Connect with us

පුවත්

ත්‍රි’මලේ තෙල් ටැංකි ටිකක් ඉඩමත් එක්කම වසර 50කට ඉන්දියාවට

Published

on

ත්‍රිකුණාමලයේ තෙල් ටැංකි සංකීර්ණයේ තෙල් ටැංකි 75ක් ලංකා ඉන්දියානු තෙල් සමාගමට පරිහරණය කළ හැකි වන පරිදි වසර 50ක කාලයකට බදු දීමට ඒවා පිහිටා ඇති බිම් කොටස් හා ඒවා අනුබද්ධිත අනු කොටස් නිදහස් කර ගැනීමට කැබිනට් අනුමැතියට ඉදිරිපත් කර ඇතැයි ශ්‍රී ලංකා මිරර් වෙත වාර්තා වේ.

මේ අතර, ඉන්දීය විදේශ කටයුතු අමාත්‍ය ආචාර්ය එස්.ජයිශංකර් මහතා ලබන 19 වැනිදා දෙදින නිල සංචාරයක් සඳහා ශ්‍රී ලංකාවට පැමිණෙන්නේ මෙහි ගිවිසුම් අත්සන් කිරීමට බවට මේවනවිට කසුකුසුවක්ද ඇතිව තිබේ.

තෙල් ටැංකි බදුදීමට අදාළ කැබිනට් පත්‍රිකාව ඉකුත් දෙසැම්බර් මාසයේ 23 වැනිදා විදුලිබල හා බලශක්ති අමාත්‍ය කංචන විජේසේකර මහතා විසින් අමාත්‍ය මණ්ඩල අනුමැතියට ඉදිරිපත් කර තිබේ.

ඒ අනුව එම ටැංකිවලින් වැඩි ප්‍රමාණයක් බදු දී ඇත්තේ ඉකුත් වසරේ ජනවාරි මාසයේදී අමාත්‍ය මණ්ඩල අනුමැතිය යටතේ පිහිටුවන ලද ට්‍රින්කෝ පෙට්‍රෝලියම් ටර්මිනල් (ප්‍රයිවට්) ලිමිටඩ් නැමැති සමාගම සඳහාය.

එසේ වසර 50කට එම සමාගමට දී ඇති තෙල් ටැංකි ප්‍රමාණය 61 කි.

මීට අමතරව ලංකා ඉන්දියා තෙල් සමාගම වෙත සෘජුවම තවත් තෙල් ටැංකි 14ක් වසර 50කට බදු දීමට නියමිතය.

ට්‍රින්කෝ පෙට්‍රෝලියම් ටර්මිනල් (ප්‍රයිවට්) ලිමිටඩ් නැමැති ආයතනය ශ්‍රී ලංකා රජය, ලංකා ඛනිජ තෙල් නීතිගත සංස්ථාව, ලංකා ඉන්දියා තෙල් සමාගම සහ ත්‍රිකුණාමලය තෙල් ටැංකි සංකීර්ණය සංවර්ධනය කිරීම සඳහා ඉන්දියානු හා ශ්‍රී ලංකා හවුල් කාරිත්වය යටතේ පිහිටුවන ලද සිවුපාර්ශවීය සමාගමකි.

කෙසේවුවද, අවසානයේ ශ්‍රී ලංකා කනිජ තෙල් සංස්ථාවට ඉතිරිව ඇත්තේ තෙල් ටැංකි 24ක් පමණි. 

එම කැබිනට් පත්‍රිකාවට අනුව තෙල් නල පද්ධතිය පිහිටි බිම් කැබලි 2ක්, සේවක නිවාස 14ක් ද වසර 50කට බදුදීමට නියමිතය.

පුවත්

කථිකාචාර්ය පුන්සර අමරසිංහ  අත්අඩංගුවට

Published

on

By

කොතලාවල ආරක්ෂක විශ්වවිද්‍යාලයේ කථිකාචාර්යවරයෙකු වන ආචාර්ය පුන්සර අමරසිංහ මහතා අපරාධ පරීක්ෂණ දෙපාර්තුමේන්තුව විසින් අත්අඩංගුවට ගෙන තිබේ.

ISIS සංවිධානය සමඟ සබඳතා පැවැත්වූ බවට ඉන්දියාවේදී අත්අඩංගුවට ගත් ශ්‍රී ලාංකික සැකකරුවන් 4 දෙනා සම්බන්ධයෙන් අසත්‍ය ප්‍රකාශයක් සිදු කිරීම හේතුවෙන් ඔහු මෙලෙස අත් අඩංගුවට ගෙන ඇත.

පෞද්ගලික රූපවාහිනී නාලිකාවක සාකච්ඡාවකට එක් වෙමින් ඔහු සිදු කළ ප්‍රකාශයක් මෙම අත්අඩංගුවට ගැනීමට හේතු වී ඇති බවද සඳහන්ය.

Continue Reading

පුවත්

විහිළු කතා සපයන්නන්ට රවී උත්තර දෙයි

Published

on

By

වැදගත් වන්නේ විහිළු සැපයීම නොව ප්‍රජාතන්ත්‍රවාදිව ජනතා විශ්වාසය රැකගෙන කටයුතු කිරීම බව එක්සත් ජාතික පක්ෂයේ කොළඹ දිස්ත්‍රික් නායක හිටපු මුදල් අමාත්‍ය රවී කරුණානායක මහතා පවසයි.

ඒ අනුව අනිවාර්යයෙන්ම ජනාධිපතිවරණය පැවැත්වෙන අතර නිර්දේශපාලනික අපේක්ෂකයා ලෙස රනිල් වික්‍රමසිංහ මහතා ඉදිරිපත් වන බවයි රවී කරුණානායක මහතා සඳහන් කරන්නේ.

අනතුරුව මැතිවරණය ජයග්‍රහණය කර රට හරි මාර්ගයේ ගෙනයාම විය යුතු වන බවද ඔහු ප්‍රකාශ කරයි.

ජනතා විශ්වාසය රැකගෙන කටයුතු කිරීම මිස වෙනත් ක්‍රමවලට වැඩකර පලක් නැති බවයි කරුණානායක මහතා වැඩිදුරටත් අවධාරණය කරන්නේ.

Continue Reading

පුවත්

අනුර ජොන්ස්ටන්ගෙන් වන්දි ඉල්ලයි

Published

on

By

හිටපු අමාත්‍ය පාර්ලිමේන්තු මන්ත්‍රී  ජෝන්ස්ටන් ප්‍රනාන්දු මහතා සිදුකළ ද්වේශ සහගත ප්‍රකාශයකින් සිදුවූ අපහාසයට රුපියල් මිලියන 500ක වන්දියක් අය කර දෙන්නැයි ජාතික ජන බලවේගයේ නායක පාර්ලිමේන්තු මන්ත්‍රී අනුර කුමාර දිසානායක මහතා කොළඹ දිසා අධිකරණයේ සාක්ෂි දෙමින් අද(29) ඉල්ලා සිටියේය.

ඒකාබද්ධ විපක්ෂය තංගල්ල නගර ශාලාවේ 2017 වසරේදී සංවිධානය කළේ යැයි කියන  රැස්වීමකදී ජෝන්ස්ටන් ප්‍රනාන්දු මහතා කළ ප්‍රකාශයකින් මෙම අපහාසය සිදුවී ඇති බවත් පැවසූ අනුර කුමාර දිසානායක මහතා කැලණිය විශ්ව විද්‍යාලීයේ විද්‍යාවේදී උපාධි සහතිකය ඇතුළු  ලේඛන 10ක් අධිකරණයට ඉදිරිපත් කරමින් පාර්ලිමේන්තුවේ සහ සමාජයේ කීර්තියක් උසුලන තමන්ට සිදුකළ අපහාසයට වන්දි අය කර දෙන ලෙසට ඉල්ලා සිටියේය.

කොළඹ ප්‍රධාන දිසා විනිසුරු සඳුන්විතාන මහතා ඉදිරියේ සාක්ෂි කැඳවීම සිදුවිය.

Continue Reading
Advertisement

Trending

Copyright © 2023 Sri Lanka Mirror. All Rights Reserved