Connect with us

පුවත්

තද වැසි සමඟ නායයෑමේ අනතුරු ඇඟවීම් තවදුරටත්

Published

on

අත්තනගලු ඔය, ගිං,කළු හා නිල්වලා ගංඟාවල ගංවතුර තත්ත්වය තවදුරටත් පවතින බව වාරිමාර්ග දෙපාර්තමේන්තුව පවසයි.

එහි ජල විද්‍යා අංශයේ අධ්‍යක්ෂ එස්. පී. සී. සුගීෂ්වර මහතා පැවසු පරිදි ඉදිරියේදී තවදුරටත් වැසි ඇති වුවහොත් අධි අවදානම් ගංවතුර තත්ත්වයක් දක්වා වර්ධනය විය හැකි බවය.

පවතින අධික වර්ෂාව සමඟ දිස්ත්‍රික්ක 7ක් සඳහා නිකුත් කළ නාය යෑමේ අනතුරු ඇඟවීමේ නිවේදනය තවදුරටත් ක්‍රියාත්මක වේ.

ජාතික ගොඩනැගිලි පර්යේෂණ සංවිධානයට අනුව කොළඹ,ගාල්ල,හම්බන්තොට,කළුතර,මහනුවර,රත්තපුර,කෑගල්ල හා මාතර දිස්ත්‍රික්ක වල ප්‍රාදේශීය ලේකම් කොට්ටාස කිහිපයක් සඳහා එම අනතුරු ඇඟවීම් නිකුත් කර ඇත.

අධික වර්ෂාවෙන් පීඩාවට පත් පුද්ගලයින් සංඛ්‍යාව ද 47,963 ක් දක්වා ඉහළ ගොස් ඇති අතර වැඩිම පිරිසක් බස්නාහිර පළාතෙන් වර්තා වේ.

එම සංඛ්‍යාව 38,208ක් වන අතර දිස්ත්‍රික්ක 12ක් වෙත මෙම බලපෑම එල්ල වී ඇත.

තවද ආරක්ෂිත ස්ථාන 10ක පුද්ගලයින් 930 දෙනෙකු රඳවා ඇති අතර නිවාස 3ක් සම්පුර්ණයෙන්ම විනාශ වී  644කට අර්ධ හානී සිදුව ඇත .

මේ අතර බස්නාහිර, සබරගමුව, දකුණ සහ වයඹ පළාත්වලත් මහනුවර සහ නුවරඑළිය දිස්ත්‍රික්කවලත් අද වැසි හෝ ගිගුරුම් සහිත වැසි ඇති වන බව කාලගුණ විද්‍යා දොපර්තමේන්තුව නිවේදනය කරයි.

ඌව හා නැගෙනහිර පළාත්වලත්, පොළොන්නරුව හා මුලතිව් දිස්ත්‍රික්කවලත් සවස කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇති විය හැකි බව එම නිවේදනයේ දැක්වේ.

මේ අතර ගංවතුර හේතුවෙන් හානි වූ වගාවන් සඳහා වන්දි ගණනය කිරීම මේ වනවිට ආරම්භ කර ඇති බව කෘෂිකාර්මික හා ගොවිජන රක්ෂණ මණ්ඩලයේ සභාපති මද්දුමබණ්ඩාර වීරසේකර මහතා පවසයි.

පුවත්

වෙසක් නිමිත්තෙන් රැඳවියන් 278 කට සමාව

Published

on

By

වෙසක් උත්සවය නිමිත්තෙන් විශේෂ රාජ්‍ය සමාව යටතේ බන්ධනාගාරගත රැඳවියන් 278 කට සමාව පිරිනමන බව බන්ධනාගාර මාධ්‍ය ප්‍රකාශක, බන්ධනාගාර කොමසාරිස් ගාමිණි බී. දිසානායක මහතා පැවසීය.

