Connect with us

පුවත්

ධනුකාව මරන්න පෙර කෙළෙසලා; හමුදා සාමාජිකයකුගේ වැඩක්

Published

on

මහනුවර අලවතුගොඩ ප්‍රදේශයේ සුරූපී විවාහක කාන්තාවක් කුඹුරක මඩේ ගිල්වා ඝාතනය කළැයි සැකපිට යුද හමුදා සාමාජිකයකු අලවතුගොඩ පොලිසිය විසින් පෙරේදා (11) අත්අඩංගුවට ගෙන තිබේ.

මෙලෙස ඝාතනයට ලක්ව ඇත්තේ අලවතුගොඩ ඇල්ලේකඩේ විලානගම ප්‍රදේශයේ පදිංචිව සිටි ධනුකා මධුවන්ති ජයතිලක නමැති 26 හැවිරිදි කාන්තාවකි.

මැය නිවසට මීටර් දෙසීයක් පමණ ඈතින් පිහිටි ඇල්ලකඩේ ප්‍රදේශයේ වෙළෙඳසැලක් පවත්වාගෙන ගොස් ඇති අතර මෙම කාන්තාවගේ සැමියා පසුගියදා (10) රාත්‍රියේ මළ ගෙදරකට ගොස් සිටියදී මෙම කාන්තාව පැහැරගැනීමට ලක්ව තිබිණි. 

එදිනම රාත්‍රියේ මෙම කාන්තාව කෑ ගසන ශබ්දය අසල්වාසීන් කිහිපදෙනකුට ඇසී තිබුණත් ඇයගේ සැමියා බීමත්ව පැමිණ නිරන්තරයෙන් අඬදබර ඇතිකරගන්නා නිසා මෙයද එවන් සිදුවීමක් යැයි සිතා කිසිවකු හෝ ඒ ගැන අවධානය යොමුකර නැත.

11 වැනිදා අලුයම සැමියා නිවසට පැමිණ විපරම් කිරීමේදී බිරිඳ නිවසේ සිට නොමැති අතර ඔහු ප්‍රදේශවාසීන්ද එක්කර ගනිමින් බිරිඳ සොයා තිබේ. 

මේ අනුව නිවසට මීටර් 100 ක් පමණ ඈතින් පිහිටි කුඹුරක මඩේ ගිල්වා තිබූ ධනුකා මධුවන්තිගේ නිරුවත් මළසිරුර සොයාගෙන ඇත..

අලවතුගොඩ පොලිසියට මහත් අබිරහසක් වූ මෙම ඝාතනය සම්බන්ධයෙන් සැකකරුවකු අත්අඩංගුවට ගැනීමට උපකාරී වී ඇත්තේ පොලිස් නිල සුනඛයෙකි. 

නිල සුනඛයා ඝාතනය සිදු වූ ස්ථානයේ සිට කිලෝමීටර් තුනක් පමණ ගොස් අත්අඩංගුවට ගත් සැකකාර යුද හමුදා නිලධාරියාගේ නිවසට ගොස් සැකකරු සිටි කාමරයටම ගොස් නතරවූ බව පොලිසිය කියයි.

අත්අඩංගුවට ගත් සැකකරු 38 හැවිරිදි වියේ පසුවන අතර ඔහු හමුදා සේවයේ සිටියදී වෙඩි වැදී තුවාල සිදුවීම හේතුවෙන් යුද හමුදාවේ සැහැල්ලු රාජකාරිවල නිරතව සිටින පුද්ගලයකු බවත් ඔහු අවස්ථා කිහිපයකදීම මෙම කාන්තාවට විවිධ යෝජනා සිදුකොට ඇති බවත් පොලිස් විමර්ශනවලදී අනාවරණය වී තිබේ.

මහනුවර නිල සුනඛ අංශයේ නිල සුනඛයකු මියගිය කාන්තාවගේ නිවසේ සිට කිලෝමීටර් තුනක පමණ වටයක් කැරකී නැවත පැමිණ එම නිවසේ සිට කිලෝමීටරයක පමණ දුරකින් පිහිටි නිවෙසකට ගොස් සැකකරු හඳුනා ගැනීමට සහය වී ඇත.

සැකකරු විවාහක පුද්ගලයකු වන අතර ඔහු ශ්‍රී ලංකා යුද හමුදාවේ සිංහ රෙජිමේන්තුවට අනුයුක්ත හමුදා සෙබළෙකි. 

සැකකාර මෙම හමුදා සාමාජිකයා ඝාතනයට ලක්වූ සුරූපි කාන්තාවගේ ජංගම දුරකතනයට කෙටි පණිවිඩ හා දුරකතන ඇමතුම් ගෙන ඇයට විවිධ තැන්වලට පැමිණෙන ලෙස බලකර තිබෙන බවත් ඇයට අයුතු යෝජනා සිදුකර ඇති බවත් මූලික විමර්ශන මගින් හෙළිවී ඇත.

සැකකාර යුද හමුදා සාමාජිකයා මීට මාසයකට පෙර මෙම කාන්තාවට කරදර නොකරන බව පොරොන්දු වී ඇයගෙන් සමාවද ගෙන තිබෙන බවත් අනාවරණය වී ඇත.

සැකකරු සතුන් දඩයම් කිරීමට රාත්‍රි කාලයේ නිවසින් පිටවන බවත් එවන් අවස්ථාවක මෙම කාන්තාවගේ නිවසට ගොස් ඇය පැහැරගෙන ගොස් ඇති බවත් පොලිසිය සඳහන් කරයි.

ඝාතනයට ලක් වූ කාන්තාවගේ පශ්චාත් මරණ පරීක්ෂණය ඊයේ (12) මහනුවර ජාතික රෝහලේදී සිදු කළ අතර එහිදී අනාවරණය වී ඇත්තේ මෙම කාන්තාව දූෂණය කර ගෙල සිරකිරීමෙන් මරා දමා ඇති බවය.

පුවත්

වැඩි මිලට බඩු විකුණූ ගෝල්ෆේස් කඩහිමියන්ට නඩු

Published

on

By

වැඩි මිලට පානීය ජල බෝතල් සහ පැණි බීම අලෙවි කළ ගාලුමුවදොර වෙළෙඳසැල් හිමියන්ට එරෙහිව පාරිභෝගික අධිකාරිය විසින් නඩු පවරා තිබේ.

පාරිභෝගික අධිකාරියේ වැටලීම් අංශය විසින් පසුගිය දා ගාලුමුවදොර පිටියේ ජංගම අලෙවිසැල් සහ අනෙකුත් වෙළෙඳසැල්වල විශේෂ වැටලීමක් සිදුකරන ලදී.

එහිදී වැඩි මිලට පානීය ජල බෝතල් සහ පැණි බීම අලෙවි කළ වෙළෙඳුන්ට මෙන්ම මිල ප්‍රදර්ශනය නොකළ වෙළෙඳසැල් වලට එරෙහිව මාලිගාකන්ද අධිකරණයේ නඩු පැවරීමට පාරිභෝගික අධිකාරිය විසින් පියවර ගෙන තිබේ.

Continue Reading

පුවත්

ඇමති නිල නිවාස ගැන සොයන්න පත්කළ කමිටු වාර්තාව බාරදෙයි

Published

on

By

අමාත්‍ය නිල නිවාස වෙනත් කාර්යන් සඳහා යොදා ගැනීම පිළිබඳ සොයා බැලීමට පත් කළ කමිටු වාර්තාව ජනාධිපති ලේකම් කාර්යාලයට භාර දී තිබේ.

රාජ්‍ය පරිපාල අමාත්‍ය චන්දන අබේරත්න මහතා සඳහන් කළේ, ඉදිරියේදි එම නිල නිවාස සම්බන්ධයෙන් තීරණයක් ගන්නා බවය.

අමාත්‍ය නිල නිවාස ආර්ථික කටයුතු සඳහා යොදා ගැනීමට සොයා බලා වාර්තාවක් සැපයීම සඳහා සාමාජිකයින් 05 දෙනෙකුගෙන් සමන්විත කමිටුවක් පසුගියදා පත් කරන ලදී.

Continue Reading

පුවත්

යුරෝපයට පනින්න ලංකාවේ සිටි බංගලියෝ

Published

on

By

යුරෝපයට පලායාම සඳහා මෙරටට පැමිණ නීතීවිරෝධී ලෙස රැඳී සිටි බංග්ලාදේශ ජාතිකයින් 10 දෙනෙකු කටුනායක, අඩිඅම්බලම ප්‍රදේශයේ දී ආගමන විගමන දෙපාර්තමේන්තුවේ නිලධාරීන් විසින් අත්අඩංගුවට ගෙන තිබේ.

ආඩිඅම්බලම ප්‍රදේශයේ නිවාඩු නිකේතනයක රැඳී සිටිය දී එම පිරිස අත්අඩංගුවට ගෙන ඇති බව වාර්තා වේ.

ඔවුන් බංග්ලාදේශයේ සිට ඉන්දියාව වෙත ගොස් එතැන් සිට පසුගිය පෙබරවාරි මාසයේ දී සංචාරක වීසා මත මෙරටට පැමිණ ඇති බව සඳහන්ය.

අත්අඩංගුවට ගත් බංග්ලාදේශ ජාතිකයින්ට මෙරට රැඳී සිටීම සඳහා හිමිව තිබූ වීසා කාලය ඉක්මවා ගොස් තිබූ බව ආගමන විගමන දෙපාර්තමේන්තුව සඳහන් කළේය.

මොවුන් සියලුදෙනා අවුරුදු 20ත් 30ත් අතර වයස්වල පසුවන පිරිමි පුද්ගලයින් වන අතර ශ්‍රී ලංකාවේ සිට ඩුබායි වෙත ගොස් යුරෝපා රටවලට පිවිසීමට සැලසුම් කර තිබූ බව සිදුකළ මූලික විමර්ශනවලින් අනාවරණය වී තිබේ.

අත්අඩංගුවට ගත් බංග්ලාදේශ ජාතිකයින් වැලිසර රැඳවුම් මධ්‍යස්ථානයේ රැඳවීමට පියවර ගත් බව ආගමන විගමන දෙපාර්තමේන්තුව සඳහන් කළේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved