පුවත්
“ජාත්‍යන්තර ප්‍රජාව අතර ශක්තිමත් සම්බන්ධතා පවත්වාගෙන යාම මෙරටට වැදගත්”
ජාත්‍යන්තර ප්‍රජාව අතර ශක්තිමත් සම්බන්ධතා පවත්වාගෙන යාම මෙරටට අතිශය වැදගත් බවත් එම සම්බන්ධතා ඉදිරියේදී තවදුරටත් වර්ධණය කිරීමට පියවරගන්නා බවත් කම්කරු හා විදේශ රැකියා අමාත්‍ය මනූෂ නානායක්කාර මහතා කියයි.
ඒ මහතා මේ බව කියා සිටියේ එක්සත් අරාබි එමීර් රාජ්‍යයේ අබුඩාබි හී ෂැංග්‍රි-ලා හෝටලයේදී පැවැති එක්සත් අරාබි එමීර් රාජ්‍යයේ පිහිටි ශ්‍රී ලංකා තානාපති කාර්යාලය විසින් නිදහස් දිනය නිමිත්තෙන් පවත්වන ලද රාජ්‍ය තාන්ත්‍රික උත්සවයේදීය.
ශ්‍රී ලංකාව සහ ජාත්‍යන්තර ප්‍රජාව අතර ශක්තිමත් සබඳතා වර්ධනය කිරීමේ වැදගත්කම අමාත්‍යවරයා මෙහිදී අවධාරණය කළේය.
එම උත්සවයේදී ශ්‍රී ලංකාවේ ආහාර ජාත්‍යන්තර ප්‍රජාව වෙත ගෙනයමින් පැමිණ සිටි අමුත්තන්ව මෙරට ආහාර වලින් සංග්‍රහ කිරීමට පියවර ගෙන තිබිණි.
මේ අතර මෙරට ප්‍රවීන නර්තන කණ්ඩායමක් වන චන්දන වික්‍රමසිංහ සහ නර්තන ශිල්පීන්ගේ සංසදය සාම්ප්‍රදායික සංගීත සහ සංස්කෘතික ප්‍රසංග වලින් උත්සවය වර්ණවත් කිරීමට සමත්විය.
එක්සත් අරාබි එමීර් රාජ්‍යයේ ශ්‍රී ලංකා තානාපති උදය ඉන්ද්‍රරත්න මහතා මෙහිදී අදහස් දැක්වමින් අවධාරණය කර සිටියේ ජනාධිපති රනිල් වික්‍රමසිංහ මහතාගේ දූරදර්ශී නායකත්වය යටතේ ශ්‍රී ලංකාව ප්‍රබෝධමත් වෙමින් අභියෝග මධ්‍යයේ සෞභාග්‍යය සහ සාර්ථකත්වය සඳහා කැපවී සිටින මාවතක ගමන් කරන බවයි.
මෙම අවස්ථාවට සම්භාවනීය අමුත්තන් ලෙස අජ්මාන් රාජකීය පවුලේ සාමාජිකයෙකු වන ෂෙයික් හුමයිඩ් බින් රෂීඩ් අල් නුඅයිමි සහ එක්සත් අරාබි එමීර් රාජ්‍යයේ ජාත්‍යන්තර සංවර්ධන කටයුතු සඳහා විදේශ කටයුතු සහ ජාත්‍යන්තර සහයෝගිතා සහකාර අමාත්‍ය සුල්තාන් අල් ෂම්සි එක් වූහ.
මෙම අවස්ථාවට එක්සත් අරාබි එමීර් රාජ්‍යයේ පිහිටි විදේශ තානාපති කාර්යාල 120 ක පමණ ප්‍රධානීහූ එක්ව සිටියහ.
අග්‍රාමාත්‍ය ආචාර්ය හරිනි අමරසූරිය සහ ශ්‍රී ලංකාවේ එක්සත් ජනපද තානාපති ජූලි ජේ. චන්ග් මහත්මිය අතර හමුවක් පාර්ලිමේන්තු පරිශ්‍රයේදී පැවැත්වීය.
එක්සත් ජනපද විදේශ ආධාර ශ්‍රී ලංකාවට ලබාදීමේ ක්‍රමවේදයන් සහ දෙරට අතර තිරසර සහයෝගීතාව සඳහා දායක විය හැකි මාර්ග පිළිබඳව මෙහිදී සාකච්ඡාවට ගැනිණ.
එක්සත් ජනපද භාණ්ඩාගාර දෙපාර්තමේන්තුව විසින් පුළුල් සමාලෝචනයක් බලාපොරොත්තුවෙන් සිටින, විදේශ ආධාර සඳහා මෑතකදී පනවා ඇති මාස තුනක තාවකාලික අත්හිටුවීම් නියෝගය පිළිබඳව නියෝජිත පිරිස අග්‍රාමාත්‍යවරියට මෙහිදී පැහැදිලි කළහ.
විශේෂයෙන් කාන්තාවන් සඳහා වන සුරැකුම් නිවාස ව්‍යාපෘතිය වැනි ප්‍රධාන සංවර්ධන වැඩසටහන් කෙරෙහි බලපෑම සහ ආධාරක යාන්ත්‍රණය කඩාකප්පල් වුවහොත් ඇතිවන පුළුල් මානුෂීය ගැටළු සඳහා ලබාගත හැකි විසඳුම් පිළිබඳව මෙම සාකච්ඡාවේදී අවධානය යොමු විය.
සංවර්ධනයේ ගෝලීය ප්‍රමුඛයෙකු ලෙස එක්සත් ජනපදයේ තීරණාත්මක කාර්යභාරය සහ ද්විපාර්ශ්වික සහයෝගීතාවය අඛණ්ඩව පවත්වාගෙන යාමේ වැදගත්කමද මෙහිදී අවධාරණය කෙරිණ. විශේෂයෙන් ශ්‍රී ලංකාවේ සංවර්ධන ප්‍රමුඛතා සඳහා අඛණ්ඩ සහයෝගය ලබාදීමට ඇති විකල්ප ක්‍රම හඳුනා ගැනීම සඳහා එක්සත් ජනපදය ගන්නා උත්සාහය පිළිබඳ මෙහිදී අග්‍රාමාත්‍යවරියගේ විශේෂ අවධානය යොමු විය.
ආර්ථික ස්ථාවරභාවය ශක්තිමත් කිරීමේදී සහ රටේ දිගුකාලීන සංවර්ධන වැඩපිළිවෙලට සහාය වීමේදී ඇමරිකාව පැන වූ තීරුබදු වල බලපෑම පිළිබඳව සාකච්ඡා විය.
USAID ශ්‍රී ලංකාව සහ මාලදිවයින සඳහා වැඩබලන මෙහෙයුම් අධ්‍යක්ෂ සහ වැඩසටහන් කාර්යාල අධ්‍යක්ෂිකා මොරීන් හසියා, අවදානමට ලක්විය හැකි ජන කණ්ඩායම් පිළිබඳ කාර්යාලයේ වැඩබලන අධ්‍යක්ෂ ඇන්ජලිනා හර්මන්, ආර්ථික වර්ධන කාර්යාලයේ ව්‍යාපෘති කළමනාකරණ විශේෂඥ නිර්මි විතාරණ, අග්‍රාමාත්‍ය ලේකම් ප්‍රදීප් සපුතන්ත්‍රී, අග්‍රාමාත්‍ය අතිරේක ලේකම් සාගරිකා බෝගහවත්ත, විදේශ කටයුතු අමාත්‍යංශයේ උතුරු ඇමරිකානු අංශයේ අධ්‍යක්ෂිකා ප්‍රමුදිතා මුණසිංහ යන මහත්ම මහත්මීන් මෙම අවස්ථාවට එක්ව සිටියහ.
හෙද සේවය සඳහා අලුතින් 3147ක්
එක්සත් ජනපද තානාපති ජූලි චංග් අගමැතිනිය හමුවෙයි
සජබ ආසන සංවිධායක මන්ත්‍රීවරයෙක් ඉල්ලා අස්වෙයි
-
පුවත්5 days agoIMF තීන්දුව, ලෝක හා ආසියානු බැංකු ණයටත් පරහට හිටියි?
-
පුවත්4 days agoතෙල් සංස්ථාවේ “අයිෆෝන්” බිල් පිටවුණා වගේ රහස් එළියට යන නිසා සංස්ථාව ඩිජිටල් කරනවා – MD
-
පුවත්1 week agoරනිල්ගේ ප්රකාශය පරීක්ෂණ නොමඟ යැවීමක්
-
පුවත්2 days agoසේවකයින්ගේ හූ හඬින් පන්නා දැමූ රූපවාහිනී සංස්ථා ලොක්කෝ (වීඩියෝ)
-
පුවත්6 days agoකඩුවෙල මහෙස්ත්රාත්වරිගේ නිල මැදිරිය මුද්රා තැබේ