Connect with us

පුවත්

නලින්ගේ බිත්තරේ රටින් එද්දී බිත්තර කුකුළු පැටව් වෙයි?

Published

on

බිත්තර රැගත් නෞකාව ඉන්දියාවේ සිට මෙරටට පැමිණීමේ දිනය නිශ්චිත ලෙස ප්‍රකාශ කිරීමට නොහැකි බව ශ්‍රී ලංකා රාජ්‍ය වාණිජ (විවිධ) නීතිගත සංස්ථාවේ සාමාන්‍යාධිකාරී චමිලා ඉද්දමල්ගොඩ මහත්මිය කියයි.

ඇය මාධ්‍යට ඊට හේතුව ලෙස සඳහන් කර ඇත්තේ අදාළ බිත්තර තොගය ක්ෂුද්‍ර ජීව විද්‍යා පරීක්ෂණ සඳහා යොමු කර ඇති බවත්, එම පරීක්ෂණයට තවත් දින තුනක් පමණ ගත වනු ඇති බවත්ය.

රාජ්‍ය වානිජ විවිධ නීතිගත සංස්ථාව විසින් ඉන්දියාවෙන් බිත්තර මිලියන දෙකක් ආනයනය කරන අතර, එම සංස්ථාව මීට පෙර කියා සිටියේ අදාළ බිත්තර තොගය පසුගිය 27 වැනිදා මෙරටට ලැබීමට නියමිත බවයි.

කෙසේවුවද, ඉකුත් 23 වැනිදා රාජ්‍ය වානිජ විවිධ නීතිගත සංස්ථාව කියා සිටියේ එම බිත්තර තොගය මේ වන විට නැව්ගත කර ඇති බවයි. රට බිත්තර අස්සේ සීනි වලට වැඩි බදු වංචාවක්!

මේ අතර, බිත්තර ආනයනය කිරීම පිටුපස මහා පරිමාණ බදු වංචාවක් ඇති බව සමගි ජන බලවේගයේ පාර්ලිමේන්තු මන්ත්‍රී තුෂාර ඉඳුනිල් මහතා චෝදනා කර සිටී.

වයඹ පළාතේ සුළු හා මධ්‍ය පරිමාණ කුකුළු ව්‍යාපාරිකයින් පිරිසක් සමඟ පැවැති සාකච්ඡාවකින් අනතුරුව ඔහු මේ බව සඳහන් කර තිබිණි.

බිත්තර ව්‍යාපාරිකයන් එහිදී පවසා තිබුණේ අමුද්‍රව්‍ය මිල පහළ දමන්නේ නම් බිත්තරයක් රුපියල් 25ක මිලකට දිය හැකි බවයි.බිත්තර ගේන්න ආණ්ඩුවේ අයෙක් කෝටි 75ක් ඉල්ලලා

මේ අතර, ඉන්දියන් බිත්තර ආනයනය කිරීම සඳහා ආණ්ඩුවේ අයෙක් රුපියල් මිලියන 75 ක් ඉල්ලා ඇති බවට සමගි ජන බලවේගය පාර්ලිමේන්තු මන්ත්‍රි නලින් බණ්ඩාර මහතා පාර්ලිමේන්තුවේදී චෝදනා කළේය.

ඊට ප්‍රතිචාර දක්වමින් පාර්ලිමේන්තු මන්ත්‍රී නිමල් ලංසා මහතා කියා සිටියේ එම චෝදනා සම්පූර්ණයෙන් අසත්‍ය බවයි.බිත්තර සභාපතිට බොරු නඩුවක්!

මේ අතර, උපරිම සිල්ලර මිල ඉක්මවා බිත්තර අලෙවි කළ මහා පරිමාණ බිත්තර ගොවිපොළකට සහ මධ්‍ය පරිමාණ ගොවිපළ 3කට එරෙහිව නීතිමය පියවර ගත් බව පාරිභෝගික අධිකාරිය කියා සිටී.

එලෙස නීතිමය පියවර ගත් බිත්තර නිෂ්පාදන ගොවිපොළ අතර සමස්ත ලංකා බිත්තර නිෂ්පාදකයින්ගේ සංගමයේ සභාපති සරත් රත්නායක මහතාගේ ගොවිපොළ ද අයත් බව පාරිභෝගික කටයුතු අධිකාරිය පැවසීය.

කෙසේවෙතත් සිද්ධිය සම්බන්ධයෙන් අදහස් දැක්වූ සමස්ත ලංකා බිත්තර නිෂ්පාදකයින්ගේ සංගමයේ සභාපති සරත් රත්නායක මහතා එම චෝදනාව ප්‍රතික්ෂේප කරමින් මෙසේ කියා සිටියේය.

“බිත්තර 20ක් දීලා තියෙනවා. මාරු 20ක් තිබිලා නැහැ. ඒ නිසා ඒකට පොඩි බිත්තරයක් දීලා. ඊට පස්සේ පාරිභෝගික අධිකාරියෙන් ඇවිත් බිත්තර 45ට වික්කා කියලා ප්‍රකාශ කරලා. මගේ කීර්ති නාමය වෙනුවෙන් අපහාස නඩුවක් දානවා.”

සබැඳි පුවත්

ඇමැති නලින් ගේන ඉන්දියන් බිත්තරේ කටු පරිසරයට මුදන්න බැහැ!

උපාය දූතයෙක් දාලා බිත්තර සංගමේ සභාපතිට නඩු දාලා!

පුවත්

ඉන්දීය බිත්තර මිලියන 2ක් ලංකාවට!

ක්‍රීඩා

යුපුන් ජර්මනියේදීත් එක වෙයි

Published

on

By

ජර්මනියේ පැවති Internationales Leichtathletik Meeting මලල ක්‍රීඩා ශුරතා තරගාවලියේදී පිරිමි මීටර 100 ධාවන ඉසව්වේ ප්‍රථම ස්ථානය දිනා ගැනීමට යුපුන් අබේකෝන් ඊයේ (24) සමත් විය.

ඔහු මෙම ඉසව්ව අවසන් කළේ තත්පර 10.16කිනි. 

යුපුන් මූලික වටයේදී තත්පර 10.15 දක්ෂතාවක් වාර්තා කරමින් ප්‍රථම ස්ථානය දිනා අවසන් තරගයට සුදුසුකම් ලැබූ අතර එම කාලය වාර්තා වුණේ යුපුන් මෙම කාලසීමාවේදී දැක් වූ හොඳම දක්ෂතාවය ලෙසය.

Continue Reading

පුවත්

තරුණයින් 2කගේ සිරුරු මල්වානේ කුඹුරක

Published

on

By

දොම්පේ  මල්වාන මායිවල ප්‍රදේශයේ කුඹුරක පාවෙමින් තිබූ මලසිරුරු දෙකක් හමුවූ බව දොම්පේ පොලිසිය පවසයි.

පොලිසි හදිසි ඇමතුම් අංකයට ලද තොරතුරක් මත පොලිස්  නිලධාරින් කණ්ඩායම් ගොස් සිදු කළ නිරීක්ෂණයේදී මෙම මල සිරුරු දෙක සොයා ගැනීමට හැකි වී ඇතග

මෙලෙස මියගොස් ඇත්තේ රම්බොඩ නාවලතැන්න ප්‍රදේශයේ පදිංචිකරුවන් වන අවුරුදු 19 සහ 29 වයස්වල තරුණයන් දෙදෙනෙකි.

සිද්ධි සම්බන්ධයෙන් දොම්පේ පොලිසිය වැඩිදුරටත් පරීක්ෂණ පවත්වයි.

Continue Reading

පුවත්

තරුණයෙක් ගුවන් පාලමකින් අධිවේගී මාර්ගයට පැනලා

Published

on

By

දක්ෂිණ අධිවේගී මාර්ගයේ අතුරුගිරිය සහ කොට්ටාව අතුරු මාර්ගයක පාලමේ සිට දක්ෂිණ අධිවේගී මාර්ගයට පැනීම නිසා ධාවනය වෙමින් තිබූ වාහනයක ගැටුණු තරුණයකු බරපතල තුවාල ලබා හෝමාගම මූලික රෝහලට ඇතුලත් කර ඇතැයි අතුරුගිරිය පොලිසිය පවසයි.

මෙම තරුණයා සිය දිවි නසා ගැනීමට මෙලෙස අධිවේගී මාර්ගයට පැන්නාද නැතහොත් වෙනත් පාර්ශවයක් විසින් පාලම මත සිට එම තරුණයා අධිවේගී මාර්ගයට තල්ලු කාළා ද යන්න පිළිබඳව පරීක්ෂණයක් ආරම්භ කළ බවද පොලිසිය පවසයි.

මෙලෙස අනතුරට ලක්ව ඇත්තේ අතුරුගිරිය වල්ගම සුව මාවත සිසිලස උද්‍යානයේ පදිංචිකරුවකු වන 24 හැවිරිදි තරුණයෙකි.

සිද්ධිය සම්බන්ධයෙන් අතුරුගිරිය පොලිසිය වැඩි දුරටත් පරීක්ෂණ පවත්වයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved