Connect with us

පුවත්

නිල ණය හිමි­යන්ගේ ගිවි­සු­ම්ව­ලට අමෙරිකා, චීන, ජපන් තානා­ප­ති­වරු සුබ පතති

Published

on

ද්විපා­ර්ශ්වික ණය හිමි­යන්ගේ නිල කමි­ටුව සමඟ අමෙ­රි­කානු ඩොලර් බිලි­යන 5.8ක ණය ප්‍රති­ව්‍යු­හ­ග­ත­ක­රණ අව­සන් එක­ඟ­තා­වට පැමි­ණී­මට සහ ණය ප්‍රති­ව්‍යු­හ­ගත කිරීම සම්බ­න්ධ­යෙන් චීන අප­න­යන ආන­යන බැංකුව සම­ඟත් ගිවි­සු­ම­කට එළැ­ඹී­මට ශ්‍රී ලංකා­වට හැකි වීම පිළි­බඳ විදෙස් තානා­ප­ති­වරු රැසක් ශ්‍රී ලංකා­වට සුබ පැතුම් එක් කර තිබේ.

චීන අප­න­යන ආන­යන බැංකුව සමඟ සහ­න­දායී ණය ගිවි­සු­මට අත්සන් තැබූ චීනයේ ශ්‍රී ලංකා තානා­පති Qi Zhenhong මහතා එය ශ්‍රී ලංකා­වට වැද­ගත් සහ­න­දායී ණය ගිවි­සු­මක් බවත් ශ්‍රී ලංකාවේ ණය ප්‍රති­ව්‍යු­හ­ග­ත­ක­ර­ණ­යට විශාල දාය­ක­ත්ව­යක් බවත් සඳ­හන් කර­මින් එක්ස් සමාජ මාධ්‍ය ජාලයේ සට­හ­නක් තබා ඇති අතර, ශ්‍රී ලාංකික ජන­තා­වට සුබ පැතුම් එක් කිරී­මට ද අම­තක නොක­ළේය.

මේ අතර පැරිස් සමා­ජ­යට සම­ගා­මීව ශ්‍රී ලංකාව සහ ණය හිමි රට­වල් අතර ණය ප්‍රති­ව්‍යු­හ­ගත කිරීම පිළි­බඳ අව­සන් ගිවි­සු­ම­කට එළැ­ඹීම අමෙ­රි­කාව සාද­ර­යෙන් පිළි ගන්නා බවත් මෙය ශ්‍රී ලංකාවේ ආර්ථික ප්‍රකෘ­තියේ ධනා­ත්මක ඉදිරි පිය­ව­රක් බවත් එක්ස් සමාජ මාධ්‍ය ජාලයේ සට­හ­නක් තබ­මින් අමෙ­රි­කානු තානා­පති ජූලි චැංග් මහ­ත්මිය ප්‍රකාශ කර තිබේ.

එමෙන්ම එය ශ්‍රී ලංකාව කෙරෙහි වැඩි විශ්වා­ස­යක් ගොඩ­නඟා ගැනී­මට ද ඉව­හල් වන බව සඳ­හන් කරන අමෙ­රි­කානු තානා­ප­ති­ව­රිය දිගු­කා­ලීන සෞභාග්‍ය සහ වර්ධ­නය කරන විනි­වි­ද­භා­ව­ය­කින් යුතු තිර­සර වෙන­ස්කම් අනු­ග­ම­නය කර­මින් ප්‍රති­සං­ස්ක­රණ ක්‍රියා­ව­ලිය ඉදි­රි­යට ගෙන යෑමට අමෙ­රි­කාව විසින් ශ්‍රී ලංකා­වට දිරි­ගැ­න්වී­මක් කරනු ලබන බවත් ඇය සඳ­හන් කර ඇත.

මේ පිළි­බඳ ශ්‍රී ලංකා­වට සුබ පැතුම් එක් කර­මින් ජපාන තානා­පති කට්සුකි කොටාරෝ ද ප්‍රකාශ කර ඇත්තේ ප්‍රංශය, ඉන්දි­යාව සහ ජපා­නය සහ සභා­ප­ති­ත්වය දරන ණය හිමි­යන්ගේ නිල කමි­ටුව ශ්‍රී ලංකාව සමඟ ණය ප්‍රති­ව්‍යු­හ­ගත කිරීමේ අව­බෝ­ධතා ගිවි­සු­ම­කට අත්සන් තැබූ බවත් එය ශ්‍රී ලංකා­වට ආර්ථික වශ­යෙන් ඉදි­රි­යට යෑමට ලැබුණු කදිම අව­ස්ථා­වක් බවත්ය.

