Connect with us

පුවත්

දේශබන්දුගේ පත්වීමට එරෙහිව පෙත්සම සලකා බලන්න දින දෙයි

Published

on

වැඩබලන පොලිස්පතිවරයා වශයෙන් කටයුතු කරන දේශබන්දු තෙන්නකෝන් පොලිස්පතිවරයා වශයෙන් පත් කිරීම වැළැක්වීමේ නියෝගයක් නිකුත් කරන ලෙස ඉල්ලා කාදිනල් අති උතුම් මැල්කම් රංජිත් හිමිපාණන් විසින් ගොනු කළ මූලික අයිතිවාසිකම් පෙත්සම සලකා බැලීම සඳහා මේ මස 31 වන දා කැඳවන ලෙස ශ්‍රේෂ්ඨාධිකරණය අද (22) නියෝග කළේය.

මෙම පෙත්සම අද ප්‍රීති පද්මන් සූරසේන, අචල වෙංගප්පූලි සහ මහින්ද සමයවර්ධන යන මහත්වරුන්ගෙන් සමන්විත ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල ඉදිරියේ කැඳවනු ලැබු අවස්ථාවේදී නීතිපතිවරයා වෙනුවෙන් පෙනී සිටි අතිරේක සොලිසිටර් ජනරාල් නෙරින් පුල්ලේ අධිකරණය හමුවේ කරුණු දක්වමින් මෙම කරුණට අදාළව ගොනුකළ තවත් පෙත්සම් දෙකක් ලබන 31 දා සලකා බැලීමට නියමිතව තිබෙන බවත් එදිනම මෙම පෙත්සමත් සලකා බැලීම සඳහා කැඳවන ලෙසත් ඉල්ලා සිටියේය.

එහිදී දේශබන්දු තෙන්නකෝන් වෙනුවෙන් පෙනී සිටි ජනාධිපති නීතිඥ රොමේෂ් ද සිල්වා කියා සිටියේ තමන්ට මෙම නඩුවට අදාල නොතීසි ලැබුණේ පෙරේදා දින බවයි.

ඒ අනුව අදාල පෙත්සම සලකා බැලීම සඳහා ජනවාරි මස 31 වනදා කැඳවීමටද අධිකරණය දින නියම කළේය.

පෙත්සම්කාර කාදිනල් හිමිපාණෝ කියා සිටින්නේ වග උත්තරකාර දේශබන්දු තෙන්නකෝන් අත්අඩංගුවට ගනු ලැබූ පුද්ගලයෙකු කෲර වද හිංසාවට ලක් කිරීමේ චෝදනාවක් සම්බන්ධයෙන් ශ්‍රේෂ්ඨාධිකරණය මගින් වරදකරු කළ බවයි. ඒ වෙනුවෙන් රුපියල් ලක්ෂ පහක වන්දියක් ගෙවන ලෙස ශ්‍රේෂ්ඨාධිකරණය විසින් දේශබන්ධු තෙන්නකෝන් ට නියම කළ බවත් උන් වහන්සේ පෙන්වා දෙති. ඊට අමතරව පාස්කු ප්‍රහාරය සම්බන්ධයෙන් සොයා බැලූ ජනාධිපති කොමිසම විසින්ද දේශබන්ධු තෙන්නකෝන් ට එරෙහිව නිර්දේශ නිකුත් කර තිබෙන බවත් පෙත්සමේ සඳහන් වේ.

ඊට අමතරව ගාලු මුවදොර ගෝඨා ගෝ ගම අරගල භූමියට එලල වූ ප්‍රහාරය වළක්වා ගැනීමට කටයුතු නොකිරීම සම්බන්ධයෙන් ද දේශබන්දු තෙන්නකෝන් ට චෝදනා එල්ල වී තිබෙන බවත් පෙත්සමේ සඳහන් වේ.

මෙම තත්ත්වය හමුවේ දේශබන්දු තෙන්නකෝන් පොලිස්පතිවරයා වශයෙන් පත් කරනු ලැබුවොත් නීතියේ ආධිපත්‍යය බරපතළ ලෙස අභියෝගයට ලක්විය හැකි බැවින් ඔහු එම තනතුරට පත් කිරීම වැළැක්වීමේ නියෝගයක් නිකුත් කරන ලෙසත් පෙත්සම්කාර කාදිනල් හිමිපාණෝ ශ්‍රේෂ්ඨාධිකරණයෙන් අයැද සිටිති.
(මුලාශ්‍රය – අරුණ)

සබැඳි පුවත් :
https://sinhala.srilankamirror.com/news/%e0%b6%b4%e0%b7%9c%e0%b6%bd%e0%b7%92%e0%b7%83%e0%b7%8a%e0%b6%b4%e0%b6%ad%e0%b7%92-%e0%b6%b0%e0%b7%94%e0%b6%bb%e0%b6%ba-%e0%b6%9c%e0%b7%90%e0%b6%b1-%e0%b6%9a%e0%b7%8f%e0%b6%af%e0%b7%92%e0%b6%b1/

පුවත්

නීතිපති තවත් මාස 6ක් තියාගන්න ජනපතිට හිත ගිහින්?

Published

on

By

නීතිපති, ජනාධිපති නීතිඥ සංජේ රාජරත්නම් මහතාගේ ධුර කාලය මාස හයකින් දීර්ඝ කිරීමට ජනාධිපති රනිල් වික්‍රමසිංහ මහතා නිර්දේශ කර ඇතැයි ජනාධිපති කාර්යාල ආරංචි මාර්ගවලින් වාර්තා වන බව “දිනපතා අරුණ” පුවත්පත වාර්තා කර තිබේ.

මෙම නිර්දේශය ආණ්ඩුක්‍රම ව්‍යවස්ථා සභාවට ඉදිරිපත් කර ඇති බවත්, ලබන මස මුල් සතියේ පාර්ලිමේන්තුව රැස්වන විට එම ඉල්ලීම සලකා බැලීමට ආණ්ඩුක්‍රම ව්‍යවස්ථා සභාව අපේක්ෂා කරන බවත් එහි වැඩිදුරටත් දැක්වේ.

නීතිපතිවරයා ලබන ජුනි 27 වැනිදා විශ්‍රාමයාමට නියමිතය.

Continue Reading

පුවත්

තවත් ශ්‍රී ලාංකිකයකු ඉන්දියවේදී අත්අඩංගුවට

Published

on

By

ව්‍යාජ ලිපි ලේඛන සකස් කිරීමේ ජාවාරමක නිරත වූ ශ්‍රී ලාංකිකයෙකු ඉන්දියාවේ කර්නාටක ප්‍රාන්තයේදි අත්අඩංගුවට ගෙන ඇතැයි වාර්තා වේ.

මෙසේ  අත්අඩංගුවට ගෙන ඇත්තේ ශරන් කුමාර් කාලිදාස් නොහොත් උමේෂ් බාලා රවීන්ද්‍රන් නැමැති හතලිස් පස්වැනි වියේ පසුවන්නෙකි.

ඉන්දියාවේ මධ්‍යම අපරාධ කාර්යාංශය මගින් මේ අත්අඩංගුවට ගැනීම සිදු කර ඇති බව ඉන්දීය මාධ්‍ය වාර්තා කර තිබේ.

2010 වසරේ ඉන්දියාවට ගොස් ඇති මෙම ශ්‍රී ලාංකිකයා රජයේ ලියකියවිලි නීති විරෝධි ලෙස සකස් කිරීමේ ජාවාරම සම්බන්ධයෙන් 2014 වසරේදී ද අත්අඩංගුවට ගෙන ඇති අතර පසුව ඔහුව ශ්‍රී ලංකාවට පිටුවහල් කර සිටි අයකු බවද පැවසේ.

2016 වසරේදි යලිත් නීති විරෝධීව ඉන්දියාවට සංක්‍රමණය වී ඇති මොහු කර්නාටක ප්‍රාන්තයේ නිවාස සංකීර්ණයක රැඳී සිටිමින් එම ජාවාරම සිදුකර ඇති බවට එරට පොලීසිය සිදුකළ විමර්ශනවලදී අනාවරණය වී ඇති බව පැවසේ.

සැකකරු සතුව තිබී නීති විරෝධි ලෙස සකස් කරන ලද ලිපි ලේඛන, රියදුරු බලපත්‍ර, ජංගම දුරකථන මෙන්ම පිස්තොල වර්ගයේ ගිනි අවියක්ද පොලිස් භාරයට ගෙන තිබේ.

සැකකාර ශ්‍රී ලාංකිකයා අත්අඩංගුවට ගැනීමත් සමග ඔහුගේ බිරිඳ, දරුවන් තිදෙනාද සමග ශ්‍රී ලංකාවට පළායාමට උත්සාහ දරා ඇති අතුර ගුවන්තොටුපළේ රැඳි සිටියදී ඔවුන් ආරක්ෂක අංශ භාරයට ගෙන ඇති බව ඉන්දීය මාධ්‍ය වාර්තා කර තිබේ.

Continue Reading

ක්‍රීඩා

IPL කිරුළ කොල්කටා නයිට් රයිඩර්ස්ට

Published

on

By

2024 IPL තරගාවලියේ කිරුළ හිමිකරගැනීමට කොල්කටා නයිට් රයිඩර්ස් කණ්ඩායම ඊයේ (26) රාත්‍රියේදී සමත්විය.

ඒ හයිද්‍රාබාද් කණ්ඩායමට එරෙහිව ලකුණු 114ක ජයග්‍රාහී ඉලක්කයක් හඹා යමින් පන්දුවාර 10.3කදී කඩුලු 2ක් පමණක් දැවී එම ඉලක්කය සම්පූර්ණ කරමිනි.

වේගවත් ඉනිමක් ක්‍රීඩා කළ වෙන්කටේෂ් අයියර් පන්දු 26කදී හයේ පහර 3ක් සහ හතරේ පහර 4ක් සමග ලකුණු 52ක් රැස්කරගත්තේය.

පිළිතුරු ඉනිම ආරම්භයේදී ඔහුට අගනා සහායක් ලබාදුන් රමනුල්ලා ගුර්බාස් පන්දු 32කදී හයේ පහර 2ක් සහ හතරේ පහර 5ක් සමග ලකුණු 39ක් රැස්කරගත්තේය.

කොල්කටා නයිට් රයිඩර්ස් පිල‍ේ සම හිමිකරුවන් වන්නේ බොලිවුඩයේ සුපිරි නළු ශාරුක් ඛාන් හා නිළි ජුහී චව්ලාය.

IPL ඉතිහාසයේ තරගවාරයකදී වාර්තා වූ වැඩිම හයේ පහරවල් වාර්තා වූ තරගවාරය මෙවර ලෙස ද ඉතිහාසයට එක්විය.

මෙම තරග වාරයේදී හයේ පහරවල් 1260 ක් සහ හතරේ පහරවල් 2174 ක් වාර්තා වී තිබිණි.

වසර 06කට පසු අයි.පී.එල්. අවසන් මහා තරගයකට සුදුසුකම් ලැබූ සන්රයිසස් හයිද්‍රබාද් කණ්ඩායමට මෙවරත් සිය බලාපොරොත්තු ඉටුකර ගැනීමට නොහැකි විය.

අයි.පී.එල්. ඉතිහාසයටම එක් කිරුළකට හිමිකම් කියන හයිද්‍රබාද් කණ්ඩායම එය දිනාගනු ලැබුවේ 2016 වසරේදීය.

ඔවුන් අවසන් වරට 2018 වසරේ අවසන් මහා තරගයට සුදුසුකම් ලැබූවත්, එවරද ඔවුන්ට චෙන්නායි හමුවේ පරාජයට පත් විය.

කොල්කටා කණ්ඩායම මේ ජයග්‍රහණය ලබා ගත්තේ වසර 10කට පසුවය.

ඔවුන්ද 2021 වසරේදී අවසන් මහා තරගය සුදුසුකම් ලැබූවත්, චෙන්නායි හමුවේ පරාජය වී අනුශූරතාවට පමණක් සීමාවීමට සිදු විය.

ඔවුන් අවසන් වරට අයි.පී.එල්. ශූරයන් ලෙසින් කිරුළු පැළදියේ 2014 වසරේදීය.

හයිද්‍රබාද් කණ්ඩායමේ සම හිමිකාරිනියක් ලෙස කාව්‍ය මාරන් කටයුතු කරනු ලබයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved