Connect with us

පුවත්

දැඩිගමලා හැලුව කොමිස් RAMIS තවත් තුන් අවුරුද්දකට දික් කරලා

Published

on

දේශීය ආදායම් දෙපාර්තමේන්තුවේ කටයුතු තොරතුරු තාක්ෂණය මත වේගවත් කිරීමට ස්ථාපිත රැමිස් (Revenue Administration Management Information System (RAMIS)  පරිගණක පද්ධතිය සකස් කළ සිංගප්පූරු සමාගම සමග වන ගිවිසුම තවත් වසර තුනකට දීර්ඝ කිරීමට කැබිනට් අනුමැතිය ලැබී තිබෙන බව ආර්ථික අර්බුදයේ බලපෑම සමනය කිරීම සඳහා වන ආංශික අධීක්ෂණ කාරක සභාවේ සභාපති, රත්නපුර දිස්ත්‍රික් පාර්ලිමේන්තු මන්ත්‍රි ගාමිණී වලේබොඩ මහතා මාධ්‍යට පවසා තිබේ.

බදු එකතුකිරීමේ මෙම ක්‍රියාවලිය පසුගිය සමයේ දැඩි මතභේදයකට තුඩු දුන් ක්‍රියාවලියක් විය.

දෙදහස් දාහතර වසරේ සිට පවතින මෙම ගිවිසුම මෙම මස 31 වැනිදායින් අවසන් වීමට නියමිතව ඇති නමුත් ගිවිසුමේ පවතින කොන්දේසි අනුව එය දීර්ඝ කරමින් ඉදිරියට ගෙන යාම හැර වෙනත් විකල්පයක් නොවීම නිසා මෙය නැවත දික් කිරීමට තීන්දු කර ඇතැයි ද වලේබොඩ මහතා මාධ්‍යට පවසා ඇත.

පරිගණකගත ආදායම් කළමනාකරණ පරිපාලන තොරතුරු පද්ධතිය (RAMIS) සඳහා මේ දක්වා රුපියල් කෝටි එක්දහස් හයසියයක් පමණ ගෙවා තිබෙන නමුත් මේ දක්වා පද්ධතියේ සම්පූර්ණ පාලනය දේශීය ආදායම් දෙපාර්තමේන්තුවට ලබා ගැනීමට ‍නොහැකි වී තිබේ.

ඒ මෙම ගිවිසුම තෙවැනි පාර්ශ්වයකට අනාවරණය නොකිරීමට අදාළව වගන්තියක් ඇතුළත් කර තිබීම නිසාය.

කෙසේවුවද, මේ ගිවිසුමට මග පෑදූ සැඟවුණ මැදිහත්කරුවන් අධික කොමිස් මුදලක් ඉපැයූ ව්‍යාපෘතියක් ලෙස ද පසුගිය කාලයේ මාධ්‍ය වාර්තා පල විය.

ආදායම් පරිපාලන කළමනාකරණ තොරතුරු පද්ධතියට අයත් රැමිස් (RAMIS) හා ලෙගසි (Legacy) පරිගණක පද්ධතීන්ට අදාළව සමස්ත හිඟ බදු, දඩ හා පොළී ආදායම රුපියල් කෝටි 20,140ක මුදලක් අදාළ ආයතනවලින් අය කර ගන්නට දේශීය ආදායම් දෙපාර්තමේන්තුව අපොහොසත් වී ඇති බව පසුගිය වසර මුලදී මාධ්‍ය වාර්තා කර තිබිණි.

දේශීය ආදායම් පරිපාලන කළමනාකරණ තොරතුරු පද්ධතියට අදාළව අය කිරීම් තාවකාලිකව අත්හිටුවූ හිඟ බදු, දඩ හා පොළී ආදායම රුපියල් කෝටි 57,256ක් පවතින බව ත් මෙලෙස අත්හිටුවූ මුදල් පවතින ආයතන වෙන් වෙන් වශයෙන් පැහැදිලි කරන වාර්තාවක් රජයේ ගිණුම් පිළිබඳ කාරක සභාවට ද යොමුකර තිබිණි.

‘2016 අංක 12 දරන තොරතුරු දැන ගැනීමේ පනත යටතේ අයැදුම් කළ තොරතුරු මගින් මේ බව අනාවරණය වී තිබිණි.

ඍජුව ම හෝ වක්‍රාකාරව එකතු කළ අගය මත බදු ලෙස රුපියල් කෝටි 11,635ක මුදලක් කලානුරූපීව ප්‍රේෂණය කර ගැනීමට අවශ්‍ය පියවරයන් ඒ අනුව ගෙන නැතැයි ද වාර්තා විය.

මේ අතර, මහරගම දැඩිගම ගෲප් වැනි විශාල ආයතන දේශීය ආදායම් දෙපාර්තමේන්තුවේ නිලධාරීන් විසින් රැමිස් පද්ධතියට (RAMIS) හිතා මතාම ඇතුළත් කර නොතිබීම පසුගිය දිනවල විශාල ආන්දෝලනයක් මතු කර තිබිණි.

සබැඳි පුවත්

දැඩිගම ගෲප් RAMIS එකෙන් හැලුවේ කවුද?

පුවත්

ආයෝජන මණ්ඩල සේවකයෝ පාරට බසිති

Published

on

By

‘ආර්ථික පරිවර්තන මුවාවෙන් ආයෝජන කලාප ගජ මිතුරන්ට විකිණීම නවතනු’ යන මැයෙන් ශ්‍රී ලංකා ආයෝජන මණ්ඩල සේවකයින් විරෝධතාවයක් ආරම්භ කර තිබේ.

අද (21) දහවල් 12.00 ට පමණ මහබැංකුව ආසන්නයේ ඇති කොළඹ ලෝක වෙළඳ මධ්‍යස්ථානය ඉදිරිපිටදී ඔවුන් මෙම විරෝධතාව පැවැත්වූහ.

දැඩි වර්ෂාව මධ්‍යයේ වුවද ආයෝජන මණ්ඩල සේවකයින් මෙම විරෝධතාවය අඛණ්ඩව පවත්වනු ලැබේ.

Continue Reading

පුවත්

වෙසක් උත්සව ආරක්ෂාව වෙනුවෙන් පොලීසිය සූදානමින්

Published

on

By

මෙවර වෙසක් උත්සවය වෙනුවෙන් ආරක්ෂාව සඳහා පොලිස් නිලධාරීන් 18,000කට වැඩි සංඛ්‍යාවක් දිවයින පුරා යෙදවීමට කටයුතු සූදානම් කර ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිඥ නිහාල් තල්දූව මහතා පවසයි.

අවශ්‍යතාවය අනුව පොලිස් විශේෂ කාර්ය බලකා නිලධාරීන් 275කට ආසන්න සංඛ්‍යාවක් යෙදවීමට කටයුතු කරන බවයි මාධ්‍ය ප්‍රකාශකවරයා වැඩිදුරටත් පැවසීය.

පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිඥ නිහාල් තල්දූව මහතා සඳහන් කළේ, දිවයින පුරා වෙසක් කලාප 419ක් සංවිධානය කර ඇති අතර,එමෙන්ම තොරණ 321ක් දිවයින පුරා ඉදිවෙන බවය.

ඊට අමතරව දන්සැල් 4726ක් සංවිධානය කර ඇති බවට තොරතුරු ලැබී ඇති බවද  පොලිස් මාධ්‍ය ප්‍රකාශකවරයා වැඩිදුරටත් සඳහන් කර සිටියේය.

Continue Reading

පුවත්

විදුලි සැර වැදී පුද්ගලයෙක් මරුට

Published

on

By

මුන්දලම – බරලන්කට්ටුව ප්‍රදේශයේ සිය සත්ත්ව ගොවිපලේ විදුලි අළුත්වැඩියා කටයුත්තක් කරමින් සිටි ව්‍යාපාරිකයෙකු විදුලිය සැර වැදීමෙන් මිය ගොස් ඇති බව මුන්දලම පොලීසිය පවසයි.

මිය ගොස් ඇත්තේ ගම්පහ – ඉඹුල්ගොඩෙ පදිංචිව සිටි මොනර පිටිකුඹුරමුල්ලගේ සනත් කුමාර නම් අයෙකි.

මිය ගොස් ඇති පුද්ගලයා ඉකුත් 20 වැනිදා සවස තමන් විසින් ප්‍රදේශයේ පවත්වා ගෙන යන සත්ත්ව ගොවිපලක දොරක් අළුත්වැඩියා කරමින් සිට ඇත.

එම අවස්ථාවේ ඇති වූ විදුලිය කාන්දුවීමකින් ඔහු අනතුරට පත්ව ඇතැයි පොලීසිය ප්‍රකාශ කලේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved