Connect with us

පුවත්

තිලිණිගේ රන් පොලු හිමි අත්අඩංගුවට!

Published

on

තිලිණි ප්‍රියමාලිගේ මහා පරිමාණ මූල්‍ය වංචාව සම්බන්ධයෙන් කරන විමර්ශනයට අදාළව කඩවත විහාරස්ථානයක වෙසෙන බොරැල්ලේ සිරි සුමන හිමියන් අපරාධ පරීක්ෂණ දෙපාර්තමේන්තුව මගින් ඊයේ (01) පස්වරුවේ අත්අඩංගුවට ගෙන තිබේ.

මෙලෙස අත්අඩංගුවට ගත් හිමිනම දැනට රිමාන්ඩ් භාරයේ සිටින තිකෝ සමූහ ව්‍යාපාරයේ හිමිකාරිය වන තිලිණි ප්‍රියමාලි සමග සමීප හිතවත්කමක් පවත්වා ඇතැයි ද අපරාධ පරීක්ෂණ දෙපාර්තමේන්තුව විමර්ශනවල දී අනාවරණය කරගෙන තිබේ.

මෙම සැකකාර හිමිනම විවිධ තාක්ෂණික ක්‍රමවේද රැසක් භාවිතා කර තිබෙන බවත්, විශේෂයෙන්ම දුරකතන යෙදවුමක් ද භාවිතා කර ඇතැයි ද විමර්ශනයේ දී අනාවරණය වී තිබේ.

සැකකාර හිමිනම භාවිතා කරන ලද එම ජංගම දුරකතන යෙදවුම් (APP) මගින් එම හිමිනමගේ ජංගම දුරකතනයට ලද ඇමතුම් පැය 24ක් ඇතුළත මැකී යන බවද විමර්ශනවල දී අනාවරණය වී තිබේ.

තිලිණි ප්‍රියමාලිට රුපියල් කෝටි ගණනින් මුදල් ලබා දුන් ව්‍යාපාරිකයන් ඇතුළු පිරිස මෙම හිමිනම සමග සමීප ඇසුරක් පවත්වා තිබෙන බවද විමර්ශනයේ දී අනාවරණය වී තිබේ.

තිලිණි ප්‍රියමාලිගේ ත්‍රිකෝ සමූහ ව්‍යාපාරයේ බිලියන ගණනින් මුදල් තැන්පත් කළ ප්‍රකෝටිපතියන් යළි මුදල් ඉල්ලා සිටින අවස්ථාවන්හිදී ‘‘ඔය මුදල් ඉක්මනින් ලැබෙනවා. කලබල වෙන්න එපා’’ යනුවෙන් පවසමින් ව්‍යාපාරිකයන් ඇතුළු පිරිස සනසා ඇත්තේද බොරැල්ලේ සිරිසුමන හිමියන් විසින් බවද අපරාධ පරීක්ෂණ දෙපාර්තමේන්තුව විමර්ශනයේ දී අනාවරණය කරගෙන තිබේ.

මෙම සැකකාර හිමිනම කඩවත ප්‍රදේශයේ විහාරස්ථානයක හිමිනමක් බවත් එම විහාරස්ථානයේ කිලෝ ග්‍රෑම් 2500ක් බර විශාල රන් පොල්ලක් තිබෙන බව පවසමින් විශාල පිරිසක් මුලාකර තිබෙන බවද විමර්ශනවල දී අනාවරණය වී තිබේ.

එම රන් ‌පොල්ලේ ඡායාරූප ද මේ වන විට අපරාධ පරීක්ෂණ දෙපාර්තමේන්තුව වෙත ලැබී තිබෙන බවත් ඒ පිළිබඳව විමර්ශනයක් පවත්වන බවත් අපරාධ පරීක්ෂණ දෙපාර්තමේන්තුවේ ජ්‍යෙෂ්ඨ නිලධාරියකු සඳහන් කළේය.

‘‘තිලිණි ප්‍රියමාලි සිදු කළ බව කියන මූල්‍ය වංචා සම්බන්ධයෙන් සිදු කරන පරීක්ෂණවලදී හෙළි වූ කරුණු මත බොරැල්ලේ සිරි සුමන හිමි අපරාධ පරීක්ෂණ දෙපාර්තමේන්තුවේ නිලධාරීන් විසින් අත්අඩංගුවට ගත්තා’’ යැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිඥ නිහාල් තල්දුව පැවැසීය.

රහත් යැයි කියාගන්නා සැකකාර හිමිනම කොළඹ කොටුව මහෙස්ත්‍රාත් අධිකරණය වෙත ඊයේ (02) ඉදිරිපත් කිරීමට නියමිතය.

