Connect with us

පුවත්

දේපල ගිනිගත් මන්ත්‍රීලාට ඇස්තමේන්තු මුදලත් මදි වෙලා!

Published

on

අරගලය අතරතුරදී සිදුවූ ප්‍රචණ්ඩ ක්‍රියාවලදී නිවාස සහ දේපොළ අහිමිවීම සම්බන්ධයෙන් තක්සේරු දෙපාර්තමේන්තුව සකස් කළ තක්සේරු මුදල ප්‍රමාණවත් නොවන බව පාර්ලිමේන්තු මන්ත්‍රිවරු 75 දෙනකු ආණ්ඩු පක්ෂ කාර්යාලයට දැනුම් දී ඇතැයි වාර්තා වේ.

අරගලයේදී මන්ත්‍රිවරු 77 දෙනකුගේ නිවාස හා දේපොළ හානියට පත් විය. 

එලෙස නිවාස හා දේපොළ හානියට පත්වූ මන්ත්‍රිවරුන්ගෙන් විමල් වීරවංශ සහ මිලාන් ජයතිලක යන මන්ත්‍රිවරුන්ගේ හානිය මෙතෙක් ගණනය කර නැතැයි ද වාර්තා වේ.

නිවාස හා දේපොළ අහිමි වු මන්ත්‍රිවරු ඉල්ලා සිටින්නේ වර්තමාන වටිනාකමට අනුව වන්දි මුදල තක්සේරු කළ යුතු බවයි. 

තමන් නිවස ඉදි කරන කාලයේ වටිනාකමට අනුව තක්සේරු කිරීම උචිත නොවන බව මන්ත්‍රිවරුන්ගේ අදහස වී තිබේ. 

තක්සේරු කිරීමේ කටයුතු තක්සේරු දෙපාර්තමේන්තුව හිතා මතාම ප්‍රමාද කරන බවටද මන්ත්‍රිවරු ආණ්ඩු පක්ෂ කාර්යාලයට දැනුම් දී තිබේ. 

එම නිසා තක්සේරුව සම්බන්ධ ගැටලු පිළිබඳ විශේෂ සාකච්ඡාවක් ඊයේ (16) සිට ලබන 18 වන වැනිදා දක්වා අයවැය ඡන්ද විමසීම අවසන්වන තෙක් පාලිමේන්තුවේදී පැවැත්වේ.

ඇමැතිවරුන් වන ප්‍රසන්න රණතුංග, ෂෙහාන් සේමසිංහ එහි මුලසුන හොබන අතර තක්සේරු දෙපාර්තමේන්තුවේ නිලධාරීන්ද ඊට කැඳවා ඇති බව පැවසේ.

දේපොළ අහිමි වූ මන්ත්‍රිවරු වෙන වෙනම ගෙන්වා ගැටලු මෙහිදී සාකච්ඡා කිරීම විශේෂ සිද්ධියකි.

එහෙත් තක්සේරු දෙපාර්තමේන්තුව සඳහන් කරන්නේ පවතින නීති රීති අනුව තක්සේරු කටයුතු සිදු කරන බවයි. 

මේ අතර අරගලයේ සිදුවූ ප්‍රචණ්ඩ ක්‍රියාවලදී ගල්කිස්ස හා නුගේගොඩ පොලිස් කොට්ඨාසවල පිහිටි පාර්ලිමේන්තු මන්ත්‍රිවරුන්ගේ නිවාස ඇතුළු දේපොළවලට සිදුවූ අලාභය රුපියල් කෝටි හැත්තැහත ඉක්මවන බව තක්සේරු දෙපාර්තමේන්තු ආරංචි මාර්ග පවසයි.

පාර්ලිමේන්තු මන්ත්‍රිවරුන් වන ප්‍රේමනාත් සී දොලවත්ත, ගීතා කුමාරසිංහ, ජයන්ත කැටගොඩ, ජොන්ස්ටන් ප්‍රනාන්දු, බන්දුල ගුණවර්ධන, ජගත් කුමාර, සීතා අරඹේපොල, රෝහිත අබේගුණවර්ධන හා ගාමිණී ලොකුගේ මහත්ම මහත්මීන්ද නිවාස සහ දේපොළවලට එලෙස අලාභ හානි වී ඇත.

නුගේගොඩ පොලිස් කොට්ඨාසයේ නිවාස නමයක් ඇතුළු දේපොළ මෙන්ම ගල්කිස්ස පොලිස් කොට්ඨාසයේ නිවාස හතරක් ඇතුළු දේපොළවලට එම අලාභය සිදුවී ඇතැයි ගණන් බලා ඇත. අලාභහානි වීම් අතර වාහන රැස්කද වේ.

වැඩිම අලාභය පාර්ලිමේන්තු මන්ත්‍රි ගාමිණී ලොකුගේගේ දේපොළවලට සිදුව ඇති බව පැවසේ.

