Connect with us

පුවත්

දැඩිගම ගෲප් RAMIS එකෙන් හැලුවේ කවුද?

Published

on

දේශීය ආදායම් දෙපාර්තමේන්තුවේ කටයුතු තොරතුරු තාක්ෂණය මත වේගවත් කිරීමට ස්ථාපිත රැමිස් පද්ධතියට (Revenue Administration Management Information System (RAMIS) මහරගම දැඩිගම ගෲප් ඇතුළත්ව නොතිබීම සම්බන්ධයෙන් එම දෙපාර්තමේන්ව තුළ විශාල ආන්දෝලනයක් ඇතිව ඇතැයි වාර්තා වේ.

මේ තත්ත්වය උදාවී ඇත්ත‌ේ දේශීය ආදායම් දෙපාර්තමේන්තුවට නව කොමසාරිස්වරයකු පත්කර ගැනීමට අයැදුම්පත් කැඳවා තිබියදීවීම විශේෂ සිද්ධියකි.

මේ සඳහා අයැදුම්පත් ඉදිරිපත් කර ඇති ‌දෙදෙනාටම අදාල තනතුර ලැබුණහොත් එම ධූරය දැරිය හැක්කේ වසරකටත් අඩු කාලයක් සඳහා පමණක් බවද පැවසේ.

කෙසේවුවද, ජාත්‍යන්තර මූල්‍ය අරමුදල ද මේ සම්බන්ධයෙන් අවධානය යොමුකර ඇති බවත්, ඔවුන්ගේ ඉදිරි සැලැසුම් කටයුතු වසර පහක පමණ කාලයක් ඉදිරියට ඇති බැවින් දේශීය ආදායම් දෙපාර්තමේන්තුවේ කොමසාරිස් ධූරය දැරිය හැකි කාලය අඩු අයකු පත් කිරීමට සැලැසුම් කිරීම ගැන කනගාටුවෙන් පසුවන බවද පැවසේ.

වත්මන් ‌කොමසාරිස් ජනරාල්වන රංජිත් හපුආරච්චි මහතා ලබන අගෝස්තු 25 වැනිදා අදාළ ධූරයෙන් සමු ගැනීමට නියමිතය.

මේ අතර, එම ධූරය සඳහා ඉල්ලුම් කර ඇති ‌දෙදෙනාගෙන් ‌කෙනෙකුට මහරගම දැඩිගම ගෲප් රැමිස් පද්ධතියට ඇතුළත් නොකිරීම සම්බන්ධයෙන්ද චෝදනාවක් එල්ලව ඇතැයි පැවසේ.

මීළඟ කොමසාරිස් ජනරාල්වරයාවීම සඳහා ඉල්ලුම් කර ඇත්ත‌ේ දේශීය ආදායම් දෙපාර්තමේන්තුවේ දැනට ජ්‍යෙෂ්ඨතම නිලධාරීන් දෙදෙන‌ා වන එම්.එස්.එම්. සියාන් හා ඩී.යූ.එ. ජයවර්ධන යන මහත්වරුන් ‌වේ.  

ක්‍රීඩා

IPL කිරුළ කොල්කටා නයිට් රයිඩර්ස්ට

Published

on

By

2024 IPL තරගාවලියේ කිරුළ හිමිකරගැනීමට කොල්කටා නයිට් රයිඩර්ස් කණ්ඩායම ඊයේ (26) රාත්‍රියේදී සමත්විය.

ඒ හයිද්‍රාබාද් කණ්ඩායමට එරෙහිව ලකුණු 114ක ජයග්‍රාහී ඉලක්කයක් හඹා යමින් පන්දුවාර 10.3කදී කඩුලු 2ක් පමණක් දැවී එම ඉලක්කය සම්පූර්ණ කරමිනි.

වේගවත් ඉනිමක් ක්‍රීඩා කළ වෙන්කටේෂ් අයියර් පන්දු 26කදී හයේ පහර 3ක් සහ හතරේ පහර 4ක් සමග ලකුණු 52ක් රැස්කරගත්තේය.

පිළිතුරු ඉනිම ආරම්භයේදී ඔහුට අගනා සහායක් ලබාදුන් රමනුල්ලා ගුර්බාස් පන්දු 32කදී හයේ පහර 2ක් සහ හතරේ පහර 5ක් සමග ලකුණු 39ක් රැස්කරගත්තේය.

කොල්කටා නයිට් රයිඩර්ස් පිල‍ේ සම හිමිකරුවන් වන්නේ බොලිවුඩයේ සුපිරි නළු ශාරුක් ඛාන් හා නිළි ජුහී චව්ලාය.

වසර 06කට පසු අයි.පී.එල්. අවසන් මහා තරගයකට සුදුසුකම් ලැබූ සන්රයිසස් හයිද්‍රබාද් කණ්ඩායමට මෙවරත් සිය බලාපොරොත්තු ඉටුකර ගැනීමට නොහැකි විය.

අයි.පී.එල්. ඉතිහාසයටම එක් කිරුළකට හිමිකම් කියන හයිද්‍රබාද් කණ්ඩායම එය දිනාගනු ලැබුවේ 2016 වසරේදීය.

ඔවුන් අවසන් වරට 2018 වසරේ අවසන් මහා තරගයට සුදුසුකම් ලැබූවත්, එවරද ඔවුන්ට චෙන්නායි හමුවේ පරාජයට පත් විය.

කොල්කටා කණ්ඩායම මේ ජයග්‍රහණය ලබා ගත්තේ වසර 10කට පසුවය.

ඔවුන්ද 2021 වසරේදී අවසන් මහා තරගය සුදුසුකම් ලැබූවත්, චෙන්නායි හමුවේ පරාජය වී අනුශූරතාවට පමණක් සීමාවීමට සිදු විය.

ඔවුන් අවසන් වරට අයි.පී.එල්. ශූරයන් ලෙසින් කිරුළු පැළදියේ 2014 වසරේදීය.

හයිද්‍රබාද් කණ්ඩායමේ සම හිමිකාරිනියක් ලෙස කාව්‍ය මාරන් කටයුතු කරනු ලබයි.

Continue Reading

පුවත්

මෙරට ප්‍රංශ තානාපති අභාවප්‍රාප්ත වෙයි

Published

on

By

ශ්‍රී ලංකාවේ ප්‍රංශ තානාපතිවරයා රාජගිරිය ප්‍රදේශයේ පිහිටි සිය නිල නිවස තුළදී මියගොස් ඇති බව පොලීසිය පවසයි.

Jean Francois Pactet මහතා මියයන විට 53 හැවිරිදි වියේ පසුවිය.

දේහය සම්බන්ධයෙන් ස්ථානීය මහෙස්ත්‍රාත් පරීක්ෂණය සිදුකිරීමට නියමිතව ඇත.

Continue Reading

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading
Advertisement

Trending

Copyright © 2023 Sri Lanka Mirror. All Rights Reserved