දැනට රිමාන්ඩ් භාරයේ සිටින තිලිණි ප්‍රියමාලි, ඇයගේ පෙම්වතා බව කියන ඉසුරු බණ්ඩාර සහ තිකෝ කන්ස්ට්‍රක්ෂන් ආයතනයේ අධ්‍යක්ෂවරයකු ලෙස කටයුතු කළ විජේසූරිය ආරච්චිගේ කසුන් පෙරේරාද බන්ධනාගාර නිලධාරීන් විසින් කොළඹ කොටුව මහෙස්ත්‍රාත් අධිකරණය වෙත අද (02) ඉදිරිපත් කිරීමට නියමිතය.

පුවත්

යුද හමුදා සෙබලු අඩු කිරීමේ සැලැසුමක් ශවේන්ද්‍ර හෙළිකරයි

Published

on

By

2030 වසර වන විට යුද හමුදා සාමාජිකයින් යම් මට්ටමක් දක්වා අවම කිරීමට සැලසුම් සකසා ඇති බව ආරක්ෂක මාණ්ඩලික ප්‍රධානි ජෙනරාල් ශවේන්ද්‍ර සිල්වා සඳහන් කරයි.

ඒ අනුව විශ්‍රාමික හමුදා නිලධාරින්ගෙන් සමන්විත කමිටුවක් හරහා ඊට අදාළ සැලසුම් සකස් කර ඇති බවත් එම කමිටු සැලසුම් මේ වන විට ආරක්ෂක මාණ්ඩලික ප්‍රධානි කාර්යාලය වෙත ලැබී ඇති බවත් හෙතෙම පැවසීය.

එසේම ත්‍රිවිධ හමුදාපතිවරුන් සමඟ සාකච්ඡා සිදුකර ආරක්ෂක කවුන්සිලයේ නිගමනයන්ට අනුව ඉදිරියේදී හමුදාවේ කටයුතු සඳහා අවශ්‍ය නිලධාරීන් ප්‍රමාණය කොපමණද යන්න තීරණය කර බඳවා ගැනීම් සිදුකිරීමට නියමිතව ඇත.

මෙම ක්‍රමවේදයට අනුව ඉදිරියේදී පාබල හමුදාවන් සහ විශේෂ බළකා සොල්දාදුවන් වැඩිකිරීමටත් භට කාර්ය සම්පාදන නිලධාරීන් අඩු කිරීමටත් තීරණය කර ඇති බව හෙතෙම වැඩිදුරටත් ප්‍රකාශ කළේය.

මූලාශ්‍රය – අරුණ

Continue Reading

පුවත්

පරිප්පු පිට පාරේ යැවූ රේගුවට පරිප්පුවක්

Published

on

By

ශ්‍රී ලංකා රේගුව විසින් රාජසන්තක කෙරුණු පරිප්පු කන්ටේනර් පහක් එංගලන්තයේ පාතාල නායකයකුගේ මැදිහත්වීමෙන් පාතාල ක්‍රියාකාරීන් පිරිසක්  වෙනත් පාර්ශවයකට රුපියල් දෙකෝටි අසූ ලක්ෂයකට විකුණා ඇතැයි ආරංචි මාර්ග පවසයි.

මෙම පරිප්පු තොගයේ  තක්සේරු වටිනාකම ලෙස සඳහන් වී ඇත්තේ රුපියල් එක්කෝටි දහතුන්  ලක්ෂයකි.

මෙම ගනුදෙනුවෙන් රුපියල් එක්කෝටි හැත්තෑ ලක්ෂයක පමණ ලාභයක් ලබාගෙන ඇති බවත් ලාභය ඇතැම් නිලධාරීන් අතරේ ද බෙදී ගොස් ඇති බවත් පැවැසේ.

මෙම එක් කන්ටේනරයක පරිප්පු කිලෝ 23000ක් තිබී ඇත.

මෙයට අමතරව මෙම කණ්ඩායම  රාජ සන්තක කෙරුණු තලපත් බහාලුමක්  ලබාගෙන  තලපත් කිලෝව 400 බැගින් විකුණා ඇතැයි ද වාර්තා වේ.

මීට පෙර ටයිල් කන්ටේනර් 15 ක් පාතාලේ මැදිහත්වීමෙන්  මේ ආකාරයට  විකිණීමට සූදානම් වීමේ දී මුදල් රාජ්‍ය අමාත්‍ය රංජිත් සියඹලාපිටිය  මහතා මැදිහත්වී එම කටයුත්ත වහාම නතර කරනු ලැබීය.

කොළඹ නගර සභාවේ හිටපු නාගරික මන්ත්‍රීවරයකු වන ඔහුගේ සමීපතමයකු ද මෙදින රේගුවට පැමිණ සිට ඇති බව වාර්තා වේ.

මෙම ටෙන්ඩර් ලබා ගැනීම සඳහා කිසිදු ලියාපදිංචි සහතිකයක්, බදු අංකයක් හෝ වැට් අංකයක් හෝ අවශ්‍ය නොවීම මෙවැනි ක්‍රියාමාර්ගවලට ප්‍රධාන හේතුවක් බව ද ඉහත ආරංචි මාර්ග පැවසීය.

ආනයන ක්‍රියාවලිය සඳහා විධිමත් ක්‍රමවේදයක් නොතිබීම මෙවැනි ජාවාරම්වලට මූලිකම හේතුව බව රත්නපුර දිස්ත්‍රික් මන්ත්‍රි ගාමිණී වලේබොඩ ද පසුගිය දා පාර්ලිමේන්තු කාරක සභාවක දී පැවසීය. මන්ත්‍රිවරයා පෙන්වා දුන්නේ බදු අංකයක් හෝ නොමැති පුද්ගලයන්ගේ නමින් බහාලුම් ආනයනය කෙරෙන බවත් ඒවා නිශ්කාෂණයේ දී කිසිදු බදු මුදලක් ආණ්ඩුවට නොලැබෙන බවත් ය. දළ වශයෙන් එලෙස ආනයනය කෙරෙන බහාලුම් ප්‍රතිශතය සියයට හැටක් පමණ වන බවත් මන්ත්‍රිවරයා කීවේය.

Continue Reading

පුවත්

සා / පෙළට කුසලතා හෝ වෘත්තීය විෂය ධාරාවක්

Published

on

By

සමාජය සවිබලගැන්වීම වෙනුවෙන් ඉඩම තීරණාත්මක සාධකයක් වන බවත් එබැවින් වගා කර නොමැති ඉඩම් වගා කටයුතු සඳහා යොදා ගැනීමට හැකිවන නව නීති හඳුන්වා දීමට කටයුතු කරන බවත් සමාජ සවිබලගැන්වීම් රාජ්‍ය අමාත්‍ය අනුප පස්කුවල් මහතා සඳහන් කළේය.

එමෙන්ම සමාජ සවිබලගැන්වීම් උදෙසා අධ්‍යාපන සහතික පත්‍ර සමාන්‍ය පෙළ විභාගයට ද කුසලතා හෝ වෘත්තීය විෂය ධාරාවක් ඇතුළත් කිරීමට රජය තීරණය කර ඇති බව ද රාජ්‍ය අමාත්‍යවරයා පැවසීය. 

“සමාජය සවිබලගැන්වීම සඳහා අධ්‍යාපන ක්‍රමයේ වෙනසක් ඇති විය යුතු බව අප විසින් ඉදිරිපත් කළ ප්‍රධාන මතවාදයක් ලෙස දැක්විය හැකියි. ඊට අනුව සාමාන්‍ය පෙළ ගණිතය, ආගම සහ භාෂාව වැනි විෂයන් අසමත් වූවත් ඔවුන් විභාගය අසමත්වූවන් ලෙස නොසැලකිය යුතුයි. එබැවින් අ.පො.ස සාමාන්‍ය ‍පෙළ විභාගයේ විෂය මාලාවට කුසලතා හෝ වෘත්තීය විෂය ධාරාවක් ඇතුළත් කිරීමට රජය තීරණය කර තිබෙනවා. එය සමාජය පිළිගත් අදහසක් ලෙස ද හැඳින්විය හැකියි. ඒ අනුව නව වසරේ සිට එය ක්‍රියාත්මක කිරීමට අධ්‍යාපන අමාත්‍යාංශය විසින් තීරණය කර තිබෙනවා. ඒ අනුව කුසලතා පූර්ණ වෘත්තිකයෙකු බිහි කිරීමට අවශ්‍ය අධ්‍යාපන ප්‍රතිසංස්කරණ ඉදිරියේ දී සිදුවන බව සඳහන් කළ යුතුයි.”

සමාජ සවිබලගැන්වීම් රාජ්‍ය අමාත්‍ය අනුප පස්කුවල් මහතා මේ බව සඳහන් කර සිටියේ ‘ස්ථාවර රටකට සැවොම එක මඟකට’ මැයෙන් අද (21) ජනාධිපති මාධ්‍ය කේන්ද්‍රයේ පැවති ප්‍රවෘත්ති සාකච්ඡාවට එක් වෙමිනි.

Continue Reading
Advertisement

Trending

Copyright © 2023 Sri Lanka Mirror. All Rights Reserved