Connect with us

පුවත්

දුම්රිය වර්ජනය අවසන්

Published

on

උප දුම්රිය නියාමකවරුන් විසින් දියත් කර තිබු දුම්රිය වර්ජනය අවසන් කිරීමට තීරණය කර තිබේ.

ප්‍රවාහන රාජ්‍ය ලසන්ත අලගියවන්න මහතා සහ දුම්රිය සාමාන්‍ය අධිකාරිවරයාගේ සහභාගිත්වයෙන් දුම්රිය වෘත්තීය සමිති ක්‍රියාමාර්ගය පිළිබඳව විශේෂ සාකච්ඡාවක් දුම්රිය මුලස්ථානයේදී අද (05) පැවැත්විණි.

අදාළ වෘත්තීය ක්‍රියාමාර්ගයට සම්බන්ධ නියාමකවරු හා නියාමක සංගමයේ නියෝජිතයන් පිරිසක් ද එම සාකච්ඡාවට සහභාගී වූූහ.

කෙසේවෙතත් සාකච්ඡා සාර්ථකවීම හේතුවෙන් වෘත්තීය ක්‍රියාමාර්ගය අත්හිටුවීමට තීරණය කර ඇති අතර, අසනීප නිවාඩු වාර්තා කළ උප දුම්රිය නියාමකවරු නැවත සේවයට වාර්තා කරමින් සිටින බව ද වාර්තා වේ.

අද (05) සවස වනවිට දුම්රිය ධාවනය උපරිම අයුරින් සිදුකිරීමට දුම්රිය දෙපාර්තමේන්තුව මේ වනවිට කටයුතු යොදමින් සිටී.

දුම්රිය දෙපාර්තමේන්තුවෙන් නිවේදනයක්

මේ අතර, දුම්රිය දෙපාර්තමේන්තුව අද දින මීට කලින් පවසා තිබුණේ මාළිගාවත්ත දුම්රිය අංගනයේ ඊයේ (04) සිදුවූ සිද්ධිය සම්බන්ධයෙන් පොලිසිය මූලික පරීක්ෂණ කටයුතු සිදු කරමින් සිටින බවත්, දුම්රිය දෙපාර්තමේන්තුවද ‌මේ සම්බන්ධයෙන් ත්‍රිපුද්ගල කමිටුවක් පත් කර අභ්‍යන්තර පරික්ෂණයක් ආරම්භ කර ඇති බවයි.

මේ සම්බන්ධයෙන් අද (05) නිවේදනයක් නිකුත් කරන දුම්රිය දෙපාර්තමේන්තුව පවසා ඇත්තේ 2023 සැප්තැම්බර් මස 12 දින නිකුත් කරන ලද අංක 2349/19 දරණ අතිවිශේෂ ගැසට් පත්‍රය මගින් දුම්රිය සේවය අත්‍යවශ්‍ය සේවාවක් බවට පත්කර ඇති බැවින් මහජනතාව අපහසුවට පත් නොවන පරිදි අඛණ්ඩ හා කාර්‍යක්ෂම දුම්රිය සේවයක් පවත්වාගෙන යාම සඳහා 2023.10.05 දින පැය 12.00 ට පෙර සියළුම උප දුම්රිය නියාමකවරුන් වහාම නියමිත සේවා ස්ථාන වලට වාර්තා කළ යුතු බවට නියෝග කර ඇති බවයි.

තවද නියමිත සේවා ස්ථාන වලට වාර්තා කිරීමට අපහසු නිලධාරින් ආසන්නතම දුම්රිය ස්ථානය වෙත වාර්තා කළ යුතු බවත් එහි දැක්වේ.

දුම්රිය සේවය අඛණ්ඩව පවත්වාගෙන යාම සඳහා සියළු දෙනාගේ සහයෝගය අපේක්ෂා කරන බවත් එසේ කිරීමට අපොහොසත් වන සියලුම නිලධාරින්ට විරුද්ධව විනයානුකූලව කටයුතු කිරීමට සිදුවන බවත් අදාළ නිවේදනය මඟින් වැඩිදුරටත් දන්වා තිබුණි.

පුවත්

මත් කුඩු කිලෝ 450ක් අද පුත්තලමේදී විනාශ කෙරේ

Published

on

By

පොලිසිය ඇතුළු ආරක්ෂක අංශ අත්අඩංගුවට ගත් මත්ද්‍රව්‍ය කිලෝ 450 කට අධික තොගයක් විනාශ කිරීම අද  පස්වරු 5.00 ට මහජන ආරක්ෂක අමාත්‍ය ටිරාන් අලස්, පොලිස්පති දේශබන්දු තෙන්නකොන් යන මහත්වරුන්ගේ ප්‍රධානත්වයෙන් පුත්තලම වනාතවිල්ලුව ප්‍රදේශයේදී සිදු කෙරේ.

පොලිස් විශේෂ කාර්ය බළකාය විසින් වනාතවිල්ලුව ලැක්ටෝස් වත්ත ප්‍රදේශයේ අලුතින් ඉදිකළ අධිබලැති නව දහන උදුනක් මගින් මෙම මත්ද්‍රව්‍ය තොගය විනාශ කරනු ලබයි.

පොලිසිය, පොලිස් මත්ද්‍රව්‍ය කාර්යාංශය, පොලිස් විශේෂ කාර්ය බළකාය, නාවික හමුදාව, යුද හමුදාව ඇතුළු ආරක්ෂ අංශ විසින් පසුගිය කාලවකවානුවේ විශාල මත්ද්‍රව්‍ය තොගයක් අත්අඩංගුවට ගනු ලැබීය.

