Connect with us

පුවත්

නිරිඇල්ල, ආණ්ඩුවේ සායම ජනපති ඉස්සරහම යවයි

Published

on

රාජ්‍ය නාට්‍ය උපදේශක මණ්ඩලයේ සභාපති ධුරයෙන් සහ සාමාජිකත්වයෙන් ඉවත් වන බව ප්‍රවීණ නාට්‍යවේදී පරාක්‍රම නිරිඇල්ල මහතා ජනාධිපති රනිල් වික්‍රමසිංහ මහතාගේ ප්‍රධානත්වයෙන් පෙරේදා (19) පැවති රාජ්‍ය නාට්‍ය ස්වර්ණ ජයන්ති සම්මාන උළෙලේදී ප්‍රසිද්ධියේම ප්‍රකාශ කළේය.

මෙලෙස ඉල්ලා අස්වීමට හේතු වී ඇත්තේ නාට්‍ය කීර්ති සම්මානය පිරිනැමීම සඳහා නාට්‍ය උපදේශක මණ්ඩලය විසින් නිර්දේශ කරන ලද නීතිඥ ඩග්ලස් සිරිවර්ධන මහතාගේ නම ඉන් ඉවත් කිරීමට සංස්කෘතික කටයුතු අධ්‍යක්ෂිකා හසන්ති ගුණවර්ධන කටයුතු කිරීමය. 

එම නම කපා හැර ඇත්තේ උපදේශක සභාව ද කිසිදු දැනුවත් කිරීමකින් තොරව ය.

සභාපතිවරයාගේ ඉවත් වීමත් සමග උපදේශක මණ්ඩලයේ සෙසු සාමාජිකයෝ ද ඉන් ඉවත් වෙමින් සිටිති.

සාමාජිකත්වයෙන් ඉවත් වන බව එහි සාමාජික පූජිත ද මෙල් සංස්කෘතික කටයුතු අධ්‍යක්ෂිකාවට ලිඛිතව දැනුම් දී තිබේ.

මහරගම තරුණ සේවා සභාවේ දී ජනාධිපතිවරයාගේ ප්‍රධානත්වයෙන් පැවැති උළෙලේදී පරාක්‍රම නිරිඇල්ලයන් මෙලෙස කීවේය.

‘‘කලාවට අතහිත දීමේ සහ සත්කාර කිරීමේ ප්‍රතිපත්තියක් රජයට නොමැති වීමේ ඛේදනීය තත්ත්වය නිසා කලාකරුවන් පීඩනයට පත් වෙනවා. උපදේශක මණ්ඩලය කටයුතු කරන්නේ ප්‍රජාතන්ත්‍රීය අවකාශයක් තුළයි. සම්මානිත මහාචාර්ය සුනන්ද මහේන්ද්‍ර මැතිතුමන්ටත් නාට්‍යෙව්දී කලයි චෙල්වම් මැතිතුමන්ටත් නීතිඥ ඩග්ලස් සිරිවර්ධන මැතිතුමන්ටත් ජීවිතයේ එක් වරක් ලැබෙන සම්මානය ඔවුන් නාට්‍ය කලාවේ උන්නතියට කළ මෙහෙය අගයා පිරිනැමිය යුතු යැයි රාජ්‍ය නාට්‍ය උපදේශක මණ්ඩලය යෝජනා කළා. අපේ යෝජනාව අනුව සංස්කෘතික කටයුතු දෙපාර්තමේන්තුවේ අධ්‍යක්ෂිකාවගේ අත්සනින් මේ තිදෙනාට ම නොවැම්බර් එකොළොස් වැනිදාතමින් ආරාධනා ලිපි යවා තිබෙනවා. ඉන් පසු නැවතත් එම අධ්‍යක්ෂිකාවගේ අත්සනින් යුතුව නීතිඥ ඩග්ලස් සිරිවර්ධන මහතාට ලබන වසරේ සම්මානය දෙන බවට දන්වා යවා තිබෙනවා. කවුද මෙවැනි ප්‍රතිපත්තියක් හදිසියේම හැදුවේ. මේ සම්බන්ධයෙන් රාජ්‍ය නාට්‍ය උපදේශක සභාව දැනුවත් කළා ද?. මේ ගැන දෙපාර්තමේන්තුවෙන් කළ විමසුමේ දී දැනගැනීමට ලැබුණේ ඇමැතිවරයාගෙන් ලැබුණු නියෝගයක් අනුව මේ වෙනස සිදු කළ බව යි . මෙවැනි සිද්ධියක් මේ රටේ නෙමෙයි මේ ලෝකෙ කොහෙවත් සිදු වී තිබෙන බවක් මම අහලා නැහැ. මේක නාට්‍ය කලාවට මෙහෙවරක් කළ නාට්‍යකරුවකුට කළ අගරුවක්. එය රාජ්‍ය නාට්‍ය උළෙලේ පනස් වැනි සංවත්සරයට සිදු කළ මකා දැමිය නොහැකි කිළුටක්. ඇමැතිතුමාටත් අධ්‍යක්ෂවරියටත් අවශ්‍ය ආකාරයට උපදේශක මණ්ඩලයේ නිර්දේශ සහ තීරණ අත්තනෝමතික ලෙස වෙනස් කළ හැකි නම් මම සහ අපි මේ උපදේශක මණ්ඩලයේ සිටීමේ තේරුමක් නැහැ. මේ නිසා රාජ්‍ය නාට්‍ය උපදේශක මණ්ඩලයෙන් සහ සාමාජිකත්වයෙන් ඉවත් වෙනවා. ‘‘

