Connect with us

පුවත්

ධීවර ලේකම්ගේ දෙපා කැපූ අය වෙනුවට වෙන අය අධිකරණයට දාලා

Published

on

තමාගේ දෙපා කපා පහර දුන් පුද්ගලයන් වෙනුවට අඟුලාන පොලිසිය වෙනත් සැකකරුවන් අධිකරණයට ඉදිරිපත් කර ඇතැයි අඟුලාන දකුණ ධීවර සමිති ලේකම් සනත් නන්දසිරි මහතා පොලිසියට බරපතල චෝදනාවක් එල්ලකර තිබේ.

මොරටුව අඟුලාන දකුණ වැල්ලබඩ ප්‍රදේශයේ පදිංචිකරුවෙක් වන ඔහු ඉකුත් දෙසැම්බර් 28 වැනිදා රාත්‍රි කාලයේදී නිදාගෙන සිටියදී මෙම සිද්ධියට මුහුණ දී ඇත. 

ඔහුට පහර දුන් කල්ලිය මන්නා පිහිවලින් ඔහුගේ දෙපා කපා දමා යකඩ මුගුරුවලින් පහර දී තිබේ.

සිද්ධියෙන් තුවාල ලැබූ ඔහු රෝහල්ගත කර ඇති අතර සැකකරුවන් 4 දෙනකු මේවන විට අත්අඩංගුවට ගෙන අධිකරණයට ඉදිරිපත් කර ඇත. 

එහෙත් පොලිසිය විසින් අත්අඩංගුවට ගෙන ඇත්තේ වැරැදිකකරුවන් නොවන බවට ලේකම්වරයා චෝදනා කරයි. 

තමන්ට පහර දුන් මන්නා පිහි සහ යකඩ මුගුරු වෙනුවට වෙනත් කඩු සහ පොලු මුගුරු අධිකරණයට ඉදිරිපත් කර ඇතැයිද හෙතෙම කියයි.

අඟුලාන ප්‍රදේශයේ ධීවර සමිතිවලට සිදුවන අකටයුතුකම් සහ වංචාවන් මෙන්ම සෞභාග්‍යා වැඩසටහන යටතේ ධීවර ප්‍රජාවට ලැබිය යුතු දැල් ආම්පන්න ප්‍රාදේශීය ලේකම් කාර්යාලයේ ගොඩගසා ඇති බවට ද ඔහු කිහිප වරක්ම චෝදනා කර තිබිණි.

එක්ස්ප්‍රස් පර්ල් නෞකාවෙන් ධීවරයන්ට වන්දි මුදල් නොලැබීම හා ධීවර අමාත්‍යාංශයෙන් සිදු කරන විවිධ අක්‍රමිකතා පිළිබඳ වගකිව යුතු පුද්ගලයන්ට මෙන්ම ජනාධිපතිවරයා වෙත තමන් ලිඛිතව දැනුම් දුන් බවද ඔහු මාධ්‍යට පවසා තිබේ.

ඔහු අනාවරණය කළ සෞභාග්‍යා වැඩසටහන යටතේ සිදු වූ අක්‍රමිකතාවන් පිළිබඳව විම‍ර්ශනයක් පැවැත්වීමට නියමිතව තිබුණේ සිද්ධිය වූ දිනට පසුදිනය. 

එවැනි තත්ත්වයක් උඩ සාහසිකයන් පිරිසක් තමාගේ දෙපාවලට බරපතළ ලෙස තුවාල සිදුකළ බවත්, දැනට මාසයක පමණ සිට ප්‍රතිකාර ලබමින් නිවසේ ඇඳක් මතට වී සිටින හෙතෙම කියයි.

 මේ අතර, සාධාරණ පරීක්ෂණයක් පවත්වා නියම සැකකරුවන් අත්අඩංගුවට ගන්නා ලෙස අඟුලාන පොලිසියෙන් සහ ගල්කිස්ස ජ්‍යෙෂ්ඨ පොලිස් අධිකාරිවරයාගෙන්ද පොලිස්පතිතුමාගෙන් ද සනත් නන්දසිරි මහතා ඉල්ලා සිටියි.

පුවත්

කෑගල්ල උණුසුම් වූ බස් අනතුර

Published

on

By

කෑගල්ල අවිස්සාවේල්ල මාර්ගයේ කොට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී තිබේ.

අද (18) පස්වරු 4.00ට පමණ මෙම අනතුර සිදුව ඇති අතර එම අනතුරින් පුද්ගලයින් 26 දෙදෙනකු තුවාල ලබා ඇති බවත් ඉන් දෙදෙනෙකුගේ තත්ත්වය බරපතළ බවත් වාර්තා වේ.

නුවර සිට අවිස්සාවේල්ල බලා ධාවන වූ පෞද්ගලික බස් රථයක් අධික වේගය සහ අපරික්ෂාකාරී ලෙස වෙනත් වාහනයකට ඉස්සර කිරීමට යාමත් සමග මෙම අනතුර සිදුව ඇතැයි පොලීසිය පවසයි.

තුවාලකරුවන් කෑගල්ල මහරෝහලයට සහ තොරනගහපිටිය ග්‍රාමීය රෝහලට ඇතුළත් කළ බවයි පිංදෙණිය පොලීසිය ප්‍රකාශ කර සිටී.

අනතුරට පත් එක් බස් රථයක රියදුරෙකු බරපතළ තත්ත්වයේ ප්‍රතිකාර ලබන අතර අනෙක් රෝගියා කාන්තාවක් බවයි වාර්තා වේ.

Continue Reading

පුවත්

“මුලින්ම තියන්නේ ජනාධිපතිවරණය නෙමෙයි”

Published

on

By

ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්‍රී ලංකා තානාපති උදයංග වීරතුංග මහතා පවසයි.

පෞද්ගලික රූපවාහිනී නාලිකාවක් සමඟ පැවති සාකච්ඡාවකට එක් වෙමින් උදයංග වීරතුංග මහතා මේ බව සඳහන් කලේය.

මේ සම්බන්ධයෙන් ජනාධිපතිවරයා සමග එකඟත්වයට පැමිණ අවසන් බවද ජනාධිපතිවරණයට පෙර මහ මැතිවරණය පැවැත්වීමට ඇති කරගෙන ඇති එකඟතාව පිළිබඳව දන්නේ  ශ්‍රී ලංකා පොදු ජන පෙරමුණේ එක් අයකු පමණක් බවද ඔහු මෙහිදී පවසා ඇත.

“ අගමැති අපේක්ෂකයෙක් නම් කරන්න බලාපොරොත්තුවක් නැහැ. ධම්මික පෙරේරා ඉතා ප්‍රබල අපේක්ෂකයෙක් විදියට ඉදිරිපත් වෙනවා. ඒ තීරණය තියෙන්නේ පොහොට්ටුවේ එක ඔලුවක විතරයි. පාර්ලිමේන්තු මැතිවරණයක් එනවා. පාර්ලිමේන්තුවේ බහුතරය ඒකට විරුද්ධයි. අනුර කුමාරත් විරුද්ධයි. ජාතික ජන බලවේගයට රැල්ලක් ඇවිල්ලා තියෙන්නේ සමාජ මාධ්‍යයෙන් පමණයි. ශ්‍රී ලංකා පොදු ජන පෙරමුණේ අපේක්ශකයා රනිල් වික්‍රමසිංහ නෙමෙයි. ඒක දැන් තීරණය කරල ඉවරයි.”

Continue Reading

පුවත්

ඇල්ල – වැල්ලවාය මාර්ගය යළිත් වැසෙයි

Published

on

By

ඇල්ල – වැල්ලවාය ප්‍රධාන මාර්ගය අද (18) රාත්‍රී 8 සිට හෙට (19) උදෑසන 6 දක්වා ගමනාගමනය සඳහා වසා තැබීමට යළිත් තීරණය කර තිබේ.

අයහපත් කාලගුණික තත්ත්වය හේතුවෙන් එම තීරණය ගත් බව දිස්ත්‍රික් ලේකම්වරයා පවසයි.

Continue Reading

Trending

Copyright © 2023 Sri Lanka Mirror. All Rights Reserved