ඒ අනුව දැනට නඩු කටයුතු අවසන් කර ඇති මත්ද්‍රව්‍ය තොගයක් මෙසේ විනාශ කෙරන බව පොලිස් මාධ්‍ය ප්‍රකාශක කාර්යාලය පැවසීය.

Continue Reading

පුවත්

කැත්‍රින් ගෙන් චීනයට විරෝධය  

Published

on

By

ශ්‍රී ලංකා ආර්ථික මුහුදු කලාපයෙන් චීන පර්යේෂණ නෞකා ඉවත්කර තැබීම සඳහා අමෙරිකාව මෙරට රජය සමඟ අඛණ්ඩව කටයුතු කරන බව ශ්‍රී ලංකාව සඳහා නම් කළ නව අමෙරිකානු තානාපතිනි එලිසබෙත් කැත්‍රින් හෝර්ස්ට් මහත්මිය එරට සෙනට් සභාව ඉදිරියේ ප්‍රකාශ කර තිබේ.

ශ්‍රී ලංකාව් නව අමෙරිකානු තානාපතිනිය ලෙස එලිසබෙත් කැත්‍රින් හෝර්ස්ට් මහත්මිය නම් කර තිබේ.

එරට ඇය අමෙරිකානු රාජ්‍ය දෙපාර්තමේන්තුවේ පාකිස්තානය භාර ප්‍රධාන නියෝජ්‍ය සහකාර ලේකම් ලෙස කටයුතු කළ ජ්‍යේෂ්ඨ රාජ්‍ය තාන්ත්‍රික නිලධාරිනියකි.

පාකිස්තානයේ අග්‍රාමාත්‍යවරයා ලෙස කටයුතු කළ ඉම්රාන් ඛාන් පාලනය සමයේ එරට කටයුතු සඳහා අමෙරිකාවේ ප්‍රබලව මැදිහත්වීමක් සිදුවූ බවට ද චෝදනා එල්ලවන්නේ එවන් පසුබිමක් තුළය.

කෙසේවෙතත් හෝස්ට් මහත්මිය මෙරට තානාපතිනිය ලෙස පත්වන්නේ එරට සෙනෙට් සභාවේ සහ ශ්‍රී ලංකා රජයෙන් අනුමැතිය හිමිවීමෙන් පසුව වන අතර පසුගියදා ඇය අමෙරිකාවේ සෙනෙට් සභාවේ විදේශ සබඳතා කමිටුව හමුවට කැඳවනු ලැබීය.

කෙසේවෙතත් එලිසබෙත් කැත්‍රින් හෝස්ට් මහත්මිය ශ්‍රී ලංකාවේ අමෙරිකානු තානාපතිනිය ලෙස පිළිගැනීම ප්‍රතික්ෂේප කළ යුතු බව පිවිතුරු හෙළ උරුමයේ නායක පාර්ලිමේන්තු මන්ත්‍රී උදය ගම්මන්පිල මහතා ප්‍රවෘත්ති සාකච්ඡාවක් කැඳවමින් ප්‍රකාශ කළේය.

සබැඳි පුවත්:

“ලංකාවට පර්යේෂණ නැව් තහනම් කලේ ඇමරිකාව”  – උදය ගම්මන්පිල

Continue Reading

ක්‍රීඩා

ක්‍රිකට් ලොක්කෙක්ට එරෙහිව අධි චෝදනා

Published

on

By

පල්ලෙකැලේ ජාත්‍යන්තර ක්‍රිකට් ක්‍රීඩාංගණයේ පැවැති “ලෙජන්ට් ට්‍රොපි 2024” ක්‍රිකට් තරගාවලියේදී මුදලට තරග පාවා දීමට විදේශීය ක්‍රීඩකයින්ට බලපෑම් කළේ යැයි කියන ඉන්දීය ක්‍රිකට් කළමනාකාර පෙචලෝඩියා ආකාශ් සැකකරුට එරෙහිව මහනුවර මහාධිකරණය හමුවේ අධි චෝදනා ගොනු කරන බව ක්‍රීඩා වැරදි වැළැක්වීමේ විශේෂ ඒකකය විසින් කොළඹ ප්‍රධාන මහේස්ත්‍රාත් තිළිණ ගමගේ මහතා ඉදිරියේ කරුණු දක්වමින් ඊයේ (17) පවසන ලදී.

රෝයල් පංජාබ් කණ්ඩායමේ කළමණාකාරවරයා ලෙස කටයුතු කරමින් එංගලන්ත ක්‍රිකට් ක්‍රීඩක ෆිල්ම්ස්ටඩ්ට හා නවසීලන්ත ක්‍රීඩක නිල් බෲට මුදලට තරග පාවාදීම සඳහා බලපෑම් කළේ යැයි චෝදනා කරමින් මෙම නඩු පවරා තිබුණි.

එම ක්‍රිකට් තරගාවලියේදී මුදලට තරග පාවා දීමට උපුල් තරංග ක්‍රීඩකයාට බලපෑම් කිරීමට එරෙහිව කැන්ඩි සෑම් ආමි කණ්ඩායමේ ක්‍රිකට් කළමණාකාර යෝගි පටෙල්ට එරෙහිව මාතලේ මහාධිකරණය හමුවේ පැවරූ අධිචෝදනා නඩුවේ විභාගය ජූලි මස 08 දින ආරම්භ වීමට නියමිතය.

Continue Reading
Advertisement

Trending

Copyright © 2023 Sri Lanka Mirror. All Rights Reserved