රාජ්‍ය සමාව ලබන සිරකරුවන් අතර වැලිකඩ බන්ධනාගාරයෙන් සිරකරුවන් 15 ක් සහ මහර බන්ධනාගාරයෙන් 37 ක් සමඟ සියළුම බන්ධනාගාර ආයතනවලින් සිරකරුවන් 278 ක් සිටින බවත් ඒ අතර කාන්තා රැදවියන් 10 ක් ඇතුළත් බවත් දිසානායක මහතා කීය.

Continue Reading

පුවත්

‘සමස්ත සිංහල අය වෙනුවෙන් මගෙන් සමාව ඉල්ලපු කිහිපදෙනෙක් ඉන්නවා’ (වීඩියෝ)

Published

on

By

කුරුණෑගල අවට ජනතාව අදටත් සිසේරියන් සැත්කම් සිදු කර ගැනීමට තමන් ළඟට පැමිණෙන බවත් වඳ සැත්කම් කළ බවට නැගු චෝදනාවන්ට සමාව ඉල්ලා සිටින බවත් කුරුණෑගල ශික්ෂණ රෝහලේ වෛද්‍ය ෂිහාබ්දීන් මොහොමඩ් ෂාෆි පවසයි.

ශ්‍රී ලංකාව තුළ අනාගත පරපුරට සතුටින් ජීවත් වීමට අවස්ථාව සැලසිය යුතු බවට විශ්වාස කරන තමන් රට හැර යෑමේ සුදානමක් නොමැති බවත් කවදා හෝ මේ බෞද්ධ රට වෙනත් රටවලට ආදර්ශයක් වෙන රටක් බවට පත කළ යුතු බවත් ඔහු පෙන්වා දෙයි.

‘අවස්ථාවාදී අරමුණු උදෙසා නීතිය, විද්‍යාව සහ ජනමධ්‍ය අවභාවිත කිරීම’ යන තේමාව යටතේ මැයි 21වෙනිදා කොළඹ දී ‘අයිතිය උදෙසා මාධ්‍යවේදීන්’ විසින් සංවිධානය කළ සංවාදයකට එක්වෙමින් වෛද්‍ය ෂාෆි මේ අදහස් පළ කළේය.

කුරුණෑගල ශික්ෂණ රෝහලේ දී සිංහල මව්වරුන්ට වඳ සැත්කම් කළ බවට චෝදනා ලබා, අනිවාර්ය නිවාඩු ගන්වා අත්අඩංගුවේ සිටි වෛද්‍ය ෂාෆි පසුව එම චෝදනාවලින් නිදහස් වී නැවත කුරුණෑගල රෝහලේම සේවය කරයි.

(බීබීසී සිංහල)

Continue Reading

පුවත්

දළදා මාලිගාවේ බැතිමතුන් වෙනුවෙන් දන්සැල් කලාපයක්

Published

on

By

වෙසක් පුර පසළොස්වක පොහොය යෙදී ඇති හෙට (23) සහ අනිද්දා (24) යන දෙදින මහනුවර ශ්‍රී දළදා මාලිගාවට පැමිණෙන දෙස් විදෙස් බැතිමතුන් වෙනුවෙන් විශේෂ දන්සැල් කලාපයක් ක්‍රියාත්මක කිරීමට කටයුතු කර තිබේ.

දියවඩන නිලමේ ප්‍රදීප් නිලංග දෑල මහතාගේ උපදෙස් අනුව ශ්‍රී දළදා මාලිගාවේ කාර්ය මණ්ඩලය විසින් මෙම දන්සැල් කලාපය ක්‍රියාත්මක කරනු ඇත.

එහිදී ප්‍රණීත හා සෞඛ්‍ය‍ාරක්ෂිතව පිලියෙල කළ ආහාර පාන දින දෙකක් පුරාවට පැමිණෙන බැතිමතුන් වෙත ලබා දෙන බව ශ්‍රී දළදා මාලිගාව වැඩිදුරටත් සඳහන් කළේය. 

Continue Reading
Advertisement

Trending

Copyright © 2023 Sri Lanka Mirror. All Rights Reserved