Connect with us

පුවත්

දේශගුණික විපර්යාස අවම කිරීමට කඩිනමින් ක්‍රියාත්මක විය යුතුයි – ජනපති

Published

on

පෘථිවියේ පැවැත්ම තහවුරු කිරීම වෙනුවෙන් දේශගුණික විපර්යාස අවම කිරීමට ලෝකයේ රටවල් කඩිනමින් ක්‍රියාත්මක වීම අත්‍යවශ්‍ය බවත් ඊට නායකත්වය ගැනීමට සූදානම්ද නැද්ද යන තීරණාත්මක එකඟතාවට මෙවර COP28 සමුළුවේ දී එළැඹිය යුතු බවත් ජනාධිපති රනිල් වික්‍රමසිංහ මහතා අවධාරණය කළේය.

මෙය කිසිසේත් කල් මරමින් සිටිය නොහැකි අතර සතුරා සිටින්නේ දොරටුව අභියස බවද ජනාධිපතිවරයා පෙන්වා දුන්නේය.

එක්සත් ජාතීන්ගේ 28 වන දේශගුණ විපර්යාස සමුළුව හෙවත් COP 28 ප්‍රධාන සමුළුව රටවල් 54ක රාජ්‍ය නායකයන් සහ නියෝජිතයන්ගේ සහභාගීත්වයෙන් අද (01) ඩුබායිහි එක්ස්පෝ සිටිහිදී ආරම්භ කෙරුණු අතර සමුළුව අමතමින් ජනාධිපතිවරයා මේ බව අවධාරණය කළේය. 

පස්වැනි ආසියා පැසිෆික් කලාපීය පරිසර බලධාරීන්ගේ සහ අමාත්‍යවරුන්ගේ සංසදයේදී එකඟ වූ පරිදි, දේශගුණික යුක්ති සංසදය පිහිටුවීම සඳහා 2024 පෙබරවාරි 6 වන දින පැවැත්වීමට නියමිත එක්සත් ජාතීන්ගේ පරිසර සමුළුවට ශ්‍රී ලංකාව යෝජනාවක් ඉදිරිපත් කරන බවත් එම දේශගුණ යුක්ති සංසදය දේශගුණික විපර්යාස අවම කර ගැනීම පිළිබඳ නිර්මාණාත්මක සහ ක්‍රියාශීලී මැදිහත්වීම් සඳහා වේදිකාවක් සපයනු ඇති බවත් ජනාධිපතිවරයා පැවසීය.

22 වැනි සියවස වන විට නිවර්තන වැසි තීරය සමකයෙන් ඉවතට මාරු විය හැකි බවට ඇතැම් විද්‍යාඥයන් විසින් අනාවැකි පළ කර තිබෙන අතර පුනර්ජනනීය බලශක්තිය, පරිසර දූෂණය පාලනය සහ ස්වභාවික විසඳුම් සඳහා විශාල වශයෙන් ආයෝජනය කිරීම අවශ්‍ය බවද ජනාධිපති රනිල් වික්‍රමසිංහ මහතා පෙන්වා දුන්නේය.

ශ්‍රී ලංකාව සහ අනෙකුත් රටවල් දේශගුණික විපර්යාස සම්බන්ධ මුලපිරීම් පිළිබඳ වාර්තා කිරීම සඳහා විද්වත් මණ්ඩලයක් කැඳවීමට අපේක්ෂා කරන අතර එමගින් සම්පූර්ණ නිවර්තන කලාපය පුරා පමණක් නොව සමස්ත ලෝකය පුරා බහු ආංශික සැලැස්මක් බෙදා හැරීමට කටයුතු කරන බවද ජනාධිපති රනිල් වික්‍රමසිංහ මහතා සඳහන් කළේය.

COP28 සමුළුවඅමතාජනාධිපතිරනිල්වික්‍රමසිංහමහතාකළසම්පූර්ණකථාවපහතපරිදිවේ

පළමුවෙන් COP28 සඳහා සත්කාරකත්වය ලබාදීම වෙනුවෙන් සහ දක්වන ලද ආගන්තුක සත්කාර වෙනුවෙන් එක්සත් අරාබි එමීර් රාජ්‍යයේ රජතුමාටත්, රජයටත් මගේ සුභපැතුම් සහ කෘතවේදීත්වය පළ කරනවා. 

2023 වසරේදී එක්සත් ජාතීන්ගේ පරිසර වැඩසටහනෙහි වාර්තාව තුළ “කඩවුණු පොරොන්දු” ලෙස දක්වමින් අනතුරු ඇඟවූයේ මේ සියවසේ අවසානය වන විට ගෝලීය උෂ්ණත්වය සෙල්සියස් අංශක 3 කින් ඉහළ යාමේ අර්බුදයට මුහුණ දෙන බවයි.

මූල්‍ය, තාක්‍ෂණය සහ දේශගුණය සඳහා වන ආයෝජන සම්බන්ධයෙන් පවතින අඩු අනුවර්තන ධාරිතාව හේතුවෙන්, සංවර්ධනය වෙමින් පවතින රටවල් වන අප, මෙම තත්ත්වයන් මඟින් අසමානුපාතික ලෙස අවධානමට ලක්විය හැකි අතර එමඟින් අප රටවලට අසමාන බලපෑමක් ඇති කරනවා.

දේශගුණික මූල්‍යකරණය පිළිබඳ ඉහළ මට්ටමේ ස්වාධීන විශේෂඥ කණ්ඩායමේ වාර්තාව මඟින්, දේශගුණික විපර්යාසවලට එරෙහිව සටන් කිරීම සඳහා අවම වශයෙන් වසරකට ඇමෙරිකානු ඩොලර් ට්‍රිලියනයක් අවශ්‍ය බව අවධාරණය කර තිබෙනවා.

කෙසේ වෙතත්, අරමුදල් සැපයීමේ විධිවිධාන ක්‍රියාත්මක කිරීම පිළිබඳ කමිටුව විසින් සිය 2023 නොවැම්බර් මස 4 දිනැති වාර්තාව මඟින් “අලාභ සහ පාඩු පිළිබඳ අරමුදල” සඳහා ස්වේච්ඡා දායකත්වයන් පමණක් ලබාදෙන ලෙස ඉල්ලා සිටිනවා.

එම වාර්තාව මගින් මීට අවශ්‍ය අරමුදල් පිළිබඳ හෝ එහි දායකයින් කවුද යන්න පිළිබඳ සඳහන් කරන්නේ නැහැ. එම වාර්තාව ගෝලීය ණය සහනකරණය පිළිබඳ ප්‍රශ්නය හමුවේ ද නිහඬව සිටින අතර මේවා එකිනෙකට බැඳී පවතිනවා.

කෙසේ වෙතත්, එයින් දින හතරකට පසුව නිකුත් වූ, ගෝලීය තක්සේරුව පිළිබඳ පළමු තාක්ෂණික සංවාදයේ වාර්තාව මඟින් මේ සඳහා වාර්ෂිකව අවම වශයෙන් ඇමරිකානු ඩොලර් ට්‍රිලියන ගණනක් අවශ්‍ය බව අවධාරණය කර තිබෙනවා. 

මතභේදාත්මක තත්ත්වයක් ඇති නොවීම සඳහා සම්මුතියකට පැමිණීම විසඳුමක් නොවෙයි.අපි කාවද රවට්ටන්නේ? දේශගුණික යුක්තිය සෑම රටකටම සහ සෑම පුද්ගලයෙකුටම හිමි විය යුතුයි.

මෙම පසුබිම තුළ, පස්වැනි ආසියා පැසිෆික් කලාපීය පරිසර බලධාරීන්ගේ සහ අමාත්‍යවරුන්ගේ සංසදයේදී එකඟ වූ පරිදි, 2024 පෙබරවාරි 6 වන දින පැවැත්වීමට නියමිත එක්සත් ජාතීන්ගේ පරිසර සමුළුව සඳහා “දේශගුණික යුක්ති සංසදය” පිහිටුවීම වෙනුවෙන් වන යෝජනාවක් ඉදිරිපත් කිරීමට ශ්‍රී ලංකාව කටයුතු කරනවා. 

දේශගුණ යුක්ති සංසදය මඟින් අපට නිර්මාණාත්මක සහ ක්‍රියාශීලී මැදිහත්වීම් සඳහා වේදිකාවක් සපයනු ඇතියි.

එසේම “ගෝලීය ජ්වලන යුගය පැමිණ තිබෙනවා.” යනුවෙන් එක්සත් ජාතීන්ගේ මහලේකම්වරයා ප්‍රකාශ කළා.

සතුරා සිටින්නේ අපගේ දොරටුව අභියසයි. නමුත් අප තවමත් කල්මරමින් සතුරන්ට එරෙහිව සටන් කිරීම සඳහා අපගේ සේනාංක සූදානම් කරමින් සිටිනවා.

ඒ නිසා ඉදිරි දෙසතිය තීරණාත්මකයි.අපට නායකත්වයක් ලබාදීම සඳහා හැකියාවක් තිබේ ද නැද්ද යන්න පිළිබඳ එයින් තීරණය වනු ඇතියි. ක්‍රියාවෙන් අපට එය හැකි බව අපි තහවුරු කළ යුතුයි.

ශ්‍රී ලංකාව ගෝලීය උණුසුම සෙල්සියස් අංශක 1.5 කින් පහත හෙළීම සඳහා කැපවී සිටිනවා. අප පවතින රාමුවෙන් පිටත සිතිය යුතුයි.අපි ත්‍රිත්ව ග්‍රහලෝක අර්බුදයට මුහුණ දීම සඳහා නිවර්තන කලාපය තුළ ආයෝජන සිදු කළ යුතුයි.

නිවර්තන කලාපය තුළ පිහිටා ඇති රටවල් 134 මගින් පෘථිවි පෘෂ්ඨයේ 44% ක් ආවරණය කරනු ලබන අතර, 2030 වන විට ලෝක ජනගහනයෙන් 50% ක් පමණ එහි වාසය කරනු ඇතියි. ලෝකයේ ඉතිරිව ඇති ප්‍රාථමික වනාන්තර බොහොමයක් නිවර්තන කලාපය තුළ පිහිටා ඇති අතර එම කලාපය තුළ කොරල්පර පද්ධති ද පිහිටා තිබෙනවා.

නිවර්තන කලාපය සතුව පවතින පොහොසත් ජෛව විවිධත්වය මගින් ජීව විද්‍යාත්මක කාබන් අනුක්‍රමණය වැඩි දියුණු කරන අතර, එමඟින් කාලගුණ අස්ථාවරත්වයන්ගෙන් ලෝකය ආරක්ෂා කළ හැකියි.

එමෙන්ම, සූර්ය, සුළං සහ ජෛව ස්කන්ධ මගින් බලශක්ති උත්පාදනය කිරීමේ හැකියාව පෘථිවියේ අනෙකුත් ප්‍රදේශවලට වඩා නිවර්තන කලාපය තුළ සැලකිය යුතු මට්ටමක තිබෙනවා.  එහෙත් නිවර්තන කලාපයේ මානව ක්‍රියාකාරකම්, මෙම කලාපයේ පවතින සමතුලිතතාවය අසමතුලිත කිරීම සඳහා පහසුවෙන් හේතු විය හැකියි.

