Connect with us

පුවත්

ජූලි මාසේ සිට අධිවේගී ලංගමවල කොන්දොස්තරලා නෑ

Published

on

කොන්දොස්තරලා නැති ලංගම බස් රථ සියළුම අධිවේගී මාර්ගවල ජූලි 01 වැනිදා සිට ක්‍රියාත්මක කිරීමට ප්‍රවාහන අමාත්‍යාංශය මඟින් තීරණය කර තිබේ.

මේ අනුව අධිවේගී මාර්ගවල ගමන් ගන්නා ලංගම බස් රථ සඳහා ප්‍රවේශපත්‍ර ලබාදීම ගමන ආරම්භයේදී පමණක් සිදු කරනු ඇත.

මාතර-මාකුඹුර ලංගම අධිවේගී බස් රථයක එක් ප්‍රවේශපත්‍රයක් රුපියල් 1,200ක් වන අතර එවැනි ප්‍රවේශපත්‍ර මඟීන් 34 දෙනෙකු සඳහා ව්‍යාජ ප්‍රවේශපත්‍ර වශයෙන් ලබාදීමේ ජාවාරමක් හෙළිදරව්වීමෙන් පසු මෙම තීරණය ගෙන තිබේ. 

මේ පිළිබඳ පරීක්ෂණ රහස් පොලීසිය මගින් දැනටමත් සිදු කෙරෙමින් පවතී.

සියලුම ලංගම බස් රථ සහ දුම්රිය සඳහා ඊ ප්‍රවේශපත්‍ර ඉදිරි තෙමස තුළ හඳුන්වා දීමටද ප්‍රවාහන අමාත්‍යංශය කටයුතු යොදා ඇතැයි වාර්තා වේ.

ක්‍රීඩා

කුසල්ට වීසා ලැබෙයි

Published

on

By

ශ්‍රී ලංකා ක්‍රිකට් කණ්ඩායමේ පිතිකරු කුසල් මෙන්ඩිස් හට අමෙරිකානු වීසා ලැබී තිබේ.

ඒ, ආරම්භ වීමට නියමිත විස්සයි විස්ස ලෝක කුසලාන ක්‍රිකට් තරගාවලියට සහභාගී වීම සඳහාය.

ඒ අනුව ඔහු ඉදිරි‌යේ දී අමෙරිකාව බලා පිටත්ව යනු ඇත.

ශ්‍රී ලංකා ජාතික කණ්ඩායම පසුගිය සතියේ අමෙරිකාව බලා පිටත්ව ගිය නමුත් කුසල් මෙන්ඩිස්ට වීසා ලබා ගැනීම ප්‍රමාද වීම හේතුවෙන් ඔහුට එක්වීමට නොහැකි විය.

එක්සත් ජනපද තානාපති කාර්යාලයට අවශ්‍ය අමතර තොරතුරු මත වීසා බලපත්‍රය ප්‍රමාද වූ බව සඳහන් වේ.

Continue Reading

පුවත්

ඩයනා අධිකරණයට බාරවෙයි

Published

on

By

කොළඹ ප්‍රධාන මහේස්ත්‍රාත් අධිකරණය සැකකාරියක ලෙස නම් කළ හිටපු රාජ්‍ය අමාත්‍ය ඩයනා ගමගේ මහත්මිය අධිකරණය බාරවීම සඳහා මීට සුළු මොහොතකට පෙර පැමිණියාය.

සිය නීතිඥයින් මගින් මෝසමක් ඉදිරිපත් කරමින් අධිකරණයට බාරවීමට පැමිණි බව ඇගේ නීතීඥයන් විසින් පවසන ලදී.

තම සේවා දායකයා කිසිවිටෙකත්  වහන් වී නැති බවද රහස් පොලිසිය මගින් ඇයව සොයන බවට මාධ්‍ය ඔස්සේ දුටු නිසා අධිකරණයට පැමිණි බව ද නීතීඥවරුන් වැඩිදුරටත් කියා ඇත.

Continue Reading

පුවත්

වැස්සෙන් දුම්රිය ධාවනයට බාධා

Published

on

By

දැනට පවතින අධික වර්ෂාව හේතුවෙන් කොළඹ – පුත්තලම දුම්රිය මාර්ගයේ මුන්දලම සිට පුත්තලම දක්වා මාර්ගය ජලයෙන් යට වීමෙන් දුම්රිය ධාවනයට බාධා පැමිණ ඇතැයි දුම්රිය දෙපාර්තමේන්තුව පවසයි.

ඒ අනුව අද ( 21)  අලුයම සිට පුත්තලම මාර්ගයේ දුම්රිය ධාවනය කොළඹ සිට බංගදෙනිය දක්වා සීමා කර ඇතැයි ද දුම්රිය දෙපාර්තමේන්තු උසස් නිලධාරියකු පැවසීය.

කොළඹ – පුත්තලම දුම්රිය මාර්ගයේ දැනට දිනකට කොළඹ සිට පුත්තලම දක්වා දුම්රිය හතරක් ද පුත්තලම සිට කොළඹ දක්වා දුම්රිය හතරක් ද වශයෙන් ධාවනය කෙරේ.

Continue Reading

Trending

Copyright © 2023 Sri Lanka Mirror. All Rights Reserved