Connect with us

පුවත්

නලින් ඉන්දියාවෙන් මාසෙකට ඩොලර් ලක්ෂ 18ක බිත්තර ගේන්න යයි!

Published

on

ආහාර සුරක්ෂිතතා අමාත්‍ය නලීන් ප්‍රනාන්දු මහතා රාජ්‍ය වාණිජ (විවිධ) නීතිගත සංස්ථාව හරහා මසකට බිත්තර කෝටි 3ක් ආනයනය කිරීමට සැලසුම් කර ඇතැයි කියයි.

ඔහු මේ බව කියා සිටියේ ඉකුත් අප්‍රේල් 31 වැනිදා කඳාන කපුවත්ත ප්‍රදේශයේදී පැවති උත්සවයකින් අනතුරුව මාධ්‍යවේදීන් නැඟූ ප්‍රශ්නයකට පිළිතුරු දෙමිනි.

එසේ ආනයනය කරන බිත්තර බේකරි නිෂ්පාදකයන්ට හා හෝටල් සඳහා පමණක් අලෙවි කරන බවත් ඇමැතිවරයා සඳහන් කරයි.

පිටරටින් ගෙන්වන බිත්තර රට පුරා බෙදා නොහරින බවත්, සියලු අනුමැතීන්ට යටත්ව හා කැබිනට් මණ්ඩලයේ එකඟතාව මත මේ බිත්තර ගෙන ඒම සිදු කරන බවත් හෙතෙම ප්‍රකාශ කළේය. 

බිත්තර නිෂ්පාදකයා පාරිභෝගිකයා සූරා කෑ බව අමුතුවෙන් කිව යුතු නැතැයි ද අමාත්‍යවරයා කියා සිටී.

කෙසේවුවද, මේ සම්බන්ධයෙන් ශ්‍රී ලංකා මිරර් කළ සොයා බැලීමකදී හෙළිවූයේ මෙසේ ඉන්දියාවෙන් මසකට බිත්තර කෝටි 3ක් ගෙනඒමට නම් ඇමරිකානු ඩොලර් මිලියන 1.8ක් පමණ වැය කළ යුතු බවයි.

මේවන විට ඉන්දියාවේ බිත්තර තොග මිල ශ්‍රී ලංකා රුපියල් 20ත් 21ත් අතර පවතින බව වාර්තා වේ.

ඒ අනුව බිත්තරයක් ශ්‍රී ලංකා මුදලින් රුපියල් 20කට ආනනයනය කළහොත් බිත්තර කෝටි තුනක් ගෙන්වීමට ශ්‍රී ලංකා මුදලින් රුපියල් මිලියන 600ක් පමණ වැය කිරීමට සිදුවෙයි.

සබැදි පුවත්

ඉන්දියාවෙන් තවත් බිත්තර ලක්ෂ 10ක් !

ඇමති නලින් බිත්තර ගෙනාවේ කොමිස් ගන්නයි චෝදනාවක්

පුවත්

කෑගල්ල උණුසුම් වූ බස් අනතුර

Published

on

By

කෑගල්ල අවිස්සාවේල්ල මාර්ගයේ කොට්ටපොල ප්‍රදේශයේදී පුද්ගලික බස් රථ දෙකක් මුහුණට මුහුණ ගැටී තිබේ.

අද (18) පස්වරු 4.00ට පමණ මෙම අනතුර සිදුව ඇති අතර එම අනතුරින් පුද්ගලයින් 26 දෙදෙනකු තුවාල ලබා ඇති බවත් ඉන් දෙදෙනෙකුගේ තත්ත්වය බරපතළ බවත් වාර්තා වේ.

නුවර සිට අවිස්සාවේල්ල බලා ධාවන වූ පෞද්ගලික බස් රථයක් අධික වේගය සහ අපරික්ෂාකාරී ලෙස වෙනත් වාහනයකට ඉස්සර කිරීමට යාමත් සමග මෙම අනතුර සිදුව ඇතැයි පොලීසිය පවසයි.

තුවාලකරුවන් කෑගල්ල මහරෝහලයට සහ තොරනගහපිටිය ග්‍රාමීය රෝහලට ඇතුළත් කළ බවයි පිංදෙණිය පොලීසිය ප්‍රකාශ කර සිටී.

අනතුරට පත් එක් බස් රථයක රියදුරෙකු බරපතළ තත්ත්වයේ ප්‍රතිකාර ලබන අතර අනෙක් රෝගියා කාන්තාවක් බවයි වාර්තා වේ.

Continue Reading

පුවත්

“මුලින්ම තියන්නේ ජනාධිපතිවරණය නෙමෙයි”

Published

on

By

ස්ථීරයෙන්ම එන්නේ ජනාධිපතිවරණය නොව මහ මැතිවරණය බවත් ලබන 14 හෝ 15 පාර්ලිමේන්තුව අනිවාර්යයෙන්ම විසුරුවන බවත් රුසියාවේ හිටපු ශ්‍රී ලංකා තානාපති උදයංග වීරතුංග මහතා පවසයි.

පෞද්ගලික රූපවාහිනී නාලිකාවක් සමඟ පැවති සාකච්ඡාවකට එක් වෙමින් උදයංග වීරතුංග මහතා මේ බව සඳහන් කලේය.

මේ සම්බන්ධයෙන් ජනාධිපතිවරයා සමග එකඟත්වයට පැමිණ අවසන් බවද ජනාධිපතිවරණයට පෙර මහ මැතිවරණය පැවැත්වීමට ඇති කරගෙන ඇති එකඟතාව පිළිබඳව දන්නේ  ශ්‍රී ලංකා පොදු ජන පෙරමුණේ එක් අයකු පමණක් බවද ඔහු මෙහිදී පවසා ඇත.

“ අගමැති අපේක්ෂකයෙක් නම් කරන්න බලාපොරොත්තුවක් නැහැ. ධම්මික පෙරේරා ඉතා ප්‍රබල අපේක්ෂකයෙක් විදියට ඉදිරිපත් වෙනවා. ඒ තීරණය තියෙන්නේ පොහොට්ටුවේ එක ඔලුවක විතරයි. පාර්ලිමේන්තු මැතිවරණයක් එනවා. පාර්ලිමේන්තුවේ බහුතරය ඒකට විරුද්ධයි. අනුර කුමාරත් විරුද්ධයි. ජාතික ජන බලවේගයට රැල්ලක් ඇවිල්ලා තියෙන්නේ සමාජ මාධ්‍යයෙන් පමණයි. ශ්‍රී ලංකා පොදු ජන පෙරමුණේ අපේක්ශකයා රනිල් වික්‍රමසිංහ නෙමෙයි. ඒක දැන් තීරණය කරල ඉවරයි.”

Continue Reading

පුවත්

ඇල්ල – වැල්ලවාය මාර්ගය යළිත් වැසෙයි

Published

on

By

ඇල්ල – වැල්ලවාය ප්‍රධාන මාර්ගය අද (18) රාත්‍රී 8 සිට හෙට (19) උදෑසන 6 දක්වා ගමනාගමනය සඳහා වසා තැබීමට යළිත් තීරණය කර තිබේ.

අයහපත් කාලගුණික තත්ත්වය හේතුවෙන් එම තීරණය ගත් බව දිස්ත්‍රික් ලේකම්වරයා පවසයි.

Continue Reading

Trending

Copyright © 2023 Sri Lanka Mirror. All Rights Reserved