එසේම 22 වැනි සියවස වන විට නිවර්තන වැසි තීරය සමකයෙන් ඉවතට මාරු විය හැකි බවට ඇතැම් විද්‍යාඥයන් විසින් අනාවැකි පළ කර තිබෙනවා.

පුනර්ජනනීය බලශක්තිය, පරිසර දූෂණය පාලනය සහ ස්වභාව ධර්මය මත පදනම් වූ විසඳුම් සඳහා විශාල වශයෙන් ආයෝජනය කිරීම මඟින් කාබන් අනුක්‍රමණය වැඩිදියුණු කිරීම හරහා සමස්ත ලෝකය තුළ සැලකිය යුතු පරිවර්තනීය වෙනස්කම් ඇති වනු ඇතියි.

එබැවින්, ශ්‍රී ලංකාව සහ අදාළ රටවල් නිවර්තන කලාපයේ දේශගුණික විපර්යාස සම්බන්ධ  මුලපිරීම පිළිබඳ වාර්තා කිරීම සඳහා විද්වත් මණ්ඩලයක් කැඳවනු ලබනවා.එමඟින් මුළු නිවර්තන කලාපය පුරා පමණක් නොව සමස්ත ලෝකය පුරා බහු ආංශික සැලැස්මක් බෙදා හැරීමට ද කටයුතු කරනවා.

ඉන්දියානු සාගර කලාපීය වටද්දර රටවල සංගමයේ (IORA) වත්මන් සභාපතිවරයා ලෙස ශ්‍රී ලංකාව ඉන්දියානු සාගරය සහ දේශගුණික විපර්යාස අතර පවතින අන්තර් රඳා පැවැත්ම කෙරෙහි අවධානය යොමු කරනවා.

නිරුපද්‍රිත සාගරයක් විසින් ඔක්සිජන් නිපදවන අතර ගෝලීය උණුසුමෙන් නිපදවන කාබන් හා තාපය එමගින් අවශෝෂණය කරනවා. ගොඩබිම් වනාන්තර වලට සාපේක්ෂව, කඩොලාන සහ මුහුදු තණකොළ මඟින් කාබන් වැඩි ප්‍රමාණයක් අවශෝෂණය කරගනු ලබනවා.

කෙසේ වෙතත්, වේගවත් දේශගුණික විපර්යාස නිසා සමුද්‍රීය පරිසරය වෙනස් වෙමින් පවතින අතර මුහුදු මට්ටම හා උෂ්ණත්වය ඉහළ යාම, සාගරය ආම්ලිකකරණය වීම, කොරල් පර විනාශ වීම, සමුද්‍රීය ජීවීන්ගේ වාසස්ථාන විනාශ වීම සහ ආන්තික කාලගුණික රටාවන් ද ඇතිවීම සිදු වෙනවා.

මෙම සංසිද්ධි තුළින් සාගර ජෛව විවිධත්වය, සාගර මත රඳා පවතින ආහාර රටාවන් සහ වෙරළ ආශ්‍රිත ජීවනෝපායන් කඩාකප්පල් කිරීම මගින් සෘජුවම මිනිස් ජීවිත වලට බලපෑම් ඇති කරනවා.

තිරසර බවින් යුතු ඉන්දියන් සාගරයත් අනාගත පරපුර වෙනුවෙන් සුරක්ෂිත කිරීම සඳහා ඉන්දියානු සාගර කලාපයේ වටද්දර රටවල සංගමයෙහි සාමාජික රටවල් සහ හවුල්කරුවන් කටයුතු කරනු ඇතියි.

නිවර්තන කලාපීය මුලපිරීම සහ ඉන්දියානු සාගරය වෙනුවෙන් ඉන්දියානු සාගර කලාපීය වටද්දර රටවල සංගමයේ වැඩසටහන ඒකාබද්ධ කිරීම මඟින් කාබන් අනුක්‍රමණය සඳහා වන විශාලතම ගෝලීය එකතුව නිර්මාණය කරනු ඇතියි.

දේශගුණික විපර්යාස සම්බන්ධයෙන් ක්‍රියාත්මක වීම සඳහා, නවීන විද්‍යාත්මක දැනුම සහ සොයාගැනීම් ඵලදායී ලෙස භාවිතා කිරීම අවශ්‍යයි.එම නිසා, COP27 හි දී, ගෝලීය උෂ්ණත්වය සෙල්සියස් අංශක 1.5 අවම කිරීමේ තීරණාත්මක ප්‍රයත්නයන්ට දායක වීමට අවශ්‍ය ධාරිතා ගොඩනැගීම සහ පර්යේෂණ කටයුතු දියුණු කිරීම සඳහා ජාත්‍යන්තර දේශගුණික විපර්යාස විශ්ව විද්‍යාලයක් (ICCU) පිහිටුවීමට ද මම යෝජනා කළා. ලබන වසරේ අප ජාත්‍යන්තර දේශගුණික විපර්යාස විශ්ව විද්‍යාලය (ICCU) පිහිටුවීම සඳහා මුලපුරනවා. 

ආණ්ඩුව නියෝජනය කරමින් අමාත්‍යවරුන් වන ජනාධිපති නීතිඥ අලි සබ්‍රි, කෙහෙළිය රඹුක්වැල්ල, කංචන විජේසේකර, පාර්ලිමේන්තු මන්ත්‍රී මධුර විතාන යන මහත්වරන් ද, විපක්ෂය නියෝජනය කරන පාර්ලිමේන්තු මන්ත්‍රීවරුන් වන චම්පික රණවක, අජිත් මාන්නප්පෙරුම යන මහත්වරුන් ද දේශගුණ විපර්යාස පිළිබඳ ජනාධිපති ජ්‍යෙෂ්ඨ උපදේශක රුවන් විජේවර්ධන, පරිසර අමාත්‍යාංශයේ ලේකම් විශේෂඥ වෛද්‍ය අනිල් ජාසිංහ, ජනාධිපති ජාත්‍යන්තර කටයුතු පිළිබඳ අධ්‍යක්ෂ දිනුක් කොළඹගේ, මුදල් අමාත්‍යාංශයේ උපදේශක දේශාල් ද මෙල්, ජනාධිපති පෞද්ගලික ලේකම් සැන්ඩ්‍රා පෙරේරා යන මහත්ම මහත්මීහු ද මෙම අවස්ථාවට එක්ව සිටියහ. 

(ජනාධිපති මාධ්‍ය අංශය)

පුවත්

වෛද්‍ය කපිල වික්‍රමනායකගේ පෙත්සම ගැන අධිකරණයෙන් තීරණයක්

Published

on

By

සෞඛ්‍ය අමාත්‍යාංශයේ වෛද්‍ය සැපයීම් අංශයේ අධ්‍යක්ෂ වෛද්‍ය කපිල වික්‍රමනායක මහතා විසින් ඉදිරිපත් කළ පෙත්සම සලකාබැලීම සඳහා ජුනි මස 04 වනදා කැඳවන ලෙස අභියාචනාධිකරණය නියම කලේය.

තමන්ව රක්ෂිත බන්ධනාගාර ගත කිරීමට දුන් නියෝගය නීතියට පටහැනි බවට තීන්දුවක් ලබාදෙන ලෙස ඉල්ලා ඔහු මෙම පෙත්සම ගොනු කර තිබුණි.

ප්‍රමිතියෙන් තොර ප්‍රතිදේහ එන්නත් මිලදීගැනීමේ සිද්ධිය සම්බන්ධයෙන් මාළිගාකන්ද මහෙස්ත්‍රාත් අධිකරණය විසින් ඔහුව රක්ෂිත බන්ධනාගාර ගත කරන ලදී.

අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ ශෂී මහේන්ද්‍රන් යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ලක් ඉදිරියේ එම පෙත්සම අද (30) කැඳවනු ලැබීය.

එහිදී නීතිපතිවරයා වෙනුවෙන් පෙනී සිටි  නියෝජ්‍ය සොලිසිටර් ජනරාල් නිර්මලන් විග්නේෂ්වරන් මහතා සඳහන් කළේ මෙම පෙත්සමට අදාළ සීමිත විරෝධතා ගොනුකර අවසන් බවය.

ඉන්  අනතුරුව පෙත්සම සලකාබැලීම සඳහා ජුනි මස 04 වනදා කැඳවන ලෙස නියෝග කලේය.

ප්‍රමිතියෙන් තොර ප්‍රතිදේහ එන්නත් මිලදීගැනීමේ සිද්ධිය සම්බන්ධයෙන් තමන්ව පොදු දේපොළ පනත යටතේ නඩුව අවසන් වනතුරු රක්ෂිත බන්ධනාගාර ගත කිරීමට මාළිගාකන්ද මහෙස්ත්‍රාත් අධිකරණය විසින් දී ඇති නියෝගය බලරහිත කරන ලෙස ඉල්ලා ඔහු විසින් මෙම පෙත්සම ඉදිරිපත් කර තිබුණි.

Continue Reading

පුවත්

කබ්රාල්ගේ විදෙස් ගමන් තහනම තාවකාලිකව ඉවතට

Published

on

By

හිටපු මහ බැංකු අධිපති අජිත් නිවාඩ් කබ්රාල් මහතාට වෛද්‍ය ප්‍රතිකාර ලබාගැනීම සඳහා ඔහුට පනවා තිබූ විදේශ ගමන් තහනම තාවකාලිකව ඉවත් කිරීමට ඊයේ (29)  කොටුව මහෙස්ත්‍රාත් කෝසල සේනාධීර මහතා නියෝග කලේය.

ශ්‍රී ලංකා රජයට අයත් මහබැංකු බැඳුම්කර නිකුත් කිරීමේදී අමෙරිකානු ඩොලර් මිලියන 6.5ක මුදලක් අහිමි කිරීම සම්බන්ධ නඩුවට අදාළව හිටපු මහ බැංකු අධිපති අජිත් නිවාඩ් කබ්රාල් මහතාට විදෙස් ගමන් තහනමක් පනවා තිබුණි.

ඒ අනුව, ඔහුට එරෙහිව පනවා තිබූ  විදේශ ගමන් තහනම ලබන ජුනි මස 07 වනදා සිට ජූලි මස 07වනදා දක්වා තාවකාලිකව ඉවත් කිරීමට ඒ ඔහු වෙනුවෙන් පෙනී සිටි නීතිඥ මඩුල්ල මෝසමක් ගොනු කරමින් සිදු කළ ඉල්ලීමට කොටුව මහේස්ත්‍රාත් කෝසල සේනාධීර අවසර ලබා දීම සිදුවිය.

එංගලන්තයේ සිදු කිරීමට නියමිත හෘද රෝග පරීක්ෂාවක් සඳහා මෙලෙස අවසර ලබා දුනි.

අජිත් නිවාඩ් කබ්රාල් මෙම සිද්ධිය සම්බන්ධයෙන් සැකකරුවෙකු ලෙස නම් කර නැති බව කියමින් විදේශ ගමන් තහනම සම්පූර්ණයෙන්ම ඉවත් කරන ලෙස අජිත් නිවාඩ් කබ්රාල් මහතා වෙනුවෙන් ඔහුගේ නීතිඥවරුන් මෙහිදී ඉල්ලීමක් කලේය.

කෙසේවෙතත්, සැකකරුවෙක් ලෙස නම් කර නැතත් සිදු කරන විමර්ශනවලට බාධා විය හැකි බව පවසමින්  මහේස්ත්‍රාත්වරයා එම ඉල්ලීම ප්‍රතික්ෂේප කර තිබේ.

විමර්ශන අනුව ඕනෑම අවස්ථාවක සැකකරුවෙක් ලෙස නම් කළ හැකි බවත් විදේශ ගත වුවහොත් විමර්ශනවලට බාධා විය හැකි බවත් කියමින් මහේස්ත්‍රාත් වරයා මෙම නියෝගය නිකුත් කලේය.

ශ්‍රී ලංකාවේ ප්‍රතිරූපය ඉහළ නැංවීම සඳහා ඇමරිකාවේ පදිංචි පුද්ගලයකුට ඇමරිකානු ඩොලර් මිලියන 6.5ක ප්‍රමාණයක් ලබාදීම සම්බන්ධයෙන් සිදු කරන විමර්ශන අවසන් නොකිරීම නිසා ඉතා අත්‍යවශ්‍ය කටයුත්තකට හෝ විදේශගත වීමට ඔහුට නොහැකි වී ඇති බවත් විශිෂ්ට රාජ්‍ය සේවකයකුට එලෙස බාධා කිරීම ඉතා අසාධාරණ බවත් කියමින් නීතිඥ මල්දිනි හේරත් හා නීතිඥ ෂෙනාල් විජේසිංහ සමග පෙනීසිටි ජ්‍යෙෂ්ඨ නීතිඥ චමින්ද අතුකෝරළ මහතා මෙහිදී අධිකරණය හමුවේ කරුණු දක්වන ලදී.

කරුණු සලකා බැලූ මහෙස්ත්‍රාත්වරයා, ලබන මස 5 වැනිදා සිට ජූලි මස 5 වැනිදා දක්වා කාලය සඳහා විදේශ ගමන් තහනම ඉවත් කිරීමට ද නියෝග කලේය.

සබැඳි පුවත්

Continue Reading

පුවත්

අධිකරණයට අපහාස කළැයි මෛත්‍රීට පෙත්සමක්

Published

on

By

අධිකරණයට අපහාස කළේ යැයි චෝදනා කරමින් හිටපු ජනාධිපති මෛත්‍රීපාල සිරිසේන මහතාට එරෙහිව අභියාචනාධිකරණය හමුවේ පෙත්සමක් ගොනු කර තිබේ.

ශ්‍රී ලංකා නිදහස් පක්ෂයේ විධායක සභිකයකු වන මොන්ටේගු සරත්චන්ද්‍ර මහතා විසින් පෙත්සම ඉදිරිපත් කරන ලදී.

පෙත්සම අද (30) අභියාචනාධිකරණයේ සභාපති විනිසුරු නිශ්ශංක බන්දුල කරුණාරත්න සහ ෂශී මහේන්ද්‍රන් යන විනිසුරු මඩුල්ල ඉදිරියේ කැඳවනු ලැබීය.

එහිදී අධිකරණය විසින් පෙත්සම්කාර පාර්ශ්වයේ නීතිඥවරයාට නියෝග කළේ, මෙම පෙත්සමට අදාළව කරුණු තහවුරු කිරීම සඳහා වගඋත්තරකාර මෛත්‍රීපාල සිරිසේන මහතා වෙත නොතීසි යැවීමට පියවර ගන්නා ලෙසයි.

ශ්‍රී ලංකා නිදහස් පක්ෂයේ සභාපතිවරයා වශයෙන් කටයුතු කිරීම වළක්වාලමින් කොළඹ දිසා අධිකරණය විසින් අතුරු තහනම් නියෝගයක් නිකුත් කර තිබියදී එය උල්ලංඝනය වන ආකාරයෙන් කටයුතු කිරීම තුළින් අධිකරණයට අපහාස කළේ යැයි චෝදනා කොට හිටපු ජනාධිපති මෛත්‍රීපාල සිරිසේන මහතාට එරෙහිව මෙම පෙත්සම ඉදිරිපත් කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved