Connect with us

පුවත්

තැපෑලේ අලි හොරකමක් විගණන වාර්තාවෙන් හෙළිවේ

Published

on

තැපැල් දෙපාර්තමේන්තුවේ සේවකයන් පිරිසකට ව්‍යාජ වේලා සටහන් කර අතිකාල දීමනා ලෙස කෝටි 06කට ආසන්න මුදලක් නීති විරෝධීව ගෙවා ඇතැයි ජාතික විගණන කාර්යාලය නිකුත් කළ නවතම වාර්තාවක සඳහන් වේ.

දෙපාර්තමේන්තුවේ ඇඟිලි සලකුණු යන්ත්‍රයක් සවිකර තිබුණද එහි පැමිණීමේ හා පිටවීමේ වේලාවන් සලකා බැලීමකින් තොරව මෙලෙස අතිකාල දීමනා ගෙවා ඇති බවයි පැවසේ.

ඒ අනුව සවස 4.15ට තැපැල් මූලස්ථානයෙන් පිටව ගිය සේවකයන් පිරිසක් රාත්‍රි 7,8,9 සහ 10 දක්වා රාජකාරි කළ බවට සාවද්‍ය ලෙස දක්වා මෙම අතිකාල දීමනා ගෙවා ඇත.

මේ හේතුවෙන් අතිකාල දීමනා ගෙවීම්වල නිවැරදිතාව විගණනයට පරික්ෂා කළ නොහැකි වූ බවද වාර්තාවේ දැක්වෙයි.

මේ අතර රජයේ වාහනවල රාජ්‍ය ලාංඡනය යෙදි යුතු බවට සඳහන් වුව ද තැපැල් දෙපාර්තමේන්තුවේ වාහන 123ක රාජ්‍ය ලාංඡනය පින්තාරු කර නොතිබූ බවද විගණන නිලධාරීන්ට නිරීක්ෂණය වී තිබේ.

තැපැල් දෙපාර්තමේන්තුව පසුගිය වසරේ දී ක්‍රියාත්මක කිරීමට සැලසුම් කළ ව්‍යාපෘති 347න් ව්‍යාපෘති 178ක් අහෝසි කර ඇතැයිද එකී වාර්තාවේ සඳහන්ය.

එමෙන්ම භාණ්ඩාගාරයෙන් අනුමත කළ නියෝජ්‍ය තැපැල්පති තනතුරු පුරප්පාඩු සම්පූර්ණ වී තිබියදී කිසිදු අනුමැතියකින් තොරව නියෝජ්‍ය තැපැල්පතිවරුන් දෙදෙනෙකු පසුගිය 2022 වසරේ පත් කර ඇතැයිද විගණන නිලධාරීන් පෙන්වා දෙති.

මෙම තොරතුරු සටහන්ව ඇත්තේ තැපැල් දෙපාර්තමේන්තුවේ 2023 වාර්ශික වාර්තාවට ඇතුලත් කරනු ලැබ ඇති විගණන වාර්තාවේය.

පුවත්

ජනාධිපතිවරණය ගැන මැතිවරණ කොමිසමේ මතය

Published

on

By

ජනාධිපතිවරණ ඡන්ද විමසීම සම්බන්ධයෙන් අයවැයෙන් ඉල්ලා තිබූ බිලියන 10ක මුදල ලැබී ඇති බැවින් මැතිවරණයට අදාළ මුදල් ප්‍රතිපාදන සම්බන්ධයෙන් කිසිදු ගැටළුවක් නොමැති බව ද මැතිවරණ කොමිසම පවසයි.

කොමිසම වැඩිදුරටත් සඳහන් කළේ, මැතිවරණයට අදාළ කඩදාසි සම්බන්ධයෙන් ද මෙතෙක් ගැටළුවක් නොමැති බවය.

එමෙන්ම මෙම මස අවසන් වීමට පෙර ජනාධිපතිවරණයට අදාල ඡන්ද විමසීම ප්‍රකාශයට පත් කිරීමේ දිනය දැනුම් දෙන බව මැතිවරණ කොමිසම ප්‍රකාශ කර සිටී..

විශේෂ ප්‍රවෘත්ති සාකච්ඡාවකට එක්වෙමින් මැතිවරණ කොමිසම් සභාවේ සභාපති, ආර්.එම්.ඒ.එල්. රත්නායක මහතා පවසා සිටියේ, මේ දිනය ක්‍රියාත්මක කිරීමේ දී වෙනත් කිසිදු හේතුවක් බලනොපාන බවය.

ඕනෑම අයෙකුට ආණ්ඩුක්‍රම ව්‍යවස්ථාව සහ ජනාධිපති පනත අනුව මෙම දින පිළිබඳ සලකා බැලිය හැකි බවද ඔහු සඳහන් කලේය.

Continue Reading

පුවත්

දොස්තර රංගනයක යෙදුනු වෙන්ඩ දොස්තර නෝනා රිමාන්ඩ්

Published

on

By

සීමාවාසික වෛද්‍ය පුහුණුව ආරම්භ කිරීමටත් පෙර පුහුණු වෛද්‍යවරියක ලෙස පෙනී සිට නීතිඥ යුවළකගේ අවුරුදු 6 සහ 8 වියේ පසුවූ කුඩා දරුවන් දෙදෙනෙකුට පෞද්ගලික වෛද්‍ය සායනයක් තුළ දී වෛද්‍ය ප්‍රතිකාර ලබාදීමේ චෝදනාවට අත්අඩංගුවට ගත් වෛද්‍ය ශිෂ්‍යාවක් ලබන 19 වනදා දක්වා රක්ෂිත බන්ධනාගාරගත කිරීමට කොළඹ අතිරේක මහෙස්ත්‍රාත් හර්ෂණ කැකුණවෙල මහතා ඊයේ (15) පස්වරුවේ නියෝග කළේය.

