ව්‍යාජ ලෙස මෝටර් රථ ප්‍රවාහන දෙපාර්තමේන්තුවේ ලියාපදිංචි කළ මෝටර් රථ 6000කට ආසන්න ප්‍රමාණයක් රට පුරා සංසරණ වීමේ තත්ත්වයක් සම්බන්ධව අල්ලස් හෝ දූෂණ චෝදනා විමර්ෂන කොමිෂන් සභාව විමර්ෂනයක් ආරම්භ කර තිබේ.

රජයට අයවිය යුතු රේගු බදු නොගෙවා අනීතිකව ආනයනය කළ බව කියන මෙම වාහන අතුරින් හඳුනාගත් වාහන සම්බන්ධයෙන් නීත්‍යානුකූල කටයුතු සිදුකරමින් පවතින බවද එම කොමිෂන් සභාව පවසයි.

එවැනි වාහන විමර්ශන සඳහා කොමිෂන් සභාව භාරයට ගෙන වැඩිදුර විමර්ෂන සිදුකර අයවිය යුතු රේගු බදු හා වෙනත් ගාස්තු අයකර ගැනීම පිණිස ශ්‍රී ලංකා රේගුව වෙත භාර දී තිබේ.

එහිදී අදාළ වාහනවල දෙවන හෝ ඊට පසු අවස්ථාවන්වල පැවරීම්ලාභීන් දැඩි අපහසුතා හා දුෂ්කරතාවන්ට පත්වන බවත් නිරීක්ෂණය වී තිබේ. 

ඒ අනුව මීට පිළියමක් ලෙස නිර්ව්‍යාජ ගැනුම්කරුවෙකු වාහනයක් මිලදී ගැනීමට පෙර එම වාහනය සඳහා නිසි පරිදි ආනයනික තීරු බදු හා වෙනත් ගාස්තු ගෙවා ඇති බවට තහවුරු කරගැනීමට මාර්ගගව සුදුසු මාර්ගගත ප්‍රවේශයක් සහස් කර දෙන ලෙස කොමිෂන් සභාව විසින් ශ්‍රී ලංකා රේගුව වෙත මාර්ගෝපදේශ ලබා දී තිබේ.

ඊට ප්‍රතිචාර ලෙස රේගුව විසින් මාර්ගගත ද්වාරයක් හඳුන්වා දී ඇති අතර මේ තුළින් කිසියම් තැනැත්තෙකු විසින් මිලදී ගැනීමට අපේක්ෂා කරනු ලබන වාහනය ශ්‍රී ලංකාවට නීත්‍යානුකූලව ආනයනය කර නිසි පරිදි රේගු බදු ගෙවා ඇත්දැයි යන්න අවස්ථාව උදා කර තිබේ.

ඒ අනුව පහත සඳහන් සබැඳිය වෙත පිවිස තමන් සතු හෝ තමන් මිලදී ගැනීමට අපේක්ෂා කරනු ලබන වාහනය නීත්‍යානුකූලව ආනයනය කර ඇත්දැයි දැනගැනීමේ අවස්ථාව උදාකර ඇතැයිද අල්ලස් හෝ දූශණ චෝදනා විමර්ශන කොමිෂන් සභාව එම නිවේදනයේ දක්වා තිබේ.

අශෝක රංවල මහතාගේ ඉල්ලා අස්වීමෙන් පුරපුපාඩු වූ කථානායක ධුරය සඳහා නව කථානායකවරයෙකු පත්කර කරගැනීම එළැඹෙන 17 වැනිදා සිදුකළ යුතු බව දේශපාලන නිරීක්ෂකයින් පවසයි.

එළැඹෙන 17 වැනිදා පාර්ලිමේන්තුව රැස්වීමට නියමිත අතර එදින නව කථානායකවරයෙකු පත්කර ගැනීමට අදාළ නාම යෝජනා ඉදිරිපත්කළ යුතු බව සඳහන් වේ.

මේ අතර මෙරට පාර්ලිමේන්තු ඉතිහාසයේ කථානායකවරයෙකු ඉල්ලා අස්වූ පළමු අවස්ථාව මෙය වන බව මහාචාර්ය ප්‍රතිභා මහනාමහේවා මහතා පවසයි.

ඔහු පැවසුවේ අදාළ ඉල්ලා අස්වීමේ නිවේදනය කථානායකවරයා විසින් පාර්ලිමේන්තු මහලේකම්වරිය වෙත හෝ ජනාධිපතිවරයා වෙත ලබා දිය හැකි බවය.

ජනාධිපතිවරයාට ඉල්ලා අස්වීමේ ලිපිය ලැබීමෙන් පසු ජනාධිපතිවරයාට කථානායකවරයාගේ ඉල්ලා අස්වීමේ ලිපිය සම්බන්ධව තීරණයක් ගත හැකි බවත් ඔහු පැවසීය.

යම් අයුරකින් ජනාධිපතිවරයා විසින් කථානායකවරයාගේ ඉල්ලා අස්වීම භාර ගන්නේ නම් නැවත පාර්ලිමේන්තුවෙන් නව කථානායකවරයෙක් තෝරා පත් කර ගත යුතු අතර එය සාමාන්‍ය නීතිය යටතේ ඡන්දයකින් හෝ නාමයෝජනාවකින් එම පත්වීම තෝරාගත හැකි බවද ඔහු වැඩිදුරටත් අදහස් දක්වමින් පැවසීය.

උතුරු සහ නැගෙනහිර පළාත්වල වැසි වාර කිහිපයක් ඇති විය හැකි බව කාලගුණ විද්‍යා දෙපාර්තමේන්තුව පවසයි.

සෙසු ප්‍රදේශවල සවස් කාලයේ හෝ රාත්‍රී කාලයේ තැනින් තැන වැසි හෝ ගිගුරුම් සහිත වැසි ඇතිවිය හැකි බවත් එම නිවේදනයේ දැක්වේ. 

බස්නාහිර, සබරගමුව සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථාන වලට මි.මී. 75 පමණ තරමක් තද වැසි ඇතිවිය හැකිය.

බස්නාහිර පළාතේත් ගාල්ල සහ මාතර දිස්ත්‍රික්කවලත් වෙරළබඩ ප්‍රදේශවල ඇතැම් ස්ථාන වලට උදෑසන කාලයේදීත් වැසි ඇතිවිය හැකිය.

මධ්‍යම, සබරගමුව, දකුණ සහ ඌව පළාත්වල උදෑසන කාලයේදී මීදුම් සහිත තත්ත්වයක් පැවතිය හැකි බවත් එම දෙපාර්තමේන්තුව සිය නිවේදnaයේ දක්වා තිබේ.