පුවත්

මෙරට ප්‍රංශ තානාපති අභාවප්‍රාප්ත වෙයි

Published

on

By

ශ්‍රී ලංකාවේ ප්‍රංශ තානාපතිවරයා රාජගිරිය ප්‍රදේශයේ පිහිටි සිය නිල නිවස තුළදී මියගොස් ඇති බව පොලීසිය පවසයි.

Jean Francois Pactet මහතා මියයන විට 53 හැවිරිදි වියේ පසුවිය.

දේහය සම්බන්ධයෙන් ස්ථානීය මහෙස්ත්‍රාත් පරීක්ෂණය සිදුකිරීමට නියමිතව ඇත.

Continue Reading

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading

පුවත්

“රාජපක්ෂලා එක්ක ඩීල් නොදැම්මේ සජබ විතරයි”

Published

on

By

රට විනාශ කළ රාජපක්ෂවරුන් සමග ඩිල් නොදැමූ එකම පක්ෂය සමගි ජන බලවේගය පමණක් බව විපක්ෂ නායක සජිත් ප්‍රේමදාස පවසයි.

ඔහු මෙම අදහස් පල කළේ, සජිත් ජනපති කරන, ජන බලය ගොඩ නගන ජන පවුර යන මැයෙන් සමගි ජන බලවේගය සංවිධාන කළ ජන රැළියට පොළොන්නරුව – කදුරුවෙළ නගරයේදී ඊයේ (25) එක්වෙමිනි.

ශ්‍රී ලංකා නිදහස් පක්ෂයේ හිටපු නියෝජ්‍ය අමාත්‍යවරයෙකු වූ නන්දසේන හේරත්, ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රී තිලක් මහලේකම් සහ ජනතා විමුක්ති පෙරමුණේ පොළොන්නරුව මහ නගර සභාවේ හිටපු නාගරික මන්ත්‍රී සමන්ත බණ්ඩාර විපක්ෂ නායක සජිත්ප්‍රේමදාසට සහය පළ කරමින් මෙහිදී සමගි ජන බලවේගය සමග එක්විය.

පාර්ලිමේන්තු මන්ත්‍රීවරුන් ඇතුලු සමගි ජන බල වේගය නියෝජනය කරන විශාල පිරිසක් මෙම රැලිය සඳහා එක්ව සිටියහ.

Continue Reading
Advertisement

Trending

Copyright © 2023 Sri Lanka Mirror. All Rights Reserved