පුවත්

ආණ්ඩුක්‍රම ව්‍යවස්ථාව සංශෝධනයට කැබිනට් අනුමැතිය

Published

on

By

ආණ්ඩුක්‍රම ව්‍යවස්ථාව සංශෝධනය කිරීමේ පනත් කෙටුම්පත ගැසට් පත්‍රයේ පළ කිරීමට සහ පාර්ලිමේන්තුවට ඉදිරිපත් අමාත්‍ය මණ්ඩලයේ අනුමැතිය හිමි වී තිබේ.

කැබිනට් තීරණ දැනුම්දීමේ මාධ්‍ය හමුවට එක්වෙමින්, අමාත්‍ය බන්දුල ගුණවර්ධන මහතා මේ බව සඳහන් කලේය.

ශ්‍රී ලංකා ප්‍රජාතාන්ත්‍රික සමාජවාදී ජනරජයේ ආණ්ඩුක්‍රම ව්‍යවස්ථාවේ 83 ව්‍යවස්ථාවේ (ආ) ඡේදයෙහි සඳහන් ” සාවුරුද්දක් ඉක්මවා” යන වචන වෙනුවට “වසර පහක් ඉක්මවා” යන වචන ආදේශ කරමින් 83 ව්‍යවස්ථාවේ (ආ) ඡේදය සංශෝධනය කිරීම පිණිස 2024-07-09 දින පැවති අමාත්‍ය මණ්ඩල රැස්වීමේදී ප්‍රතිපත්ති අනුමැතිය ලබා දී ඇති බව සඳහන්ය.

ඒ අනුව නීති කෙටුම්පත් සම්පාදක විසින් සකස් කරනු ලැබ ඇති කෙටුම්පත සඳහා නීතිපතිගේ අවසරය ලැබී තිබේ.

Continue Reading

පුවත්

ආහාර කිහිපයක මිල පහළට

Published

on

By

ආපනශාලා ආහාර මිල පහළ දැමීමට තීරණය කළ බව සමස්ත ලංකා ආපනශාලා හිමියන්ගේ සංගමය පවසයි.

විදුලි ගාස්තු පහළ දැමීම හේතුවෙන් ඔවුන් මේ තීරණය ගෙන තිබේ.

ඒ අනුව ෆ්‍රයිඩ් රයිස්, කොත්තු සහ බත් මිල රුපියල් 25කින් අඩු කර තිබෙන බවයි වාර්තා වේ.

පරාටා, බිත්තර රොටි ඇතුළු කෙටි ආහාර රුපියල් 10කින් අඩු කර තිබේ.

Continue Reading

පුවත්

කොටුව දුම්රියපොළ ඉදිරිපිට මළ සිරුරක්

Published

on

By

කොටුව දුම්රිය ස්ථානය ඉදිරිපිට මාර්ගය අසල රැඳී සිටි පුද්ගලයෙකු මියගොස් තිබේ.

ඒ, සම්බන්ධයෙන් ඊයේ (15) රාත්‍රී කාලයේ කොටුව පොලීසියට ලද තොරතුරක් මත විමර්ශන ආරම්භ කර ඇති බව සඳහන්ය.

මරණකරුගේ අනන්‍යතාවය මෙතෙක් තහවුරු වී නැති අතර මරණකරු අත්කොට කමිසයක් සහ රතු පැහැති සරමක් හැඳ සිටින අතර ඔහුට වයස අවුරුදු 60ත් 65ක් පමණ විය හැකි බවයි පොලීසිය පවසයි.

එම පුද්ගලයා උස අඩි 05යි අඟල් 04ක් වන තළෙළු, කෙට්ටු සිරුරකින් යුත් පිරිමි පුද්ගලයෙකි.

සිද්ධිය සම්බන්ධයෙන් කොටුව පොලීසිය විසින් වැඩිදුර විමර්ශන ක්‍රියාත්මකය.

Continue Reading

Trending

Copyright © 2023 Sri Lanka Mirror. All Rights Reserved