Connect with us

පුවත්

දීප ව්‍යාප්ත සේවා 18ක විධායක නිලධාරින් විසි දහසකට ‍අද ලෙඩ

Published

on

වෘත්තීය දීමනාව රුපියල් හැත්තෑ පන් දහසක් දක්වා (75,000/-) වැඩි කරන ලෙස ඉල්ලමින් දීප ව්‍යාප්ත සේවා දහඅටක විධායක නිලධාරිහු විසි දහසක් පමණ අද (29) අසනීප නිවාඩු දැමීමේ වෘත්තීය ක්‍රියාමාර්ගයක නිරත වෙති.

දීමනාව වැඩිකර එය විශ්‍රාම වැටුප් සහිත දීමනාවක් බවට පත්කිරීම ද එම නිලධාරින්ගේ ඉල්ලීමක් වෙයි.

ජාතික වැටුප් ප්‍රතිපත්තිය ආරක්ෂා කර ගනිමින් රාජ්‍ය සේවකයන්ගේ මූලික වැටුප වැඩි කිරීමට අදාළව සහ රාජ්‍ය සේවයේ වර්තමාන වැටුප් විෂමතාවලට විසඳුම් ලෙස කෙටුම්පත් කරන ලද නව වැටුප් ක්‍රමයකට අදාළ යොජනා අයවැයට පෙර රජයට භාර දී තිබෙන බව මෙම වෘත්තීය ක්‍රියාමාර්ගය මෙහෙයවන විධායක නිලධාරින්ගේ ඒකාබද්ධ කමිටුව පවසයි.

ඒ සම්බන්ධයෙන් අවධානය යොමු නොකර ජීවන වියදම් දීමනාව පමණක් වැඩි කිරීමෙන් වැටුප් විෂමතා ගැටලු තවත් වර්ධනය වී තිබෙන බවටත් එම කමිටුව චෝදනා කරයි.

රාජ්‍ය සේවා ඉංජිනේරු සංගමය, ආයුර්වේද නිලධාරින්ගේ සංගමය, රජයේ පශු වෛද්‍ය නිලධාරි සංගමය, ශ්‍රී ලංකා අධ්‍යාපන පරිපාලන සේවා වෘත්තීය සංගමය, ශ්‍රී ලංකා ක්‍රමසම්පාදන සේවා වෘත්තීය සංගමය මෙම වෘත්තිය ක්‍රියාමාර්ගයට එක්වන වෘත්තීය සංගම් අතර වෙයි. 

එමෙන්ම රජයේ විද්‍යාත්මක සේවා වෘත්තීය සංගමය, ශ්‍රී ලංකා මිනින්දෝරු සේවා ඒකාබද්ධ වෘත්තීය සමිති එකමුතුව, සමස්ත ලංකා ගුරු අධ්‍යාපනඥ සේවා නිලධාරින්ගේ වෘත්තිය සමිතිය, ශ්‍රී ලංකා කෘෂිකර්ම සේවයේ වෘත්තිය සංගම් එකමුතුව, ශ්‍රී ලංකා ගණකාධිකාරි සේවා සංගමය, දේශීය ආදායම් වෘත්තිය සමිති එකුමුතුව, සංඛ්‍යාලේඛනඥවරුන්ගේ සංගමය සහ තොරතුරු හා සන්නිවේදන තාක්ෂණ වෘත්තිකයන්ගේ සංගමය ඊට එක් වෙයි.

ශ්‍රී ලංකා කාර්මික අධ්‍යාපන සේවයේ වෘත්තිය සංගම් එකමුතුව, ධීවර හා ජලජ සම්පත් දෙපාර්තමේන්තුවේ වෘත්තිය සමිති එකතුව, දෙපාර්තමේන්තුමය කම්කරු කොමසාරිස්වරුන්ගේ සංගමය, ශ්‍රී ලංකා ගණකාධිකාරිවරුන්ගේ සංගමය සහ ශ්‍රී ලංකා තැපැල් සේවයේ විධායක හා මාණ්ඩලික නිලධාරින්ගේ සංගමය ද වෘත්තිය ක්‍රියාමාර්ගයට එක්ව සිටියි.

උසස් පෙළ විභාග කටයුතුවල යෙදී සිටින අධ්‍යාපන පරිපාලන සේවා නිලධාරින් මෙම වෘත්තිය ක්‍රියාමාර්ගයට එක් නොවන බව අධ්‍යාපන පරිපාලන සේවා වෘත්තිය සංගමය පවසයි. 

ඉදිරි ක්‍රියාමාර්ග සාකච්ඡා කෙරෙන විශේෂ නියෝජිත සමුළුවක් ද අද පෙරවරු 9.30ට කොළඹ 7, බස්නාහිර පළාත් සෞන්දර්ය නිකේතනයේ දී පැවැත්වීමට ද කමිටුව සැලසුම් කර තිබේ.

පුවත්

වෙසක් උත්සව ආරක්ෂාව වෙනුවෙන් පොලීසිය සූදානමින්

Published

on

By

මෙවර වෙසක් උත්සවය වෙනුවෙන් ආරක්ෂාව සඳහා පොලිස් නිලධාරීන් 18,000කට වැඩි සංඛ්‍යාවක් දිවයින පුරා යෙදවීමට කටයුතු සූදානම් කර ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිඥ නිහාල් තල්දූව මහතා පවසයි.

අවශ්‍යතාවය අනුව පොලිස් විශේෂ කාර්ය බලකා නිලධාරීන් 275කට ආසන්න සංඛ්‍යාවක් යෙදවීමට කටයුතු කරන බවයි මාධ්‍ය ප්‍රකාශකවරයා වැඩිදුරටත් පැවසීය.

පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිඥ නිහාල් තල්දූව මහතා සඳහන් කළේ, දිවයින පුරා වෙසක් කලාප 419ක් සංවිධානය කර ඇති අතර,එමෙන්ම තොරණ 321ක් දිවයින පුරා ඉදිවෙන බවය.

ඊට අමතරව දන්සැල් 4726ක් සංවිධානය කර ඇති බවට තොරතුරු ලැබී ඇති බවද  පොලිස් මාධ්‍ය ප්‍රකාශකවරයා වැඩිදුරටත් සඳහන් කර සිටියේය.

Continue Reading

පුවත්

විදුලි සැර වැදී පුද්ගලයෙක් මරුට

Published

on

By

මුන්දලම – බරලන්කට්ටුව ප්‍රදේශයේ සිය සත්ත්ව ගොවිපලේ විදුලි අළුත්වැඩියා කටයුත්තක් කරමින් සිටි ව්‍යාපාරිකයෙකු විදුලිය සැර වැදීමෙන් මිය ගොස් ඇති බව මුන්දලම පොලීසිය පවසයි.

මිය ගොස් ඇත්තේ ගම්පහ – ඉඹුල්ගොඩෙ පදිංචිව සිටි මොනර පිටිකුඹුරමුල්ලගේ සනත් කුමාර නම් අයෙකි.

මිය ගොස් ඇති පුද්ගලයා ඉකුත් 20 වැනිදා සවස තමන් විසින් ප්‍රදේශයේ පවත්වා ගෙන යන සත්ත්ව ගොවිපලක දොරක් අළුත්වැඩියා කරමින් සිට ඇත.

එම අවස්ථාවේ ඇති වූ විදුලිය කාන්දුවීමකින් ඔහු අනතුරට පත්ව ඇතැයි පොලීසිය ප්‍රකාශ කලේය.

Continue Reading

පුවත්

නාවිකයන්ට හා ධීවරයන්ට රතු නිවේදනයක්

Published

on

By

තද වැසි සහ තද සුළං සහ රළු මුහුද පිළිබඳ අනතුරු ඇඟවීමේ රතු නිවේදනයක් නිකුත් කර තිබේ.

ඒ අනුව කල්පිටිය සිට කොළඹ, ගාල්ල සහ හම්බන්තොට හරහා පොතුවිල් දක්වා වන මුහුදු ප්‍රදේශවල ජනතාවට සැලකිලිමත් වන ලෙස දැනුම් දී තිබේ.

කොළඹ සිට ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල සුළඟේ වේගය විටින් විට පැ.කි.මී 60 – 70 දක්වා වැඩි වන අතර මුහුදු ප්‍රදේශ විටින් විට ඉතා රළු වේ.

මෙම මුහුදු ප්‍රදේශයට නැවත දැනුම්දෙන තුරු යාත්‍රා නොකරන ලෙස නාවික හා ධීවර ප්‍රජාවන්ට ද දැනුම් දී තිබේ.

කල්පිටිය සිට කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල මුහුදු රළ උස මීටර් 2.5 – 3ක් පමණ ඉහළ යෑමේ හැකිවක් පවතින බව ද කාලගුණවිද්‍යා දෙපාර්තමේන්තුව නිවේදනය කරයි.

මේ හේතුවෙන් කොළඹ සිට ගාල්ල හරහා මාතර දක්වා ප්‍රදේශවල මුහුදු රළ ගොඩබිමට පැමිණීමේ හැකිවක් පවතී.

Continue Reading
Advertisement

Trending

Copyright © 2023 Sri Lanka Mirror. All Rights Reserved