරක හෙලිකොප්ටරයක් ඊයේ (14) සවස එප්පාවල ප්‍රදේශයට හදිසියේ ගොඩබස්වා තිබේ.

ආලෝක පුවරුවේ කාර්මික දෝෂයක් හේතුවෙන් මේ ගොඩබැස්සවීම සිදුකර ඇතැයි වාර්තා වේ.

හෙලිකොප්ටරය නිරුපද්‍රිතව වෙල්යායකට ගොඩ බස්වා ඇති අතර, ඒ වෙනුවට ආදේශක හෙලිකොප්ටරයක් ගෙන්වාගෙන ඇති බවද වාර්තා වේ.

මේ තත්ත්වය ඇතිව ඇත්තේ යාපනයේ පැවති මැතිවරණ රැස්වීමක් අමතමින් සිට ජනාධිපති වික්‍රමසිංහ මහතා කෑගල්ල බලා යමින් සිටියදීය.

Continue Reading

පුවත්

සාස්තර ඥානක්කාගේ නිවසට රුපියල් දෙකෝටි අසූ ලක්ෂයක වන්දියක්

Published

on

By

ඉකුත් අරගල සමයේදී ගිනි තබා විනාශ කරන ලද අනුරාධපුර පදිංචි සාස්තර කාරියකවන ඥානවතී ජයසූරිය (ඥානා අක්කා) නැමැත්තියගේ ගිනිතබා විනාශයට පත් කළ නිවසේ හානි පූර්ණ වන්දි වශයෙන් රුපියල් දෙකෝටි අසූ ලක්ෂයක මුදලක් ඇයට ගෙවා ඇතැයි හානිපූර්ණය සඳහා වන කාර්යාලය සඳහන් කරයි.

ඥානා අක්කාගෙන් සාස්තර ඇසීමටත්, යාතිකා කර ගැනීමටත් හිටපු ජනාධිපතිවරුන්, දේශපාලඥනයින්, සහ ආරක්ෂක අංශ ප්‍රධානීන් රැසක් ගොස් ඇති බව පසුගිය කාලයේදී හෙළිවිය.

තොරතුරු දැනගැනීමේ පනත යටතේ එම කාර්යාලයෙන් කරන ලද විමසීකට අනුව මෙම තොරතුරු ඉදිරිපත් කර තිබේ.

අනුරාධපුර නව නුවර පාරේ, ඉසුරුපුර ප්‍රදේශයේ පදිංචිව සිටින ‘ඥානා අක්කා’ නමින් හඳුන්වන කාන්තාවගේ නිවසට, දේවාලයට සහ හෝටලයට ඉකුත් අරගල සමයේදී එනම් 2022 වසරේ මැයි 10 වැනිදා කිසියම් පිරිසක් විසින් ගිනි තබන ලදී.

ඒ අනුව, හානිපූරණය සඳහා වන කාර්යාලය අමාත්‍ය මණ්ඩල අනුමැතිය යටතේ රජයේ තක්සේරුකරු විසින් ලබාදී ඇති රහස්‍ය තක්සේරු වාර්තාවෙහි වටිනාකම මත පදනම්ව මූල්‍ය සහන ලබාදී ඇතැයි එම කාර්යාලයේ තොරතුරු නිලධාරියා සඳහන් කරයි.

මෙලෙස මූල්‍ය සහන ලබාදීමේදී හෝටලයට සහ දේවාලයට ගෙවීම් කර නැතැයි ද හානිපූරණය සඳහා වන කාර්යාලය වැඩිදුරටත් සඳහන් කරයි.

Continue Reading

Trending

Copyright © 2023 Sri Lanka Mirror. All Rights Reserved