පසුගිය 3 වැනිදා කොළොන්නාව ප්‍රදේශයේ පිහිටි වෛද්‍ය මධ්‍යස්ථානයකට පැමිණ තිබූ නීතිඥ  හුසේන් අසාර් සයිතුන් මහතා සහ නීතිඥවරියක වන පාතිමා ජුතයින් මහත්මිය සිය දරුවන් දෙදෙනොට වෛද්‍ය ප්‍රතිකාර ලබාදී තිබූ අතර, එකී වෛද්‍ය ප්‍රතිකාර ලැබීමෙන් පසුව ඔවුන්ගේ රෝගී තත්ත්වය උත්සන්න වීම නිසා ඒ පිළිබඳ සැකකාර වෛද්‍යවරියට දන්වා වෛද්‍ය සහතිකයක් ලබාගැනීමට පියවර ගෙන තිබිණි.

එකී වෛද්‍ය සහතිකයේ සඳහන් නිල මුද්‍රාවේ වෙනත් වෛද්‍යවරයෙකුගේ නමක් සඳහන්වී තිබී ඇත.

පසුව ඒ පිළිබඳව විමසීමේ දී ඕනෑම අයෙකුට වෛද්‍ය ප්‍රතිකාර ලබාදීමට තරම් තමා සුදුසුකම් ලබා ඇති බව සැකකාරිය පවසා ඇති අතර ඒ අනුව වැල්ලම්පිටිය පොලීසියට පැමිණිල්ලක් ගොනුකර තිබේ.

එකී පැමිණිල්ල අනුව අධිකරණයට ඉදිරිපත් කිරීම සඳහා තොරතුරු වාර්තාවක් සකස් කොට කොළඹ මහෙස්ත්‍රාත් අධිකරණයේ ලියාපදිංචි කර තිබූ නමුත්, එවැනි සැකකාරියක් හෝ පෙර කී තොරතුරු වාර්තාව, අධිකරණයට ඉදිරිපත් නොකිරීම පිළිබඳව එම නීතිඥ යුවළ හා සෙසු නීතිඥවරුන් පිරිසක් අතිරේක මහෙස්ත්‍රාත්වරයාට කරුණු දක්වා තිබිණි.

ඒ අනුව අදාළ පොලිස් නිලධාරීන් කැඳවූ අතිරේක මහෙස්ත්‍රාත් හර්ෂණ කැකුණවෙල මහතා, සැකකාර වෛද්‍ය සිසුවිය සිදුකර ඇත්තේ, මිනීමැරීමට තැත් කිරීමට සමාන වරදක් වන බැවින් වහාම ඇය අත්අඩංගුවට ගෙන අධිකරණයට ඉදිරිපත් කරන ලෙස පොලීසියට නියෝග කර තිබිණි.

නිසි බලයක් නොමැතිව වෛද්‍ය වෘත්තියේ නියැලීම යන චෝදනාවට අත්අඩංගුවට ගත් අජ්රා නියාස් නැමති සැකකාරිය එලෙස රක්ෂිත බන්ධනාගාරගත කිරීමට නියෝග කර ඇති අතර, නීතිඥ චින්තක ප්‍රනාන්දු, මර්වින් ද සිල්වා යන මහත්වරුන් ඇතුළු 30කට ආසන්න නීතිඥ මණ්ඩලයක් සමග ජ්‍යෙෂ්ඨ නීතිඥ වීරසේන රණහේවා මහතා අගතියට පත් පාර්ශවය වෙනුවෙන් පෙනී සිටියේය.

Continue Reading

පුවත්

යුනෙස්කෝ අධ්‍යක්ෂවරිය ලංකාවට පැමිණෙයි

Published

on

By

එක්සත් ජාතීන්ගේ, අධ්‍යාපනික, විද්‍යාත්මක සහ සංස්කෘතික සංවිධානයේ අධ්‍යක්ෂ ජනරාල් ඕද්රි අසූලේ මහත්මිය, ශ්‍රී ලංකාවේ සංචාරයක් සදහා අද (16)  අලුයම කටුනායක ගුවන් තොටුපොළෙන් පැමිණියාය.

අධ්‍යක්ෂකවරිය සමග ඇයගේ දූත පිරිස ලෙස තවත් තිදෙනකු ද පැමිණ පැමිණ තිබේ.

ඔවුන් අද (16) අලුයම 02.10 ට දෝහා සිට කටාර් ගුවන් සේවයේ කිව්.ආර්.- 662 දරන ගුවන් යානයෙන් කටුනායක ගුවන් තොටුපොළ විශේෂ අමුත්තන්ගේ මැදිරිය වෙත පැමිණ ඇත.

ඔවුන් පිළිගැනීම සදහා ශ්‍රී ලංකා විදේශ කටයුතු අමාත්‍යාංශයේ නිලධාරීන් පිරිසක් ද කටුනායක ගුවන් තොටුපොළ වෙත පැමිණ සිටි බව වාර්තා වේ.

සබැඳි පුවත්

යුනෙස්කෝ සංවිධානයේ අධ්‍යක්ෂ ජනරාල් ශ්‍රී ලංකාවේ සංචාරයක

Continue Reading

Trending

Copyright © 2023 Sri Lanka Mirror. All Rights Reserved