Connect with us

පුවත්

නරක්වූ ඖෂධවලින් සංස්ථාවට කෝටි 19 ක පාඩුවක්

Published

on

ශ්‍රී ලංකා රාජ්‍ය ඖෂධ නීතිගත සංස්ථාව මිලදීගෙන ඇති ඖෂධ වලින් යම් තොගයක් තත්වයෙන් අසමත්වීම, කල් ඉකුත්වීම සහ හානිවීම හේතුවෙන් එම සංස්ථාවට  2020 සහ 2021 වර්ෂවලදී රුපියල් කෝටි 19 කට වැඩි පාඩුවක් දැරීමට සිදුව ඇතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන් වේ.

සංස්ථාව මිලදී ගෙන ඇති (2021 ජනවාරි 1වැනිදා වනවිට) ඖෂධවලින් රුපියල් කෝටි 21 ට වැඩි වටිනා ඖෂධ තොගයක් තත්වයෙන් අසමත්වී, කල් ඉකුත්වී  සහ  හානිවී තිබූ බවද එම වාර්තාවේ දැක්වේ.

සංස්ථාව පසුගිය  2021 වර්ෂයේදී මිලදී ගත් ඖෂධ අතුරින් රුපියල් කෝටි 13කට ආසන්න වටිනා තොගයක් තත්වයෙන්  අසමත් කල් ඉකුත් වූ හා හානි වූ  ඒවා වශයෙන්හඳුනාගත් බව පවසන  විගණන කාර්යාලය  2020 සහ 2021 වර්ෂවලදී හඳුනාගත් රුපියල් කෝටි හතරකට වැඩි වටිනා තත්වයෙන්  අසමත් ඖෂධවල වටිනාකමින්  රුපියල් දෙකෝටියකට වැඩි මුදලක්
සැපයුම්කරුවන්ගෙන් පසුගිය වසරේ ජුනි මස 1 වැනිදා වනවිටත්  අය කරගෙන නොතිබූ බව ප්‍රකාශ කළේය.

මේ අතර ශ්‍රී ලංකා ඖෂධ නීතිගත සංස්ථාව  2021 සහ 2022 වර්ෂවලදී ආනයනය කර ඇති ඉන්ඩෙන්ටු  විසි අටකට අදාල බහලුම් 28 ක් 2021 අගෝස්තු 20 වැනිදා සිට 2022 පෙබරවාරි මස  21 වැනිදා දක්වා මාස හයක කාලයක් පෞද්ගලික ගබඩාවක රඳවා තබා ගෙන තිබූ බවත් එම ගබඩාව සඳහා සංස්ථාව රුපියල් හාර කෝටි අසූ දෙලක්ෂයකට වැඩි මුදලක් ගෙවා තිබූ නමුත් සංස්ථාවට දැරීමට සිදු වූ මෙම අතිරේක පිරිවැය වෛද්‍ය සැපයුම් අංශයෙන් අය කරගෙන නොතිබූ බවත් විගණන නිලධාරීහු පෙන්වා දෙති.

සංස්ථාවට මෙම ඖෂධ තොග පෞද්ගලික ගබඩාවක තැන්පත් කිරීමට සිදුව ඇත්තේ වෛද්‍ය සැපයුම් අංශ ගබඩා සංකීර්ණයේ ප්‍රමාණවත් ගබඩා පහසුකම් නොතිබීම හේතුවෙන්  බව විගණන වාර්තාව වැඩිදුරටත් සඳහන් කරයි.
මේ තොරතුරු සඳහන් වන්නේ පාර්ලිමේන්තුවට පසුගියදා ඉදිරිපත් කෙරුණු  ශ්‍රී ලංකා රාජ්‍ය  ඖෂධ නීතිගත සංස්ථාවේ 2021 වාර්ෂික වාර්තාවට ඇතුළත් කරනු ලැබ ඇති විගණන වාර්තාවේය.

(නිවුස්රේඩියෝ)

පුවත්

මෙරට ප්‍රංශ තානාපති අභාවප්‍රාප්ත වෙයි

Published

on

By

ශ්‍රී ලංකාවේ ප්‍රංශ තානාපතිවරයා රාජගිරිය ප්‍රදේශයේ පිහිටි සිය නිල නිවස තුළදී මියගොස් ඇති බව පොලීසිය පවසයි.

Jean Francois Pactet මහතා මියයන විට 53 හැවිරිදි වියේ පසුවිය.

දේහය සම්බන්ධයෙන් ස්ථානීය මහෙස්ත්‍රාත් පරීක්ෂණය සිදුකිරීමට නියමිතව ඇත.

Continue Reading

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading

පුවත්

“රාජපක්ෂලා එක්ක ඩීල් නොදැම්මේ සජබ විතරයි”

Published

on

By

රට විනාශ කළ රාජපක්ෂවරුන් සමග ඩිල් නොදැමූ එකම පක්ෂය සමගි ජන බලවේගය පමණක් බව විපක්ෂ නායක සජිත් ප්‍රේමදාස පවසයි.

ඔහු මෙම අදහස් පල කළේ, සජිත් ජනපති කරන, ජන බලය ගොඩ නගන ජන පවුර යන මැයෙන් සමගි ජන බලවේගය සංවිධාන කළ ජන රැළියට පොළොන්නරුව – කදුරුවෙළ නගරයේදී ඊයේ (25) එක්වෙමිනි.

ශ්‍රී ලංකා නිදහස් පක්ෂයේ හිටපු නියෝජ්‍ය අමාත්‍යවරයෙකු වූ නන්දසේන හේරත්, ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රී තිලක් මහලේකම් සහ ජනතා විමුක්ති පෙරමුණේ පොළොන්නරුව මහ නගර සභාවේ හිටපු නාගරික මන්ත්‍රී සමන්ත බණ්ඩාර විපක්ෂ නායක සජිත්ප්‍රේමදාසට සහය පළ කරමින් මෙහිදී සමගි ජන බලවේගය සමග එක්විය.

පාර්ලිමේන්තු මන්ත්‍රීවරුන් ඇතුලු සමගි ජන බල වේගය නියෝජනය කරන විශාල පිරිසක් මෙම රැලිය සඳහා එක්ව සිටියහ.

Continue Reading
Advertisement

Trending

Copyright © 2023 Sri Lanka Mirror. All Rights Reserved