Connect with us

පුවත්

නව විද්‍යුත් විකාශන පනත් කෙටුම්පත ළඟදීම මාධ්‍ය ආයතනවලට

Published

on

විද්‍යුත් විකාශන අධිකාරිය පිළිබඳ පනත් කෙටුම්පත ඉදිරි සති කිහිපයේ දී මාධ්‍ය ආයතනවලට සහ මැති ඇමැතිවරුන්ට අධ්‍යයනය කිරීමට ලබා දෙන බව අධිකරණ, බන්ධනාගාර කටයුතු සහ ආණ්ඩුක්‍රම ව්‍යවස්ථා ප්‍රතිසංස්කරණ ඇමැති ආචාර්ය විජයදාස රාජපක්ෂ පාර්ලිමේන්තුවේ දී ඊයේ (27) පැවසීය.

ඇමැතිවරයා මේ බව සඳහන් කළේ සමගි ජන බලවේගයේ ගාල්ල දිස්ත්‍රික් මන්ත්‍රි ගයන්ත කරුණාතිලක විසින් ජනමාධ්‍ය ඇමැති බන්දුල ගුණවර්ධනගෙන් අසා තිබූ ප්‍රශ්නයක් හා සම්බන්ධ වෙමිනි.

ප්‍රශ්නයට පිළිතුරු දුන් ජනමාධ්‍ය ඇමැතිවරයා

ලියාපදිංචි කළ රූපවාහිනි නාළිකා ගණන 25 ක්. ලියාපදිංචි කළ ගුවන් විදුලි නාළිකා 51 ක් තිබෙනවා. ගුවන් විදුලි හා රූපවාහිනී නාළිකා 76 ක් තිබෙනවා. රූපවාහිනි හා ගුවන් විදුලි ජාතික නාළිකා කොන්දේසි අතර විශාල විෂමතාවයක් තිබෙනවා. එක් එක් ගුවන් විදුලි හා රූපවාහිනි නාළිකාවලට බලපත්‍ර ලබාදීමේ බරපතළ විෂමතාවක් තිබෙනවා. කිසිම විධිමත් බවක් , ක්‍රමවත් බවක් නොමැතිව බලපත්‍ර ලබාදුන් ඒවා තිබෙනවා. මේවා කිසිවකට අපි කව්රුත් වග උත්තර කරුවන් නෙවෙයි. ඒ ඒ මොහොතේ ඇති වූ තත්ත්වයන් අනුව තමයි සිදුවී තිබෙන්නේ.

මම අමාත්‍යවරයා ලෙස විනිවිද භාවයක් හා ඉහළ මාධ්‍ය සංස්කෘතියක් ඇතිකිරීම වෙනුවෙන් බලපත්‍ර නිකුත් කිරීම සඳහා කැබිනට් මණ්ඩලයෙන් විශේෂ අවසරයක් ඉල්ලා සිටියා. කැබිනට් මණ්ඩලයෙන් ඒ සඳහා විශේෂ අනුකාරක සභාවක් පත් කළා. ඒ අනු කාරක සභාවේ සභාපතිත්වය දරන්නේ අමාත්‍ය ආචාර්ය විජයදාස රාජපක්ෂ මහතා. විද්‍යුත් විකාශන අධිකාරිය පිළිබඳ පනත් කෙටුම්පතෙහි වැඩකටයුතු විශාල ප්‍රමාණයක් මේ වනවිට අවසන්. ඒ මඟින් ඒකමතික බවක් ඇතිවන ලෙස විනිවිද පෙනෙන අයුරින් ගුවන් විදුලි හා රූපවාහිනී සඳහා බලපත්‍ර ලබාදීමේ ක්‍රියාවලිය විධිමත් හා ක්‍රමවත් කිරීමට අවශ්‍ය නෛතික පසුබිම සකස් කිරීමේ වගකීම දැනට ඉටුකරගෙන යනවා.

පසුගිය කාලයේදී අධ්‍යාපන නාළිකාවක් ආරම්භ කිරීමේ හැකියාව තිබෙනවද කියලා අපි විමසීමක් සිදුකළා. අධ්‍යාපන ඇමැති තුමාත් මමත් ඒ වෙනුවෙන් උත්සාහ කළා. නමුත් අපි ලබා දී තිබෙන සංකේත යටතේ අධ්‍යාපනයට භාවිත කළාම ජාතික රූපවාහිනිය හා ස්වාධින රූපවාහිනිය යන රාජ්‍ය මාධ්‍ය නාළිකාවලට බාධාවන් ඇති වුණා. ඉන් පසුව අපි දෙන්නම එකතු වෙලා අධ්‍යාපනය සඳහා වෙනමම නාළිකාවක් පවත්වාගෙන යාමට නොහැකි බව කැබිනට් මණ්ඩලයට දැනුම් දුන්නා. ඒ අනුව එය අවලංගු කළා.

ඇමැති ආචාර්ය විජයදාස රාජපක්ෂ

අමාත්‍ය මණ්ඩලය විසින් පත් කරන ලද එම අනු කමිටුවේ මමත් තවත් මන්ත්‍රිවරු පස් දෙනකුත් කටයුතු කරනවා.මේ වෙනකොට අපි එහි කටයුතු කරමින් සිටිනවා. අධ්‍යයන කටයුතුත් අවසන් සාකච්ඡාත් බොහෝ දුරට සිදුකර අවසන්. එම නව විද්‍යුත් මාධ්‍ය විකාශන අධිකාරී පනත් කෙටුම්පත තව සතියක් දෙකක් යන‌කොට මේ රටේ මාධ්‍ය ආයතන වලට හා‌ පාර්ලිමේන්තු මැති ඇමැතිවරුන්ට හා මේ වෙනුවෙන් උනන්දුව දක්වන ඕනෑම කෙනෙකුට මේ පිළිබඳව අධ්‍යයනය කරන්නට අවස්ථාව දෙනවා. ඊට පස්සෙ තමයි අපි එය පාර්ලිමේන්තුවට ගේන්නෙ.

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved