Connect with us

පුවත්

දේශීය ආදායම් ලොක්කාගේ කුලෑටි වැඩ නිසා නිලධාරීන් මකර කටේ

Published

on

දැනට දේශීය ආදායම් දෙපාර්තමේන්තුවේ ලියාපදිංචි සක්‍රීය විශාල බදු ගෙවන්නන්ගේ ලිපිගොනු සංඛ්‍යාව 800 කටත් වඩා අඩු බව ශ්‍රී ලංකා මිරර් වෙත වාර්තා වේ.

එසේම සියලුම ලිපි ගොනු ප්‍රමාණය 350,000 කටත් වඩා අඩු බවද එම ආරංචි මාර්ගවලින් වැඩිදුරටත් වාර්තා වේ.මේ තත්ත්වය යටතේ මිලියන 23 කට ආසන්න මෙරටෙහි ජනතාව අතරින් ආදායම් බදු ගෙවන අයකු විසින් ආදායම් බදු නොගෙවන 60 දෙනෙකු පමණ නඩත්තු කල යුතුව ඇතැයි සංඛ්‍යා ලේඛන වලින් හෙළිව තිබේ.ජනතාව මත පනවා ඇති බදු බර ඉහල බවත්, එසේ දැනට තිබෙන ඉහල ආදායම් බදු අනුපාතය පහතට ගෙනඒමට නම් බදු ගෙවන පිරිසගේ සංඛ්‍යව වැඩි කිරීමට කටයුතු කරන ලෙස රජයෙන් ඉල්ලීමක් කිරීමට ආදායම් බදු දෙපාර්තමේන්තුවේ වෘත්තීය සමිති සූදානම් වන බව මේ අතර වාර්තා වේ.

ඔවුන්ගේ අදහස වී ඇත්තේ බදු බර වැඩි පිරිසක් අතරට බෙදීමෙන් ජනතාව මත පනවා ඇති බදු බර අඩුකළ හැකි බවයි.

එසේම ජාත්‍යන්තර මූල්‍ය අරමුදලේ (IMF) බලාපොරොත්තුව වී ඇත්තේද විශාල බදු ගෙවන්නන්ගෙන් නිවැරදිව බදු අයකර ගැනීමත්, මධ්‍යම ප්‍රමාණයේ බදු ගෙවන්නන් නිවැරදි මාවතේ රැගෙනවිත් විශාල බදු ගෙවන්නෙක් බවට පත් කිරීමත් බව පැවසේ.

මුදල් අමාත්‍යංශයේ මුල්‍ය ප්‍රතිපත්ති සැකසුම් වලට අනුව බදුගෙවන පිරිස කඩිනමින් ලියාපදිංචි කර බදුගෙවන්නෝ වැඩි කරගැනීමට යෝජනා කර ඇතත්, වත්මන් කොමසාරිස් ජනරාල්වරයාට ඒ ගැන පැහැදිළි දැක්මක් නොවීමෙන් එම වැඩපිළිවෙල ලත් තැනම ලොප්ව ඇතැයි ද පැවසේ.

කොමසාරිස්වරයා මෙම කටයුතු දිනෙන් දින අතපසුකරමින් ලබන අගෝස්තුවේ විශ්‍රාම යාමට දින ගනිමින් සිටින බවට ද මේ වන විට ඔහුට එරෙහිව වෘත්තීය සිමිතිවලින් බලවත් චෝදනාවක් එල්ලවී ඇත. 

මේ අතර, මෙම දෙපාර්තමේන්තුවේත් අනෙකුත් රජයේ සේවයත් මුල්කරගනිමින් බදු ලිපි ගොනු මිලියනක පමණ ප්‍රමානයක් විවෘත කර පම්පෝරි ගැසීමට කොමසාරිස්වරයාගේ වන්දිභට්ටයින් පිරිසකගේ සූදානමක් ගැනද ශ්‍රී ලංකා මිරර් වෙත වාර්තා වේ.

එසේම දේශීය ආදායම් බදු දෙපාර්තමේන්තුවට පිටින් අලුතෙන් ආරම්භ කරන ලද ආදායම් කළමනාකරණ අංශයට සිදු කරන ලද බඳවා ගැනීම් ද විනිවිධ බාවයකින් තොර බව පැවසේ.

මෙම නව අංශයට දේශීය ආදායම් බදු දෙපාර්තමේන්තුවේ සිටි  සිවුදෙනෙකු බඳවා ගෙන ඇති අතර තවත් 6දෙනෙකු  බඳවා ගැනීමට නියමිත බව පැවසේ.

කෙසේවුවද, මේ බඳවා ගැනීම් සිදු කර ඇත්තේ කිසිදු සම්මුඛ පරීක්ෂණයක් හෝ ඇගයීමකින් තොරව මුදල් අමත්‍යංශයේ හිතුමතයට අනුවය.

දැනට මෙසේ බඳවා ගත් අය පිළිබඳව කේෂත්‍රය තුළ එතරම් පැහැදීමක් නැතැයි ද මේ අතර වාර්තා වේ.

මෙසේ පත්කර ඇති පිරිස පිටුපස සැඟවී සිටින විශාල බදු ගෙවන්නන් සහ විශ්‍රාම ගිය අයද ඇතැයි ඉතා විශ්වාසකටයුතු ආරංචි මාර්ගයකින් ශ්‍රී ලංකා මිරර් වෙත වාර්තා වේ.

පුවත්

දවස් 03ට ලක්ෂ 03කට කරන්ට් එක ගිහින්

Published

on

By

පසුගිය  දින 03තුළ විදුලිය බිඳවැටීම් 36,000කට  කට  අධික ප්‍රමාණයක් සිදුව තිබෙන බව ලංකා විදුලිබල මණ්ඩලය පවසන බව විදුලි බල සහ බලශක්ති අමාත්‍ය කංචන විජේසේකර මහතා පවසයි.

සිය නිල X ගිණුමේ  සටහනක් තබමින් අමාත්‍යවරයා වැඩිදුරටත් සඳහන් කළේ එමගින් පාරිභෝගිකයන් ලක්ෂ 3කට වැඩි පිරිසකට විදුලිය ඇනහිට ඇති බවය.

මෙම බිඳ වැටීම් යථා තත්වයට පත් කිරීම වෙනුවෙන් මේ වන විටත් අමතර සේවා පිරිස් යොදවා ඇති අතර විදුලිබල මණ්ඩලයේ පාලන අධිකාරිය සහ සේවා නිලධාරීන් පැය 24 පුරා එම කටයුතු වල නිරත වන බව අමාත්‍යවරයා වැඩිදුරටත් පැවසීය.

විදුලි බිඳ වැටීම් පිළිබඳව දැන්වත් කිරිමට ඇති 1987 අංකයට සම්බන්ද වීමට නොහැකි පාරිභෝගිකයන්ට SMS සේවය මගින් 1987ට ඹ්ඪ් සමග විදුලි පාරිභෝගික අංකය මගින් බිඳ වැටීම් දැනුවත් කිරීමටත් CEඹ් Cඅරෙ යෙදුම මගින් හෝ cඑබ්cඅරෙ.cඑබ්.ල්ක් වෙබ් පිටුටව පිවිස දැනුවත් කල හැකි බව අමාත්‍යවරයා වැඩිදුරටත් සඳහන් කර තිබේ.

Continue Reading

පුවත්

වෙසක් කලාප නිසා අවහිර විය හැකි මාර්ග ගැන දැනුම්දෙයි

Published

on

By

වෙසක් කලාපයක් හේතුවෙන් අවහිර විය හැකි ප්‍රධාන මාර්ගයක් පිළිබඳව පොලීසියෙන් රියදුරන්ට දැනුම්දීමක් සිදුකරයි.

ඒ, කටුනායක නිට්ටඹුව ප්‍රධාන මාර්ගය වේයන්ගොඩ ප්‍රදේශයෙන්.

වේයන්ගොඩ පොලිස් වසමේ වෙසක් කලාප 04ක් සහ වෙසක් තොරණ 07ක් ප්‍රදර්ශනය කිරීමට කටයුතු සූදානම් කර තිබේ.

පොලීසිය දැනුම්දෙන්නේ අද (23) සිට දින 07ක් එම වෙසක් කලාපය පැවැත්වෙන බවයි.

අදාල නිවේදනය පහතින් දැක්වේ.

Continue Reading

පුවත්

වෙසක් උත්සවයට සමගාමීව වෙසක් කලාප රැසක්

Published

on

By

මෙවර වෙසක් උත්සවයට සමගාමීව දිවයින පුරා වෙසක් කලාප 420කට අධික සංඛ්‍යාවක් පැවැත්වීමට සැලසුම් කර තිබේ.

දිවයින පුරා තොරණ 321කට වැඩි සංඛ්‍යාවක් ඉදිකර ඇති බවයි වාර්තා වේ.

සෑම වසරකම පවත්වන දෙමටගොඩ, තොටලග, පිටකොටුව, නවලෝක ආදී තොරණ මෙවර ද විචිත්‍රවත්ව ප්‍රදර්ශනය කිරීමට සූදානම් කර ඇත.

වෙසක් දිනයට සමගාමීව දිවයින පුරා දන්සැල් 5,000කට ආසන්න සංඛ්‍යාවක් පැවැත්වීම සඳහා සැලසුම් කර ඇති බව ද වාර්තා වේ.

වෙසක් කලාප ආශ්‍රිතව මෙන්ම ජනතාවගේ ආරක්ෂාව සඳහා පොලිස් නිලධාරින් 18,000කට අධික සංඛ්‍යාවක් යොදවා ඇති බවෙ පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව මහතා සඳහන් කලේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved