අධ්‍යාපන ඇමතිවරයා ලෙසත් පාර්ලිමේන්තු මන්ත්‍රීවරයෙක් ලෙසත් තමාගේ ක්‍රියාකලාපය පිළිබඳව අසත්‍ය කරුණු පදනම් කරගෙන අද පෙරවරුවේදී දෙරණ අරුණ වැඩසටහන මෙහෙයවූ චතුර අල්විස් මහතා විසින් ඔහුගේ මතයක් ඉදිරිපත් කර ඇති බව අධ්‍යාපන අමාත්‍ය සුසිල් ප්‍රේමජයන්ත මහතා පවසයි.

ඔහු සඳහන් කළේ, එම නිසා වරප්‍රසාද ස්ථාවර නියෝග 118 යටතේ ඔවුන් වරප්‍රසාද කමිටුව හමුවට කැඳවන ලෙසත්, අපේක්ෂකයෙක් පැමිණෙන ආයතනයක ප්‍රධානියෙක් ඔහුගේ ප්‍රචාරණ කටයුතුවලට තමාගේ නම ඈඳගෙන මඩගැසීමට නොහැකි බවය.

එහිදී වැඩිදුරටත් අදහස් දැක්වූ අමාත්‍යවරයා,

“මම 1991 නගර සභාවට ගියා නමුත් පාර්ලිමේන්තුවට ආවේ 2000දීයි. ඒකත් පටලවගෙන තියෙන්නේ….දන්නැත්තන් එතුමා මේ ටික අහගන්න.ඊට පස්සේ මම පළාත් සභාවේ මහ ඇමතිවරයා හැටියට හිටියා අවුරුදු 5ක්. අපිට කිසිම චෝදනාවක් තිබ්බේ නෑ. ඉස්සෙල්ලාම අධ්‍යාපන ඇමති උනේ 2000, මාස 9කට. 2005 ඉදලා 2010 වෙනකන් අධ්‍යාපන ඇමතිවරයා. යුද්ධයක් තිබ්බා. යුද්දේ උච්චතම අවස්ථාව. විභාග එකක්වත් නැවැත්තුවේ නෑ. අභියෝග රාශියක් මැද්දේ අපි ඒක ගෙනිච්චා. එතුමාට මතක නැත්තම් සිහිකර ගන්න….

මම මේ පත්වීම අරගෙන අවුරුදු 2යි මාස 03ක්. කොවිඩ් නිසා, අරගල නිසා ආර්ථික් පසුබැසීම නිසා වැටිච්ච අධ්‍යාපනය මම ඔසවලා තියෙනවා. දැන් එතුමා මගෙන් අහනවා මම මොනාද කළේ කියලා. පුවත්පතක මුල් පිටුවේ හෝ ඇතුල් පිටුවේ කිසිම වාර්තාවක් සඳහන් වෙලා නෑ එතුමා සඳහ්න් කරපු කරුණට. මම හිතන්නේ එයාගේ බොස් ලියලා දෙන්න ඇති මොකද එයා ජනාධිපති අපේක්ෂකයෙක් වෙන්න නේ යන්නේ ව්‍යවසායකත්වය උග්න්න උගන්න රට පුරා…

ව්‍යාපාර කරන්න පුළුවන් රාජ්‍ය අනුග්‍රහය යටතේ. ඒක ව්‍යවසායකත්ව නෙවෙයිනේ. ඔය නාලිකාවට බලපත්‍රය ගත්ත හැටිත් අහගන්න එපා ඒගොල්ලෝ.

මෙයා කියනවා මම පොළේ ගියේ ඇමතිකම නැති උනාමලු. ඇමතිකම නැති උනේ පොළේ ගියපු නිසා. හැබැයි මම කඪේ ගියේ නෑ. මම කඩේ නොගිහින් පොළේ ගියපු නිසා මට ඇමතිකම හම්බුණා. එයාලා පොළේ නොගිහින් කඩේ ගියපු නිසා ව්‍යාපාර කරන්න වරප්‍රසාද ලැබුණා…..

අපේක්ෂකයෙක් එන ආයතනයක ප්‍රධානියෙක් එයාගේ ප්‍රොමෝශන් එකකට අපේ නම් ඈඳගෙන අපිට මඩගහන්න බෑ.”