එය කෝටි 46කි. 

අනතුරුව දෙවැනි වැඩිම අලාභය ලෙස ගණන් බලා ඇත්තේ සීතා අරඹේපොළ මහත්මියගේ තලංගම නිවස ඇතුළු දේපොළවලට සිදුවූ අලාභයය. එය 14 කෝටි හාරලක්ෂ 86000කි.

එම මන්ත්‍රිවරුන් ඉදිරිපත් කර තිබූ තක්සේරු වාර්තාවල මෙම මුදලට වඩා දෙතුන් ගුණයක් සඳහන්ව තිබී ඇතැයි වැඩිදුර ආරංචි මාර්ග සඳහන් කරයි.

කෙසේවුවද, තක්සේරු කමිටුවේ මුලසුන හොබවන ඇමති ප්‍රසන්නට හා සේමසිංහට හිටපු ජනපති මහින්ද රාජපක්ෂ මහතාට සහය දක්වන මන්ත්‍රීවරුන්ගෙන් හා ඇමතිවරුන්ගෙන් විශාල විරෝධයක් මේවන විට එල්ලවෙමින් ඇතැයි ද වාර්තා වේ.

මූලාශ්‍රය – අරුණ

Continue Reading

පුවත්

ලියනගේ මුල්ලේදී කතක් අභිරහස් ලෙස මරාදාලා!

Published

on

By

රාත්‍රී සමාජ ශාලාවක ඇති වූ ගැටළුවක් මුල් කර ගනිමින් හට ගත් ආරවුලක් දුර දිග යාමෙන් කටුනායක නිදහස් වෙළෙඳ කළාපයේ සේවයේ නියුතු සේවිකාවක අද (28) දින අලුයම සීදුව ලියනගෙමුල්ල ප්‍රදේශයේ දී මරා දමා තිබේ.

36 හැවිරිදි එක් දරු මවක වන බටහිර බටුවත්ත නෙළුව, ගාල්ල යන ලිපිනයෙහි පදිංචි උස්ගොඩ මානගේ තිසාරා මධුවන්ති නැමැති කාන්තාව මෙසේ මරා දමා තිබේ.

ඇය මීට වසර 06 කට පමණ පෙර කටුනායක නිදහස් වෙළෙඳ කළාපයේ සේවය සදහා පැමිණ තිබූ අතර පසුව ඇය සීදුව සංචාරක හෝටලයක සේවය කරන පුද්ගලයෙකු සමග සීදුව , ලියනගෙමුල්ල , ජූඩ් මාවත ප්‍රදේශයේ නේවාසිකාගාරයක තාවකාලිකව පදිංචි වී සිට තිබේ.

ඇය රාත්‍රී සමාජ ශාලාවක සිදු වූ සිදු වීමක් මුල් කර ගෙන මෙම පුද්ගලයා සමග ආරවුලක් ඇති කර ගෙන ඇති අතර අද (28) දින අලුයම 02.00 ත් 03.00 ත් අතර කාළයේ ඇය සහ එම පුද්ගලයා සාන්ත සෙබස්තියන් දේවස්ථානයේ ඉදිරිපිටින් ගමන් කරන ආරක්ෂිත කැමරා දර්ශන සීදුව පොලිසිය විසින් සොයා ගෙන තිබේ.

ඒ අනුව මෙම දේවස්ථානය ඉදිරිපිට මාර්ගය අසළ දරුණු කැපුම් තුවාල සහිතව ඇය මරා දමා තිබුණි.

මීගමුව වැඩබලන මහේස්ත්‍රාත් ඉන්දික සිල්වා මෙම ස්ථානයට පැමිණ ස්ථානීය පරීක්ෂාව සිදු කළ අතර ඇයගේ සිරුර අධිකරණ වෛද්‍ය පරීක්ෂණය සදහා මීගමුව මහ රෝහල වෙත යොමු කර තිබේ.

Continue Reading

පුවත්

ජාතික ජන බලවේගය ශ්‍රේෂ්ඨාධිකරණයට

Published

on

By

ඉදිරි මැතිවරණ සමයේ  ආණ්ඩු පක්ෂයේ දේශපාලන පක්ෂවලට වාසි සහගත වන ආකාරයේ ව්‍යාපෘතීන් ක්‍රියාත්මක කිරීම සඳහා අනුමැතිය නොදෙන ලෙසත් මෙම කරුණට අදාළව මැතිවරණ කොමිෂන් සභාව විසින් නිකුත් කර ඇති ලිපියට අනුකූලව කටයුතු කරන ලෙසත් ජනාධිපති ලේකම් ඇතුළු පිරිසකට නියෝග නිකුත් කරන්නැයි ඉල්ලා ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනුකර තිබේ.

ජාතික ජන බලවේගයේ කඩුවෙල හිටපු නාගරික මන්ත්‍රී අසිත නිරෝෂන් මහතා විසින් පෙත්සම ඉදිරිපත් කළේය.

එහි වගඋත්තරකරුවන් ලෙස නීතිපතිවරයා, අග්‍රාමාත්‍යවරයා ඇතුළු අමාත්‍ය මණ්ඩල සාමාජිකයින්, ජනාධිපති ලේකම්වරයා, මුදල් අමාත්‍යාංශයේ ලේකම්වරයා ඇතුළු පිරිසක් නම්කර තිබේ.

මුදල් අමාත්‍යංශයේ ලේකම්වරයා විසින් 2024 අයවැය යෝජනා යනුවෙන් චක්‍රලේඛයක් නිකුත් කර ඇති අතර ඒ යටතේ ග්‍රාමීය ප්‍රදේශවල සංවර්ධන ව්‍යාපෘති ක්‍රියාත්මක කිරීමට යෝජනා කර ඇතැයි පෙන්වා දෙන පෙත්සම්කරු ඊට අමතරව “කඳුකර දශකය” නමින් තවත් චක්‍රලේඛයක් නිකුත් කරමින් ග්‍රාමීය ප්‍රදේශවල ජනතාවගේ ජීවන තත්ත්වය උසස් කිරීම සඳහා මූල්‍ය පහසුකම් ලබා දීමට යෝජනා කර ඇති බවත් සඳහන් කළේය.

මෙම ව්‍යාපෘති 2කම මෙම වසරේ ජූලි 31 වනදා වනවිට අවසන් කළ යුතු බවට ද නිවේදනය කර ඇති බවත් මෙම ව්‍යාපෘතී ඉටුකිරීම සඳහා ප්‍රජා කමිටුවලට මිලියන 10 බැගින් මුදල් වෙන්කිරීමටද තීරණය කර ඇති බවත් පෙත්සමේ සඳහන් වෙයි.

පළාත් පාලන ඡන්ද විමසීම සඳහා නාමයෝජනා බාරදුන් අපේක්ෂකයින් මෙම ප්‍රජා කමිටුවල කටයුතු කරන බවත් මෙම ව්‍යාපෘති හරහා ඔවුන්ට දේශපාලනික වශයෙන් වාසි ලබාගැනීමට අවස්ථාව ලැබෙන බවත් පෙත්සමේ පෙන්වා දී තිබේ.

එම නිසා එවැනි අපේක්ෂකයින්ට රාජ්‍ය ප්‍රතිපාදන වෙන්කිරීමට පියවර නොගන්නා ලෙස රාජ්‍ය ආයතන සහ ඒවායේ ප්‍රධානීන් දැනුවත් කරන්නැයි දන්වා මැතිවරණ කොමිසමේ සභාපතිවරයා විසින් ජනාධිපති ලේකම්වරයා වෙත ඉකුත්දා ලිපියක් යොමුකර තිබෙන බවත් පෙත්සම්කරු සඳහන් කරයි.

ඉදිරියේදී පැවැත්වීමට නියමිත ජනාධිපතිවරණයේදී හා පළාත් පාලන ඡන්ද විමසීමේදී දේශපාලන වාසියක් ලබාගැනීමේ අරමුණින් එම ව්‍යාපෘති ක්‍රියාත්මක කෙරෙන බවත් ඒ තුළින් සිය මූලික මිනිස් අයිතීන් උල්ලංඝනයවීමක් සිදුවන බවට තීන්දුවක් ලබාදෙන ලෙසත් පෙත්සම්කරු ශ්‍රේෂ්ඨාධිකරණයෙන් ඉල්ලා  සිටියි.

Continue Reading

පුවත්

අමුණුගම දිලිත්ව හැර යයි

Published

on

By

දිලිත් ජයවීර මහතාගේ මව්බිම ජනතා පක්ෂයෙන් ආචාර්ය සරත් අමුණුගම මහතා ඉල්ලා අස්වී තිබේ.

අදාළ ඉල්ලා අස්වීමේ ලිපිය ඊයේ (27) භාර දුන් බව සඳහන්ය.

ආචාර්ය සරත් අමුණුගම මහතා මව්බිම ජනතා පක්ෂයේ සභාපති ධුරය හෙබවූයේය.

‘එක්ව නංවන රටක් – සතුටු පිරුණු දැයක්’ තේමා කරගනිමින් දේශපාලන පක්ෂ කිහිපයක් සහ සිවිල් සංවිධාන කිහිපයක් එක්වී ‘සර්ව ජන බලය’ නමින් නව දේශපාලන ව්‍යාපාරයක් ඊයේ (27) පිහිටුවනු ලැබූ අතර ඒ සඳහා මව්බිම ජනතා පක්ෂය ඇතුළු පක්ෂ කිහිපයක්ම එක්විය.

සබැඳි පුවත්:

Continue Reading
Advertisement

Trending

Copyright © 2023 Sri Lanka Mirror. All Rights Reserved